Morgunblaðið - 04.02.1995, Blaðsíða 56

MORGUNBLADW, KRINGIAN 1, 103 REYKJAVlK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRI: HAFNARSTRÆTI 85
LAUGARDAGUR 4. FEBRÚAR 1995
VERÐ í LAUSASÖLU 125 KR. MEÐ VSK
Rætt um stækkun álversins í Straumsvík sem kosta mun 10 milljarða
Um 200 manns fengju
störf við framkvæmdir
UM 200 manns fengju atvinnu við framkvæmd-
ir vegna stækkunar álversins í Straumsvík, en
formlegar viðræður eru nú hafnar milli ís-
lenskra stjórnvalda og svissneska fyrirtækisins
Alusuisse-Lonza um möguleika á stækkun ál-
versins. Náist samningar um stækkunina ættu
framkvæmdir að geta hafist síðar á þessu ári.
Flutningur á nýlegum kerskála í eigu þýska
álfyrirtækisins VAW er einn af þeim kostum
sem sérstaklega hafa verið kannaðir, en bygg-
ingartími slíks álvers er um tvö ár. Leiði viðræð-
urnar til jákvæðrar niðurstöðu ætti því nýr
----'kerskáli að geta tekið til starfa síðari hluta
ársins 1997. Áformað er að hinn nýi kerskáli
rísi milli núverandi kerskála og Reykjanes-
brautarinnar.
60% aukning framleiðslunnar
Um yrði að ræða 60% aukningu á álfram-
leiðslu við Straumsvík, eða um 60 þúsund tonn,
en núverandi framleiðslugeta ÍSAL er 100 þús-
und tonn á ári, og er áætlaður kostnaður við
stækkunina um 10 milljarðar króna. Viðbótar-
starfslið í Straumsvík þegar skálinn væri risinn
yrði 100-120 manns.
Jóhannes Nordal, stjórnarformaður Lands-
virkjunar, segir að orkuþörf þeirrar viðbótarál-
framleiðslu sem rætt er um í Straumsvík sé á
bilinu 800 til 900 gígawattstundir, en það sam-
svarar nánast allri þeirri umframorku sem nú
er til í landinu. Því þyrfti ekki að bæta við orku-
framleiðsluna hér á landi strax, en hins vegar
þyrfti að gera það mjög fljótlega.
Stækkun álversins í Straumsvík hefur áður
verið til umræðu, en af hálfu viðsemjenda ís-
lenskra stjórnvalda hefur það til þessa ekki
verið álitinn fýsilegur kostur.
Geir A. Gunnlaugsson, stjómarformaður
Markaðsskrifstofu iðnaðarráðuneytisins og
Landsvirkjunar, segir að í viðræðunum við
Alusuisse-Lonza sé verið að ræða um fjárfest-
ingu upp á um 150 milljónir dollara, á meðan
nýtt álver kosti um 1.000 milljónir dollara.
Hann segir að ákvörðun um stækkun álversins
sé því miklu minni ákvörðun en ef ráðist yrði
í byggingu nýs álvers.
■ Tíumilljarðafjárfesting/12
Steinhús
fleyguð af
sökklinum
ÞRÍR innlendir aðilar hafa kom-
ið þeim ábendingum til sveitar-
stjórans í Súðavík, Jóns Gauta
Jónssonar, að hægt sé að flytja
steinhús af hættusvæðum í
byggðinni með því að taka þau
af sökklunum.
Jón Gauti segir að aðferðinni
hafi verið beitt með góðum ár-
angri í Svíþjóð við að flytja hús
af jarðsigssvæðum. Er um að
ræða svissneska tækni, að hans
sögn, sem felst i því að losa
húsið af sökkli sínum með kerfi
vökvafleyga.
„Þessar ábendingar gefa til-
efni til þess að þær verði kann-
aðar frekar og að mínum dómi
er eðlilegast að Ofanflóðasjóður
geri það enda stendur upp á
hann í hugum fólks að kaupa
þessar eignir,“ sagði Jón Gauti.
Formaður VSÍ um
launahækkanir
Svigrúmið
2-4% á ári
næstu tvö ár
VINNUVEITENDUR leggja áherslu
á að svigrúm sé til 2-4% launahækk-
ana á ári næstu tvö árin í þeim samn-
ingaviðræðum sem nú standa yfir.
Þetta kom fram hjá Magnúsi
Gunnarssyni, formanni Vinnuveit-
endasambands íslands. Hann sagði
að gert væri ráð fyrir 3,6% launa-
hækkunum í OECD-löndunum. Þetta
sé mikil breyting fyrir fyrirtækin frá
síðasta samningstímabili og það sé
ljóst að atvinnulífið sé að taka á sig
verulegar byrðar.
Magnús sagði að í meginatriðum
—>-séu allir sammála um að viðhalda
stöðugleikanum, fjölga störfum,
styrkja samkeppnishæfni atvinnu-
lífsins og reyna að auka kaupmátt.
Viðræður um helgina
í gær hófust samningafundir í
húsnæði ríkissáttasemjara milli
vinnuveitenda og nokkurra aðildar-
félaga og sambanda innan Alþýðu-
sambands Islands. Rætt er um samn-
ing til tveggja ára eða til ársloka
1996. Gert er ráð fyrir að viðræðum
verði haldið áfram um helgina. Full-
trúar Samiðnar, Verslunarmannafé-.
lags Reykjavikur, Landssambands ís-
Ienskra verslunarmanna og Iðju, fé-
lags verksmiðjufólks, funduðu í gær,
—cn í dag eru ráðgerðir fundir með
Rafiðnaðarsambandinu, Samiðn og
forystu Verkamannasambandsins.
