Morgunblaðið - 11.01.1995, Blaðsíða 12

12 MIÐVIKUDAGUR 11. JANÚAR 1995
AKUREYRI
MORGUNBLAÐIÐ
Starfsfólk UA kannar möguleika á kaupum hlutabréfa bæjarins
Umræðan
veldur óvissu
Morgunblaðið/Rúnar Þór
ÓSKAR Ægir Benediktsson formaður Starfsmannafélags ÚA
afhenti Gísla Braga Hjartarsyni varaforseta bæjarstjórnar er-
indi þar sem starfsfólk vill fá að koma að málinu, verði hluta-
bréf bæjarins í ÚA seld.
Gjaldþrot POB
71,5 millj.
af 106 millj.
greiddust
VIÐ meðferð á þrotabúi Prent-
verks Odds Björnssonar, sem
nýlega er lokið, greiddust um
71,5 milljón króna upp í viður-
kenndar kröfur, sem alls námu
106,6 millj. króna.
Ragnar H. Hall skiptastjóri
viðurkenndi 106,6 milljóna kröf-
ur. 4,5 milljóna forgangskröfur
greiddust að fullu og upp í lýstar
veðkröfur greiddust 59,5 milljón-
ir. Almennar kröfur námu rúm-
um 42,5 milljónum króna og upp
í þær greiddust 7,4 milljónir eða
tæp 17,5%, að frátöldum vöxtum
og kostnaði.
Stuðningur við
HÍK og KÍ
Á FÉLAGSFUNDI í kennara-
félagi verkmenntaskólans á Ak-
ureyri sem haldinn var í liðinni
viku var lýst yfir fullum stuðn-
ingi við stjórnir og fulltrúaráð
HIK og KÍ í baráttu þeirra fyrir
bættum kjörum kennarastéttar-
innar.
„Fundurinn undirstrikar mikil-
vægi þess að menntun og ábyrgð
séu metin til launa svo vel mennt-
aðir kennara hrekist ekki úr
stéttinni vegna lélegra kjara.
Eins og málin standa í dag eru
kennarar talandi dæmi þess að
menntun borgar sig ekki í ís-
lensku samfélagi, hvað sem-líður
fallegum ræðum fyrirmanna á
tyllidögum um menntun og
menningu," segir í ályktuninni.
STJÓRN Starfsmannafélags Út-
gerðarfélags Akureyringa, STÚA,
hefur óskað eftir að fá að taka þátt
í viðræðum, verði hlutabréf Akur-
eyrarbæjar í félaginu seld. I erindi
til bæjarstjórnar frá STÚA segir að
vegna frétta um hugsanlega sölu
hlutabréfa í Útgerðarfélagi Akur-
eyringa óski félagið eftir að fá að
koma að málinu með möguleg kaup
starfsmanna í huga, ef og þegar
Akureyrarbær telur sig knúinn til
að selja af hlutabréfaeign sinni.
Enginn einn ráðandi
„Þó okkur sé vel ljóst að erfitt
getur verið að hafa svo mikið fé,
sem raun ber vitni, bundið í hluta-
bréfum og sú aðstaða getur komið
upp að nauðsyn geti verið að losa
það, hefur umræðan í fjölmiðlum
undanfarna daga skapað mikla
óvissu og óöryggi meðal starfs-
manna ÚA og þeirra hundruð fjöl-
skyldna á Akureyri sem tengjast
félaginu með einum eða öðrum
hætti. Ef svo fer að bærinn sjái sér
ekki fært að halda meirihlutaeign
sinni í félaginu treystum við því að
þannig verði búið um hnútana að
enginn einn aðili verði ráðandi. í
framhaldi af því förum við fram á
að fulltrúar í bæjarstjórn Akureyrar
gæti hagsmuna starfsmanna félags-
ins, fyrirtækisins sjálfs svo og bæj-
arbúa allra í hvívetna," segir í álykt-
un stjórnar STÚA.
Fyrir fundinum lá tillaga bæjar-
ráðs frá því á föstudag að kjósa
fimm menn í nefnd til að ræða við
þá sem sýnt hafa áhuga á að eign-
ast hlutabréf bæjarins í ÚA. Henni
var vísað til bæjarráðs að tillögu
Jakobs Björnssonar bæjarstjóra, en
ráðið kemur saman á morgun,
fímmtudag.
