Morgunblaðið - 02.02.1995, Blaðsíða 10

10 B FIMMTUDAGUR 2. FEBRÚAR 1995
MORGUNBLAÐIÐ
VIÐSKIPTI
Litið á
OS/2 Warp
Tölvur
Hefur IBM með OS/2 Warp loksins heppnast að
veita Microsoft verðuga samkeppni, spyr Marinó
G. Njálsson, eftir að hafa skoðað stýrikerfíð.
BréfíLotus
hækka en
tekjur
minnka
Cambridge, Massachusetts. Reuter.
TEKJUR hugbúnaðarfyrirtækisins
Lotus Development drógust veru-
lega saman 1994, en hlutabréf í
því hækkuðu um rúmlega 10%
vegna nýs orðróms um að reynt
verði að sameina það öðru fyrirtæki.
Afkoman á síðasta ársfjórðungi
var verri en búizt var við í Wall
Street. Hagnaðurinn allt árið
minnkaði um 30% í 52.8 milljónir
dollara, eða 1.08 dollara á hluta-
bréf, úr 75.4 milljónum dollara, eða
1.69 dollurum á hlutabréf 1993.
Að meðtöldum kaupum á hug-
búnaði og endurskipulagningu um-
svifa í Evrópu var Lotus rekið með
20.9 milljóna dollara tapi 1994 mið-
að við 55.5 milljóna dollara nettó-
hagnað, eða 1.24 dollara á hluta-
bréf, 1993.
Þó snarhækkuðu hlutabréf í Lot-
us vegna umtals um sameiningu,
einkum vegna fréttar NBC um
sögusagnir þess efnis að fyrirtækin
AT&T eða Oracle kunni að kaupa
Lotus.
Hlutabréfin í Lotus hækkuðu í
45.25 dollara, en við lokun var
hækkunin 2.9375 dollarar og verðið
43.5625 dollarar.
Oracle neitar
Oracle harðneitaði því að það
fyrirtæki mundi bjóða í Lotus, en
Lotus og AT&T vildu ekkert segja.
Bollalagt hefur verið um samein-
ingu í marga mánuði og sérfræðing-
ar telja hugsanlegt að nokkur tilboð
verði gerð. „AT&T gæti tekið við
fjarskiptamálum Lotus og annað
fyrirtæki við öðrum málum þess,“
sagði bandarískur sérfræðingur.
Kunnugir benda á góða sölu Lot-
us Notes, aðalvöru fyrirtækisins,
og fjölgun notenda hennar er aðal-
takmark Lotus að sögn fjármálastj-
óta fyrirtækisins, Ed Gillis. Notend-
um Lotus Notes fjölgaði í 1.35 millj-
ónir úr um 600,000 1993 að sögn
fyrirtækisins.
- kjarni málsins!
OS/2 WARP heitir útgáfa 3
af OS/2. Líkt og þegar
útgáfa 2.0 kom út er IBM
vel á undan Microsoft. Meðan
Windows 95 er í betaprófun, er
OS/2 Warp komið í hillumar. Það
fór svo sem ekki gæfulega af stað.
Fyrstu pakkarnir voru innkailaðir
vegna vandræða með uppsetningu
á tölvum frá vissum framleiðend-
um, en fall virðist ætla að verða
fararheill.
IBM hefur unnið að þróun OS/2
meira og minna í hart nær áratug.
Fyrst í samvinnu við Microsoft og
síðan eitt eftir að það slettist upp
á vinskapinn. Fyrir þá sem þekkja
OS/2 er munurinn bæði mikill og
lítill. Að ytra byrði hefur notenda-
viðmótinu verið breytt. Notendur
hafa beinan aðgang að fleiri tækj-
um og tólum en áður. Undir húdd-
inu er komin mun hraðvirkari
vinnsla og fjölbreyttari.
Nýjungar
Ég hef lítillega kynnst fyrri út-
gáfu af OS/2 og er óhætt að segja
að með Warpinum hefur ýmislegt
breyst. Vinnuskelin (Workplace
Shell) er orðin mun meira aðlað-
andi en áður. í skelina er búið að
bæta „skotpalli" (LaunchPad), þar
sem notandinn getur dregið inn
táknmyndir af forritum sem breyt-
ast í flýtihnappa. Næst þegar þarf
að nota forritið er óþarfi að eyða
tíma í að finna þá möppu sem for-
ritið er geymt í heldur er smellt á
hnapp á skotpallinum. Þessi leið til
að ræsa upp forrit hefur verið að
ryðja sér til rúms eftir að Apple
bauð upp á hana í kerfunum sínum.
Warpinn býður upp á hana og
Windows 95 einnig.
Sé unnið með OS/2-forrit getur
maður dregið hluti inn í forritin og
opnast þeir þá eins og um venju-
legt skjal sé að ræða. A sama hátt
dregur maður skjal, sem á að
prenta, yfir táknmyndina fyrir
prentara og er það þá sent á prent-
arann.
