Morgunblaðið - 04.02.1995, Blaðsíða 15
MORGUNBLAÐIÐ
LAUGARDAGUR 4. FEBRÚAR 1995 15
VIÐSKIPTI
London. Reuter.
Öróa gætir á hrávörumarkaðinum eftir að koparinn lækkaði
Hækkanir á
málmum gætu
verið á enda
Hám INNLENT
Kartöflur
fluttar út
ÁGÆTI hf. hefur flutt út
200.000 kílógrömm af kart-
öflum og búið er að gera
samninga um útflutning á
tæpum 400.000 kg í viðbót
til kaupenda í Færeyjum og
Noregi á næstu vikum og
mánuðum.
Með þessu hefur verið sam-
ið um allt það umframmagn
sem til er í landinu til útflutn-
ings, en það mun þó ekki
hafa þau áhrif að minna magn
verði til fyrir innanlands-
markað eða að verð muni
hækka verulega, að því að
segir í frétt frá Ágæti. Einnig
segir að eftirspurn erlendis
sé mjög mikil og hægt sé að
flytja út mun meira magn en
til ráðstöfunar sé. Fyrirtaæk-
ið segir að því hafi aldrei tek-
ist að selja eins mikið magn
út áður.
Utanríkis-
ráðuneytið
Útboð á
mötuneyti
REKSTUR mötuneytis utan-
ríkisráðuneytisins hefur verið
boðinn út. Þetta er í fyrsta
sinn sem útboð er á mötuneyt-
isrekstri ráðuneytis, að sögn
Júlíusar Sæberg Ólafssonar,
forstjóra Ríkiskaupa.
Tilboðsfrestur er til 27.
febrúar, en stefnt er að því
að utanríkisráðuneytið flytji í
mars úr núverandi húsnæði á
Hverfisgötu 115 í fyrrum hús-
næði Byggðastofnunar á
Rauðarárstíg 25. Júlíus sagði
að þótt útboð hefði ekki áður
verið á mötuneytisrekstri
ráðuneytis hefði þessi leið oft
verið farin hjá stofnunum og
fyrirtækjum á vegum ríkisins.
Kanna
áhuga
erlendra
fjárfesta
VERSLUNARRÁÐ íslands
hefur hrundið af stað sérstöku
verkefni til að kanna og auka
áhuga íslenskra fyrirtækja á
samstarfi við erlenda fjárfesta
um hlutabréfakaup og aðild
að rekstri hér á landi, að því
að fram kemur í Verslunar-
ráðsfréttum.
Verkefnið, sem er styrkt
af Iðnþróunarsjóði, á að taka
fáeina mánuði og hefur Davíð
Sch. Thorsteinsson verið ráð-
inn til að annast það. Fyrir-
myndin að verkefninu er sótt
til ráðstefna sem byggja á
svokallaðri SPRINT-áætlun,
m.a. skipulögðum af Europe-
an Venture Capital Associati-
on í Brussel.
Ef verkefnið leiðir í ljós að
töluverður áhugi sé fyrir
hendi hjá íslenskum fyrirtækj-
um er hugsanlegt að efnt
verði til sérstakrar ráðstefnu
þar sem valin fyrirtæki kynna
sig og framtíðaráform sín í
þeim tilgangi að höfða til er-
lendra fjárfesta.
ÓSTYRKS gætti á hrávörumark-
aði í vikunni þegar verð á kopar
lækkaði í innan við 3,000 dollara
og uggur um verðfall greip um
sig. Fyrir aðeins tveimur vikum
komst koparverð í 3,081 dollara,
hæsta verð í tæp sex ár.
Á einu ári hefur kopar hækkað
um 75% í verði og þegar fjárfest-
ingarsjóðir ákváðu að hirða gróð-
ann í vikunni lækkaði verðið í
2,866 dollara. Sama máli gegndi
með aðra málma. Álverð lækkaði
í 2,090 dollara tonnið úr 2,195
dollurum, hæsta verði í tæp sex
ár, og nikkel lækkaði í 9,775 doll-
ara úr 10,500 dollurum fyrir að-
eins þremur vikum, en það var
hæsta verð í 5 1/2 ár.
