Morgunblaðið - 04.02.1995, Blaðsíða 43
MORGUNBLAÐIÐ
FRETTIR
LAUGARDAGUR 4. FEBRÚAR 1995 43
Fjárhagsáætlun
Kópavogs
Tekjurnar
rúmir 2,8
milljarðar
í FJÁRHAGSÁÆTLUN Kópavogs
er gert ráð fyrir að heildartekjur
bæjarsjóðs verði rúmir 2,8 milljarðar
á árinu. Heildargjöld eru áætluð 2,5
milljarðar til reksturs og fram-
kvæmda en rekstrarafgangur um
300 þúsund krónum verður varið til
að greiða niður skuldir, að sögn Ól-
afs_ Briem bæjarritara.
Álagt útsvar í Kópavogi árið 1995
er 9,2% og er gert ráð fyrir að út-
svarstekjur bæjarsjóðs verði rúmir
1,4 milljarðar. Fasteignaskattur er
0,375% af fasteignamati eða um
233,3 milljónir. Holræsagjald fyrir
árið 1995 er 0,13% af fasteignamati
eða 75,2 milljónir og skattur af skrif-
stofu og verslunarhúsnæði er 1,25%
af fasteignamati húsnæðis eða 24
milljónir.
Mest tíl fræðslumála
Hæsti útgjaldaliðurinn er til
fræðslumála og er áætlað að veija
tæplega 428,2 milljónum í rekstur
og framkvæmdir. Gert er ráð fyrir
að verja 181 milljón til bygginga-
framkvæmda þar af um 40 milljónum
til verkmenntaskóla en hlutur ríkis-
ins í þeirri framkvæmd eru rúmar
30 milljónir. Þá er áætlað að byggja
við þijá skóla, Smáraskóla, Hjalla-
skóla og Kópavogsskóla.
Þjónustumiðstöð fyrir aldraða
Til félagslegrar þjónustu er áætlað
að veija tæplega 378 milljónum.
Meðal framkvæmda er þjónustumið-
stöð fyrir aldraða við Gullsmára og
er áætlað að veija til hennar um 30
milljónum á árinu. Þá eru um 15
milljónir áætlaðar til breytinga á
húsnæði leikskóla.
Gert er ráð fyrir rúmlega 132,8
milljón króna tekjum á árinu af gat-
nagerðargjöldum undir liðnum göt-
ur-, holræsi- og umferðamál.
-----♦ ♦ ♦-----
Nýir eigendur að
6% mjólkurkvótans
Keyptu
kvóta fyrir
600 millj.
Á SÍÐUSTU tveimur verðlagsárum
hefur greiðslumark fyrir rúmlega 6,2
milljónir lítra af mjólk skipt um eig-
endur. Þetta er rúmlega 6% af heild-
argreiðslumarki í mjólkurfram-
leiðslu. í krónum talið nema þessi
viðskipti líkast til yfír 600 milljónir
króna.
Á verðlagsárinu 1992-1993 nam
sala á greiðslumarki um 3,8 milljónum
lítra af mjólk og árið eftir nam salan
rúmlega 2,4 milljónum lítra. Salan
var mest á stærstu mjólkurfram-
leiðslusvæðunum. Lítið var um að
kvóti væri seldur milli byggðarlaga.
Gísli Karlsson, framkvæmdarstjóri
Framleiðsluráðs landbúnaðarins,
sagði að flest bendi til að viðskipti
með greiðslumark á yfirstandandi
verðlagsári yrðu svipuð eða minni
en á síðasta ári.
Tilkynna þarf öll viðskipti með
greiðslumark til Framleiðsluráðs, en
ráðið fær hins vegar engar upplýs-
ingar um þá fjármuni sem liggja að
baki viðskiptunum. Engar öruggar
upplýsingar liggja því fyrir um
hversu miklum fjármunum bændur
hafa varið til kaupa á greiðslumarki
frá því að viðskipti með greiðslumark
voru heimiluð árið 1992.
Gísli sagði að í viðskiptum með
mjólkurkvóta undanfarið hefði hver
lítri verið seldur á rúmlega 100 krón-
ur. Verðið hefði sveiflast nokkuð, en
væri nú á niðurleið.
