Morgunblaðið - 02.02.1995, Blaðsíða 12

12 FIMMTUDAGUR 2. FEBRÚAR 1995
MORGUNBLAÐIÐ
Spanskar
appelsínur
Tilboösvero:
69
kr. kílóiö
Ferskar kjötvörur,
nautahakk
Tilboösverð:
469
kr. kílóið
Hagkaups
diet cola, 2 Itr.
Tilboðsverð:
kr. flaskan
Tilda hrísgrjón
í suöupoka,
250 g
Tilboðsverð:
49,
Maarud tortilla
flögur
200 g
Tilboösverð:
119
kr. pokinn
AKUREYRI
Embætti veiðistjóra tekur til starfa á Akureyri eftir flutning frá Reykjavík
Stóraukið vægi
minkarannsókna
EMBÆTTI veiðistjóra tók til
starfa á Akureyri í gær í nýju
húsnæði í Hafnarstræti 97. Ás-
björn Dagbjartsson líffræðing-
ur varð veiðistjóri frá sama
tíma. Gert er ráð fyrir að starfs-
menn embættisins verði 3-4.
Hundabú embættisins verður
áfram staðsett í Helgadal í
Mosfellsbæ.
Ossur Skarphéðinsson um-
hverfisráðherra afhenti Ás-
birni lyklavöld að húsnæði emb-
ættisins og sagði við það tæki-
færi að flutningur embættisins
væri í þeim anda ríkissljórnar-
innar að flytja ríkisstofnanir
út á land, en vissulega hefði
þessi flutningur kostað amstur
og erfiði. „Ég vænti mér góðs
af þessum flutningi,“ sagði Öss-
ur.
Veiðistjóraembættið tók
fyrst til starfa 1. janúar 1958,
áður hafa gegnt embætti veiði-
stjóra þeir Sveinn Einarsson,
Þorvaldur Björnsson og Páll
Hersteinsson. Það heyrði undir
landbúnaðarráðuneytið þar til
umhverfisráðuneytið var stofn-
að árið 1990.
Starfsemi þess fólst fyrst og
fremst í eyðingu refa og minka
ásamt ýmissi starfsemi sem því
tengdist. Á liðnu ári var því
einnig falin umsjón og sljórn á
opinberum aðgerðum sem ætl-
að er að hafa áhrif á stofnstærð
og útbreiðslu villtra dýra eða
tjón af þeirra völdum og þar
með voru talin hreindýr.
í sömu lögum er kveðið á um
að embættið skuli stunda hag-
nýtar rannsóknir á villtum dýr-
um í samráði við Náttúrufræði-
stofnun íslands, leiðbeina um
veiðar þeirra og sjá um útgáfu
veiðikorta.
Enginn flutti norður
með embættinu
Rannsóknir embættisins hafa
að undanförnu einkum beinst
að áætlun stofnstærða refa,
Morgunblaðið/Rúnar Þór
ÖSSUR Skarphéðinsson, umhverfisráðherra afhendir Ásbirni Dag-
bjartssyni nýjum veiðistjóra lyklana að húsakynnum embættisins.
hreindýra og sílamáfa og þeim
þáttum sem áhrif hafa á við-
komu og vanhöldum þeirra.
Össur gat þess að áherslubreyt-
ingar yrðu á við það að embætt-
ið flytti um set, rannsóknir á
refum færðust í auknum mæli
til Háskóla íslands, en vægi
rannsókna á minkum og hvern-
ig draga megi úr skaða af hans
völdum yrði stóraukið hjá emb-
ætti veiðistjóra.
Enginn starfsmanna emb-
ættisins fluttist með því norður.
Gert er ráð fyrir að starfsmenn
þess verði 3-4 en embættið
gæti stækkað ykjust tekjur þess
t.d. með útgáfu veiðikorta.
Bæði fisksölufyrirtækin gera athugasemdir við samanburð á afurðaverði
SH segir ÚA hefðu tapað 55
milljómun á að skipta við IS
A
IS segja mismunandi vörur
bornar saman
ANDRI Teitsson, ráðgjafi hjá
Kaupþingi Norðurlands hf., segir
í skýrslu, sem hann vann fyrir
bæjarstjórn Akureyrar um áhrif
þess fyrir Utgerðarfélag Akur-
eyringa að færa afurðasölu sína
frá Sölumiðstöð hraðfrystihús-
anna til íslenzkra sjávarafurða,
að svo virðist „sem verð hjá SH
sé ívið hærra en hjá ÍS í þorski
og karfa en svipað í ýsu, ufsa og
grálúðu“.
Athugasemdir við
verðsamanburð
Bæði fisksölufyrirtækin gera
athugasemdir við verðsamanburð-
inn og telur ÍS verðmuninn minni,
en SH segir hann að meðaltali um
5% og hefði ÚA því getað tapað
55 milljónum króna á því að selja
í gegnum ÍS á síðasta ári.
í þeim kafla skýrslunnar, sem
fjallar um afurðaverðj tekur Andri
fram að erfítt sé að gera óyggj-
andi samanburð á verðmun milli
sölufyrirtækjanna. Ýmislegt geti
skekkt samanburðinn, t.d. munur
á stærð, gæðum og skurði fisks-
ins. Sá, sem sé að selja á lægra
verði geti verið að losa birgðir
vegna framleiðsluaukningar og
vinni það e.t.v. upp með hærra
verði á öðrum afurðum eða að
hann geti hagnazt meira en hinn
vegna þess að vinnslan henti við-
komandi frystihúsi betur en öðru.
