Morgunblaðið - 01.02.1995, Blaðsíða 8
MIÐVIKUDAGUR 1. FEBRÚAR 199S
SÆUÓNIÐ í KILLYBEGS
• ÓVENJU mikið er nó um það
að íslenzk skip séu seld notuð til
útlanda. í nýútkominni skipaskrá
Bertlands og írlands má meðal
annars finna nokkur fyrrum ís-
lenzk skip á skrá. Tvö skip eru í
bænum Killibegs á írlandi, Sæljón
SU, sem nú heitir einfaldlega Sea
Lion og Hirpa GK, sem virðist
ekki hafa náð inn á skipaskrána,
en er engu að síður komin út og
stundar þar veiðar. Þá er Kópa-
nes, áður Eyfell, í eigu útgerðar
i Cork á írlandi og Snæfari, sem
reyndar hét áður Keiiir, Einar
Benediktsson og Boston Sea
Sprite, er nú gerður út frá Kerry
álrlandi undir nafninu Alimar.
Loks er Pétur Jónsson, sem fyrr-
um var gerður út frá Reykjavík,
nú skráður í Whalsay á Hjaltlandi
undir nafninu Adenia H. Brezk-
írska skipaskráin er viðamikið
verk og eru í henni birtar myndir
af flestum skipanna ásamt upplýs-
ingum um smíðaár og -stað, staerð
í tonnum, lengd og breidd auk,
upplýsinga um eigendur. Það er
Pishing News útgáfan, sem gefur
skipaskrána út.
Færeyingar og Norðmenn
semja um veiðiheimildir
ÞORSHOFN, FÆREYJUM - FÆREY-
INGAR og Norðmenn hafa náð sam-
komulagi um gagnkvæmar veiðiheim-
ildir innan lögsögu beggja ríkjanna á
þessu ári. Litlar breytingar eru á fyrra
samkomulagi, en þorskkvóti Færeyinga
innan lögsögu Norðmanna verður þó
aukinn um 100 tonn. Þeir mega því veiða um 3.200 tonn af þorski í Barents-
hafí. Norðmenn fá mest uppsjárvarfisk í sinn hlut, svo sem kolmunna og makríl.
Færeyingar fá 100
tonnum meira af
þorski en í fyrra
Samkvæmt samningnum verður
norskum skipum heimilt að veiða
27.000 tonn af kolmunna innan
lögsögu Færeyja, 19.840 tonn af
makríl, 5.000 tonn af hrossamakr-
íl, 5.500 tonn af botnfiski svo sem
löngu, keilu, blálöngu og ufsa, 300
tonn af háfí og 100 tonn af beinhá-
karlslifur. Að auki gefa Færeying-
ar leyfi til titraunaveiða á 100
tonnum af skötusel og 500 tonnum
af grálúðu innan lögsögu sinnar
og verður svæðið fyrir grálúðu-
veiðina stækkað frá því, sem verið
hefur.
Færeyingar fá 1.100 tonn
af síld
I hlut Færeyinga kemur 100
tonna aukning á þorskkvóta norð-
an 62. breiddargráðu. Það þýðir
að leyfilegur afli þeirra á því svæði
verður 3.200 tonn af þorski, 350
tonn af ýsu og 300 tonn af karfa,
ufsa og grálúðu, sem er flutningur
úr kvóta Færeyinga innan lögsögu
Rússa. Leyfilegur afli af ýsu, ufsa og
grálúðu er hugsaður sem aukaafli með
þorskveiðum.
