Morgunblaðið - 28.01.1995, Blaðsíða 21

MORGUNBLAÐIÐ
LAUGARDAGUR 28. JANÚAR 1995 21
LISTIR
Hraðbyri
siglt
LEIKLIST
LcikfclagAkurcyrar
A SVÖRTUM FJÖÐRUM
Höfundur: Erlingur Sigurðarson.
Lýsing Ingvar Bjömsson. Tónlistar-
stjóm: Atli Guðlaugsson. Leikmynd
Þráinn Karlsson. Búningar: Ólöf
Kristín Sigurðardóttir. Leikstjóra:
Þráinn Karlsson.
Á ALDARAFMÆLI Davíðs frá
Fagraskógi býður Leikfélag Akur-
eyrar til sérstæðrar veislu. Gestum
er ætlað að fljúga á svörtum fjöð-
rum um ljóðheima þar sem margt
ber við. Leiðsögumaður er Erlingur
Sigurðarson sagnfræðingur, sem
hefur ofið úr ljóðum skáldsins leik-
verk og í samvinnu við leikstjórann
Þráinn Karlsson, opnað hlið að
heimi skáldsins. Engum dylst, sem
hefur lesið verk Davíðs Stefánsson-
ar, að ómögulegt er að bregða upp
nema broti af listferli hans á
skammri kvöldstund. Því verður að
meta þetta verk eins og hraða sigl-
ingu í blásandi byr inn Eyjaíjörð
þar sem líta má ýmiss dalsmynni á
báðar hendur, en ekki gefist kostur
á að líta sveitirnar, sem þar eru inn
af.
Þau sem ekki eru því kunnugri
ljóðum skáldsins, yerða forvitin og
vilja fá meira að sjá og heyra. Sá
virðist mér megintilgangur þessa
verks. Hafi það þau áhrif, þá er vel
og árangri náð.
Sýningin er ekki bókmennta-
kynning, heldur birtir listræn leiftur
þar sem margir koma við sögu og
gera vel. Lipurlega tekst Erlingi að
stikla á ótrúlega mörgum ljóðum
Davíðs og kemur til skila ákveðnu
viðhorfi hans til lífsins. Við skynjum
síður þau mikilvægu sannindi, þeg-
ar þessi leið er valin, að í listinni
stendur tíminn kyrr. Þá finnum við
fremur dýpt hennar, njótum og lát-
um uppbyggjast. Ferðin á Svörtum
fjöðrum er eigi að síður þekk. Ljóð,
ljóðbrot og tónlist vekja góð hug-
hrif, minna á skáld, þjóðskáld sem
lifir meðan íslensk tunga er töluð.
Sjö leikarar og fimm tónlistar-
menn koma fram i sýningunni, en
Þráinn Karlsson og Viðar Eggerts-
son flytja innri rödd skáldsins. Aðal-
steinn Bergdal fer með hlutverk
Davíðs. Hann er löngum staðsettur
við skrifborð, sem er til hliðar við
sviðið, og hugsar upphátt svo mynd-
irnar spretta fram og persónurnar
fá mál. Leikur Aðalsteins einkenn-
ist af örgyggi og skýrri framsögn.
Þá spillir ekki, að honum veitist
auðvelt að taka undir söng, þegar
við á. Hvað viðkemur gerfi hans
þá virðist mér sem skáldið hefði
mátt vera öldurmannlegra og grátt
fyrir hærum, en þannig minnumst
við Davíðs sem nú erum tekin að
reskjast. Sigurþór Albert Heimisson
og Dofri Hermannsson leika skáldið
á mismunandi aldursskeiðum, Sig-
urþór Manninn og Dofri Æsku-
manninn. Tekst þeim báðum mæta-
vel að túlka þessi skeið á æviferlin-
um, leikurinn lifandi og blæbrigða-
ríkur og gerfin afbragðsgóð. Verður
ekki gert upp á milli þeirra tveggja.
