Morgunblaðið - 10.01.1995, Blaðsíða 28
28 ÞRIÐJUDAGUR 10. JANÚAR 1995
MORGUNBLAÐIÐ
MORGUNBLAÐIÐ
ÞRIÐJUDAGUR 10. JANÚAR 1995 29
IIIWQmiÞlafrtfe
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Haraldur Sveinsson.
RITSTJÓRAR: Matthías Johannessen,
Styrmir Gunnarsson.
ASTANDIÐ
í H AFN ARFIRÐI
UNDANFÖRNUM mánuðum hafa hvað eftir annað vaknað
alvarlegar spurningar um embættisfærslur á bæjarskrifstof-
um Hafnarfjarðar í valdatíð Alþýðuflokksins á síðasta kjör-
tímabili. Þær athugasemdir hafa m.a. beinzt að fjármálum
Listahátíðar Hafnarfjarðar og nú síðustu daga að viðskiptum
Hafnarfjarðarbæjar og Hagvirkis-Kletts hf.
í skýrslu, sem Löggiltir endurskoðendur hf. hafa tekið
saman fyrir bæjaryfirvöld um þessi viðskipti koma fram
athugasemdir, sem m.a. beinast að því, að endurskoðendur
telja, að 89. grein sveitarstjórnarlaga hafi verið brotin með
veitingu ábyrgða til fyrirtækisins.
Þær upplýsingar, sem fram komu um samskipti Hafnar-
fjarðarbæjar og Listahátíðar Hafnarfjarðar hf. sl. haust og
nú um viðskipti bæjarfélagsins og Hagvirkis-Kletts hf. valda
því, að draga má í efa að starfshættir og embættisfærslur
í æðstu stjórn bæjarfélagsins hafi á umræddu tímabili upp-
fyllt þær kröfur, sem bæjarbúar hljóta að gera til kjörinna
fulltrúa sinna, sem sitja í bæjarstjórninni.
Það er brýnt, að öllum efasemdum sé eytt sem fyrst, að
bæjarbúum verði gerð ítarleg grein fyrir því, hvernig fjár-
munum þeirra hefur verið ráðstafað og að vinnulag bæjaryf-
irvalda sé nú með viðunandi hætti. Þess vegna verða forráða-
menn Hafnarfjarðarbæjar að beita sér fyrir því, að niður-
staða fáist í þessi álitamál sem fyrst. Það verður að liggja
ljóst fyrir, hvort um brot á lögum um sveitarstjórnir er að
ræða. Það verður einnig að liggja ljóst fyrir, hvað skattgreið-
endur í bænum hafa tapað miklum fjármunum á viðskiptum
bæjarfélagsins við einstök verktakafyrirtæki og önnur fyrir-
tæki, ef um slíkt er að ræða. Það dugar ekki að fela endur-
skoðendum að taka saman skýrslur. Það verður að fást niður-
staða í málin, svo að bæjarbúar geti á ný treyst því að vel
sé farið með fjármuni þeirra á bæjarskrifstofum.
í gærkvöldi benti ýmislegt til þess, að einn af bæjarfulltrú-
um Sjálfstæðisflokksins, Jóhann G. Bergþórsson, hygðist
hætta þátttöku í núverandi meirihlutasamstarfi í Hafnarfirði
og mynda nýjan meirihluta með Alþýðuflokknum. Bæjarfull-
trúinn er fyrrum forstjóri þess verktakafyrirtækis, sem Lögg-
iltir endurskoðendur hf. fjalla um í skýrslu sinni. Ef þessir
aðilar tækju nú upp samstarf er varla við því að búast, að
ofangreind málefni fengju sannfærandi afgreiðslu. Það má
ekki gerast að sá grunur læðist að nokkrum manni, að nýr
meirihluti sé myndaður til að koma í veg fyrir rannsókn á
óþægilegum málum. Slíkt væri engum til góðs.
VERÐUR KOSNINGUM
TIL ALÞINGIS FLÝTT?
ÞAÐ VÆRU algjör stefnubrigð núverandi stjórnarflokka
að ganga til samninga sem við vissum að myndu ekki
færa launþegum neinar raunverulegar kjarabætur, heldur
þýða að við værum að kollvarpa grundvelli fyrir áframhald-
andi stöðugleika og þar með hagvexti og framförum í þessu
þjóðfélagi. Þetta eru orð Jóns Baldvins Hannibalssonar, for-
manns Alþýðuflokksins, í viðtali við Morgunblaðið sl. sunnu-
dag.
