Morgunblaðið - 01.02.1995, Blaðsíða 15

MORGUNBLAÐIÐ
MIÐVIKUDAGUR 1, FEBRÚAR 1995 15
FRETTIR: EVROPA
Breski íhaldsflokkurinn
Segja sam-
stöðu um Evr-
ópustefnu
London. Reuter.
AÐSTOÐARMENN Johns Majors,
forsætisráðherra Bretlands, reyndu
í gær að breiða yfir ágreiningin um
Evrópumál innan íhaldsflokksins,
er blossaði upp á nýtt um helgina
eftir stjórnin ákvað að taka upp
harðari stefnu gagnvart Evrópus-
amrunanum. „Ríkisstjórnin er sam-
einuð þegar kemur að Evrópustefn-
unni,“ sagði háttsettur embættis-
maður.
Hann sagði að sú harða stefna,
sem stjórnin hefði í síðustu viku
ákveðið að móta fyrir ríkjaráðstefn-
una, væri „eðlilegt" og „rökrétt"
framhald á fyrri stefnu hennar.
Malcolm Rifkind varnarmálaráð-
herra sagði einnig að þó að útilokað
væri að láta sem enginn ágreining-
ur væri uppi þá hefði hin nýja stefna
verið mótuð til að stjórnin gæti
sest að samningaborðinu á ríkjaráð-
stefnunni með fullum stuðningi
flokksins.
Mikil áhætta
„Auðvitað viljum við samstöðu
innan flokksins og þar sem mikill
meirihluti flokksmanna telur rétt
að við séum aðilar að ESB en vilja
jafnframt draga úr miðstýringu
Evrópusamstarfsins ... þá er þetta
stefna sem nær allir í þingflokknum
geta skrifað upp á,“ sagði Rifkind
í viðtali við breska útvarpið.
Michael Heseltine viðskiptaráð-
herra, sem er einn helsti talsmaður
aukinnar Evrópusamvinnu innan
stjórnarinnar, sagði Breta aftur á
móti taka mikla áhættu ef þeir
gæfu í skyn að þeir væru tvístíg-
andi í afstöðunnar til Evrópu.
Bretar yrðu að vera í innsta hring
Evrópusambandsins þar sem þeir
ættu gífurlegra þjóðarhagsmuna að
gæta með samstarfínu og yrðu því
að geta haft áhrif á það.
Hættir Hurd?
Deilan innan íhaldsflokksins hef-
ur vakið upp umræðu um hvort
Douglas Hurd muni hugsanlega
láta af embætti utanríkisráðherra.
Hurd, sem þykir mikill Evrópu-
sinni, hefur verið harðlega gagn-
rýndur af þeim þingmönnum
flokksins, sem vilja draga úr Evr-
ópusamstarfinu. Teresa Gorman,
einn fulltrúi þeirra, sagði Hurd vera
„mann fortíðarinnar.
Rifkind hefur helst verið nefndur
sem hugsanlegur arftaki Hurds.
Embættismenn í utanríkisráðuneyt-
inu vísuðu hins vegar öllum slíkum
vangaveltum á bug í gær og sögðu
þær „fáránlegar".
Það er ekki síst talið vaka fyrir
Major að reyna að fá átta þing-
menn, sem reknir voru ör þing-
flokknum í nóvember, er þeir
greiddu atkvæði gegn fjárveiting-
um til ESB, til samstarfs á ný. An
þeirra hefur stjórnin ekki tryggan
meirihluta í þinginu.
Töpuðu kosningunum
en unnu uppgjörið
• SAMTÖK norskra Evrópu-
sinna, sem börðust fyrir aðild
Norðmanna að ESB, urðu undir
í þjóðaratkvæðagreiðslunni sl.
nóvember. Evrópusinnar geta þó
huggað sig við að koma fjárhags-
lega mun betur út úr kosninga-
baráttunni en Evrópuandstæð-
ingar. Reikningar samtakanna
verða lagðir fram á næstunni og
er búist við að þau komi út nokk-
urn veginn á sléttu. Formaður
samtakanna segir að í hæsta lagi
geti munað um hálfri milijón
norskra króna sem sé vel ásætt-
anlegt þegar haft sé í huga að
samtökin veltu milii 40 og 50
milljónum á síðasta ári. Samtök
Evrópuandstæðinga eyddu hins
vegar langt um efni fram og er
jafnvel búist við að þau verði
tekin til gjaldþrotaskipta.
Klaus
•VACLAV
Klaus, forsætis-
ráðherra Tékk-
lands, ávarpaði í
fyrradag þing
Evrópuráðsins í
Strassborg.
Hvatti hann í
ræðu sinni tíl að
stuðlað yrði að
fijálsri Evrópu
og frelsi einstaklingsins haft í
öndvegi.
•MIGUEL Angel Martinez, for-
seti Evrópuráðsins, sagði á
mánudag að aðild Rússa að ráð-
inu myndi frestast. Hins vegar
stæði ekki til að útiloka Rússa
frá ráðinu. Ástæða þess að aðild-
inni verður frestað er innrás
Rússa í Tsjetsjníju.
Forsætisráðherra Frakklands
Vill aukin áhrif
þjóðþinganna
Strassborg. Reuter.
EDOUARD Balladur, forsætisráð-
herra Frakklands, hvatti í gær til
þess að ráðherrar aðildarríkjanna
og þjóðþing fengju aukinn áhrif á
ákvarðanatöku innan Evrópusam-
bandsins. Frakkar fara nú með for-
ystuna í ráðherraráðinu.
Balladur sagði í viðtali við blaðið
Les Demieres Nouvelles d’Alsace,
að ráðherraráðið, sem væri skipað
mönnum er bæru ábyrgð gagnvart
þjóðþingum sínum, yrði að geta nýtt
sér pólitískt hlutverk sitt til fulls.
Hann sagði einnig að fundir leið-
toga Evrópusambandsríkjanna
væru að sama skapi eina stofnunin
sem gæti mótað framtíðarstefnu
ESB og samið um mikilvægustu
málaflokkanna.
Balladur sagði þjóðþing ESB-
ríkjanna verða að koma meira við
sögu við ákvarðanatöku í tengslum
við ríkjaráðstefnu ESB, sem hefst
á næsta ári. Á henni verða teknar
ákvarðanir um framtíðarskipulag
sambandsins.

Febrúartilboð á öllum áætlunarleiðum íslandsflugs
Einn borgar fullt og hinn ferðast frítt
Bókið saman - ferðist saman
Flateyri
Þingevri
Bíldudalur
Tálknafjörður ,
Patrcksfjörður;,

Reykjavík
Hólmavík
i|: Gjögur Siglufjörður
f Egilsstaðir
Seyðisfjörður
NorðQörður
EskiQörður
Reyðarfjörður
Vestmannaeyjar *
IQI JÍUfíCCI fff* Reykjavíkurflugvöllur, 101 Reykjavík
lOLHnUÖrLUU Sími: 91-616060, Fax: 91-623537
ÞÚ GETUR VALIÐ Umboösmenn um allt land