Morgunblaðið - 23.02.1995, Blaðsíða 4

4 B FIMMTUDAGUR 23. FEBRÚAR 1995
MORGUNBLAÐIÐ
VIÐSKIPTI
Atvinnuátaksverkefni í ganffi á Selfossi
Leitað leiða til að auka um-
svif fyrirtækja á staðnum
Selfossi, Morgunblaðið.
SELFOSSBÆR hefur
ráðið verkefnisstjóra
atvinnuátaks á Sel-
fossi til eins árs í fullt
starf frá 1. október á
síðastliðnu ári.
Markmiðið með átak-
inu er að auka atvinnu
á staðnum. Verkefnis-
stjórinn aðstoðar at-
vinnurekendur á Sel-
fossi við að greina
nýja möguleika sem
nýtast munu til auk-
innar atvinnu. Auk
þess aðstoðar hann þá
við að bæta núverandi
rekstur. Einnig vinnur
hann með starfsmönnum Selfoss-
kaupstaðar við leit og skilgrein-
ingu atvinnuskapandi verkefna á
vegum fyrirtækja og stofnana. Þá
vinnur hann að gerð hagkvæmnis-
athugana og frumkannana á hug-
myndum að aukinni atvinnu.
Aukin umsvif eru
grundvallaratriði
„Það er grundvallaratriði að
auka umsvif hjá fyrirtækjunum á
staðnum. Til þess höfum við tvær
leiðir, að styrkja og efla þau fyrir-
tæki sem fyrir eru og að koma á
fót nýjum. Þetta geri ég hvort
tveggja en tel meira um vert að
efla það sem fyrir er. Reynslan
sýnir að það gengur frekar upp,“
sagði Róbert Jónsson atvinnuráð-
gjafi og verkefnisstjóri atvinnuá-
taksins á Selfpssi.
Róbert segist hafa kynnt sér
fyrirtækin á staðnum með heim-
sóknum, þegar hafa unnið fyrir
fjölda fyrirtækja og segist hafa
meira en nóg að gera.
Dæmi um verkefni
sem unnin hafa verið
fyrir fyrirtæki er ráð-
gjöf við stofnun og
stefnumörkun fram-
leiðslufyrirtækis í
járniðnaði þar sem
framtíðarhlutverk var
skilgreint og aðstoðað
við áætlanagerð og
markaðsmál. Önnur
dæmi eru aðstoð við
arðsemismat á nýjum
framleiðsluvörum
matvælavinnslufyrir-
tækis, úttekt á rekstri
flutningadeildar versl-
unar- og þjónustufyrirtækis og
ráðgjöf við fjármögnun í nýjum
fyrirtækjum.
„Menn viðra sínar hugmyndir
og ég aðstoða þá við útfærslu á
þeim. Það er nú einu sinni svo að
menn eru yfirleitt á fullu í að sinna
daglegum rekstri og hafa ekki
nægan tíma fyrir nýsköpun. Þetta
er þekkt erlendis en þar kaupa
fyrirtæki ráðgjöf sem er að vísu
að aukast hérlendis. Selfossbær
fer þá leið að veita þessa ráðgjöf
frítt,“ sagði Róbert.
Fjárfestingarmöguleikar og
vinnuhópar
Róbert sagði að einn kosturinn
til að auka atvinnu á Selfossi
væri að kynna staðinn sem góðan
fjárfestingarmöguleika og leggja
í því efni áherslu á góða staðsetn-
ingu og stöðugleika í atvinnulífi
þar sem sveiflur frá sjávarútvegi
væru ekki áberandi. Einnig væri
lögð áhersla á að þjónustustigið á
Selfossi væri hátt. Hann sagði
marga atvinnurekendur líta til
þessara þátta þegar þeir veldu
starfsemi sinni stað. Hann sagði
engan vafa á því að möguleikar
atvinnulífsins á Selfossi væru
miklir. Einn þátturinn í að kynna
Selfoss sem fjárfestingarmögu-
leika var útgáfa bæklings þar sem
kostir bæjarins voru kynntir
Eitt af byijunarverkefnum Rób-
erts var að koma á fót vinnuhópum
um ákveðin svið atvinnulífsins,
ferðamál, byggingariðnað, mat-
vælavinnslu, verslun og þjónustu
og framleiðsluiðnað. í þessa Vinnu-
hópa er fengið fólk úr atvinnulífinu
og úr atvinnu- og ferðamálanefnd
bæjarins. „Við förum yfir stöðuna
í dag og hveijir möguleikarnir eru,
hvaða markmið við viljum setja
okkur og leiðir að þeim,“ sagði
Róbert.
Vinnan í ferðamálahópnum er
komin hvað lengst og byijað að
halda skipulagða opna hádegis-
fundi. Sá fyrsti var 26. janúar en
framundan eru fundir 3. febrúar,
17. febrúar og 3. mars. Á fyrsta
fundinum var frummælandi
Magnús Oddsson ferðamálastjóri.
Á næstu fundum verða frummæ-
lendur María Guðmundsdóttir frá
Upplýsingaskrifstofu ferðamála
og Þórdís G. Arthúrsdóttir ferða-
málafulltrúi Akraness. Á loka-
fundinum 3. mars fer svo ferða-
málaverkefnið formlega af stað.
Róbert kvaðst sannfærður um
að atvinnuátakið skilaði árangri.
það væri greinilegt að fólk væri
tilbúið til þess að koma nýjum hug-
myndum á framfæri og leita leiða
til þess að gera þær að veruleika.