Niðurstaða hans er: „Ef ástandið verður þannig að það
verði hér allt logandi í verkföllum til stuðnings slíkum kröf-
um [um 25% kauphækkun] þá er einsýnt að það bæri frem-
ur að efna til kosninga þannig að það verði kosið um þessar
leiðir.“
Það kann að vera of snemmt að taka ákvörðun um það
nú að flýta kosningum. Viðræður Alþýðusambandsins og
Vinnuveitendasambandsins eru á byjjunarstigi, en í þeim
verða væntanlega lagðar meginlínur launaþróunar í landinu
næstu misserin.
A hinn 'bóginn hefur þegar verið boðað til atkvæða-
greiðslu á vegum fjölmennra stéttarfélaga innan ríkisgeirans
um verkfall til stuðnings við allt að 25% kauphækkun.
Á landsvísu hlyti launastökk af þeirri stærðargráðu að
höggva að grunni áframhalda'ndi stöðugleika verðlags og
vaxta og tefla samkeppnisstöðu íslenskra atvinnuvega í tví-
sýnu.
Allir eru sammála um að einhver kauphækkun verði, en
þó þannig að hún brenni ekki upp í nýrri verðbólgu heldur
sé kaupmáttur launa varinn af raunsæi, en ekki með blekk-
ingum.
Það gengi með öðrum orðum þvert á baráttuna fyrir hag-
vexti og tilurð nýrra starfa í þjóðfélaginu. Þróist málin á
hinn versta veg eiga stjórnarflokkarnir alls ekki að útiloka
þann kost að flýta kosningum.
MALEFNI HAFNARFJARÐARBÆJAR
Jóhann G. Bergþórsson
ræðir við Alþýðuflokk
Bæjarfulltrúi Sjálfstæðisflokksins í Hafnarfirði ræð-
ir nú við Alþýðuflokkinn um myndun nýs meiri-
hluta. Jóhann G. Bergþórsson hafnar nú bæjarverk-
fræðingsembættinu, sem flokksbræður hans segja
hafa valdið ágreiningi í upphafi.
Morgunblaðið/Ámi Sæberg
HAFNARFJARÐARKRATAR ráða ráðum sínum í Alþýðuhúsinu í gær. Frá vinstri: Guðmundur Árni Stefánsson,
fyrrverandi bæjarstjóri, og bæjarfulltrúarnir Ingvar Viktorsson og Árni Hjörleifsson.
Viðræðum haldið
áfram við Jóhann
FLEST bendir tii þess að meiri-
hluti Sjálfstæðisflokks og
Alþýðuflokks í Hafnarfirði
sé fallinn þar sem Jóhann
G. Bergþórsson bæjarfulltrúi Sjálf-
stæðisflokks styður ekki lengur meiri-
hlutann og á nú í viðræðum við Al-
þýðuflokk um myndun nýs meirihluta.
Hann segist ekki lengur sækjast eftir
embætti bæjarverkfræðings en
ágreiningur um það embætti olli með-
al annars trúnaðarbresti milli Jóhanns
og annarra bæjarfulltrúa sjálfstæðis-
manna.
Jóhann átti fundi með bæjarfulltrú-
um Alþýðuflokksins á sunnudagskvöld
og síðdegis í gærkvöldi. Eftir þann
fund sagði hann að meirihlutamyndun
væri mjög skammt á veg komin. „Það
þarf mikið að ræða saman áfram ef
niðurstaða á að nást,“ sagði Jóhann.
Hann sagði fyrr um daginn að sam-
komulag væri um að framkvæma það,
sem í meginatriðum væri eftir stefnu-
skrá Sjálfstæðisflokksins. „Það á að
fylgja því eftir að skera niður rekstrar-
útgjöld í stað þess að halda þeim
óbreyttum eða auka þau eins og í
núverandi fjárhagsáætlun. Einnig er
gert ráð fyrir að standa við samn-
inga, sem gerðir hafa verið við félög
og aðila úti í bæ. Þar á ég til dæmis
við skátafélagið Hraunbúa. Við það
var búið að gera skriflegan samning,
sem ekki er staðið við í núverandi fjár-
hagsáætlun, um byggingu skátaheim-
ilis,“ sagði Jóhann.
