Morgunblaðið - 22.01.1995, Blaðsíða 4
4 C SUNNUDAGUR 22. JANÚAR 1995
MORGUNBLAÐIÐ
Morgunblaðið/Sverrir
KIA Sportage er laglegur bíll - hefðbundinn jeppi að .eiginleikum en fremur með útlit fólksbíls.
Kia Sportage í
hnotskurn
Vél: 2,0 lítrar, 4 strokkar,
fjölinnsprautun, 128 hest-
öfl.
Fimm manna.
Tengjanlegt aldrif, hátt
og lágt - eindrif að aftan.
Tregðuiæsing á aftur-
drifi.
Vökvastýri - veltistýri.
Hæðar- og mjóhryggs-
stilling á ökumannssæti.
Rafdrifnar rúðuvindur.
Samlæsingar.
Rafstilling hliðarspegla.
Dagljósabúnaður.
Lengd: 4,25 m. Breidd:
I, 73 m. Hæð: 1,65 m.
Hjólahaf: 2,65 m.
Veghæð: 21 om.
Þyngd: 1.420 kg.
Þvermál beygjuhrings:
II, 2 m.
Hjólbarðar: P205 75R15.
Rými bensíntanks: 60 I.
Staðgreiðsluverð kr.:
2.170.000.
Umboð: Hekla hf.,
Reykjavík.
Kia sportjeppi frá
Kóreu lofar góðu
BÍLAR frá Suður-Kóreu hafa síð-
ustu árin verið að fikra sig út á
markaði í Evrópulöndum, Ameríku
og víða í Asíu og eru kóreskir
framleiðendur þar oft í samvinnu
við gamalgróna framleiðendur.
Fyrir nærri tveimur árum komu
Hyundai bílar og nú hefur Kia
haldið innreið sína undir merkjum
fyrirtækisins Kia bílar á Islandi
sem er í eigu Heklu hf. Kia fyrir-
tækið var stofnað fyrir hálfri öld
og var fyrst kóreskra bílaframleið-
enda til að koma sér upp sölu-
kerfi um allan heim. Sportage
jeppinn kom fyrst fram fyrir rúmu
ári en þetta er jeppi með hefð-
bundnum aldrifsbúnaði, háu og
lágu drifi, fjögurra hurða, fimm
manna, með 128 hestafla vél og
kostar innan við 2,2 milljónir
króna. Hann er nokkuð laglegur
í útliti, lúmskt rúmgóður og allvel
búinn þægindum. Við kynnum
okkur Kia Sportage jeppann í dag
en hann verður til sýnis hjá um-
boðinu nú um helgina.
Kia Sportage er ekki beint
jeppalegur í útliti, telst meðal
smájeppa, er stuttur en með löngu
hjólhafí og hann er ávalur og
bogadreginn nánast hvar sem á
hann er litið. Vélarhúsið hallar
nokkuð fram, aðalluktir eru nokk-
uð stórar, stuðari samlitur og
framhomin ávöl. Hliðamar em
bungumyndaðar með lista neðst,
rúður nokkuð stórar nema aftasta
hliðarrúðan og afturendinn svolítið
kubbslegur. Bíllinn er byggður á
sjálfstæðri grind og eru fram- og
afturhjól höfð eins framar- og aft-
arlega og unnt er til að ná löngu
hjólhafí og þar með góðum akst-
urseiginleikum en einnig gefur það
kost á góðu fríhomi eða yfir 36
gráður.
Góður f rágangur að innan
Að innan er Kia ágætlega úr
garði gerður. Mælaborðshillan rís
í háum boga framan við stýrið en
er síðan fremur lág framan við
farþegasætið og þar er handfang
og klukka fyrir miðju. Mæiar eru
með hefðbundinni uppröðun og á
sérbretti fyrir miðju em miðstöðv-
arstillingar og rými fyrir útvarp.
Gfrstöng er há og vel staðsett,
ÞESSI nýi jeppi frá Kóreu blandar sér í harða samkeppni á jeppamarkaði hérlendis.
SÆTIN, sérstaklega framsætin, veita góðan hliðarstuðning og
allur frágangur hið innra virkar traustvekjandi.
rofar fyrir ljós og þurrkur í stýri
en aðrir rofar í sjálfu mælaborð-
inu. Sætin em sérlega góð, veita
góðan stuðning, sérstaklega til
hliðanna og allir sitja fremur hátt
og hafa gott útsýni. Ökumaður
er líka fljótur að ná áttum og ná
góðri stjóm á bílnum enda em
stjómtæki öll vel staðsett og þægi-
leg viðskiptis.
