Morgunblaðið - 27.01.1995, Page 4

4 D FÖSTUDAGUR 27. JANÚAR 1995
4
____________________________________________MORGUNBLAÐIÐ
DAGLEGT LÍF
Ég er alltaf að
fást við fjölbreytt verk
en samkeppnin er mikil
(A
„SKEMMTILEGAST við
starfið fínnst mér hversu fjöl-
breytt það er. Þetta er ekkert
rútínustarf. Maður er alltaf
að fást við eitthvað nýtt og
spennandi, en það þarf svo
sannarlega að hafa fyrir því
að afla sér verkefna. Maður
fær þau ékki upp í hendurnar
2 án þolinmæði og baráttuvilja.
■% Samkeppnin er geysilega hörð
S í þessum bransa úti í hinum
stóra heimi,“
segir Katrín
Elvarsdóttir,
ljósmyndari í Boston
í Bandaríkjunum.
Katrín útskrifað-
ist sem ljósmyndari
fyrir um tveimur
árum frá Art Instit-
ute of Boston, sem
er listaskóli, eftir
íjögurra ára nám.
Fyrstu tvö árin tók
hún á Flórída, en
fluttist síðan til Bos-
ton ásamt eigin-
manni sínum Kristni
R. Þórissyni, sem er
nú í doktorsnámi í
tölvufræðum og rannsakar m.a.
samskiptahæfni tölva og manna.
En hvemig stóð á því að Katrín
ákvað að skella sér út í ljósmyndun?
Fjöibreytt verkefni
„Það var nú fyrir tilviljun að ég
keypti mér ljósmyndavél fyrir ein-
um átta árum og byijaði að taka
myndir. Ég heillaðist mjög og síðan
varð ekki aftur snúið.“ Katrín seg-
ir að námið hafí ekki verið stílað
inn á eitthvert eitt tiltekið svið ljós-
myndunar, heldur hafí hún af
sjálfsdáðum leitað í auknum mæli
inn í heim tískuljósmyndunar og
þar vilji hún helst vera. Katrín hef-
ur m.a. verið fengin til að vinna
tvær forsíður fyrir mánaðartímarit-
ið Stuff í Boston. Það hefur að
geyma upplýsingar um menningar-
og listviðburði, afþreyingu og
skemmtanalíf í borginni auk tísku-
þátta og viðtala við rithöfunda og
aðra andans menn. Fyrri forsíða
Morgunblaðið/Sverrir
KATRÍN Elvarsdótt-
ir, ljósmyndari, búsett
og starfandi í Boston.
Katrínar var á aprílheftinu og sú
síðari í október sl. Þá hefur hún
unnið tískuþætti fyrir tímarit, aug-
lýsingar fyrir ýmsa aðila og tekið
myndir af fyrirsætum, sem birtast
í bókum, sem módelskrifstofur gefa
út á hverju ári.
Mappan mikllvæg
„Starfið gengur í raun út á það
að rölta á milli atvinnurekenda með
ljósmyndamöppuna undir hendinni
og snapa sér verk-
efni. Og safnið i
möppunni hefur svo
heilmikið um það að
segja hvort maður
fær bitastæð verkefni
eða ekki. Það þarf að
endurspegla mikla
breidd og í raun allt
það, sem maður er
fær um að gera.
Myndimar þurfa líka
að vera sem nýjastar
þar sem um tísku er
að ræða. Annars er
manni ekki treyst til
neins. Hingað til hef
ég verið sæmilega
heppin, en ég geri
mér fullkomna grein fyrir því að
það tekur tímann sinn að vinna sig
upp í faginu," segir Katrín.
„Tískuljósmyndun er sérlega
vinsæl hjá mörgum ljósmyndumm
vegna þess „glamors", sem fylgir
starfínu og heillar margan mann-
inn. Vegna samkeppninnar hafa
tískuljósmyndarar margir hveijir
verið að selja sig mjög ódýrt til
þess eins að fá að vera með. Og
þar af leiðandi er ekki mikið upp
úr þessu að hafa, andstætt við það
sem margir álíta. Þetta er bara
barningur. Ég veit hvorki hvað ég
verð að gera frá einum mánuði til
annars né hvað ég muni bera úr
býtum. Lífið er hálfgert lotterí."
Parísartískan
Katrín, sem er þrítug að aldri,
hefur tvívegis farið til Parísar á
eigin vegum og verið viðstödd
stærstu tískusýningamar, fyrst í
mars þegar allir helstu hönnuðir
ÞESSI frumlegi sumarkjóll á ættir sínar að rekja til japanska
hönnuðarins Issey Miyake.
heims kynna haust- og vetrartísk-
una og síðan í október þegar þeir
koma fram með vor- og sumartísk-
una. Katrín sagði að mjög erfitt
sé að komast inn á þessar sýningar
sem ljósmyndari. Ekki væri nóg
að bera almennan blaðamanna-
passa frá skipuleggjendum sýning-
arinnar, heldur þyrfti að fá sér-
stakt leyfí frá hveijum og einum
hönnuði, sem þarna sýndi. Það
væri þó vel þess virði því þetta
væm miklar skrautsýningar og
gestimir fræga og fína fólkið, allt
klætt skv. hugmyndum tískuhönn-
uðanna, sem stíga þarna á stokk.