Hann sagði að alltént yrði mynd-
aður nýr meirihluti í bæjarstjóm
Hafnarfjarðar, „hvort sem það verður
meirihluti minn og Alþýðuflokksins,
Alþýðubandalags og Alþýðuflokks eða
núverandi sjálfstæðismanna og Al-
þýðuflokks, það veit ég ekkert ura."
Jóhann sagðist þó telja líklegra en
ekki að hann myndaði meirihluta með
Alþýðuflokknum.
Aðspurður hvaða skiiyrði hann
hefði sett fram í viðræðunum, sagðist
Jóhann vilja að þau mál fengju braut-
argengi, sem sjálfstæðismenn settu á
oddinn, og að fylgt yrði eftir þeim
kröfum, sem Sjálfstæðisflokkurinn
hefði sett fram í viðræðum við Alþýðu-
bandalagið á sínum tíma.
Bæjarverkfræðingsstaðan
Jóhann sagðist ekki lengur sækjast
eftir bæjarverkfræðingsembættinu í
Hafnarfirði, þrátt fyrir að hafa áður
í samtölum við fjölmiðla haldið því
fram að hann væri hæfur til að gegna
því. „Þegar endurskipulagningu á
starfínu er lokið verður staðan bara
auglýst og reynt að ráða í hana hæf-
an mann. En það verður ekki ég,“
sagði hann.
Aðspurður um ástæðuna sagði Jó-
hann: „I samkomulagi núverandi
meirihluta er kveðið á um að ég hafi
kost á að fara í þetta ef ég óski eft-
ir, að lokinni endurskoðun. Það var
ekki að mínu frumkvæði. Ég er nú
tímabundið atvinnulaus, þannig að ég
óskaði eftir því. Því var hafnað að
standa við þetta samkomulag, og það
var í prinsippinu þess vegna sem ég
sagði nei. Eg hef aldrei hugsað mér
að vera einhver embættismaður ti!
langframa."
Gangi Jóhann til samstarfs við Al-
þýðuflokkinn verður hann að hafa
varamann, svo að nýr meirihluti verði
starfhæfur. Þann varamann má hann
velja af lista Sjálfstæðisflokksins. Jó-
hann sagði að ekki væri búið að ganga
frá því að neinn af D-lista myndi fylgja
honum. „En það eru allar líkur á að
það geti orðið ef til þess kemur,“
Tók þátt í gerð
fjárhagsáætlunar
Magnús Gunnarsson oddviti sjálf-
stæðismanna í bæjarstjórn Hafnar-
fjarðar segir það koma á óvart að
Jóhann G. Bergþórsson sé andvígur
þeirri fjárhagsáætlun sem hefur verið
í undirbúningi. Jóhann hafi tekið þátt
í gerð tekjuhliðar fjárhagsáætlunar-
innar, sem var samþykkt í byijun
desember.
„Hann tilkynnti mér síðan, eftir að
hafa gert um það kröfu að fá staðfest-
ingu á að hann yrði bæjarverkfræð-
ingur, að hann myndi ekki taka þátt
í meirihlutasamstarfi, þar á meðal
vinnu að fjárhagsáætlun, fyrr en þessi
mál hans varðandi bæjarverkfræðing-
inn yrðu ljós. Hann hefur aldrei gert
ágreining við okkur um fjárhagsáætl-
unina,“ sagði Magnús.
Ágreiningur hefur verið milli Jó-
hanns og annarra bæjarfulltrúa Sjálf-
stæðisflokksins um hvort Jóhann gæti
gegnt embætti bæjarverkfræðings og
verið fulltrúi í bæjarstjóm og bæjar-
ráði á sama tíma.
„Við tókum þá ákvörðun að það
gengi ekki, og við styðjumst þar við
lögfræðiálit sem ég hef undir höndum.
Ég held að við í Sjálfstæðisflokknum
séum ekki tilbúnir til að selja sannfær-
ingu okkar fyrir áhrif og völd og erum
því tilbúnir að fara í minnihluta,“ sagði
Magnús.
Samið var um það við myndun
meirihluta Sjálfstæðisflokks og Al-
þýðubandalags í vor, að Jóhann fengi
embætti bæjarverkfræðings. Magnús
Gunnarsson sagði að það hefði alla
tíð verið skýrt í sínum huga, að Jó-
hann gæti ekki jafnframt verið bæjar-
fulltrúi og Jóhann hefði ekki haft til-
efni til að halda annað. „Það var ekk-
ert í þessu samkomulagi sem kveður
á um að hann skuli jafnframt vera
bæjarfulltrúi,“ sagði Magnús.