Morgunblaðið/HG
Stórir og smáir í höfninni í Þórshöfn í Færeyjum
Þá verður Færeyingum heimil eftir-
farandi veiði sunnan 62. annarrar
gráðu innan lögsögu Noregs: 20.000
af spærlingi, sandsíli, kolmunna og
brislingi, 2.000 tonn ufsa og 1.100
tonn af síld, 7.740 tonn af makríl,
5.000 tonn hrossamakríl og 300 tonn
af háfi og hámeri. Þá verða Færeying-
um heimilaðar tilraunaveiðar á allt að
5.000 tonnum af kolmunna á afmörk-
uðu svæði og saman magn af kol-
munna á fiskverndarsvæðinu við Sval-
barða. Þá hafa Færeyingar sætzt á
910 tonna þorskkvóta á verndar-
svæðinu og 200 tonn af öðrum
tegundum sem aukaafla. Þá
munu Færeyingar takmarka
fy'ölda rækjuskipa á miðunum við
Svalbarða við 7 skip.
Sömu skip og í fyrra
fá veiðileyfi nú
Samningurinn gerir ráð fyrir
endurskoðun kvóta á makríl, þeg-
ar endanlegur heildarkvóti fyrir
þá fiskitegund hefur verið ákveð-
inn. Þá verður síðar ákveðið hve
margir færeyskir línubátar megi
samtímis stunda veiðar innan
lögsögu Noregs, en samkomulag
hefur orðið um það, að skip sem
höfðu leyfí til veiða innan lögsögu
ríkjanna í fyrra, fái aftur leyfi nú.
Færeyingar skuldbinda sig til
árangursríks eftirlits með fær-
eyskum skipum, sem stunda
munu veiðar í Barentshafi. Þá
munu löndin síðar taka afstöðu
til þess, með hvaða hætti mögulegt
verður að hindra landanir skipa, sem
stunda veiðar í Barentshafinu án þess
að hafa fengið úthlutað kvóta þar.
FÓLK
Almanak
sjómanna
1995 komið út
■ FISKIFÉLAG íslands hef-
ur nú gefíð út sjötugasta Sjó-
mannaalmanakið, síðan fé-
lagið tók við
útgáfu þess
árið 1925.
Fyrir þann
tíma sá
stjórnarráð-
ið um útgáf-
una eða frá
árinu 1914 er
það kom fyrst
út. Efni Sjómannalmanaksins
er fjölbreytt að vanda. Þar eru
meðal annars öll lög og regl-
ur, sem íslenzk lög skylda
skipstjórnarmenn til að hafa
um borð í skipum sínum, svo
og annað efni til upplýsingar
og fróðleiks, sem getur verið
handhægt fyrir sjófarendur.
Nú hafa verið gerðar töluverð-
ar breytingar á alamanakinu,
aðallega hvað varðar uppsetn-
ingu og efnisröðun. Kaflanum
um lög og reglugerðir hefur
verið endurraðað og efnisþátt-
um skipt upp. Einnig er hann
nú settur upp á tvo dálka á
hverri síðu til að spara pláss
í bókinni. Þá er vert að vekja
athygli á kafla, sem í eru
myndir af veiðisvæðum helztu
nytjafiskitegunda við ísland. í
skipaskrá eru einnig ítarlegri
upplýsingar en áður, meðal
annars um númer á standard
C tækjum. Auk þessa eru hefð-
bundnar skrár fyrir vita- og
sjómerki, flóðtöflur og fleira.
Ritstjóri Sjómannaalmanaks-
ins er fiskimálastjóri, Bjarni
Grímsson. Hann ritar formála
og segir þar meðal annars svo:
„Fiskifélag íslands þakkar öll-
um þeim er lagt hafa félaginu
lið við útgáfu Sjómannaalman-
aksins og sérstaklega vill fé-
lagið þakka Sjómælingum
Islands, Siglingamálastofn-
un, Slysavarnafélagi Is-
lands, Guðjóni Ármanni Eyj-
ólfssyni, skólastjóra Stýri-
mannaskólans, Magnúsi
Jónssyni, veðurstofustjóra,
Berent Th. Sveinssyni, yfir-
loftskeytamanni Landhelg-
isgæzlunnar, Kormáki
Kjartanssyni, deildarstjóra
Reykjavíkurradíós, svo og
starfsmönnum Gutenberg
hf., Félagsbókbandsins-Bók-
fells hf. og Skerplu, sem allir
hafa unnið ómetanlegt starf
við útgáfu þessa Sjómannaal-
manaks.“ Sjómannaalmanakið
er selt hjá Fiskifélagi íslands,
Ellingssen og Áttavitaþjón-
ustunni í Reykjavík og bóka-
búðum eða umboðsmönnum
Fiskifélagsins úti á landi.
