Morgunblaðið - 01.02.1995, Side 1

Morgunblaðið - 01.02.1995, Side 1
BLAÐ ALLRA LANDSMANNA 1995 !H0rguittl)lUi$>fö ■ MIÐVIKUDAGUR 1. FEBRÚAR BLAD SUND Eydís setli íslandsmet Eydís Konráðsdóttir setti íslandsmet í 50 metra baksundi á fyrsta heimsbikarmóti ársins sem hófst í Espoo í Finnlandi í gær. Hún synti á 30,83 sekúndum og varð í níunda sæti af 11 keppendum. Sigurvegari í sundinu var þýska stúlkan Antje Buschschulte, sem synti á 28,52 sekúndum. Eydís keppti einnig í 200 m baksundi og synti á 2.23,66 mín. og varði í 9. sæti af 10 keppend- um. EÍín Sigurðardóttir synti 50 m skriðsund á 27,51 sek. og varð í 16. sæti af 18 þátttakendum. Magnús Már Ólafsson hafnaði í 23. sæti af 26 í 100 metra skriðsundi, synti á 52,35 sek og Magn- ús Konráðsson varð í 15. sæti af 17 í 200 metra bringusundi, synti á 2.24,31 mín. HNEFALEIKAR Andrés ætl araðreyna fyrirsérí Las Vegas KRAFTAKAPPINN Andrés Guðmundsson æfir af kappi þessa dagana og undirbýr sig undir nýja þrekraun á sviði krafta og úthalds. Hann ætlar að prófa að keppa í stóru áhugamannamóti í hnefaleikum í Las Vegas í Bandaríkjunum í lok febrúar. Umboðs- fyrirtækið Ring Stars, sem er þekkt fyrirtæki í hnefaleikaheimin- um hefur boðið honum að taka þátt f undankeppni fyrir óreynda áhugamenn í íþróttinni. Komist hann í úrslit keppir hann að nýju í lok maf og þá verða há peningaverðlaun í boði fyrir sigurveg- ara mótsins, sem kallast Toughman Contest. Bandaríkjamaðurinn John Black, umboðsmaður Ring Stars hreifst af kröftum Andrésar, þegar hann kom hingað til lands í heimsókn fyrir tveimur árum og vildi fá Andrés til liðs við sig. Andrés afþakkaði, en þekktist síðan boðið þegar John hafði samband við hann að nýju í lok síð- asta árs. Síðan hefur hann æft af kappi fyrir hnefaleika. Til stóð að hann færi að nokkrum mánuðum liðn- um utan, en um helgina kom kall þess eðlis að hann þyrfti að fara fyrr en til stóð. „Vissulega hefði ég viljað fá meiri undirbúningstíma, eins og til stóð. En það er annaðhvort að hrökkva eða stökkva. Ég hef bar- dagaeðlið í mér og líst vel á að berja á mönnum í hringnum, þó ég sé prúð- ur að eðlisfari," sagði Andrés kank- víslega við Morgunblaðið. John hefur mikla trú á að náttúru- legur styrkur og stærð Andrésar geti fleytt honum langt, leggi hann hnefa- leika fyrir sig. „Hnefaleikar eru mjög ólíkir þeim íþróttum sem ég hef stundað. Hinsvegar hjálpar það mik- ið, hve ég hef mikinn sprengikraft. Snerpa og úthald skiptir miklu máli. Síðustu vikur hef ég létst um sjö kíló og er mun léttari á mér, gæti líklega stokkið og troðið í körfu í núverandi ásigkomulagi," sagði Andrés. Hann hefur síðustu vikumar notið leiðsagnar Guðmundar Amarssonar, sem á árum áður var þekktur hnefalei- kakappi hérlendis og varð m.a. ís- landsmeistari. Hann mun síðan fá reynda þjálfara, þegar hann kemur til Las vegas í vikunni. „Þetta er spennandi tækifæri, hvað sem kemur út úr því. Ég legg mig allan í þetta og ef vel gengur, þá læt ég kraftamót- in bíða. Ég kvíði því ekki að mæta einhveijum í hringnum. Ég er stór og mikill og höggþungur á hægri. Ég nýt þess að hafa verið í blaki og kúlu- varpi, hef styrk í höndunum. Mig vant- ar enn betra úthald og á eftir að læra margt varðandi tækni, en vonast samt til að komast í úrslit í þessari frum- raun í Las Vegas,“ sagði Andrés. Morgunblaðið/Gunnlaugur Rögnvaldsson KRAFTAKAPPINN Andrés Guðmundsson ætlar að reyna fyrir sér í hnefaleikum í Las Vegas. Black hefur mikla trú á Andrési „ÉG hef mikla trú á Andrési, þó stuttur tími sé til stefnu. Hann er góður efniviður og hefur náttúru- legan styrk. Ef eðlisávísun og ósjálfráð viðbrögð hans í hringnum eru jafn góð og kraftur hans, þá slær hann í gegn,“ sagði umboðs- maðurinn John Black í samtali við Morgunblaðið. Hann hefur gert fjögurra ára samning við Andrés Guðmundsson og vill stefna á at- vinnumennsku í hnefaleikum. Samningurinn er þó bundinn því að Andrés getur hætt við, telji hann íþróttina ekki eiga við sig í byijun. „Vissulega tek ég áhættu með því að leggja peninga og tíma í Andr- és, en ég er viss um að hægt er að þjálfa hann upp í góðan þungavigt- armann. Ég hef verið þjálfari og umboðsmaður í tuttugu og sex ár og hef leitað fanga víða. Mér leist strax vel á Andrés, þegar ég sá hann keppa í kraftakeppni á Is- landi. Hann hefur mikinn sprengi- kraft, nokkuð sem er mikilvægt. Það er samspil milli krafts og höggþunga, sem skiptir öllu.“ „ Andrés mun fyrst keppa í móti, þar sem óreyndir keppendur keppa í þrisvar sinnum þrjár mínútur. Það eru stuttir en mjög erfiðir bardagar. Atvinnumenn berjast fyrst í fjórum lotum í þijár mínút- ur, en hámarkið í dag er tíu lotur, þrjár mínútur hver lota. Hnefaleik- ar reynir gífurlega á kraft og þol, þú verður að geta barist áfram, þó hugurinn segi þér að stoppa, hendur og fætur séu búnir. Sigur- vi(ji er það sem þarf, sama hvað það kostar. Ég held að Andrés hafi þennan vijja og góðan styrk að auki. En hann þarfnast þjálfun- ar,“ sagði John Black. KEILA: NOÐURÐURLANDAMÓTIÐ HEFST í ÖSKJUHLÍÐ í DAG / C4

x

Morgunblaðið

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.