Ótal dæmi
Jóhann sagði að ef beita ætti lög-
fræðimati um að bæjarverkfræðingur
mætti ekki vera í bæjarstjórn, færi
að þrengja að bæjarstjórum, sem sætu
í bæjarstjórnum og greiddu atkvæði
um öll sín eigin mál. „Það eru ótal
dæmi um að bæjarverkfræðingar sitji
í bæjarstjórn. A síðasta kjörtímabili
var það í Höfn í Hornafirði, það hefur
verið í Kópavogi, á Akureyri og vítt
um landið. Bæjarritarar og aðrir
stjórnendur hafa setið í bæjarstjórn-
um. Hér hefur yfirmaður skólasviðs
bæjarins, Ellert Borgar Þorvaldsson,
setið í bæjarstjórn. Við höfum haft
skólastjóra, sem sækja allt, sem lýtur
að rekstri skólanna, til bæjarins þótt
þeir þiggi laun frá ríkinu og sitja samt
í bæjarstjóm athugasemdalaust. Ég
hugsa að ef Magnús Gunnarsson hefði
verið verkfræðingur og sótt um stöð-
una, hefðu engar athugasemdir verið
gerðar við það. Þetta virðist fyrst og
fremst vera spurning um persónur.
Það er það eina persónulega í þessu,“
sagði Jóhann.
Hótað með skýrslu
Aðspurður hvort afstaða hans réð-
ist að einhveiju leyti af tregðu sam-
flokksmanna hans að samþykkja að
hann yrði bæjarverkfræðingur, jafn-
framt því að sitja í bæjarstjórn, sagði
Jóhann: „Hin raunverulega saga máls-
ins er sú að í meirihlutaviðræðunum
lágu fyrir umsóknir um bæjarverk-
fræðingsembættið frá níu aðilum. Það
hafði ekki tekist að úthluta því starfi
á tíma fyrri meirihluta. Alþýðubanda-
lagsmenn vildu nota það sem söluvöru
í samningaviðræðum, en ég hafnaði
því alfarið. Þarna er verið að ráða
sérfræðing, en ekki verið að setja
kennara eða bókara í framkvæmda-
stjórastöðu, eins og varðandi ráðningu
í bæjarstjóraembætti. Þeir hefðu hvort
sem er ekki komið til greina í starflð.
Ég lagði megináherslu á að farið yrði
í endurskoðun á þessu starfi, rekstri
áhaldahúss og öðru, og síðan yrði
staðan auglýst. Að frumkvæði bæjar-
fulltrúa úr báðum
flokkum var settur inn
sá valkostur að ég
mætti, ef ég vildi, taka
starfíð, og það var
byggt á því að það
liggja fyrir auglýsingar
og umsóknir. Þar var
ég metinn hæfastur til
starfans af allra flokka
kvikindum, held ég.
Þegar á þetta reynir,
eins og annað, víkjast
menn undan. Það má
því segja að þetta sé
dropinn, sem fyllti
mælinn. Það sem olli
því að út úr flóði var
þegar átti að fara að
sýna mér einhveija
skýrslu, sem yrði birt
ef ég yrði ekki góður.“
Jóhann vísar þarna í
skýrslu sem Löggiltir
endurskoðendur hf.
unnu fyrir bæjaryflr-
völd Hafnarfjarðar um
viðskipti Hagvirkis-Klétts hf. sem var
í eigu Jóhanns, og Hafnarfjarðarbæ
á síðasta kjörtímabili. „Mér var sýnd
skýrsla og sagt að hún yrði birt ef
ég yrði ekki góður, þótt það væri
ekki nákvæmlega með þessum orðum.
Ég hef ekkert að fela í þessari skýrslu
og læt ekki kúga mig þannig,“ sagði
hann.
Magnús Gunnarsson vísaði þessu á
bug og sagði af og frá að reynt hafí
verið að hóta Jóhaanni með umræddri
skýrslu.
Jóhann sagði að skýrslan um við-
skipti bæjarsjóðs og Hagvirkis-Kletts
hefði engin áhrif á sig. „Þetta er ein-
hliða skýrsla, þar sem vantar alveg
sjónarmið fyrirtækisins, sem ég
reyndar stýri ekki lengur því að það
er gjaldþrota og í höndum skipta-
stjóra. Mér finnst það ekki bera vott
um trúnað að starfa svona,“ sagði
Jóhann.
