Morgunblaðið - 28.01.1995, Blaðsíða 4

4 LAUGARDAGUR 28. JANÚAR 1995
MORGUNBLAÐIÐ
FRÉTTIR
Snjóhengja féll á aðveitusto
> ver árvirkj unar
ÞORSTEINIM Sigfússon
stöðvarstjóri. Honum til beggja
handa eru háir snjóveggir, sem
rutt hefur verið upp við veginn
að virkjuflínni.
KRAPAFLÓÐIÐ náði upp
að gluggum.
Morgunblaðið/Sverrir
KOLMÓRAUTT vatn bullaði um gamla árfarveginn og flæddi að stöðvarhúsinu.
Stöðvarhús virkjunar-
iimar fylltist af vatni
SNJÓHENGJA féll á aðveitustokk við stöðvarhús Þverárvirkjunar í Stein-
grímsfirði í gærmorgun og tók stokkinn í sundur á 15 metra kafla. Stöðvar-
húsið fylltist af vatni áður en starfsmenn virkjunarinnar náðu að loka fyrir
rennslið. Þorsteinn Sigfússon, stöðvarstjóri Þverárvirkjunar, sagði að tjónið
næmi milljónum króna, hugsanlega tugum milljóna.
Rafmagn fór af hluta Hólmavíkur
og sveitunum í kring um kl. 7 í gær-
morgun. Þorsteinn sagði að aðkoman
hefði verið ljót. „Þegar við komum
að stöðvarhúsinu var það fullt af vatni
og vatn bullaði niður gamla árfarveg-
inn. Aðveitustokkurinn, sem er um
1,30 metrar í þvermál, hafði sópast
í burtu á um 15 metra kafla.“
Vatnsborðið lækkaði um
hálfan metra
Þorsteinn sagði að tekist hefði að
loka fyrir rennsli úr lóninu um kl.
9. Hann sagði að á þeim rúmum
tveimur tímum sem vatn hefði runn-
ið óhindrað úr lóninu hefði vatnsborð
þess lækkað u.þ.b. hálfan metra.
Aðveitustokkurinn, sem fór í sund-
ur, var endurnýjaður fyrir um þrem-
ur árum. Þorsteinn sagði ljóst að
talsverðan tíma tæki að lagfæra
stokkinn. Hann sagði algerlega óvíst
hvenær hægt yrði að gangsetja virkj-
unina að nýju.
Þorsteinn sagði að tjón á stöðvar-
húsinu væri talsvert. Sprunga væri
í útvegg þar sem krapaflóðið féll að
húsinu. Eins væru skemmdir á tækj-
um. Stjómbúnaður fyrir aðra vélina
er á neðri hæð aðveituhússins, sem
fylltist af vatni. Þorsteinn sagðist
gera sér vonir um að tæki á efri
hæðinni væru óskemmd, en það ætti
eftir að koma í Ijós.
„Það er mjög mikill snjór hérna
og það hefur myndast mikil snjó-
hengja upp af stokknum. Hún hefur
fallið niður í glúfrið og á stokkinn,
sem sópast í burtu á stórum kafla,“
sagði Þorsteinn.
Rafmagn komst fljótlega á Hólma-
vík og sveitimar í kring með bráða-
birgðatengingu. Ekki þarf að keyra
dísilvélar þar sem Þverárvirkjun er
tengd veitusvæði Orkubús Vestijarða.
STÖÐVARHÚSIÐ fylltist af vatni.
400 ferða-
menn á vík-
ingahátíð
ALÞJÓÐLEG víkingahátíð
verður haldin í Hafnarfirði
7.-9. júlí nk. og nú þegar
hafa 400 erlendir þátttak-
endur boðað komu sína á
hátíðina.
Stefnt er að því að flytja 5
víkingaskip frá Danmörku og
1 frá Noregi til íslands og
liggja þau í Hafnarfjarðar-
höfn og flytja farþega á með-
an á hátíðinni stendur. Magn-
ús Magnússon sjónvarpsmað-
ur í Bretlandi mun koma til
íslands og halda fyrirlestra
um víkingatímann og sömu-
leiðis ýmsir norrænir fræði-
menn.
Hátíðin ber nafnið Land-
nám og hefur verið stofnað
hlutafélag um hana. Aðilar
að því eru eru m.a. Hafnar-
íjarðarbær, Fjörukráin, Úr-
val/Útsýn, Flugleiðir og fleiri.
Tæpur helmingur þeirra
400 þátttakenda sem hafa
boðað komu sína eru frá Dan-
mörku en hinir frá Svíþjóð,
Þýskalandi, Noregi, Frakk-
landi og víðar.
Bíða dóms
vegna pen-
ingakeðju
í NÆSTU viku er að vænta
dóms Héraðsdóms Reykjavík-
ur í máli tveggja manna, sem
ákærðir hafa verið fyrir að
gangast fyrir fjársöfnun með
keðjubréfum. Ákæruvaldið
krefst þess að mennimir verði
dæmdir til að greiða sektir
og til að þola upptöku á þeim
3 milljónum króna, sem talið
sé að þeir hafi haft í hagnað
af starfseminni.
Mennirnir voru með skrif-
stofu í Reykjavík þar sem
þeir ráku Landsmálafélagið,
sem tengdist peningakeðjunni
Auðbjörgu, sem talið er að
nokkur þúsund manns hafi
gerst aðilar að og lagt fé til.
Risna borg-
arinnar
lækkuð um
20 milljónir
í FJÁRHAGSÁÆTLUN
Reykjavíkurborgar fyrir árið
1995 er gert ráð fyrir að risna
verði skorin niður um 20 millj-
ónir, úr 71,5 milljónum króna
árið 1994 í 51,5 milljónir
króna.
í máli Ingibjargar Sólrúnar
Gísladóttur borgarstjóra kom
fram að risna borgarinnar á
síðasta ári hefði verið um 28
milljónir að frátaldri risnu ein-
stakra embætta. Þar af voru
um 17 milljónir á fyrstu sex
mánuðunum en um 11 á síð-
ari sex mánuðunum.
Dregið úr blómakaupum
Fram kom að nýi meirihlut-
inn hafi ákveðið að lækka
útgjöld vegna blómakaupa og
hefur sá liður lækkað úr 823
þúsundum króna fyrstu sex
mánuðina í 340 þúsund krón-
ur síðari hluta ársins.