Morgunblaðið - 27.01.1995, Blaðsíða 3

MORGUNBLAÐIÐ
DAGLEGT LIF
FÖSTUDAGUR 27. JANÚAR 1995 D 3
á öllum sviðum hafi breytt ýmsum
ómeðvituðum fordómum, sem flest-
ir hafa þegar grannt er skoðað.
Konur treysta körlum ekki til
ýmissa verka og stelpur hleypa
strákum ekki að ef einhvern þarf
að hugga eða hlú að í leikskólanum.
Sé vilji til að breyta ríkjandi viðhorf-
um þurfa strákar að fá tækifæri á
við stelpur, t.d. varðandi umönnun,
og stelpur fái að njóta sín á sam-
bærilegan máta á hefðbundnum
strákasviðum. Ekkert breytist fyrr
en fólk tekst á við eigin viðhorf
gagnvart hefðbundnum kynhlut-
verkum."
Elsa Þorkelsdóttir,
framkvæmdastjóri
Jafnréttlsráós
Hagsmunir
beggja kynja
þurfa að ráða
Jafnréttisráð reynir að fylgist
með þróun í skólamálum innanlands
og utan. Elsa Þorkelsdóttir, fram-
kvæmdastjóri, segir margt í deigl-
unni og ýmis þróunarverkefni séu
í gangi í grunnskólum er varði stöðu
kynjanna. Hugmyndin um aðgrein-
ingu kynja í bekki sé ekki alveg
ný af nálinni. Jafnréttisráð hafi
meðal annarra átt fulltrúa í sam-
starfshópi á vegum menntamála-
ráðuneytisins, sem var starfandi
árið 1987. Á sama tíma var í gangi
tilraunaverkefni á Akureyri á veg-
um „Bijótum múrana" og mennta-
málaráðuneytisins, þar sem að-
greining kynja var reynd. Elsa seg-
ir að í kjölfarið hafi umræður feng-
ið byr undir báða vængi, tillögur
og niðurstöður samstarfshópsins
hafí að miklu leyti verið teknar til
greina í framkvæmdaáætlun ríkis-
stjómarinnar á sviði jafnréttismála
og í framhaldi hafí verið skipuð
þriggja manna nefnd til að fylgja
málum eftir.
„Ákvörðun um kynjaskiptingu
verður að taka út frá hagsmunum
beggja kynja. Þótt strákarnir þurfí
að sprikla verður að gera ráðstafan-
ir til að þeim finnist þeir ekki einir
í heiminum. Stelpurnar verða líka
að fá að blómstra og því þurfa fag-
leg sjónarmið stundum að ráða ferð-
inni, t.d. til að þær nái betri ár-
angri í raungreinum, en þar hafa
þær löngum farið halloka gagnvart
strákum. Mér finnst trúlegt að þró-
unin verði á þann veg að kynin
verði smám saman aðgreind í bekkj-
ardeildir að einhveiju leyti til þess
að bæði fái notið sín á eigin forsend-
um.“
Aftur tll fortíftar?
Viðmælendur töldu að án sér-
stakrar samskiptaþjálfunar væri
aukin aðgreining kynjanna í skólum
fremur til ógagns en gagns, en
„skandinavísku" hugmyndimar
virtust ekki gera ráð fyrir slíkri
þjálfun. Margrét Pála sagði nauð-
synlegt að þjálfa bæði kynin á breið-
ara sviði en hefðbundið kynhlutverk
gerir ráð og Gyða Jóhannsdóttir tók
að því leyti í sama streng, en taldi
kynjaskiptingu þó ekki leysa neinn
vanda, grunnt væri á ómeðvituðum
fordómum gagnvart hefðbundnum
kynhlutverkum og slíkt yrði hver
og einn að uppræta hjá sjálfum
sér. Elsa Þorkelsdóttir taldi að
ákvörðun um kynjaskiptingu þyrfti
að byggjast á hagsmunum beggja
kynja og Ingibjörg Ásgeirsdóttir
sagði að skólastarf þyrfti sífellt að
vera í mótun til að þróunin yrði
fram á við.
Mótun og þróun. . ., slíkt á lík-
lega við um flest annað í lífinu og
tilverunni. Stundum virðist þróunin
þó fara í hring og þá er horfið aft-
ur til gamalla gilda, sem áttu við
þá - ekki í millitíðinni - en aftur
núna. Reynslan sker líklega úr um
það og skólastarf heldur áfram að
blómstra í takt við tímann. E.t.v.
hring eftir hring. . . ■
vþj
Tveggja vikna hönnunarhátíð í vændum
F orm í sland
UNDANFARIN ár hefur Form ís-
land staðið fyrir hönnunardegi hús-
gagna og innréttinga. Síðastliðið
sumar hóf hönnunarstöð starfsemi
sína og mun hún hafa umsjón með
þessari uppákomu í ár. Þar sem
ýmsar aðrar starfsgreinar hafa sýnt
því áhuga að fá að taka þátt í hönn-
unardeginum hefur verið afráðið að
gera meira úr þessu. Verður efnt til
tveggja vikna dagskrár með þátttöku
ýmissa starfsgreina sem tengjast
hönnun, Félags íslenskra teiknara,
Félags meistara og sveina í fataiðn,
Leirlistafélagins, Textflfélagsins,
Iðntæknistofnunar, Arkitektafélags-
ins, Félags landslagsarkitekta, Fé-
lags íslenskra gullsmiða og Félags
iðnhönnuða.