Engin þversögn
Hann sagðist ekki telja neina þver-
sögn í því fólgna að ná fram stefnu-
miðum Sjálfstæðisflokksins með því
að ganga til samstarfs við alþýðu-
flokksmenn. „Þegar meirihlutavið-
ræðurnar voru í gangi, þar sem odd-
viti okkar afhenti Alþýðubandalaginu
bæjarstjórastólinn án þess að þörf
væri á því, var ljóst á fundi okkar
Magnúsar með fulltrúum Alþýðu-
flokksins að þeir gáfu okkur betri
skilyrði til að framfylgja okkar stefnu-
málum, fleira nefndafólk og hvaðeina.
Það var þara ekki vilji fyrir samstarfí
við þá af því að það var búið að gefa
einhver loforð fyrirfram."
Jóhann sagðist því telja sig eiga
heima í Sjálfstæðisflokknum. „Ég
held reyndar að það sé álit margra
sjálfstæðismanna hér í Hafnarfirði að
það sé ekki meiri sjálfstæðismaður í
bænum en ég. Það er alveg ljóst að
á þessum fundum sjálfstæðismanna,
sem mér hefur náðarsamlegast verið
boðið að koma á, hefur það sýnt sig
að ég hef ekki minna fylgi en hinir.“
Magnús Gunnarsson vísaði því á
bug að Sjálfstæðisflokkurinn hefði
ekki komið stefnumálum sínum á
framfæri í meirihlutasamstarfinu með
Alþýðubandalagi. „Við höfum for-
mann bæjarráðs og forseta bæjar-
stjórnar. Við erum með formennsku
og fleiri fulltrúa en Alþýðubandalagið
í öllum þungaviktarnefndum og ég sé
ekki að Jóhann vinni stefnumálum
Sjálfstæðisflokksins betur með því að
vera einn í samstarfi við Alþýðuflokk-
inn,“ sagði Magnús.
Tilgangslaust karp
Fundur fulltrúaráðs sjálfstæðisfé-
laganna í Hafnarfirði, sem haldinn var
á sunnudag, ræddi þá stöðu, sem upp
var komin, að Jóhann G. Bergþórsson
sagðist hættur stuðningi við núver-
andi meirihlutasamstarf. Á fundinum,
þar sem mættir voru 42 fulltrúar, lagði
Árni Sverrisson fram tillögu um
stuðning við Magnús Gunnarsson,
oddvita flokksins í bæjarstjóm. Ellert
Borgar Þorvaldsson bæjarfulltrúi
lagði fram breytingartillögu, sem var
samþykkt og er svohljóðandi:
„Fundarmenn lýsa yfir eindregnum
stuðningi við áframhaldandi meiri-
hlutasamstarf Sjálfstæðisflokksins og
Alþýðubandalags í bæjarstjórn Hafn-
arfjarðar og við þau áform meirihlut-
ans að koma reglu á fjármál og rekst-
ur Hafnarfjarðarbæjar.
Fundurinn skorar á bæjarfulltrúa
Sjálfstæðisflokksins að gera allt sem
í þeirra valdi stendur til þess að þetta
meirihlutastarf megi halda.“
Þórarinn Jón Magnússon, formaður
fulltrúaráðsins, sagði í samtali við
Morgunblaðið að fráleitt væri að túlka
ályktun fundarins sem stuðningsyfir-
lýsingu við Jóhann Bergþórsson eða
sem svo að ekki væri stuðningur við
oddvita listans. „Það segir þama bara
skýrt að við styðjum áframhaldandi
samstarf meirihlutans eins og hann
er skipaður í dag,“ sagði hann. „Það
er ekki hægt að túlka þetta öðruvísi."
Þórarinn Jón og formenn sjálfstæð-
isfélaganna fjögurra í Hafnarfírði
gengu að fundinum loknum á fund
Jóhanns G. Bergþórssonar og afhentu
honum ályktunina. „Við vildum að
fram kæmi að flokkurinn vildi halda
áfram sáttaviðræðum við hann. Að
lokum höfðum við velt upp okkar
mati á öllum möguleikum í stöðunni,
án þess að við hefðum þó umboð til
að semja við Jóhann,“ sagði Þórarinn.