Þá geti umboðslaun og ýmis kostn-
aður, t.d. vegna trygginga, flutn-
inga, umbúða o.fl. skekkt saman-
burðinn.
Voðinn vís
Skýrsluhöfundur óskaði eftir
tölum um meðalverð frá sölufyrir-
tækjunum. Frá ÍS komu upplýs-
ingar um „skilaverð þegar búið
er að draga frá allan kostnað og
söluþóknun". Verð SH er „skila-
verð reiknað út frá FOB verði í
árslok 1994 og frá því dregin inn-
lend sölulaun“. Ekki er tekið tillit
til endurgreiðslu umboðslauna.
IS gerðu verulegar athuga-
semdir við þann verðsamanburð,
sem kemur fram í töflunni í
skýrslu Andra. Þar segir að bornir
séu saman afurðaflokkar með mis-
munandi skilgreiningu, og þegar
það sé gert, sé „voðinn vís og stór
hætta á ferðum“. Meðal annars
kemur fram að ekki'sé gerður
greinarmunur á land- og sjófryst:
um þorsk-, ýsu- og ufsaflökum. í
samanburðinum sé um að ræða
mismunandi pakkningar, sem hafi
áhrif á verðið.
Nauðsynlegt að
skoða betur
Þá segir í athugasemdum ÍS að
varðandi verulegan mun á verði
sölusamtakanna á karfa og grá-
lúðu, sé nauðsynlegt að kafa betur
ofan í málið. „Vitað er að framleið-
endur sölusamtakanna tveggja
bera sig gjarnan saman og má
heita útilokað að sá munur sem
skýrslan gefur til kynna væri ekki
löngu kominn fram í umræðu
manna á meðal ef hann ætti við
rök að styðjast," segir í athuga-
semdunum, sem undirritaðar eru
af Benedikt Sveinssyni fram-
kvæmdastjóra ÍS. „Sú talan sem
mesta athygli vekur er sérvinnsla
grálúðu þar sem munar yfir 200
kr. á kíló, enda mun hér borið
saman flök frá ÍS og rafabelti frá
SH, sem er svona eins og að bera
saman grásleppu og grásleppu-
hrogn.“
Of lítið gert úr mun
í athugasemdum Sölumiðstöðv-
arinnar er aftur á móti gefíð í
skyn að ekki sé nægilega mikið
gert úr verðmuninum. „Sé verð-
Samanburður ts SH
á skilaverði kr/kg kr/kg
Þorskur
Flök m. beingarði 231 247
RL BL flök 342 356
Bitar RL BL 357 394
Sérvinnsla 80 413
Flakabitablokk 65 265
Formflök 282
Ýsa
Flök m. beingarði 256 ekki frl.
Flök RL BL 418 419
Sérvinnsla 513 ekki frl.
Formflök 285 ekki frl.
Flakabitablokk 236 243
Karfi
Flök m. beingarði 223 238
Lausfr. fl. m. being. 220 263
Sérvinnsla 300 341
Ufsi
Flök RL BL 160 167
Sérvinnsla 223 220
Ufsabitar RL BL 225 217
Flakabokk 120 133
Flakabitablokk 102 112
Grálúða
Flök m. beingarði 376 368
Sérvinnsla 480 696
Flök lausfryst 362 369
Flök beinlaus 391
Heimild: Skýrsla Andra Teitssonar.
munurinn margfaldaður með
framleiddu magni ÚA í hverri teg-
und sést að UA hefði tapað 55
milljónum króna á því að selja það
í gegnum ÍS í stað SH á árinu
1994,“ segir í bréfí SH. „Þessi
verðmunur nemur að meðaltali um
5% og nær samanburðurinn þó
aðeins til u.þ.b. % hluta land-
frystra afurða ÚA árið 1994 og
ekkert af þeirri miklu sjófrystingu
sem fram fer á vegum ÚA er inni
í þessum samanburði. Þótt þessi
samanburður sé þannig ekki tæm-
andi og enn séu ýmsir fyrirvarar
sem þarf að hafa í huga er ljóst
að fullyrða má að hér sé um meiri
mun að ræða en svo að rétt sé
að tala aðeins um „ívið hærra
verð“.“
Þarf endurskoðendur til
Athugasemdum íslenzkra sjáv-
arafurða fylgir verðsamanburður,
sem ÍS telja gefa réttari mynd en
samanburður Andra. í skýrslunni
segist Andri hins vegar ekki geta
tekið tölur ÍS til greina, þar sem
vörunúmerin séu valin einhliða af
ÍS. Hann bendir einnig á að skila-
verð ÍS og greiðsluverð SH sé
ekki sambærilegt og að frá
greiðsluverði SH hafi verið dregin
innlend umboðslaun.
„Líklega er eina leiðin til að
gera samanburð á verði sem ekki
verður umdeildur að fá endurskoð-
endur til að fara yfir öll viðskipti
sölufyrirtækjanna á ákveðnu tíma-
bili. Til þess vinnst þó ekki tími
áður en gerð þessarar skýrslu lýk-
ur,“ segir Andri. „Það er mat for-
ráðamanna ÍS að félagið geti selt
afurðir ÚA á sama verði og SH
miðað við sambærilegar vinnsluað-
ferðir en jafnframt að ÍS geti gef-
ið ÚA möguleika á aukinni sér-
vinnslu. Það er hins^ vegar mat
forráðamanna SH að ÚA ætti ekki
kost á jafnháu verði fyrir afurðir
sínar hjá ÍS og félagið fær nú hjá
SH.“