Þær ljósmyndir, sem birtast hér frá
tískusýningunni í París, tók Katrín
á meðan hún kynnti sér vor- og
sumartískuna 1995.
Katrín segist líklega verða á er-
lendri gmndu eitthvað lengur. En
víst gæti hún alveg hugsað sér að
starfa heima ef möguleikar væru
meiri en raun ber vitni. „Ljósmynd-
arar, sem starfa heima, geta ekki
sérhæft sig í einu eða neinu. Þeir
þurfa að vera að vasast í öllu sam-
tímis. Eins er mjög erfítt að kom-
ast að hjá frægu tískublöðunum,
t.d. Vogue og fleiri slíkum. Ég hef
mikinn áhuga á því að starfa fyrir
erlend tískutímarit þar sem hug-
myndaauðgi ljósmyndarans fær að
blómstra í stað þess að stjórnast
af dyntum annarra." ■
Jóhanna Ingvarsdóttir
FORSÍÐUMYND sem Katrín
vann fyrir októberhefti tíma-
ritsins Stuff í Boston.
SUMARKLÆÐNAÐUR eftir
Xuly Bet frá Nígeríu.
Ljósmynd/Katrín Elvarsdóttir
HELSTU tískufyrirsætur
heims sýndu m.a. vor- og sum-
artískuna í París en hér má
sjá toppfyrirsætuna Lindu
Evangelistu frá Kanada sýna
föt eftir breska hönnuðinn
Vivienne Westwood.
af símtækjum?
ALLT er nú til eins og kerling-
in sagði; nú er fullyrt að húð-
sjúkdómalæknar í Texas hafí
uppgötvað af hveiju nokkuð
margir fullorðnir fái bólur á
vinstri vanga.
Hinir bólugröfnu eiga það
sameiginlegt að mala enda-
laust í síma. Bólurnar blómstra
þar sem tólið snertir andlitið.
Þeim sem eyða heilu dögunum
í símanum er því ráðlagt að
hreinsa símtólið daglega með
spritti til að drepa bólubakter-
íurnar. ■
Skólakerfið þarf að skila
atvinnulífinu sterkara og framsæknara fólki
EFLA þarf metnað í skólastarfi og
miða umræðu og áætlanir við að
skila sterkara, sjálfstæðara og fram-
sæknara fólki út á vinnumarkað,
fólki með kunnáttu og hæfni sem
stenst samjöfnuð við það sem gerist
meðal þjóða sem við berum okkur
saman við. Þetta er álit Þórarins V.
Þórarinssonar, frkvstj.VSÍ, sem var
einn frummælenda á ráðstefnu um
tengsl atvinnulífs og skóla sem Fjöl-
brautaskólinn við Armúla efndi til
fyrir skömmu. Yfirskrift erindisins
var: „Hvaða kröfur á atvinnulífíð að
gera til skóla?“
Þórarinn sagðist fullyrða að at-
vinnulífið gerði vaxandi kröfur um
góða undirstöðumenntun, einkum í
stærðfræði, íslensku og erlendum
tungumálum. Þá væri munnleg,
skrifleg og tölvutæk tjáning atvinnu-
lífí nútímans afar mikilvæg svo og
gæðavitund starfsmanna allt frá
kaupum hráefnis til afhendingar full-
unninnar vöru eða þjónustu. Skólinn
þyrfti að leggja áherslu á áreiðan-
leika og stundvísi og senda þau boð
að framúrskarandi árangur sé keppi-
kefli. Byggja þyrfti upp einstaklinga,
sem sækja fram og geta starfað með
öðrum. Því þyrfti fleiri raunhæf við-
fangsefni inn í skólana.
SKÓLINN þarf að koma því til skila til nemenda að framúr-
skarandi árangur sé keppikefli.
Launln lág í
evrópsku samhengi
Þórarinn benti á að atvinnulíf hér
væri einhæft, fyrirtækin smá og
tæknistig lágt. Framleiðni væri því
minni en vera skyldi og laun á vinnu-
stund lág í evrópsku samhengi sem
við höfum bætt okkur upp með löng-
um vinnudegi og mikilli atvinnuþátt-
töku. Ef miðað væri við svipað vinnu-
framlag og gerist innan ESB mætti
ætla að þjóðin væri nær 370 þús.
manns í stað 262 þúsunda.
Þórarinn sagði að tiltölulega háar
þjóðartekjur á mann miðað við aðrar
þjóðir skýrðust fyrst og fremst af
því að við lékjum hvert um sig fleiri
hlutverk en almennt gerðist í okkar
heimshluta. „Þetta skýrir hærri tekj-
ur og meiri eyðslu en í fljótu bragði
sýnist samrýmanlegt tiltölulega lág-
um launum á vinnustund. Við byggj-
um í allt of ríkum mæli á vinnuafls-
frekum atvinnugreinum, en einkenni
slíks atvinnurekstrar er ævinlega
lægri laun en þar sem tekist hefur
að virkja hugvit. og tækni í þágu
verðmætasköpunar."
Þórarinn sagði að ætti að búa
ungu kynslóðinni, sem sækir út á
vinnumarkað næstu ár sambærilegar
aðstæður og kjör við það sem byðist
með öðrum þjóðum, yrði m.a. að
auka tæknistig fyrirtækja, efla
markaðsvitund og markaðsstarf,
skilning á gæðum og samhengi sölu
og framleiðslukostnaðar.