Bjarni
Grímsson
Nýr stýrimaður á Herjólfi
JóhannBjarnasonúrReykjavíkhefurver-
ið ráðinn stýrimaður á Herjólfi. Jóhann
er fæddur og uppalinn íVestmannaeyjum
en settist að í landi eftir gos. Hann er
sonur Bjarna Helgasonar frá Túni og
Helgu Sigurðardóttur frá Nýjabæ.
Jóhann Bjarnason
Gegn „ Smugu veiðunum ‘ ‘
■ ARTHUR Bogason, for-
maður Landssmbands smá-
bátaeigenda, vandar íslenzk-
um útgerðar-
mönnum ekki
kveðjurnar í
viðtali við
norska sjáv-
arútvegsblað-
ið Fiskaren
um þessar
Artur mundir. Hann
Bogason segirþar,að
við íslendingar ættum heldur
að hugsa um æru okkar en
peninga. En að stunda veiðar
á þorski utan kvóta í Smug-
unni og við Svalbarða sé ekki
rétta leiðin til þess. Hann seg-
ir það skoðun sína að íslenzkir
togarar eigi að halda sig frá
þessum veiðisvæðum og við
það sjónarmið hafi hann hlotið
mikinn stuðning. „Skýringin á
þessari skoðun minni er ein-
föld. Við íslendingar höfum í
áratugi barizt fyrir réttindum
okkar umhverfís Island. Hvers
vegna högum við okkur svo
með þessu hætti? Er það
græðgi eða hvað, spyr Arthur.
Hann segir að stórir bátar og
togarar eigi að stunda veiðar
utan lögsögu, einkum veiðar á
rækju og karfa, en láta þorsk-
inn eiga sig.
Þorskur í karrý
ENN sækjum við til Kanada til að fá tilbreytingu í soðn-
inguna. Nú leggja þeir okkur til uppskrift af þorski í
karrý, en þar sem við höfum verið
M'rállUHlUflM treg til að borða þorskinn ððru vísi
en saltaðan eða siginn, má að sjálfsögu notast við aðrar
fisktegundir. Hins vegar er þorskurinn ekki síðri en
ýsan, til dæmis, sérstaklega ef haim ,er af smærra tag-
inu og sjófrystur eða alveg glænýr. í þennan rétt, sem
er fyrir 6 til 8 þarf:
1 kíló þorskflök eða annan fisk
2 msk smjör
1 bolla kurlaðan lauk
1 lárviðarlauf
1/4 tsk timian
2 tsk karrý
2 msk hveiti
1 bolla fiskisoð eða mjólk
3 msk ijóma
1 tsk salt
1/4 tsk pipar
4 bolla af hrísgrjónum
Leggið flökin í eitt lag i smurt eldfast mót. Bræðið
srpjörið í potti og svissið laukinn í því. Bætið síðan lár-
viðarlaufi, timian og karrýi út í og hrærið i yfir auknum
hita í fimm mínútur. Þá er hveiti og fiskisoði blandað
varlega út í og hrært saman þar til sósan er tilbúin.
Fjarlægið lárviðarlaufið og hrærið ijómann út í og salt-
ið og piprið. Heliið sósunni yfir flökin i eldfasta mótinu
og setið inn í 280 gráðu heitan ofn og bakið í 15 til 20
mínútur. Berið fram með soðnum hrísgijónum og öðru
meðlæti ef óskað er.