Morgunblaðið - 02.02.1995, Blaðsíða 13
MORGUNBLAÐIÐ
AKUREYRI
FIMMTUDAGUR 2. FEBRÚAR 1995 13
Dalvíkingar taka
upp holræsagjald
Dalvík. Morgunblaðið. - Fjár-
hagsáætlun Dalvíkurbæjar fyrir
árið 1995 hefur verið samþykkt
með atkvæðum meirihluta bæjar-
stjórnar en fulltrúar minnihluta
sátu hjá við afgreiðsluna. Áætlunin
gerir ráð fyrir nokkurri hækkun
tekna en meginástæðan er að
ákveðið hefur verið að leggja á
holræsagjald sem gefur 8 milljóna
króna tekjur en sá skattur hefur
ekki fyrr verið nýttur á Dalvík.
Jafnframt verður útsvarsálagning
9,2% en hún var á síðasta ári 9%.
Heildartekjur bæjarsjóðs eru
áætlaðar 164,7 milljónir króna en
ráðgert er að um 75% tekna renni
til rekstrar. Stærstu útgjaldalið-
irnir eru fræðslumál en í þau fara
tæpar 24,6 milljónir króna og til
félagsþjónustu 24,5 milljónir
króna. Athygli vekur hve lítil
lækkun verður á félagsmálum milli
ára þrátt fyrir að ekki er lagt á
framlag í atvinnuleysistrygginga-
sjóðs eins og gert var á síðasta
ári en þá féllu 3,6 milljónir á Dal-
víkurbæ.
Engar lántökur
Gert er ráð fyrir að veija 35
milljónum króna til íjárfestinga af
hálfu bæjarsjóðs á árinu og engar
nýjar lántökur eru áætlaðar en þess
í stað stefnt að því að marki að
greiða niður skuldir. Stærsta fram-
kvæmdin á vegum bæjarsjóðs lýtur
að lagfæringu á útrásum holræsa
og er ráðgert að verja 5 milljónum
króna til þess verkefnis.
Við síðari umræðu um fjárhags-
áætlunina lagði minnihluti sjálf-
stæðismanna og óháðra fram breyt-
ingatillögu þess efnis að skorið yrði
niður í rekstri um 4 milljónir króna
og því fé yrði varið til atvinnumála
en að þeirra mati lækkaði framlag
til þess þáttar frá fyrra ári. Ekki
kom til afgreiðslu þeirrar tillögu
þar sem borin var upp frávísunartil-
laga og var hún samþykkt með
atkvæðum minnihlutans.
Morgunblaðið/Rúnar Þór
Gert við
skemmdir á
Margréti EA
STARFSMENN Slippstöðvar-
innar-Odda hófust handa fyrir
helgi við viðgerðir á brú Mar-
grétar EA, togara Samherja
hf. sem fékk á sig brot í óveðr-
inu á Vestfjörðum á dögunum.
Miklar skemmdir urðu í brúnni,
en m.a. þarf að endurnýja
framhlið þilfarshússins, inn-
réttingar í brúnni, leggja raf-
lagnir og setja upp ný tæki.
Brynjólfur Tryggvason yfir-
verkstjóri stöðvarinnar sagði
verkið þó umtalsvert miklu
minna en var fyrir tveimur
árum þegar skipið fékk á sig
brot út fyrir Grímsey með þeim
afleiðingum að brúin gjöreyði-
lagðist. Þá var skipt um hús
og smíðuð ein hæð undir
brúnni.
Fólk og vél-
ar í 60 ár
FÓLK og vélar í 60 ár er heiti
sýningar sem opnuð verður í
Félagsborg, gamla samkomu-
sal sambandsverksmiðjanna á
Gleráreyrum næstkomandi
laugardag, 4. febrúar kl. 14.00.
Á sýningunni er mikið safn
mynda af' starfsfólki Sam-
bandsverksmiðjanna í leik og
starfi í 60 ár og er vonast til
þess að sem flestir komi sem
þekkja til svo hægt verði að
nafngreina fólkið á myndunum
og fræðast um vélarnar og
framleiðsluna.
Þessi sýning er einnig þáttur
í starfi Jóns Arnþórssonar að
undanförnu við að halda til
haga ýmsum tækjum úr verk-
smiðjunni frá eldri tíð, sem
gætu orðið vísir að verksmiðju-
safni. Þau má finna á sýning-
unni sem og eru allar upplýs-
ingar eldri starfsmanna þar um
vel þegnar.