Skemmtileg nýjung er hvernig
OS/2 Warp meðhöndlar kerfisupp-
setningar. Þeir sem hafa sett upp
nýjan hugbúnað kannast við það
vandamál að tölvan vilji ekki ræsa
sig rétt vegna villu í Config.sys.
Warpinn leyfir okkur að hafa
nokkrar config skrár í gangi. Ef
við lendum í vanda í uppsetningu
getum við svissað á milli þeirra í
ræsingunni og hoppað á milli með
„hotkey". Ef það er ekki nóg má
nota ræsistjómun til að velja frá
hvaða svæði á harða diskinum eigi
að ræsa.
Fjölverka stýrikerfi
Fyrir gamlan Macintosh- og
Windows-notanda eins og mig er
erfiðast að venjast því að geta ver-
ið með mörg verk í gangi í einu. Á
einni stundu var ég að setja inn
Quattro Pro og fikta í kerfisupplýs-
ingum. Um leið var ég að keyra
upp Visual Age.
Ekkert hefði verið því til fyrir-
stöðu að keyra DOS, Windows og
OS/2-forrit samtímis. Þar sem ég
var aðallega að skoða OS/2 lét ég
Windows-þáttinn eiga sig. Af lestri
erlendra tölvublaða má ráða að
OS/2 meðhöndli 16 bita Windows-
forrit sem sjálfstæð verk og lendi
því ekki í vandræðum ef eitt 16
forrit „krassar". Þetta ætti að kosta
eitthvað í yfirbyggingu og valda
því að Windows 3.1-forrit keyra
hægar á OS/2 en Windows 95.
Hvort að það skipti máli á eftir að
koma í ljós.
Einföld og fijótleg uppsetning
Ég prófaði að setja Warpinn upp
á nýtt. Fyrst byijaði ég á því að
hreinsa út þá uppsetningu sem
fyrir var. Meðal annars eyddi ég
út þeim „partitionum“ sem fyrir
voru á harða diskinum. Síðan byrj-
aði ballið.
Ég setti diskling í A-drif og
ræsti tölvuna. Boðið er upp á að
nota hraðvirka uppsetningu, þar
sem forrit ákveður hvað er sett inn
og hvemig, eða að notandinn
stjórni uppsetningunni sjálfur. Ég
valdi síðari kostinn. í handbókinni
með stýrikerfinu fylgdu einfaldar
og skýrar leiðbeiningar og á nokkr-
um mínútum var ég búinn að
skipta diskinum upp. Ég bjó til
þrjú svæði: ræsisvæði, DOS-svæði
og OS/2-svæði. Að því loknu þurfti
ég að ræsa tölvuna að nýju. Þá
kom að því að setja Warpinn sjálf-
an inn. Eftir að ég var búinn að
velja þá hluta, sem setja átti inn
á harða diskinn, ýtti ég á takka
og allt fór í gang. Einhverra hluta
vegna fraus tölvan og ég þurfti
að ræsa hana upp á nýtt. Næst
gekk allt eins og í sögu og um
hálftíma eftir að ég eyddi út „part-
itionunum" var Warpinn tilbúinn
til notkunar.
Með kerfinu fylgdi geisladiskur
með fylgiforritum, svo kallaður
BonusPak. Þar er að finna ýmis
hjálparforrit og notendahugbúnað
skrifuð sérstaklega fyrir Warp.
Það þýðir 32 bita forrit. Meðal
forrita í BonusPak eru IBM Works
með töflureikni, ritvinnslu, dagbók
og fleiru, faxhugbúnaði, hugbún-
aði fyrir margmiðlun og síðast en
ekki síst hugbúnaði til að tengjast
Internetinu. Eitt forrit vil ég nefna
í viðbót. Það er svo kallað „System
Information Tool“. Þetta forrit
safnar upplýsingum um vélbúnað
og stýrikerfi og birtir notandanum
á handhægan máta. Mjög þægilegt
fyrir þann sem vill aðeins forvitn-
ast um það sem liggur bakvið.
Stór kostur við OS/2 er það sem
heitir System Object Model eða
SOM. SOM er nokkurs konar OLE
fyrir OS/2 bara mun öflugra. Til
að lýsa aðeins hvemig SOM virk-
ar, þá er búið til skjal. Við það er
hengd lifandi tenging við töflu-
reikni. Niðurstöðumar frá töflu-
reikninum er skellt saman við upp-
lýsingar um viðskiptavin í heimilis-
fangaskrá. Að lokum eru niður-
stöðurnar faxaðar til viðtakanda
með því að draga skjalið yfir fax-
táknmyndina.
Nær OS/2 Warp fótfestu?
Menn hafa velt því fyrir sér
undanfarin ár hvort IBM sé ekki
búið að missa af lestinni. Windows
3.1 er með yfirburða markaðhlut-
deild og útgefendur hugbúnaðar-
pakka keppast við að koma með
Windows-útgáfur en hafa haldið
að sér höndum varðandi OS/2.
Þegar er búið að selja rúmlega
eina milljón pakka af OS/2 Warp,
en þrátt fyrir það halda hugbúnað-
arhúsin að sér höndunum. Lotus
hefur að vísu gefið út nokkra
pakka en Borland, Novell og Mic-
rosoft hafa snúið sér að Windows
95.