Hagsmunir bæjarins og ÚA
Sigríður Stefánsdóttir, Alþýðu-
bandalagi sagði að Alþýðubandalag-
ið myndi hafa að leiðarljósi í málinu
að gæta hagsmuna annars vegar
Akureyrarbæjar og þar með bæj-
arbúa og hins vegar hagsmuna út-
gerðarfélagsins. „Við erum kjörin í
bæjarstjórn og okkur ber skylda til
að gæta þessara hagsmuna,“ sagði
Sigríður. „Afstaða Alþýðubanda-
lagsins hefur verið sú að bærinn
eigi meirihluta í ÚA, það þurfa til
að koma veigamiklar ástæður til að
breyting verði þar á.“
I máli Sigurðar J. Sigurðsson,
Sjálfstæðisflokki, kom fram að
flokkurinn hefði verið reiðubúinn
að selja af hlutabréfum bæjarins til
að minnka skuldir en Framkvæmda-
sjóður skuldaði um 600 milljónir
króna og stæði ekki undir skuldbind-
ingum. Líta mætti svo á að hlut-
verki Akureyrarbæjar í rekstri ÚA
væri lokið, enda hefði féiagið alla
burði til að standa sig vel á mark-
aði. Samstarfsflokkar Sjálfstæðis-
flokks síðustu tvö kjörtímabili, Al-
þýðubandalag og Alþýðuflokkur,
hefðu verið afhuga sölu á hlutabréf-
um í ÚA. Hann sagði öllu skipta
hvernig staðið yrði að sölu á bréfun-
um ef til þess kæmi, það yrði til
að mynda slæmt ef hún yrði að
verslunarvöru sem sneri að þriðja
aðila.
Pólitískir hagsmunir
Björn Jósef Arnviðarson, Sjálf-
stæðisflokki, kvaðst ævinlega hafa
verið fylgjandi því að bærinn minnk-
aði eignarhluta sinn í félaginu, en
það væri ekki sama með hvaða
hætti það yrði gert. Fyrir hlutabréf-
in yrði að fást rétt og sanngjarnt
verð. Hann sagðist hafa átilfínning-
unni, eftir að hafa lesið bréf KEA
til bæjaryfirvalda þar sem óskað
eftir viðræðum um kaup á hlutbréf-
unum, að pólitískir hagsmunir væru
settir á oddinn. „Einnig þarf ÍS, það
er íslenskar sjáyarafurðir, trygg-
ingu fyrir því að ÚA verði ekki flutt
úr viðskiptum við ÍS ef breytingar
verða á eignarhaldi bæjarins á ÚA
eða ef breytingar verða á meirihluta
innan bæjarstjórnar," segir í um-
ræddu bréfi sem Björn Jósef las á
fundi bæjarstjórnar. „Ég bara vil
ekki trúa því að félagið verði haft
að pólitískum leiksoppi,“ sagði hann
„en ég get ekki lesið annað út úr
bréfi KEA en að pólitískir hagsmun-
ir ráði en ekki hagsmunir félagsins."
Möguleikar
Guðmundur Stefánsson, Fram-
sóknarflokki, benti á atvinnuleysis-
skrána með 590 manns og sagði
að kjark þyrfti og þor til að takst
á við svo mikið vandamál, því væri
mikilvægt að vinna vel í þessu máli,
möguleikarnir væru fyrir hendi til
atvinnusköpunar.
Viðreisn þorskstofnsins
Hótel Sögu - föstudaginn 13. janúar 1995
Sjávarútvegsráðuneytið gengst fyrir ráðstefnu um langtímanýtingu fiskistofna 13. janúar nk.
Ráðstefnan er ætluð forystumönnum í sjávarútvegi, stjórnmálamönnum, vísindamönnum,
opinberum aðilum og áhugafólki um sjávarútvegsmál.
Innritun
Hádegisverður í Arsal. Avarp: Þorsteinn Pálsson, sjávarútvegsráðherra
Hrun og uppbygging þorskstofnsins við Kanada: Brian Tobin,
sjávarútvegsráðherra Kanada
Fyrirspumir
Hagkvæm nýting fiskistofna. I. Fiskifrœðilegur grunnur aflareglu:
Gunnar Stefánsson, tölfræðingur og formaður veiðiráðgjafarnefndar
Hafrannsóknastofnunarinnar
Hagkvœm nýting fiskistofna. II. Hagfræðilegur þáttur aflareglu:
Þórður Friðjónsson, forstjóri Þjóðhagsstofnunar
Fyrirspumir
Kaffihlé - veitingar
Stjórnunarhættir - besta leiðin til þess að tryggja framtíðar hagsmuni vegna
nýtingarfiskistofna: Doug Butterworth, prófessor í stærðfræði við University
of Cape Town,Suður-Afríku
Fyrirspumir
Arangursríkasta leiðin til að ná hámarksafrakstri fiskistofna til lengri tíma
Pallborðsumræður:
Einar Svansson, framkvæmdastjóri Fiskiðjunnar Skagfirðings hf.
Eiríkur Tómasson, framkvæmdastjóri Þorbjarnar hf.