Innréttingin ber öll með sér að
vera ágætlega vönduð að frá-
gangi, sætin em vel bólstmð og
klæðning og litaval vel heppnað.
Má segja að allt sé fremur bjart
yfirlitum og notalegt við að um-
gangast Kia Sportage.
Vélin er tveggja lítra, fjögurra
strokka með fjölnisprautun og hún
er 128 hestöfl. Hún er vel snörp
og gefur gott viðbragð og ágæta
vinnslu og hröðun ef vel er spilað
á gírskiptinguna en bíllinn vegur
1.420 kg. Ekki lágu fyrir tölur
um eyðslu. Sportage er með hefð-
bundinn aldrifsbúnað, ekið er að
jafnaði í' afturdrifí en hægt að
smella í aldrifíð með því að tengja
framdrifíð með einu handtaki á
ferð en bíllinn er-búinn sjálfvirkum
driflokum og milligírkassa. Tregð-
ulæsing er á afturdrifi. Sæmilega
lipurt er að skipta bílnum milli
drifa.
Góðar hreyfingar
Fjöðrun er sjálfstæð með gorm-
um og spyrnum á framhjólum en
heill ás með gormum er að aftan.
Þótt fjöðrunin sé kannski ekki
mjúk og þýð eins og í stórum fólks-
bílum fer hún samt vel með öku-
mann sem farþega. Bfllinn hefur
miklu fremur hreyfingar stórra
bíla en stuttra og á langt hjólahaf-
ið sinn þátt í því.
I þéttbýlinu er Kia Sportage
sérlega lipur og þægilegur í akstri.
Vökvastýrið er ágætlega létt,
Framsætin
Rúmgóður
Viðbragð
Vantar
útvarp
fímm gíra handskiptingin liðug,
útsýni gott eins og áður er nefnt
og auðvelt að meðhöndla bílinn í
hvers kyns þrengslum. Viðbragð
úr kyrrstöðu er ágætt og bíllinn
sæmilega röskur hvenær sem eftir
því er kallað.
Aðstæður leyfðu ekki mikla
prófun á þjóðvegi en nóg til að
reyna ágæta vinnslu á þjóðvega-
hraða. Fimmti gírinn er aðeins
notaður við langvarandi akstur á
hámarkshraða en um leið og veg-
urinn liggur á fótinn þarf að skipta
niður í fjórða og jafnvel þriðja ef
vel á að halda á spöðunum hvað
ferðahraðann varðar. Eins og fyrr
segir er fjöðrun þokkaleg og er
bíllinn vel rásfastur og öruggur á
möl, ekki síst þegar ekið er í al-
drifi. í hálkunni er hann hins veg-
ar heldur laus og lítils megnugur
ef aðeins er notast við afturdrifíð.
Hann verður heldur stirðari í al-
drifínu, ekki síst til krappra snún-
inga en á móti kemur að auðvelt
er að skipta úr aldrifí í eindrif til
dæmis við snúninga á bílastæðum
eða bílahúsum.
Vantar útvarpið
Verðið á Kia Sportage er 2.170
þúsund krónur. Er bíllinn þar með
í ágætri stöðu í keppni sinni á
smájeppamarkaðnum. í þessu
verði er nokkuð ríkulegur staðal-
búnaður, rafdrifnar rúðuvindur,
samlæsingar, rafstýrðar hliðar-
speglastillingar og hæðastilling á
ökumannssæti svo nokkuð sé
nefnt. Umboðið býður einnig við-
bótarpakka, þ.e. gangbretti, grind
að framan, nokkurra cm upp-
hækkun, stærri hjólbarða og gerir
þessi pakki bílinn allan verklegri
og sterklegri tilsýndar en hann er
þó ekkert nauðsynlegur fyrir
venjulegan notanda. Hins vegar
hefði vel mátt hugsa sér útvarp í
þessari upptalningu en í hörðu
verðstríði þarf að velja og hafna
mjög nákvæmlega og hefur það
ekki hlotið náð að þessu sinni. En
Kia Sportage hefur alla burði til
að hasla sér völl sem nýr jeppaval-
kostur á bílamarkaði hérlendis
sem lipur, viljugur og furðu rúm-
góður alhliða fjölskyldubíll. ■
Jóhannes Tómasson