„Það var sama hvað nefnt var, hann
lýsti því alltaf yfír að hann treysti sér
ekki til að setjast niður ineð öðrum
bæjarfulltrúum, af því að hann treysti
þeim ekki lengur. Hann blés af allt,
sem borið var á borð fyrir hann sem
hugsanlegar sáttaumleitanir. Eins og
hann tók til orða: „Frekara karp er
tilgangslaust.““
Bæjarmálaráð Sjálfstæðisflokksins
hittist í gær á fundi og var það að
sögn Þórarins hefðbundinn fundur til
undirbúnings bæjarstjórnarfundi, sem
boðaður er í dag.
FUNDUR aðal- og varabæjarfull-
trúa Alþýðuflokksins í Hafnar-
firði, sem haldinn var í gær, sam-
þykkti að halda áfram viðræðum
flokksins við Jóhann G. Berg-
þórsson, bæjarfulltrúa Sjálfstæð-
isflokksins, um myndun nýs
meirihluta í bæjarstjórn. Ingvar
Viktorsson, oddviti Alþýðu-
flokksins í bæjarstjórninni, segir
[jóst að ekki sé starfhæfur meiri-
hluti í bænum og það sé skylda
Alþýðuflokksins að reyna að
mynda nýjan.
„Ef málið er eins og talað hef-
ur verið um, að Jóhann muni
ekki vinna með Sjálfstæðis-
flokknum og Alþýðubandalag-
inu, er enginn grundvöllur fyrir
meirihluta í Hafnarfirði nema
Alþýðuflokkurinn komi þar ná-
lægt,“ sagði Ingvar. „Jóhann
Gunnar hafði við okkur sam-
band, en Alþýðubandalag og
Sjálfstæðisflokkur hafa ekki haft
samband, að minnsta kosti ekki
ennþá.“
Ingvar sagði að samtöl alþýðu-
flokksmanna við Jóhann gæfu
tilefni til að ætla að þeir gætu
náð saman. „Ég held að það sé
ekkert í veginum fyrir því,“ sagði
hann.
Að loknum fundi þriggja efstu
manna á lista Alþýðuflokksins
með Jóhanni í gærkvöldi sagði
Tryggvi Harðarson, bæjarfull-
trúi, að áfram hefði verið rætt
saman og því yrði haldið áfram
á næstu dögum. Alþýðuflokkur-
inn væri ekki að kanna aðra
möguleika á meirihlutamyndun
en með Jóhanni.
Tryggvi sagði að á þessum
fundi hefði ekki verið rætt um
annað varðandi embætti bæjar-
verkfræðings en að það yrði aug-
lýst að nýju. Ljóst væri að Jóhann
G. Bergþórsson sæktist ekki eftir
því.
Guðmundur Árni bæjarstjóri?
Sá orðrómur var á kreiki í
Hafnarfirði í gær að Guðmundur
Árni Stefánsson, alþingismaður
og fyrrverandi bæjarstjóri,
myndi taka við bæjarsljóraemb-
ættinu að nýju ef Alþyðuflokkur-
inn myndaði meirihluta með Jó-
hanni Bergþórssyni. Guðmundur
Árni sagði í samtali við Morgun-
blaðið að hann hefði ekki heyrt
þetta og vildi ekki tjá sig um
hvort hann teldi það koma til
greina. Hann sat fund forystu-
manna Alþýðuflokksins í gær og
sagðist koma að málinu eins og
hver annar flokksmaður.
*
Magnús Jón Arnason bæjarstjóri um breytingarnar í bæjarpólitíkinni
Bæri skylda til að taka
þátt í nýjum meirihluta
MAGNÚS JÓN Árnason bæjarstjóri Hafn-
arfjarðar segir að Alþýðubandalaginu
hafi ekki verið boðið upp á samstarf við
Alþýðuflokk en bæjarfulltrúum beri skylda til að
þjóna sveitarfélaginu og skylda til að mynda starf-
hæfan meirihluta. „Það gæti þar af leiðandi kom-
ið til þess á seinni stigum að rætt verði um þessa
hluti,“ sagði hann. í dag er boðaður aukafundur
í bæjarstjórn, þar sem taka á fjárhagsáætlun
bæjarins til afgreiðslu en búist er við að borin
verði upp tillaga af hálfu Alþýðuflokks um að
fresta fundinum.
