Morgunblaðið - 19.01.1995, Blaðsíða 20
20 FIMMTUDAGUR 19. JANÚAR 1995
MORGUNBLAÐIÐ
ÚR VERIIMU
FRÉTTIR: EVRÓPA
Morgunblaðið/Kristinn
ÞESSIR nemendur voru mættir í fyrsta tímann í sjávarútvegsfræðum sem kennd eru á vegum
Endurmenntunarstofnunar Háskóla íslands.
Nýtt námskeið í sjávarút-
vegsfræðum í Háskólanum
ENDURMENNTUNARSTOFNUN
Háskóla íslands býður nú upp á nám
í sjávarútvegsfræðum í annað sinn
og hófst kennsla nú í janúar. 23
nemendur mættu þá til leiks en þeir
munu að líkindum verða brautskráð-
ir í nóvember á þessu ári. Námið
er ætlað stjórnendum í sjávarútvegs-
fyrirtækjum sem og öllum þeim sem
hafa góða almenna menntun og
starfsreynslu í sjávarútvegi og mið-
ast skipulagið við að fólk af öllu
landinu geti stundað námið samhliða
vinnu sinni. Markmiðið er að sam-
eina fræðilega og hagnýta þekkingu
á þessu sviði og er leitast við að
miðla nýjustu aðferðum, hugmynd-
um og rannsóknaniðurstöðum eins
og þær liggja fyrir hveiju sinni.
Rekstrarhagfræði var fyrsta fag
á dagskrá í gærmorgun og var Ág-
úst Einarsson prófessor tilbúinn með
23 nemendur úr
atvinnulífinu á
skólabekk
fyrsta fyrirlestur ársins, en hann
annast stjórn námsins ásamt þeim
Valdimar K. Jónssyni prófessor og
Siguijóni Arasyni aðstoðarforstjóra
Rannsóknastofnunar fiskiðnaðarins.
Ágúst sagði að afar vel hefði tekist
til í fyrra og fyrsti hópurinn hefði
gert mjög góðan róm að náminu.
Hann sagði að námið yrði með svip-
uðu sniði og í fyrra en ýmislegt
smávægilegt yrði þó fært til betri
vegar í samræmi við ábendingar
nemenda. Ennfremur sagði Ágúst
að mikill áhugi væri á náminu og
það ætti því án efa framtíð fyrir
sér. „Það er ljóst að þörf er á þessu
námi.“ Þá vék hann að þætti Há-
skóla íslands og sagði ánægjulegt
að hann hefði tök á að koma að
þessari menntun með jafn sterkum
hætti og raun ber vitni.
300 stundir
kenndar
Alls eru kenndar 300 stundir og
er kennt þijá daga I senn, fimmtu-
dag, föstudag og laugardag, einu
sinni til tvisvar í mánuði. Engin
kennsla er í júlí og ágúst. Að mati
starfshópsins sem undirbjó námið
samsvarar það um tólf og hálfri ein-
ingu á háskólastigi. Meðal náms-
greina má nefna efna- og örveru-
fræði, fjármál, fiskifræði, fiskiðnað-
artækni, markaðsfræði og utanrík-
isverslun, gæðakerfi og rekstrar-
umhverfí sjávarútvegsfyrirtækja.
Metafli á Arnarstapa í fyrra
Laugarbrekka, Breiðuvík - Einn
trillubátur, Bárður SH 81, hefur
róið frá Amarstapa með línu og
hefur landað síðan í byijun nóvem-
ber um 130 tonnum af físki í 27
róðrum. Aflinn hefur allur farið á
Breiðafjarðarmarkað.
Margir aðkomubátar lönduðu
afla á Amarstapa á liðnu ári allt
fram I desember. Á árinu 1994 var
landað á Amarstapa 1.526 tonnum
af físki og er það metafli á einu
ári. Það er um hálftíma til klukku-
stundar keyrsla á miðin þar sem
línan er lögð. Þess má geta að Pét-
ur Pétursson á trilluna Bárð SH
81 og fer með hana. Með honum
rær Geir Högnason. Báðir búa þeir
á Arnarstapa.
Pétur Pétursson bjó á Malarrifí
og var þar vitavörður en í haust
keypti hann íbúðarhús á Staðar-
bakka á Amarstapa og flutti í það
í desember.
BORGARLJÓS
K E Ð J A N
Eftirtaldar verslanir eru abilar a& Borgarljós-kebjunni:
Rafþjónusta Sigurdórs, Skagabraut 6, Akranesi, sími 12156 - Straumur hf., Silfurgötu 5, ísafirði, simi 3321 — Radiovinnustofan,
Kaupangi, Akureyri, sími 22817 - Siemens-búóin, Róðhústorgi 7, Akureyri, sími 27788 - Sveinn Guómundsson, Kaupangi 12,
Egilsstöðum, sími 11438 - Arvirkinn hf., Austurvegi 9, Slefossi, simi 23460 - Rafbúð R.O., Hafnargölu 52, Keflavik, sími 13337
- Borgarljós, Ármúla 15, Reykjavík, simi 812660 - Húsgagnahöllin, Bíldshöfóa 20, simi 871199 - Rafbúðin, Álfaskeiði 31,
Hafnarfirði, sími 53020 - Verslunin Lónið, Vesturbraut 4, Höfn, sími 82125.
