Morgunblaðið - 28.01.1995, Blaðsíða 11
MORGUNBLAÐIÐ
LAUGARDAGUR 28. JANÚAR 1995 11
FRÉTTIR
Rafha-húsið
tækniminjasafn?
Morgunblaðið/Sigríður Ingvarsdóttir
í DAG sést sólin á Siglufirði í fyrsta sinn á nýju ári. Af því tilefni gæða Siglfirðingar
sér á pönnukökum og fagna lengri sólargangi.
Sólardagur á Siglufirði
Siglufirði. Morgunblaðið.
VALDIMAR Magnússon eigandi
Rafha-hússins í Hafnarfirði hefur
farið þess á leit við menntamála-
ráðuneyti og bæjaryfirvöld í Hafnar-
firði að stofnsett verði tækniminja-
safn í húsinu.
Segir Valdimar að húsið, sem er
2.600 m2 að stærð, eigi sér langa
sögu sem tengist iðnvæðingu Iands-
ins. til dæmis hafi fyrstu eldavélar
á íslandi verið framleiddar hjá
Rafha. Aðspurður hvernig hug-
myndinni hefði verið tekið sagði
Valdimar að hann hefði komið henni
á framfæri í júní í fyrra, undirtekt-
ir hefðu verið góðar en engin svör
borist.
Bæði kostir og gallar
Þór Magnússon þjóðminjavörður
skoðaði húsnæðið á fimmtudag og
sagði í samtali við Morgunblaðið að
það hefði bæði kosti og galla sem
tækniminjasafn. „Ég skoðaði húsið
snemma í sumar, því þjóðminjaráði
hefur borist bréf frá formanni
bæjarráðs í Hafnarfirði, þar sem
athygli er vakin á þessu máii. Hús-
ið er byggt í nokkrum áföngum og
er fyrst og fremst verksmiðjusalur
en gæti nýst fyrir vissar tegundir
hluta. En hús sem byggt er fyrir
aðra starfsemi uppfyllir aldrei allar
kröfur sem maður vill að safnhús
geri,“ segir Þór.
Mikilla endurbóta þörf
Aðspurður að hveiju þyrfti helst
að hyggja nefnir þjóðminjavörður
brunavarnir; ýmis öryggismál og
upphitun. „Ég geri ráð fyrir að þetta
verði kynnt á þjóðminjaráðsfundi.
Ég taldi sjálfsagt að skoða húsið,
því maður er alltaf með það í huga
að koma tæknisafni á laggimar,“
segir Þór.
Hann segir húsið koma til greina
að miklum endurbótum tilskildum.
„Áhuginn á því að setja á fót tækni-
minjasafn er fyrir hendi en það vant-
ar peninga. Á meðan miklar endur-
bætur standa yfir á Þjóðminjasafn-
inu hafa menn vilja láta annað bíða.“
Menntamálaráðherra vildi ekki
tjá sig um erindið við Morgunblaðið
að svo stöddu.
SOLARDAGUR er í dag, 28. jan-
úar, á Siglufirði. Sólardagurinn
er haldinn hátíðlegur af því tilefni
að þá sést sólin í fyrsta sinn á
nýju ári.
Sólin hverfur um. 20. nóvember
og sést ekki í rúma tvo mánuði
vegna hárra fjalla er umlykja
Siglufjörð. Því finnst Siglfirðing-
um vert að halda upp á sólardag-
inn og gera það m.a. með því að
gæða sér á „sólarpönnukökum“.
Sjálfsbjörg á Siglufirði hefur
undanfarin ár haft það sem fjáröfl-
un að baka „sólarpönnukökur" og
selja. Að þessu sinni voru bakaðar
á annað þúsund pönnukökur. Hefð
er fyrir því að fyrirtækjaeigendur
kaupi pönnukökurnar og bjóði
starfsfólki sínu upp á þær með
kaffinu.
Árlega styrkir Sjálfsbjörg á
Siglufirði fatlaða einstaklinga sem
eiga við erfiðleika að etja.
Mannréttindaskrif-
stofa Islands
Erindi um
mannrétt-
indi o g
stjórnar-
skrá
ÚT ERU komin erindi um mann-
réttindi og stjórnarskrá. Erindin
voru flutt á fundi 1. desember sl.,
sem haldinn var á Hótel Sögu á
vegum Mannréttindaskrifstofu ís-
lands, Lögfræðingafélags íslands,
Lögmannafélags Islands og Rásar
1 Ríkisútvarpsins.
Frummælendur á fundinum
voru fjórir. Guðmundur Alfreðs-
son, þjóðréttarfræðingur á Mann-
réttindaskrifstofu Sameinuðu þjóð-
anna, nefndi erindi sitt Hugleiðing-
ar um mannréttindi í stjórnarskrá.
Hjördís Hákonardóttir, dómari við
Héraðsdóm Reykjavíkur, flutti er-
indi sem nefndist Mannréttindi -
Hvað viljum við hafa í VII. kafla
stjórnarskrárinnar? Vilhjálmur
Árnason, dósent í heimspeki við
Háskóla íslands, flutti erindið
Mannhelgi og mennréttindi. Þór
Vilhjálmsson, dómari við Mann-
réttindadómstólinn í Strassborg og
við EFTA-dómstólinn í Genf,
tengdi heiti erindis síns við tilefnið
og daginn og nefndi það Mannrétt-
indafund 1. desember 1994.
Endurskoðun mannréttinda-
kafla stjórnarskrárinnar
Auk áðurnefndra framsöguer-
inda eru í ritinu birt ávarp Ragn-
ars Aðalsteinssonar, formanns
stjórnar Mannréttindaskrifstof-
unnar, og ávarp Geirs H. Haarde,
þingflokksformanns Sjálfstæðis-
flokksins, en formenn þingflokk-
anna hafa haft umsjón með endur-
skoðun á mannréttindakafla
stjórnarskrárinnar. Þá eru VI. og
VII. kafli stjórnarskrárinnar birtir
í heilu lagi ásamt tillögum stjórnar-
skrárnefndar frá 5'. apríl 1994 um
mannréttindaákvæði stjórnar-
skrárinnar og frumvarpi formanna
þingflokkanna til stjórnskipunar-
laga um breytingu á mannréttind-
akafla stjórnarskrárinnar.
Ritið er 50 síður og er selt í
bókabúðum og hjá Mannréttinda-
skrifstofunni, Laugavegi 31.
PUNTO
BÍLL ÁRSINS 1995
BILASYNING UM HELGINA
Opið frá kl. 13 til 16 laugardag og sunnudag.
í vali helstu bílablaðamanna í Evrópu var Punto útnefndur bíll ársins 1995 með miklum yfirburðum.
Glæsileg hönnun, þar sem öryggi farþega og ökumanns er í fyrirrúmi, auk afburða aksturseiginleika
og aflmikilla véla, réð mestu um valið.
Punto býðst nú á einstaklega hagstæðu verði, frá kr. 945.000.-
Komið og reynsluakið Punto, bíl ársins 1995.
FIAT PUNTO ER SVARIÐ
ÍTALSKIR BÍLAR HF.,
SKEIFUNNI 17, SÍIVII 588 7620
Fiat Punto
bíll ársins 1995