Tillögur frambjóðenda Sjálfstæðisflokksins á Vestfjörðum um
breytta fiskveiðistjórnun byggða á flota- og sóknarstýringu
Skiptar skoðanir
um tillögurnar
Fjórir frambjóðendur Sjálfstæðisflokksins í Vest-
fjarðakjördæmi hafa kynnttillögur um breytta
fiskveiðistjórnun, sem byggjast á flota- og sóknar-
stýringu. Morgunblaðið kannaði álit nokkurra
stjórnmálamanna á tillögunum.
Efnisleg umflöllun
verði á landsfundi
AGUST EIIMARSSOIM
Hugmyndir nær
ekkert útfærðar
„MÉR líst illa á þessar tillögur
Vestfírðinganna. Hugmyndir
þeirra um sóknarmark eru nær
ekkert útfærðar og ég minni á að
þegar það kerfí var við lýði reynd-
ist það ekki vel,“ sagði Agúst Ein-
arsson, ritari Þjóðvaka.
Ágúst sagði að Vestfírðingamir
hefðu sett fram hugmyndir um
sjávarútvegsgjald, sem væntanlega
væri hugsað sem einhvers konar
veiðileyfagjald, til að tryggja mikla
umfjöllun í Morgunblaðinu, en síð-
an hefði Einar K. Guðfinnsson í
reynd dregið það til baka í viðtali
við blaðið.
„Ef þeir hefðu viljað leggja fram
sjávarútvegsstefnu til alvarlegrar
umræðu í þjóðfélaginu, hefðu þeir
átt að vinna sína heimavinnu bet-
ur. Hugmyndir þeirra um staðsetn-
ingarkerfí skipa eru til dæmis eng-
in nýjung og hafa lítið með veiði-
stýringarkerfi að gera. Ef tillög-
urnar eru skoðaðar með miklum
velvilja, er augljóst að aðeins er
verið að búa til vestfírsk kerfí, sem
er innlegg í kosningabaráttuna i
því kjördæmi.“
Ágúst sagði að hugmyndir Vest-
fírðinganna um breyttan endumýj-
unarstuðul fiskiskipa rúmuðust
innan núverandi kerfís. „Það er
alltaf matsatriði, en fækkun skipa
getur átt sér stað með öðmm hætti,
eins og sannast hefur með Þróunar-
sjóð sjávarútvegsins.“
MATTHIAS BJARNASON
Opnar í báða
enda
„ÉG er sammála því að við eigum
að taka upp sóknarmark, en mér
fínnst þessar tillögur opnar í báða
enda. Þá tel ég að sjálfstæðis-
menn, bæði á Vestfjörðum og ann-
ars staðar, eigi að hafna tvímæla-
laust öllu sem er í átt að auðlinda-
skatti," sagði Matthías Bjarnason,
þingmaður Sjálfstæðisflokksins á
Vestfjörðum og fyrrverandi sjáv-
arútvegsráðherra.
Matthías sagði að honum fyndist
töluvert vanta upp á útfærslu til-
lagnanna. „Ég hefði kosið að
ákveðið væri í löggjöf hversu nærri
landi togarar mega vera og miðun-
um skipt upp í gmnnsjávar- og
djúpsjávarmið. Þá þarf að taka til-
lit til þess að sum svæði hafa ekki
möguleika nema á bolfískveiðum.
Vestfírðir byggja mjög á þorskin-
um og venjulegir vertíðarbátar geta
ekki sótt á fjarlæg fiskimið. Önnur
svæði hafa svo að segja alla loðn-
una, síldina og humarinn og
rækjukvóta er búið að dreifa um
allt. Skip, sem aldrei fara á rækju,
era með kvóta og selja hann dýmm
dómum. Það væri nær að gefa út-
hafsrækjuveiðar fijálsar.“
Matthías kvaðst afar ósáttur við
viðbrögð formanns LÍÚ, sem hefðu
verið óverðskuldaðar árásir á
Vestfirðinga. Þá væri sjávarút-
vegsráðherrann ákaflega ósann-
gjam í sínum tillögum.
„OKKUR þykir eðlilegt að efnis-
leg umfjöllun um tillögur okkar
verði á landsfundi Sjálfstæðis-
flokksins," sagði Einar K. Guð-
finnsson, alþingismaður, að-
spurður um væntanlega af-
greiðslu Sjálfstæðisflokksins á
tillögum hans og þriggja annarra
frambjóðenda flokksins á Vest-
fjörðum um breytta fiskveiði-
stjórnun.