Deiglan
Fyrirlestur um klípusögur
DR. Kristján Kristjánsson flytur fyr-
irlestur í Deiglunni í kvöld, fimmtu-
dagskvöldið 2. febrúar kl. 20.30, en
hann tengist „heitum fimmtudögum
í Deiglunni".
Fyrirlesturinn nefnist „Af tvennu
illu; um klípusögur, nytjastefnu og
dygðafræði". Hann fjallar um þær
kringumstæður sem flestir kannast
við af eigin reynslu, að standa við
siðferðilega ákvörðun frammi fyrir
tveimur kostum og vita ekki í hvorn
fótinn þeir eiga að stíga. Heimspek-
ingar hafa samið ýmsar hugvitssam-
legar dæmisögur, eða svokallaðar
„klípusögur" um slíkar aðstæður.
Kristján rekur nokkrar slíkar og
spyr í framhaldinu hvaða burði tvær
þekktustu siðferðikenningar nútím-
ans, dygðafræði og nytjastefna, hafi
til að leysa úr slíkum klípum, þ.e.
ráða okkur heilt um rétta breytni
við slíkar aðstæður.
Kristján er doktor í siðfræði frá
Háskólanum í St. Andrew og lektor
við Háskólann á Akureyri. Hann
hefur skrifað bókina Þroskakosti og
ýmsar ritgerðir um siðferði og
menntamál í innlend og erlend rit.
Áhugahópur um heimspeki á Ak-
ureyri gengst fyrir þessum fyrir-
lestri.
LAIMDIÐ__________
Mikið fannfergi
á Skagaströnd
Morgunblaðið/Ólafur Bernódusson
SNJÓTROÐARI er notaður
til að safna saman rusli á
Skagaströnd vegna mikils
fannfergis.
Skagaströnd - Gríðarlega mikill
snjór er nú á Skagaströnd. Er
hann sumsstaðar svo mikill að
ekki er hægt að koma honum
burtu nema aka honum á bílum.
Þar sem slíkt er mjög dýrt
hefur verið gripið til þess ráðs
að moka bara aðalgötunar í
þorpinu en láta snjótroðara
jafna slóð yfir skaflana í íbúðar-
götum. Hefur þetta gefist vel
því fljótlega þjappaðist slóðin
vel og meðan ekki hlánar því
meira aka menn upp og niður
skaflana á flestum fólksbílum.
Þykir sumum undarlegt að
leggja bílnum sínum í sömu hæð
og þakskeggið á húsinu og sjá
uppundir heimilisbílinn þegar
komið er út á morgnana.
Ekki þýðir þó að fara á skaf-
lana á þungum vörubílum og því
kemst ruslabíllinn ekki leiðar
sinnar. Var því enn gripið til
snjótroðarans og nú dregur hann
pall af ruslabíl yfir holt og hæð-
ir sryóskaflanna og ruslinu er
safnað í pallinn. Síðan er pallur-
inn hífður upp á bíl sem fer með
ruslið sína venjulegu leið.
Morgunblaðið/Anna Ingólfsdóttir
ÞÁTTTAKENDUR í skógargöngu á Egilsstöðum.
Skógarganga á Egilsstöðum
Þorri
herðir
klærnar
Borg í __ Eyja- og Miklaholts-
hreppi - Á þriðjudag var hér ágæt-
asta veður, hiti fyrir ofan frost-
mark en það stóð ekki lengi. Seinni
partinn brast hér á vonskuveður.
Mikill lausasnjór var og var því
fljótlega stórhríð og mikill stormur
fylgdi og 7 stiga frost. Hefur þetta
veður staðið yfir í alla nótt og
ennþá eru hvöss él og skafrenning-
ur.
Fólk sem var á ferð eftir að
veðurofsinn skall á lenti í vand-
ræðum og nokkrir urðu að yfir-
gefa bíla sína og komust heim á
bæi sem næst stóðu veg. Ekki er
útlit fyrir að hægt verði að opna
fjallvegi meðan veður skánar ekki
meir.
Egilsstaðir - Nítján þátttakendur
skráðu sig til og luku keppni í skíða-
göngu á útivistarsvæði Egilsstaða,
Selskógi, nú um helgina.