Fjárfestingasjóðir hafa þrýst
verðinu upp og óttazt er að það
muni lækka meir, ef þeir reyna
að hagnast af hækkunum, sem
hafa verið á bilinu 33% (á tini) til
allt að 150% (á nikkel) síðan síð-
ari hluta árs 1993.
„Dregið hefur úr spákaup-
mennskuæðinu,“ sagði hagfræð-
ingur við Cambridge-háskóla,
Kanak Patel. „Nýir fjárhættuspil-
arar eru orðnir tregir til þátttöku
og hinir eru farnir að skipta papp-
írsgróða fyrir reiðufé.“ Sérfræð-
ingar telja þó að mikil eftirspurn
verði eftir málmum sem hingað
til og verðið gæti því hækkað
meir. Þeir telja að 440,000 tonna
skortur verði á kopar á árinu og
að mikil þörf verði einkum á áli
og nikkel.
Uggur manna á að miklu leyti
rætur að rekja til vaxtahækkana
í Bandaríkjunum og Bretlandi til
að stemma stigu fyrir verðbólgu,
en þær gætu dregið úr eftirspurn
eftir málmum. Nánar um mark-
aðsstöðuna:
KOPAR lækkaði í verði, en staðan
styrktist í lok vikunnar. Útlitið
óvíst: sumir óttast að sjóðir losi
sig við kopar, en aðrir telja að
eftirspurn muni aukast. Verðið
mun haldast um 2,850-2,950 doll-
arar að dómi kunnugra.
ÁLlækkaði í 2,090 dollara tonnið
þegar koparinn hrundi, en eftir-
spurn var svo mikil að verðið
hækkaði aftur í 2,145 dollara í
vikulokin. Birgðir í London minnk-
uðu um 43,775 tonn.
NIKKEL seldist á um 10,000
dollara tonnið í lok vikunnar, en
verðið er talsvert lægra en í síð-
ustu viku þegar það komst í
10,500 dollara tonnið, hæsta verð
í 4 1/2 ár. Birgðir minnkuðu um
900 tonn.
HRÁOLÍA varð stöðugri. Banda-
ríkjamenn keyptu til að draga úr
birgðarýrnun á sama tíma og dró
úr eftirspurn frá olíuhreinsunar-
stöðvum í Evrópu. Prammaflutn-
ingar á Rín bannaðir vegna flóða.
Staðgreiðsluverð á Norðursjáva-
rolíu hækkaði í 17.20 dollarar
tunnan úr 16.70 dollurum fyrir
viku.
GULL hélt áfyam að lækka og
lækkaði í allt að 373.50 dollara
únsan, en verðið fór í um 376
dollara þegar eftirspurn jókst á
ný. Lítil hreyfing framundan
vegna föstu múhameðstrúar-
manna og áramóta Kínveija.
KAFFI lækkaði í 2,700 dollara
tonnið vegna spákaupmennsku í
New York. Búizt við meiri lækkun-
um.
KAKÓ seldist á um 1,000 pund
tonnið. Skortur á 100,000 tonnum
í ár gæti hækkað verðið í 1,300
pund að lokum.
SYKUR hækkaði lítið eitt á ný í
vikulokin. Enn búizt við að framboð
verði of lítið, en nú er talið að skorta
muni 500,000 tonn en ekki 1.79
milljónir eins og áður var talið.
HVEITI. Verð hélzt stöðugt þrátt
fyrir orðróm um að Rússar mundu
kaupa. Tæplega 140 dollarar fyrir
tonnið.
JURTAOLÍA. Verðið stöðugt.
HELGARVEISLA
í HAGKAUP SKEIFUNNI OG KRINGLUNNI
Hnémyndasokkar kr. 99 bolur kr. 689
Ungbarnagalli
Barnagallabuxur kr. 689 Myndasokkar kr. 79 og bolur kr. 689 Úlpa, kr. 1.995 úlpa, kr. 1.995
HAGKAUP
fyrir fjölskylduna
OPNUNARTÍMAR: KRINGLAN LAU. 10-16 & SUN. 13-17 - SKEIBVN LAU. 10-18 & SUN. 12-18