Flestir gagnrýnendur eru á því
að OS/2 (bæði 2.x og Warp) hafi
yfirburði á vissum sviðum umfram
Windows-kerfin. Þannig er bent á
að hönnun forrita í OS/2 sé mun
einfaldari en fyrir Windows. Gall-
inn er bara sá að fyrir hvert einn
OS/2-pakka sem selst, seljast
margfalt fleiri Windows-pakkar.
Og er það ekki það sem skiptir
máli?
IBM veit af þessu og hefur því
nýlega gert breytingar hjá sér til
að efla hugbúnaðardeildina. John
M. Thompson, sem áður stjórnaði
AS/400-hluta fyrirtækisins og
sneri honum til betri vegar, hefur
verið settur yfir hugbúnaðarfram-
leiðsluna. Þetta þykir styrkja þá
trú manna að OS/2 verði ekki
bara fyrir einmenningstölvur í
framtíðinni heldur verði notað yfir
alla línuna.
Höfundur er tölvunarfræðingur.
Til hamingju
UMBúanMwsTöom hf
með að vera komin í hóp fyrirtækja
með vottað gœðakerfi.
Fyrirtæki sem hafa byggt upp vottuð gæðakerfi
með aðstoð Ráðgarðs hf.:
Lýsi hf. ISO 9002
Bakkavör hf. ISO 9002
Borgarplast hf. ISO 9001
Osta- og smjörsalan sf. ISO 9002
íslenskar sjávarafurðir hf. ISO 9001
Össur hf. ISO 9001
Umbúðamiðstöðin hf. ISO 9002
RÁÐGARÐURhf.
SIJÓRNUNAR OG REKSTRARRÁÐGJÖF
SÍMI: 561 66 88 FAX: 562 36 88
Morgun-
verðar-
fundur hjá
IKEA
MIKEA á íslandi býður félags-
mönnum Félags viðskiptafræð-
inga og hagfræðinga (FVH) til
morgunverðarfundar föstudag-
inn 3. febrúar á veitingastað
IKEA við Holtaveg frá kl. 8.00-
9.30. Gestur Hjaltason, verslun-
arstjóri IKEA, og Ragnar Atli
Guðmundsson, stjórnarmaður í
IKEA og fjármálastjóri Hofs,
munu taka á móti gestum og
kynna starfsemi fyrirtækisins.
Á fundinum verður m.a. fjallað
um markaðssetningu IKEÁ hér
á landi, samkeppni á húsgagna-
og innréttingamarkaði og alþjóð-
lega starfsemi IKEA. Félags-
menn eru beðnir um að tilkynna
þátttöku til FVH fyrir 2. febrúar
í síma 5622370.
VIÐSKIPTI/ATVINNULÍF
DAGBÓK
Ráðstefna um
fjarþjónustu
MRAÐSTEFNA um fjarþjón-
ustu verður haldin á Hótel Sögu
mánudaginn 13. febrúar nk. frá
kl. 8.30-17.00.
Þar mun Ingi R. Ingason frá
Útflutningsráði fjalla um þróun
fjarþjónustu síðustu ára og mögu-
leika Islendinga, Þorvarður
Jónsson frá Pósti og síma um
samband við umheiminn og önnur
tæknimál, Sverrir Ólafsson fjall-
ar um fjarþjónustu á Islandi.
Þá mun Gylfi Aðalsteinsson
hjá Fangi hf. ijalla um hugbún-
(•)
Ráðstefnuskrifstofa
"ÍSLANDS
SfMI 626070 - FAX 626073
aðargerð í alþjóðlegu umhverfí,
Friðrik Sigurðsson hjá Samtök-
um íslenskra hugbúnaðarhúsa
fjallar um möguleika á erlendum
útboðum og styrkjum til hugbún-
aðargerðar, Friðrik Skúlason
skoðar sölu forrita erlendis og Jón
Þór Þórhallsson, forstjóri
SKÝRR, fjallar um félagsstarf
erlendis án ferðalaga.
Þá mun Pétur Þorsteinsson
væntanlega fjalla um íslenska
menntanetið, Noel Hodson,
SW-2000 um fjarþjónustu í ná-
lægum löndum og ESB aðgerðir,
Prof. Deirdra Hunt um rekstur
fjarþjónustufyrirtækja á írlandi
o g Katarina Almquist hjá
sænsku byggðastofnuninni um
fjarþjónustu í Svíþjóð.
Sænski fyrirlesarinn mun
ávarpa ráðstefnuna í gegnum
tölvusíma frá Stokkhólmi þ.a.
ráðstefnugestir geta séð fyrirles-
arann og komið með fyrirspurnir
beint til hans.
Eins eru uppi hugmyndir um
að Pétur Þorsteinsson frá Islenska
menntanetinu ávarpi ráðstefnuna
á sama hátt frá Akureyri.
Að loknum fyrirlestrum verða
panelumræður.