. Gangan er árlegur viðburður og
er sú níunda í röðinni. Að þessu
sinni voru heimamenn eingöngu
þátttakendur en utanaðkomandi
þátttakendur komust ekki að þessu
sinni. Ganga þessi er hlekkur í
keðjumóti sem haldið er víða um
land.
Hjálmar Jóelsson er frumkvöðull
að göngunni á Egilsstöðum og seg-
ir hann markmiðið vera meira að
taka þátt og hreyfa sig heldur en
að keppa. Hann segir svæði þarna
í skóginum einstakt, alltaf skjól af
tijánum og þarna eru troðnar
göngubrautir. Hann hvetur heima-
menn til að koma og nýta sér að-
stöðuna og sagði þátttakendur
skógargöngunnar hafi ákveðið að
hittast á sunnudögum í vetur og
ganga saman þar sem allir eru vel-
komnir.
Verslun Einars Olafssonar
á Akranesi 60 ára
Morgunblaðið/Jón Gunnlaugsson
Á myndinni ei-u f.v.: Einar Einarsson, Guðni Einarsson, Erna Guðna-
dóttir, Guðrún Ásmundsdóttir og Einar J. Ólafsson, kaupmaður.
Akranesi - í lok síðasta árs voru
liðin 60 ár frá því verslun Einars
Ólafssonar á Akranesi hóf starf-
semi sína. Allan þann tíma hefur
hún gegnt lykilhlutverki í sögu
verslunar á Ákranesi og er í dag
elsta starfandi verslun á staðnum.
Einar Ólafsson flutti til Akra-
ness 1934 og setti þá á fót litla
verslun í húsinu Ásbyrgi þar sem
síðar varð húsnæði Sparisjóðsins
og flutti síðan á Kirkjubraut 1,
þar sem verslunin var til húsa til
1946. Haustið 1945 hóf Einar
ásamt konu sinni, Guðrúnu Ás-
mundsdóttur, að byggja nýtt hús-
næði á Skagabraut 9 sem ætlað
var bæði sem verslun og íbúðarhús
og fluttu þau starfsemi sína þang-
að 1946. Á þeim tíma hafði enginn
árætt að hefja verslunarrekstur
svo ofarlega á Skaganum en þegar
hugsað var til framtíðarinnar var
hér stigið gæfuspor, því byggðar-
lagið átti eftir að þenjast út á
næstu árum og áratugum. Þarna
hefur verslunin verið síðan og hef-
ur hún verið stækkuð svo um
munar og er í dag mjög glæsileg
og nýtískuleg stórverslun.
Þau hjón voru mjög samhent í
starfi og stunduðu verslun sína
af mikilli natni, atorku og ná-
kvæmni, gagnvart þeim er kusu
að sækja til þeirra með viðskipti.
Einar lést árið 1957. Guðrún hélt
merki manns síns á Iofti eftir lát
lians, ásamt syni þeirra hjóna,
Einari J. Ólafssyni, sem veitt hefur
verslunini forstöðu um árabil
ásamt konu sinni Ernu Guðnadótt-
ur. Verslunin hefur vaxið og dafn-
að með árunum og aðstaða öll
batnað til rnuna. Verslunin hefur
vakið athygli fyrir lágt vöruverð
og þjónustulund eigenda og starfs-
fólks.
Fólkið alltaf jafn elskulegt
Guðrún Ásmundsdóttir býr nú
í hárri elli á heimili sínu en hún
varð 90 ára 1. nóvember sl. Því
má segja að árið 1994 hafi verið
viðburðaríkt í lífi hennar. Guðrún
man tímana tvenna í verslunar-
rekstrinum, aðspurð um gamla
og nýja tímann segir hún að ólíku
sé saman að jafna. Mestu breyt-
ingarnar liggja í allri þeirri tölvu-
tækni sem fylgir rekstrinum í dag
svo og húsnæðinu. En fólkið hefur
ekki breyst, það er alltaf jafn
elskulegt og gott, segir Guðrún.
Að sögn Einars J. Ólafssonar,
kaupmanns, hefur það allt frá
upphafi verið gæfa fjölskyldunnar
að eiga trausta viðskiptavini.
Traust þeirra hefur verið okkur
hvatning til að gera betur. „Við
höfum lagt okkur fram um að
hafa á boðstólum fjölbreytt vöruv-
al á hagstæðu verði, jafnframt því
að fylgja vel eftir nýjungum í
verslunarrekstri og við munum
halda áfram á þeirri braut,“ sagði
Einar að lokum.