Samleikur þeirra og Konunnar, sem
Rósa Guðný Þórsdóttir leikur og
Dísarinnar, sem Bergljót Amalds
túlkar, er mjög góður. Leikur Rósu
Guðnýjar er agaður og sannfærandi
og léttleiki æskunnar og dulítið
óstýrilæti hennar kemur vel fram í
leik Bergljótar. Sunna Borg leikur
Draumkonuna, sem staldrar við
stutta stund og Þórey Aðalsteins-
dóttir fer með lítið hlutverk, Full-
trúa nútímans, sem flytur örstuttan
prologus í samtali við skáldið í upp-
hafi og epilogus við lok sýningar-
innar.
Þráinn Karlsson sem hefur hann-
að leikmyndina af listrænni hug-
kvæmni, hefur leyst af hendi af-
bragðsgott verk sem leikstjóri.
Samræmi í hreyfingum og staðsetn-
ingu leikara gleður augað eins og
snjöll myndlist. Hér reynir á að
raða brotunum rétt og það tekst
Þráni með ágætum. Söngkvartett
skipa Atli Guðlaugsson, Jóhannes
Gíslason, Jónasína Arnbjörnsdóttir
og Þuríður Baldursdóttir en Birgir
Karlsson annast hljóðfæraleik. Fell-
ur tónlistin ágætlega inn í sýning-
una og ekki síst í hinni léttu Ítalíu-
stemmningu þar sem stigin eru
dansspor.
Leikfélag Akureyrar sýnir
minningu þjóðskáldsins frá Fa-
graskógi sóma með þessari sýn-
ingu. Vonandi fá sem flestir not-
ið hennar og megi hún jafnframt
vekja áhuga fyrir ljóðinu, sem
Erlingur Sigurðarson ritar um í
leikskrá: Lágmælt orð ljóðsins
geta lifað í hörðum og hávaða-
sömum heimi. En þá má ekki
loka þau inni í húsi minninganna
heldur verður að greiða þeim
götuna að hjarta mannsins -
þangað sem leynist eilíft líf.“
Mæli hann mannna heilastur.
Bolli Gústavsson
JÓN Óskar. Án titils.
SIGURÐUR Örlygsson. „Vatnið sagði mér“.
Málverk í Gerðarsafni
Nýjar bækur
• STÉTTARFÉLÖG og vinnu-
deilur, seinna bindið í ritröð um
íslenskan vinnurétt sem Lára V.
Júlíusdóttir lögfræðingur og fýrr-
verandi framkvæmdastjóri ASÍ hef-
ur samið að
beiðni Alþýðu-
sambandsins er
komið út. Fyrra
bindið kom út
fyrir rétt um ári
síðan undir heit-
inu Réttindi og
skyldur á vinnu-
markaði.
í fréttatil-
kynningu segir:
Stofnun og tilvist stéttarfélaga og
réttindi og skyldur félagsmanna eru
mál sem oft ber á góma. Gerð kjara-
samninga snertir allt launafólk og
skiptir miklu að rétt sé að hlutum
staðið. Ágreiningur á vinnumarkaði
leiðir oft til átaka í formi vinnu-
stöðvana eða dómsmála. Mikið
reynir á réttarreglur og oft er deilt
um lögmæti þeirra aðgerða sem
gripið er til við slíkar aðstæður.
Bókin Stéttarfélög og vinnudeilur
fjallar um þetta efni og leitast við
að skýra gildandi rétt og vísar til
laga og dóma.
Bókin skiptist í þrjá hluta, skipu-
lag vinnumarkaðarins, kjarasamn-
inga og kjaradeilur. Við uppsetn-
ingu bókarinnar var haft að leiðar-
Ijósi að hún nýttist sem uppflettirit.
Alþýðusamband íslands gefur bók-
ina út. Menningar- og fræðslusam-
band alþýðu (MFA) sér um dreif-
ingu bókarinnar. Hún kostar til fé-
lagsmanna 1.800 krónur og utan
félaga 2.600 krónur.
-----♦ ♦ ♦
„Leiðin til hásæt-
is“ í Bæjarbíói
UNGLINGADEILD Leikfélags
Hafnaríjarðar frumsýnir í Bæjar-
bíói í kvöld kl. 20 leikritið „Leiðin
til hásætis", byggt á bók Jan
Terclow, Barist til sigurs. Leik-
stjórar eru þeir Gunnar Gunn-
steinsson og Sóley Eilíasdóttir.