Guðrún Marteinsdóttir, sjávarlíffræðingur hjá Hafrannsóknastofnuninni
Kristján Halldórsson, skipstjóri hjá Útgerðarfélagi Akureyringa hf.
Magnús Gústafsson, forstjóri Coldwater Seafood Corp.
Sigurður B. Stefánsson, framkvæmdastjóri Verðbréfamarkaðar íslandsbanka hf.
Þorvaldur Garðarsson, skipstjóri
17:15 Ráðstefnulok
17:30 Móttaka í boði Þorsteins Pálssonar, sjávarútvegsráðherra fyrir ráðstefnugesti
Ráðstefnustjóri: Brynjólfur Bjarnason, forstjóri Granda hf. og stjómarformaður Hafrannsókna-
stofnunarinnar
Ráðstefnugjalder krónur 3.500. Innifaliðí verðinu er hádegisverður, kaffi og fundargögn. Vinsamlegast tilkynnið
þátttöku fyrirkl. 16:00 I2.janúarnk. til KOM hf. í síma(91)6224 11 eðameðfaxi (91)62 34 11. Ræðurerlendra
ræðumanna verða túlkaðar samtímis af ensku á íslensku.
Skipuleggjendur ráðstefnunnar áskilja sér rétt til að breyta dagskrá vegna ófyrirsjáanlcgra atvika.
Umsjón og skipulagning KOM hf. _
v__________________________________________________________________________________________y
11:30
12:00
13:30
13:50
14:00
14:20
14:40
15:00
15:20
15:50
16:00
107 milljóna tap á
gjaldþroti Híbýlis
SKIPTUM í þrotabúi Híbýlis hf,
sem var úrskurðað gjaldþrota 12.
október 1989 er nýlega lokið. 20,2
milljónir króna greiddust upp í
127,6 milljóna króna kröfur.
I Lögbirtingablaðinu er nýlega
greint frá skiptalokum í þrotabúi
Híbýlis á Akureyri.
Eignir búsins hrukku fyrir fulln-
aðargreiðslu forgangskrafna, sem
voru samþykktar 17 milljónir
króna og jafnframt til greiðslu
rúmra 3,2 milljóna af 110,6 millj-
óna króna samþykktum almennum
kröfum. Almennir kröfuhafar
fengu því greitt um 2,9% af höfuð-
stóli krafna sinna.
Gjaldskrá
leikskóla
hækkar um
2 prósent
SAMÞYKKT hefur verið 2%
hækkun á gjaldskrá leikskóla
á Akureyri og tekur hún gildi
1. febrúar næstkomandi.
Leikskólanefnd hefur sam-
þykkt tillögu um að greitt verði
að fullu fyrir aðlögunartíma,
en fram að þessu hafa fyrstu
þrír dagarnir verið án gjald-
töku. Jafnframt leggur nefndin
til að veittur veri 50% afsláttur
á þriðja systkin í leikskólum
bæjarins og einnig er lagt til
að foreldrum verði gert að
greiða sérstaklega hálftíma
vistgjald, eins konar hliðrunar-
tíma.
Þá hefur leikskólanefnd lagt
til að gerð verði sú breyting á
reglum um afslætti á vistgjöld-
um, að ekki verði veittur af-
sláttur af vistgjaldi barns
námsmanns þegar foreldrar
eru í sambúð og annað stundar
nám.
Á fundi leikskólanefndar
fyrir áramót var samþykkt að
nýr leikskóli í Giljahverfi skuli
heita Kiðagil.
Jón Gauti fer
að Flúðum
ATVINNUMÁLANEFND hef-
ur samþykkt að ganga að til-
boði Auglits hf. um endurút-
gáfu á Akureyrarbæklingi sem
gefin er út I 50 þúsund eintök-
um á fimm tungumálum.
Á fundi nefndarinnar fyrir
skömmu var greint frá því að
Jóni Gauta Jónssyni starfs-
manni nefndarinnar sem verið
hefur starfsmaður nefndarinn-
ar síðustu ár hefði verið boðin
staða hótelstjóra á Hótel Flúð-
um í Hrunamannahreppi sem
hann hefði þegið. Hann mun
því láta af störfum á Akureyri
innan tíðar.
Atvinnumálanefnd taldi sér
ekki fært að verða við tveimur
styrkbeiðnum sem borist höfðu,
annars vegar vegna kynningar
á náttúrulegum snyrtivörum
frá Purity Herbs og hins vegar
vegna kaupa á stofnbúnaðar á
flutningafyrirtæki. Samþykkt
var á fundi nefndarinnar að
greiða ígulkeri hf. lokagreiðslu
styrks, 500 þúsund krónur.