■ Rætt um/6
♦ ♦ ♦
Færeyingar
fá 5.000 tonn
SAMIÐ var um aflaheimildir Fær-
eyinga hér við land á fundi þjóðanna
sem haldinn var í Reykjavík í gær.
^ills verður þeim leyfilegt að veiða
hér 5.000 tonn af botnfiski nú, en
það er þúsund tonnum minna en
heimildir þeirra voru.
Ivan Johannesen, sjávarútvegs-
ráðherra Færeyja, segist sáttur við
niðurstöðuna. I raun sé um hreina
gjöf að ræða, því ekkert komi á móti.
■ AflaheimiIdir/4
Sjávarútvegsráðherra kynnir lög um umgengni um auðlindir sjávar
Frystiskipum
fjölgi ekki
til aldamóta
í DRÖGUM að lagafrumvarpi sjáv-
arútvegsráðherra um umgengni um
auðlindir sjávar sem kynnt hefur
verið í ríkisstjórn og þingflokkum,
er lagt til að breytingar verði gerð-
ar á lögum um fullvinnslu botn-
fiskafla um borð í vinnsluskipum,
þannig að fram til næstu aldamóta
verði skipum ekki fjölgað. Þetta
þýðir í raun að fjöldi frystiskipa
myndi standa í stað næstu fimm
árin.
í rökstuðningi með frumvarps-
drögunum er minnt á að þorskafli
hafi dregist verulega saman á und-
anförnum árum og ekki sé að vænta
verulegrar aukningar í þorskveiði á
næstu árum. Með hliðsjón af þessum
samdrætti þyki eðlilegt að stöðva
fjölgun fullvinnsluskipa um tíma.
Ráðherra geti þó vikið frá þessu
banni, farist skip með fullvinnslu-
leyfi eða verði fyrir altjóni.
Jafnframt er lagt til að frestað
verði til 1. janúar árið 2000 að
skylda eldri fullvinnsluskip til að
nýta allan afla og fiskúrgang, þar
sem í Ijós hafi komið að eldri skip
hafi fæst möguleika á að sinna slíkri
skyldu án verulega kostnaðarsamra
breytinga.
Fiskistofa upplýsi um brot
í frumvarpinu er einnig gert ráð
fyrir að lögfest verði bann við að
henda fiski í hafið. Ráðherra geti
þó með reglugerð heimilað að varp-
að sé fyrir borð innyflum, hausum,
afskurði og öðru sem fellur til við
verkun eða vinnslu afla um borð,
enda verði þessi úrgangur ekki nýtt-
ur með arðbærum hætti.
Meðal annarra atriða sem nefna
má í frumvarpi sjávarútvegsráð-
herra, er að bátum undir 30 brúttó-
tonnum að stærð verði óheimilt að
stunda veiðar með þorskfisknetum
frá 1. nóvember til loka febrúar.
► Oheimilt verði að hefja veiðiferð
án þess að skip hafi veiðiheimildir
í þeim tegundum, sem líklegt er að
fáist í veiðiferðinni.
► Fiskistofu verði heimilt að áætla
viðbótarafla á skip, víki aflasam-
setning þess verulega frá aflasam-
setningu annarra skipa, sem stunda
hliðstæðar veiðar.
► Að skylt verði að draga reglu-
lega veiðarfæri sem skilin eru eftir
í sjó, svo sem net og línu. Heimilt
verði að draga upp veiðarfæri sem
ekki er sinnt, á kostnað eigenda,
en selja þau ef ekki er vitað um
eiganda.
► Fiskistofa skal birta opinber-
lega upplýsingar um sviptingu veiði-
heimilda. Tilgreina skal þar heiti
skips, skipsskrárnúmer, útgerð
þess, tilefni leyfissviptingar og til
hvaða tímabils sviptingin nær.
► Fiskistofa skal birta reglulega
upplýsingar um þau skip sem hafa
veitt umfram aflaheimildir og upp-
lýsingar um álagningu gjalds vegna
ólögmæts sjávarafla skips.
Morgunblaðið/Þorkell
KLAKABUNKAR voru víða í Reykjavík í
gær og átti fólk erfitt með að fóta sig,
jafnt ungir sem gamlir.
Morgunblaðið/Kristinn
JON Baldursson yfirlæknir og Kristín Jónsdóttir Íýúkrunarfrædingur búa um handleggs-
brot á slysadeild í gær.
Fjölmörg
hálkuslys
MJÖG mikið álag var á slysadeild Borgarspít-
alans í gær og í gærkvöldi höfðu yfir 90 manns
leitað þangað. Erillinn var bein afleiðing af
hálkunni sem var gífurleg og lúmsk á öllum
gangstéttum og götum, öðrum en þeim sem
mest umferð er um.
Ágúst Kárason, læknir á slysadeild, orðaði
það svo að allir væru á hausnum og þorri þess-
ara tæplega hundrað manna væri beinbrotinn
eða illa snúinn. „Menn eru að snúast í hring í
loftinu og lenda allavega þannig að þetta eru
alls konar brot,“ sagði Ágúst og kvaðst óttast
að fleirum yrði hált á svellinu í nótt.