SÝNINGIN Málverk verður opn-
uð í Gerðarsafni í Kópavogi á
laugardag kl. 16. Sýnendur eru
málararnir Daði Guðbjörnsson,
Eyjólfur Einarsson, Gunnar Örn,
Jón Axel Björnsson, Jón Óskar
og Sigurður Örlygsson. Þeir hafa
valist saman vegna þess að
ákveðnum atriðum í list sumra
þeirra svipar saman og allir eiga
það sameiginlegt að mála fígúra-
tíft þótt verk þeirra séu að ýmsu
öðru leyti frábrugðin.
í þeim má þó iðulega finna skir-
skotanir til eldri verka innlendra
og erlendra og í fréttatilkynningu
segir að þær sýni hefðina sem
myndast hefur í islenskri myndlist.
Sýningin stendur til 12. febrúar
og er opin alla daga nema mánu-
daga frá kl. 12-18. Aðgangur er
200 krónur.
Pappírsverk
í Slunkaríki
í SLUNKARÍKI á ísafirði verður
opnuð sýning á innsetningu eftir
Guðrúnu Guðmundsdóttur og
Mary Hark á laugardag, 28. jan-
úar kl. 16. Verkið unnu þær í sam-
einingu þegar Guðrún var gesta-
listamaður við Minnesota Center
for Book Arts í Minneapolis í
Bandaríkjunum síðastliðið vor og
var það einnig sýnt þar.
Verkið er samsett úr hundruð-
um handunninna pappírsarka með
mismunandi lituðu og hanteruðu
yfírborði.
Mary Hark er myndlistarmaður,
útskrifuð frá The Art Institute of
Chicago og hefur unnið verk úr
handunnum pappír um margra ára
skeið. Þetta er í fyrsta skipti sem
verk eftir hana er sýnt á Islandi,
en hún hefur tekið þátt í fjölmörg-
um sýningum í sínu heimalandi.
Guðrún Guðmundsdóttir er
myndlistarmaður, útskrifuð frá
The Art Institue of Chicago. Hún
hefur haldið þijár einkasýningar
og tekið þátt í samsýningum, hér
heima og erlendis.
Sýningin stendur í þrár vikur.
♦ ♦ ♦----
Skífan hf.
Listamaður
mánaðarins
SKÍFAN hefur tekið upp á þeirri
nýjung að kynna listamann
mánaðarins í sígildri tónlist.
Geislaplötur listamanns mánað-
arins verða boðnar með 20% af-
slætti og aðeins verða í boði fyrsta
flokks upptökur með bestu flytj-
endum, segir í kynningu.
Fyrsti listamaður mánaðarins
er mezzo-sópransöngkonan Cecilia
Bartoli sem þrátt fyrir ungan ald-
ur hefur vakið verðskuldaða at-
hygli.
Listamaður mánaðarins í mars
verður tónskáldið Giuseppi Verdi.
Sýning Auðar
hefst eftir viku
FYRIR mistök var frétt um mynd-
vefnaðarsýningu Auðar Vésteins-
dóttur birt hér í blaðinu í gær.
Það var of snemmt, því sýningin
verður ekki opnuð í dag heldur
eftir viku, laugardaginn 4. febr-
úar.
Auður mun sýna í Hafnarborg
fram til 20. febrúar. Beðist er
velvirðingar á þessum mistökum.
------♦ ♦ ♦-----
Lísbet sýnir
á Sólon Islandus
LÍSBET Sveinsdóttir opnar sýn-
ingu í Gallerí Sólon Islandus í
dag, laugardag, kl. 16.
Lísbet nam við Myndlista- og
handíðaskóla Islands og við
Konstfackskolan í Stokkhólmi í
Svíþjóð.
Lísbet stundaði kennslu við
Konstskolan í Stokkhólmi árin
1981-1982 og kenndi við skúlptúr-
deild Myndlista- og handíðaskóla
íslands 1985-1986. Hún vann að
leikmyndagerð fyrir Þjóðleikhúsið
1987 og hlaut starfslaun lista-
manna árið 1986. Árin 1989-1991
starfaði Lísbet að list sinni í
Portúgal.
Sýningin stendur til 20. febrúar.