Morgunblaðið - 10.02.1995, Blaðsíða 19
MORGUNBLAÐIÐ
LISTIR
FÖSTUDAGUR 10. FEBRÚAR 1995 19
Hljómleik-
ur í Nýló
LEIKIÐ verður á hljóðfæri á sýn-
ingu Gretars Reynissonar í Ný-
listasafninu við Vatnsstíg, laugar-
daginn 11. febrúar kl. 17. Þeir sem
koma fram eu Hilmar Jensson,
Matthías Hemstock og Pétur Grét-
arsson og leika þeir á gítara og
slagverk ýmiskonar.
I kynningu segir: „Leikið verður
af fingrum fram auk þess sem
fyrirfram ákveðin hugverk koma
við sögu. Til hliðsjónar hafa tón-
listarmennimir myndverk Gretars
Reynissonar auk baráttunnar við
sín innri sjálf."
Dagskrá þessa hafa viðkomandi
áður flutt í Norræna húsinu og
víðar. Allir eru velkomnir að vera
viðstaddir atburðinn og aðgangs-
eyrir er enginn.
Mynd eftir Berglindi.
Gallerí Greip
„Myndir af
augnablikum“
BERGLIND Sigurðardóttir opnar
sýningu sem ber yfirskriftina
„Myndir af augnablikum" í Gallerí
Greip laugardaginn 11. febrúar.
Verkin á sýningunni eru unnin
með olíu- og pastellitum.
Berglind stundaði nám í Mynd-
listaskóla Reykjavíkur 1986 og í
Myndlista- og handíðaskóla Is-
lands 1986-1990. Þetta er hennar
þriðja einkasýning.
Sýningin er opin alla daga nema
mánudaga frá kl. 14-18.
------*—-------
„Fávitinn“
sýndur í bíósal
MÍR
KVIKMYNDIN „Fávitinn“ verður
sýnd í bíósal MÍ, Vatnsstíg 10,
sunnudaginn 12. febrúar kl. 16.
í kynningu segir: „Þessi mynd
er byggð á fyrsta hluta sam-
nefndrar skáldsögu Fjodors
Dostojevskíjs, sem komið hefur út
á íslensku í þýðingu Ingibjargar
Haraldsdóttur, en leikgerð sög-
unnar er nú sýnd í Þjóðleikhúsinu.
Kvikmyndin var gerð árið 1958
í Moskvu í Ieikstjórn Ivans
Pyrijevs, kvikmyndatökumaður
var V. Pavlov og tónlist eftir N.
Krjúkov. Með aðalhluverk fara J.
Jakovlév, J. Borisova, N. Podgorný
og R. Martinova." íslenskur texti
er með myndinni og aðgangur er
ókeypis.
SPORASKJA með gati eftir Gretar Reynisson.
Nýlistasafnið
Síðasta sýningar-
helgi Gretars
SÝNINGU Gretars Reynissonar í
Nýlistasafninu lýkur nú á sunnudag.
Gretar sýnir í öllum sölum safnsins
skúlptúrverk og teikningar, allt nýleg
verk, flest frá síðasta ári. Skúlptúr-
verkin eru unnin í krossvið og dúk.
í krossviðsverkunum og teikningun-
um eru blýantur og göt allsráðandi.
Gretar hefur haldið á annan tug
einkasýninga hér heima og erlendis.
Auk starfa við myndlist hefur Gretar
gert leikmyndir fyrir leikhús í
Reykjavík.
Sýningin verður opin frá kl. 14-18.
Endurfluttir ein-
leikir í Leik-
húskj allaranum
EINLEIKIRNIR Saga dóttur
minnar, Bóndinn og Slaghörpu-
leikarinn eftir Ingibjörgu Hjartar-
dóttur voru frumfluttir í Lista-
klúbbi Leikhúskjallarans mánu-
dagskvöldið 30. janúar og vegna
fjölda áskorana hefur leikhópurinn
ákveðið að endurflytja þættina í
Leikhúskjallaranum sunnudaginn
12. febrúar kl. 16.
í kynningu segir: „Einleikimir
eru byggðir á frásögn þriggja ís-
lenskra samtímakvenna.
Þetta eru þrjár ólíkar frásagnir,
en það sem er sameiginlegt með
þeim er að konurnar eru allar á
svipuðum aldri, um fertugt, hafa
líka lífssýn og eru aldar upp við
svipuð skilyrði í íslenskum harðn-
eskju hversdagsleika.
Þær láta hugann reika og horfa
yfir farinn veg. Segja frá góðum
hlutum og vondum, gleði og sorg-
um, meta stöðu sína í núinu og
reyna að sjá hvað framtíðin muni
bjóða þeim.
í hveijum þætti verður það svo
þungamiðjan, brennipunkturinn,
þegar frásögnin fer að snúast um
ákveðinn atburð, sáran missi, sem
þær allar standa frammi fyrir og
verða að horfast í augu við.
Leikkonurnar Guðrún María
Bjarnadóttir (dóttirin í Sögu dóttur
minnar), Guðbjörg Thoroddsen
(bóndinn) og Ingrid Jónsdóttir
(slaghörpuleikarinn), spila á allan
tilfínningaskalann í túlkun á þess-
um brotabrotum úr lífi íslensku
kvennanna þriggja."
Nú eins og áður er um sviðsett-
an leiklestur að ræða.
Leikstjóri er Sigríður Margrét
Guðmundsdóttir.
vikan n n
17. FEBRÚAR
tangósöngvari Finna, Reijo Taipale finnskan tangó
ásamt félögum sínum á Hótel Borg. Að auki býður
danski leikhópurinn Café Kplbert upp á óvænta
skemmtun sem engan svíkur.
afé JColbert
skemrmír í Listaklúbbi Þjóðleikhúskjallarans
mánudaginn 13. febrúar, kl. 20:30, þarsem þeir
„þjóna" gestum eins og þeim einum er lagið.
Jessie ■Kleeman
Skjálist og gjörningar frá Grænlandi í Gerðubergi
fimmtudaginn 16. febrúar kl. 21:00.
Svend Wiig.Hansen
einn fremsti myndlistarmaðuTDana opnar sýningu á verkum
sínum í Norræna húsinu laugardaginn 11. febrúar.
(Bnjðuleikhúsid Siitkyt
Brúðuleikhúsið SYTKYT frá Finnlandi verður með tvær
sýningar í Möguleikhúsinu við Hlemm:
Vatnsleikur, 14. febrúar kl. 17:00
Múmínsaga, 15. febrúar kl. 17:00
foanskar bókmenntir
Rithöfundurinn Knud Sprensen og gagnrýnandinn ThomasThurah fjalla
um danskar bókmenntir í Norræna húsinu laugardaginn 11. feb. kl. 16:00.
j{orrœn kvikmyndahátíð________________________
Dagana 11.- 20. febrúar verða sýndar í Háskólabíói
norrænar kvikmyndir. Aðgangur er ókeypis.
. Jlljómræn samskipti__________________________
Norskir hljómlistarmenn flytja tónlist ættaða frá Afríku
fyrir börn á Akureyri, 12.-15. febrúar.
jforrœna húsið
12. febrúar kl. 14:00: Málþing um höfundarrétt og menningarstefnu.
12. febrúar kl. 16:00: Barnakvikmyndin „Ottó nashyrningur"
13. febrúar kl. 20:00: Kim Herforth Nielsen heldur fyrirlestur um
arkitektúr í tengslum við sýninguna 3XNielsen sem nú stendur yfir í
Norræna húsinu.