Tillögurnar voru lagðar fram
á fundi málefnanefndar Sjálf-
stæðisflokksins í sjávarútvegs-
málum í síðustu viku. Einar sagði
að ákveðið hefði verið að vísa
tillögunum til stjórnar málefna-
nefndarinnar og miðsljórnar
flokksins. „Við féllumst á þessa
afgreiðslu, því við teljum ekki
óeðlilegt að sjávarútvegsstefna
flokksins sé tekin til efnislegrar
afgreiðslu á landsfundi, eins og
gert hefur verið. Ég geri ráð
fyrir að þannig verði málið af-
greitt.“
Einar sagði að þeir frambjóð-
endurnir fjórir hefðu talið óeðli-
legt að 40 manna fundur af-
greiddi tillögurnar efnislega,
þegar 1.100 manna Iandsfundur
kæmi saman í haust. „I Þjóðvaka
láta þau sig að visu ekki muna
um það að afgreiða stefnumál í
sjávarútvegsmálum með 40 at-
kvæðum, en okkur fannst það
ekki viðeigandi.11
JONA VALGERÐUR
KRISTJÁNSDÓTTIR
Umræða um
breytingar af
hinu góða
„ÖLL umræða um að bijóta upp
núverandi kerfi fískveiðistjórnun-
ar er af hinu góða, enda hefur það
ekki leitt til verndunar fískistofna
eða fækkunar í skipaflota lands-
manna,“ sagði Jóna Valgerður
Kristjánsdóttir, þingmaður
Kvennalistans á Vestfjörðum.
Jóna Valgerður sagði að um-
ræðan hefði fest í því fari að hér
yrði að vera eitt kerfí. „Það er
hægt að hafa fleiri kerfí í gangi
samtímis. Kvennalistinn vill til
dæmis leggja áherslu á að við fisk-
veiðistjórnun verði miðunum skipt
upp í grunnsjávar- og djúpsjáv-
armið. Ég get alveg fallist á að
sóknarstýring geti verið jafn góð
og núverandi kvótakerfi. Ef aðeins
væri um ákveðna sóknardaga að
ræða yrði minna álag á fískimiðun-
um. Þá er einnig mjög brýnt að
auka rannsóknir, sérstaklega á
afleiðingum notkunar stórvirkra
veiðarfæra,“ sagði Jóna Valgerður
Kristjánsdóttir.
STEINGRIMUR J.
SIGFUSSON
Margt
athyglisvert
„MÉR finnst fljótt á litið margt
athyglisvert í þessum tillögum
og falla að mínum hugmyndum,
en annað ekki. Ég hef viljað leita
leiða til að finna reglur, sem
nálguðust málið út frá forsendum
lífríkisins, þ.e. stýrðu álagi á
stofnana, að hluta með ákvæðum
um sókn, en einnig veiðarfæri,
línur og friðanir, auk öryggishá-
marka,“ sagði Steingrímur J.
Sigfússon, fulltrúi Alþýðubanda-
lagsins í sjávarútvegsnefnd Al-
þingis.
Steingrímur sagði að ekki væri
hægt að átta sig á hvort í tillögun-
um fælust einhveijar heildartak-
markanir á veiði. „Þessar tillögur
frá samflokksmönnum sjávarút-
vegsráðherra undirstrika þá stað-
reynd að það er bullandi óánægja
með núverandi ástand. Endur-
skoðun laga um fiskveiðistjórnun
á þessu kjörtímabili kom ekki á
neinni einingu, enda telja mjög
margir að kvótakerfið í núverandi
formi gangi alls ekki upp. Endur-
skoðunin var til málamynda og
engin tilraun gerð til að móta
nýja og heildstæða sjávarútvegs-
stefnu.
Steingrímur sagði að nánari
útfærslu vantaði í tillögurnar um
aðlögun að nýju kerfi. „Mér finnst
þó jákvætt og virðingarvert að
þessir pólitísku andstæðingar
mínir velti fyrir sér möguleikum
á nýju fiskveiðistjórnunarkerfi,
enda hefur Alþýðubandalagið
lengi viljað endurskoða núverandi
kerfí.“