Atkvæðagreiðsla á Evrópuþinginu
Lýsa trausti á
framkvæmda-
stjórn Santers
Strassborg. Reuter.
EVRÓPUÞINGIÐ samþykkti í gær
traustsyfírlýsingu á framkvæmda-
stjórn Jacques Santer. Nýja fram-
kvæmdastjómin tekur því við völd-
um í næstu viku eftir að ráðherra-
ráð Evrópusambandsins hefur sam-
þykkt hana formlega.
Atkvæði með traustsyfírlýsing-
unni greiddu 416 Evrópuþingmenn,
103 greiddu atkvæði á móti og 59
sátu hjá.
Kjörtímabil framkvæmdastjórn-
arinnar er fímm ár. Þetta er fyrsta
framkvæmdastjómin, sem Evrópu-
þingið hefur vald til að samþykkja
eða hafna í heild, en slíkt vald fékk
þingið við gildistöku Maastricht-
sáttmálans.
Þingið hefur tekið hlutverk sitt
alvarlega og saumaði að verðandi
framkvæmdastjórnarmönnum í yf-
irheyrslum á fyrstu vikum ársins.
Hótanir þingmanna um að hafna
framkvæmdastjórninni höfðu meðal
annars þau áhrif að Jacques Sant-
er, verðandi forseti framkvæmda-
stjómarinnar, ákvað að taka sjálfur
að sér formennsku í nýrri jafnréttis-
nefnd í stað Padraigs Flynn, sem
þingmenn töldu ekki hafa skilning
á jafnréttismálum.
Ræða Santers í þinginu á þriðju-
dag, þar sem hann lýsti yfir stuðn-
ingi við ýmis sjónarmið um frekari
samruna Evrópusambandsríkjanna,
sem fylgi eiga að fagna á Evrópu-
þinginu, er talin hafa snúið ýmsum
þingmönnum.
Engir hveitibrauðsdagar
Margir þeir, sem til máls tóku
áður en þingið greiddi atkvæði,
gáfu þó í skyn að þeir styddu fram-
kvæmdastjórnina með hálfum
huga. Pauline Green, leiðtogi sósíal-
ista á þinginu, sagði að fram-
kvæmdastjórnin fengi ekki að njóta
neinna „hveitibrauðsdaga". Hún
minnti framkvæmdastjórnarmenn-
ina á að þingið hefði nú vald til að
reka stjómina, stæði hún sig ekki
nógu vel.
Mitterrand á Evrópuþingi
Sameining
besta trygging-
in gegn stríði
Strassborg. Reuter.
FRANCOIS Mitterrand Frakklands-
forseti ávarpaði Evrópuþingið á
þriðjudag og gerði í ræðu sinni grein
fyrir þeim málum sem Frakkar teidu
vera forgangsverkefni, meðan þeir
fara með formennsku í ráðherraráði
ESB. Hvatti hann ríki ESB til að
beijast gegn útlendingahatri og
standa sameinuð í baráttunni gegn
nýrri styijöld. Þetta var í og með
kveðjuávarp Mitterrands á þinginu
því hann iætur brátt af embætti
Frakklandsforseta.
„Þjóðernishyggja er stríð. Stríð
er ekki einungis hluti fortíðarinnar.
Það gæti líka reynst hluti framtíðar-
innar,“ sagði Mitterrand. Hvatti
hann menn til að varpa fordómum
og hatri fyrir róða. „Ef við samein-
umst ekki undir einu þaki mun út-
lendingahatur og þjóðernishyggja
ná yfírhöndinni.“
Mitterrand sagðist hafa fæðst
meðan á fyrri heimsstyijöldinni stóð
og upplifað þá síðari. Hann þekkti
því stríðshatrið frá fyrstu hendi. Það
væri hans mat að áframhaldandi
samruni væri besta leiðin til að kom-
ast hjá því að endurtaka mistök for-
tíðarinnar.
Sameigínlegan gjaldmiðil 1997
Hann sagði ESB eiga að stefna
að sameiginlegum gjaldmiðli þegar
árið 1997 og að Frakkar myndu
leggja sitt af mörkum að það mark-
mið gæti náðst.
Maastricht-sáttmálinn gerir ráð
fyrir að þau ríki, er standast strang-
ar kröfur um opinberar skuldir, fjár-
lagahalla, vaxtastig, verðbólgu og
gengisstöðugleika geti tekið upp
sameiginlegan gjaldmiðil í fyrsta
lagi þann 1. janúar 1997.
Sótt að kvikmyndaiðnaði
Mitterrand minntist í klukku-
stundarlangri ræðu sinni einnig á
þann aukna vanda sem ríki ESB
Rcuter
MITTERRAND Frakklands-
forseti ávarpar Evrópuþingið.
Meðal þeirra sem hlýddu á
ræðu hans voru þeir Leon
Brittan og Jacques Delors.
stæðu frammi fyrir vegna skipu-
lagðrar glæpastarfsemi og hryðju-
verka og lagði að auki áherslu á að
styrkja bæri hinn félagslega þátt
Evrópusamstarfsins.
Þá hvatti hann aðildarríkin einnig
til að koma í veg fyrir að evrópski
kvikmyndaiðnaðurinn legðist af
vegna samkeppninnar við Holly-
wood. „Við höldum á þessu ári upp
á aldarafmæli evrópskrar kvik-
myndagerðar og aidrei hefur hún
átt jafnmikið undir högg að sækja
og nú.“