Ráðgert er að efna til fimm sjálf-
stæðra hönnunarsýninga. I Hafnar-
húsinu verður tíu daga sýning á
húsgögnum og innréttingum, í Geys-
ishúsi munu textflhönnuðir, leirlista-
menn og gullsmiðir sýna og í gamla
Morgunblaðshúsinu verður iðnhönn-
un til sýnis. í Iðnó verða arkitektar
með byggingarlist og landslagsarki-
tektar og fatahönnuðir sýna þar
einnig. Að lokum verður grafísk
hönnun í Kringlunni.
Einnig verða haldnir fyrirlestrar í
Norræna húsinu sem tengjast þess-
um sviðum og hafa verið fengnir
fimm norrænir fyrirlesarar sem flytja
erindi.
Fram að hönnunarhátíðinni, sem
hefst 23. febrúar næstkomandi, mun
Daglegt líf kynna eina sýningu hvern
föstudag og að þessu sinni er það
sýningin sem verður í Geysishúsinu.
Allt frá bollum og slæðum
að IJósum og veggflísum
Að sýningunni standa gullsmiðir,
textilhönnuðir og leirlistamenn.
Rúmlega þijátíu manns eiga verk á
henni og er áhersla lögð á hönnun
útfrá notagildi.
Textílhönnuðir sýna til að mynda
trefla, slæður, púða, diskamottur,
tehettur, og rúmteppi, leirlistamenn
verða með allt frá bollum upp í ljós
og veggflísar og gullsmiðir sýna
ýmsa skartgripi og aðra listmuni. ■
grg
KRISTRÚN Ágústsdóttir
textílhönnuður er ein
þeirra sem verður með
muni á sýningunni. Hún
útskrifaðist eftir fímm
ára nám frá textíldeild
Myndlista- og handíða-
skólans Hún verður til að
mynda með silkitrefla á
sýningunni. Kristrún
vinnur með náttúruleg
efni og sækir myndefni
sitt þangað líka, form og
liti. Á litlu myndinni eru
púðar eftir Kristrúnu.
TÓMAS Malmberg gull-
smiður lærði hjá föður
sínum Gunnari Malm-
berg. Þeir feðgar bjóða
viðskiptavinum sínum
nær eingöngu upp á eigin
smíðar. Tómas útfærir
eigin hugmyndir bæði í
skartgripi og skúlptúra.
Hann notar aðallega gull
og silfur, demanta og
ýmsa steina. Á litlu mynd-
inni er næla og hringir
eftir Tómas.
Morgunblaðið/Kristinn
BRITA Berglund leirlistakona tekur þátt í sýning-
unni í Geysishúsinu. Hún lærði við Skolen for
Brugskunst í Kaupmannahöfn og er með gallerí
Kobolt við Laugaveg, sem er bæði vinnustofa og
gallerí. Brita verður til dæmis með ýmsar útfærslur
af bollum á sýningunni. Hér má sjá bolla sem Brita
hefur hannað og mótað úr leir.
MEISTARAKOKKARiMIR
Omeletta með
reyktri ýsu (souff le)
150 g reykt ýsa
25 g smjör (brætt)
_________dl rjómi
___________2 egg__________
_________saltog pipar
rifinn parmesan ostur
Lúðu- og rækjukökur
_______300 g soðin lúða____
______50 g saxaðar rækjur__
450 g soðnar kartöflur
2 msk. mjólk
50 g heilhveiti
olía til steikingar
í þennan rétt er upplagt að nota af-
ganga af físki og kartöflur. Hreinsið
bein og roð af fiskinum og rífið smátt
niður og bætið rækjunum í. Meijið
kartöflurnar með klemmu eða stapp-
ara og setjið í skál. Bætið smjöri og
mjólk í og að lokum fiskinum, kryddið
með salti og pipar. Mótið litlar bollur
úr deiginu og veltið upp úr heilhveiti
og þrýstið létt á þannig að úr verði
fallegar kökur. Steikið upp úr olíu og
berið fram með brauði og sósu. Mjög
gott er að bera fram tartarsósu eða
heita ítalska tómatsósu. Athugið að í
þennan rétt má nota allskyns krydd
eftir smekk og jafnvel gráðaost. Þá
er mjög gott að velta kökunum upp
úr sesamfræjum í stað heilhveitis.
söxuð steinseljq
Sjóðið ýsuna og hreinsið af roð og
bein. Rífið fiskinn eða stappið í skál
og bætið í helmingnum af bræddu
smjörinu og 1 msk. af rjóma. Skiljið
eggin og þeytið rauðumar létt með 1
msk. af ijóma og bætið nokkru af
ostinum í og hrærið saman við físk-
blönduna. Stífþeytið eggjahviturnar
og bætið í með sleif. Setjið afganginn
af smjörinu á pönnu og hellið blönd-
unni út á og látið steilgast í nokkrar
minútur. Setjið það sem eftir var af
ostinum ásamt steinseljunni ofaná og
setjið undir grill í ofni í 2-3 mín.
Fylgist vel með réttinum á meðan
hann er undir grillinu. Þessi réttur er
ljúffengur með stökku salati með
brauðteningum.
00 töfl
Eitt stærsta vandamál nútímans er hraði og streita
B-vítamín og C-vítamín eru nauðsynleg til að viðhalda
sterkum og góðum taugum, auk þess að vera
undirstaða ótal annara þátta líkamsstarfseminar.
Vítamínin í B-STRESS eru sérvalin næringarefni
fyrir taugarnar. Þau gegna auk þess mikilvægu
hlutverki fyrir heilbrigð efnaskipti, grósku-
mikinn hárvöxt, heilbrigt og fallegt
hörund og heilbrigða starfsemi hjarta og æða.
Éh
Eilsuhúsið
Kringlunni sími 689266 Skólavörðustíg sími 22966
Blab allra landsmanna!
- kjarni málsins!