Magnús Jón segir það sorglegt hvernig komið
sé fyrir Jóhanni G. Bergþórssyni. Hann segir að
núverandi meirihluti að undanskildum Jóhanni
G. væri enn að stýra bænum eftir bestu getu en
berlegt væri að Alþýðuflokkurinn og Jóhann G.
Bergþórsson væru að ræða saman.
„Þetta er sjálfsagt ósköp venjulegur sölusamn-
ingur,“ sagði hann. „Ég á alveg eins von á að
þeir myndi meirihluta en ég á eftir að sjá hvaða
maður af lista Sjálfstæðisflokksins er tilbúinn til
að verða varamaður Jóhanns Gunnars. Ég get
ekki séð að um klofning sé að ræða í Sjálfstæðis-
flokknum. Þetta er einn maður sem er farinn.
Við því er ekkert að gera. Hann setur hagsmuni
sína ofar hagsmunum flokksins og reyndar offrar
hann hagsmunum Hafnfirðinga.“
Löggiltir endurskoðendur hf. hafa skilað
skýrslu um viðskipti Hagvirkis-Kletts og Hafn-
arfjarðarbæjar árin 1992-1994 meðan Alþýðu-
flokkurinn var við stjórn í bænum. Telja endur-
skoðendurnir meðal annars að sveitarstjórnarlög
hafi verið brotin þegar bærinn veitti Hagvirki-
Klett ábyrgðir sem ekki voru nægilega tryggðar.
íhuga að kæra
Magnús Jón Árnason sagði að eftir væri að
meta hvort leggja bæri fram kæru til félagsmála-
ráðuneytisins vegna ábyrgðanna sem Hagvirki-
Klettur fékk. Ef slík kæra yrði lögð fram teldi
hann eðlilegt að Rannveg Guðmundsdóttir félags-
málaráðherra viki sæti þegar dæma ætti í málinu.
Magnús Gunnarsson formaður bæjarráðs Hafn-
arfjarðar segir að menn muni gefa sér góðan tíma
til fara vel yfir endurskoðunarskýrsluna. „Við
förum síðan þá leið sem við teljum réttasta."
sagði Magnús. „En það er ljóst, að það sem við
höfum verið að fá upp á borðið undanfarið er
óskaplegur áfellisdómur á stjórn Alþýðuflokksins
í bæjarfélaginu,“ sagði hann.
Eftir að hafa lesið skýrslu endurskoðendanna
sagðist Magnús Jón Árnason ekki sjá betur en
að nýta ætti þau tengsl á ný sem þar kæmu fram.
Það ætti ekki að koma neinum á óvart ef af
myndun slíks meirihluta yrði að Verkfræðiþjón-
usta Jóhanns G. Bergþórssonar yrði þá í allnokkr-
um verkum fyrir bæinn. „Miðað við skýrslu End-
urskoðenda hvarflar að mér að þarna sé líkur að
sækja líkan heim,“ sagði Magnús Jón. „Það hefur
og vakið furðu niína hversu áberandi 22. maður
á lista Alþýðuflokksins hefur verið og 3. maður
haft' sig mikið í frammi. Það er ekki fyrr en núna
í seinni tíð sem örlar & fyrsta manni á listan-
um,“ sagði Magnús Jón. í 22. sæti á lista Alþýðu-
flokks var Guðmundur Árni Stefánsson fyrrver-
andi bæjarstjóri.
Engin mótmæli
við fjárhagsáætlun
Magnús Jón sagði að þegar fjárhagsáætlunin
hafi verið lögð fram hafí Jóhann G. Bergþórsson
ekki hreyft mótmælum en Ingvar Viktorsson
hafi boðað breytingatillögur Alþýðuflokksins sem
væri eðlilegt. „Eins og Friðrik Sophusson hefur
réttilega bent á þá var Jóhann Gunnar búinn að
samþykkja alla tekjuliði fjárhagsáætlunarinnar
og hann var einnig búinn að sitja fyrstu fundi
við gerð fjárhagsáætlunar þar sem við lögðum
meginlínur,“ sagði Magnús Jón. „Nú talar hann
um að spara frekar til þess að geta fengið aukn-
ar tekjur til framkvæmda. Ég sé það ekki ganga
upp.“
Jóhann G. Magnús
Bergþórsson Gunnarsson
Innanflokksátök
Var hótað að skýrsla Seljum ekki sann-
yrði birt ef ég yrði færingu okkar fyrir
ekki góður áhrif og völd