Róbert Jónsson
Nýtt tölvuforrit
fyrir hrossaræktendur
SAMEINUÐU bændasamtökin
hafa sett á markað nýtt tölvu-
forrit, Einka-Feng 1,0. Með for-
ritinu fylgir yfirgripsmikið
gagnasafn um íslenska hrossa-
rækt sem nær til alls 60 þúsund
hrossa með upplýsingum um
íslensk hross, t.d. um ættir, eig-
endur, kynbótadóma og kyn-
bótamat.
Forritið er afrakstur margra
ára vinnu við skýrsluhald um
þúsundir hrossa um land allt á
vegum Búnaðarfélags íslands.
Ennfremur hafa allir kynbóta-
dómar verið skráðir kerfis-
bundið í miðlægt tölvukerfí fé-
lagsins, svo og kynbótamat og
frostmerkingar hrossa.
Einka-Fengur gefur not-
endum kost á að byggja upp
eigið gagnasafn á grunni
gagnasafns forritsins, þar sem
unnt er að skrá, breyta og eyða
upplýsingum í því. Gagnasafnið
verður uppfært árlega með öll-
um kynbótadómum ársins
ásamt öðrum nýjum upplýsing-
um.
Einka-Fengur var saminn hjá
tölvudeild Búnaðarfélags ís-
lands og er skrifaður á forrit-
unarmálinu Turbo-Pascal. Not-
endaskil voru gerð með undir-
forritunarsafninu Turbo Visi-
on. Gagnagrunnshluti forrits-
ins er skrifaður með Paradox
Engine gagnaköllum og gagna-
töfíur eru á Paradox 4,0 formi.
Einka-Feng verður að keyra á
einkatölvum með a.m.k. 640 kb
vinnsluminni. Ágæt vinnsla
fæst með tölvum með örgjörv-
um 80386 þó að vel sé unnt að
nota forritið á tölvum með
minni örgjörva.
4. rammaáætlun ESB er nýr valkostur fyrir íslenskar rannsóknir og íslenskt atvinnulíf
UNDANFARNA mánuði hefur verið
unnið að undirbúningi þátttöku
íslendinga í 4. rammaáætlun Evr-
ópusambandsins. M.a. hefur verið
sett á stofn sérstök þjónustustarfsemi fyrir
þá aðila sem hyggja á samstarf og nefnist
starfsemin Kynningarmiðstöð Evrópurann-
sókna (KER.) Fjármagn til reksturs starfsem-
innar hefur að mestu leyti frá Evrópusam-
bandinu.
Rannsóknarráði íslands var falin umsjá
með rekstri KER og nýtur ráðið stuðnings
frá Iðntæknistofnun og Rannsóknaþjónustu
Háskólans við útfærslu starfseminnar. „Þessi
þjónusta ásamt annarri vinnu, eykur líkurnar
á því að það verði vel staðið að Jiátttöku ís-
lendinga í evrópsku samstarfl. I því er ein-
mitt fólgin forsendan fyrir því að rannsókn-
imar skili því til þjóðfélagsins sem þeim er
ætlað,“ sagði Orri Hlöðversson, starfsmaður
KER í samstarfí við Morgunblaðið.
Orri sagði ennfremur að ein helsta forsend-
an fyrir efnahagslegum framförum og sam-
keppnishæfni einstakra ríkja og ríkjasam-
banda væri fjárfesting á sviði rannsókna og
tækniþróunar. Aldrei hefðu þessi rök átt bet-
ur við en nú á öld upplýsingatækninnar þar
sem þekking öðru fremur kæmi til með að
ráða mestu um hver yrði hlutskarpastur á
mörkuðum framtíðarinnar.
„í upphafí áttunda áratugarins var ráða-
mönnum Evrópusambandsins orðið ljóst að
rannsókna- og tækniþróunarstarfsemi ESB-
ríkja þurfti að taka til gagngerrar endurskoð-
unar," sagði Orri.
Evrópa var að dragast aftur úr
„Evrópa sem heild var að dragast aftur
úr helstu keppinautum sínum á sviði heims-
viðskiptanna ; Bandaríkjunum og Japan.
Hvert ESB-ríki fyrir sig hafði litla burði til
að stunda rannsóknir af sama mætti og efna-
hagsrisamir tveir auk þess sem það var oft
um sannkallaðan tvíverknað að ræða innan
Evrópu þar sem verið var að vinna sömu
rannsóknavinnuna á tveimur eða fleiri aðild-
arríkjanna samtímis."
Við þessar aðstæður var 1. rammaáætlun
Kynningarmiðstöð
Evrópurannsókna
sett á laggirnar
ESB hrint í framkvæmd árið 1984 þar sem
stórt skref var stigið í-þá átt að sameina
rannsókna- og tækniþróunarstarfsemi á veg-
um ESB undir einum hatti.
„Með tilkomu Single European Act árið
1987 styrktist staða rannsókna- og tækniþró-
unarstarfsemi innan ESB enn frekar og með
2. rammaáætluninni (1987-91) var í fyrsta
skipti í sögu Evrópusambandsins mörkuð
heilstæð pólitísk stefna á sviði rannsókna og
tækniþróunar," sagði Orri. Árið 1991 tók
síðan 3. rammaáætlunin við og rann hún sitt
skeið á á árinu 1994.
Maastricht og 4. rammaáætlunin
Maastricht sáttmálinn kveður á um enn
frekari eflingu rannsókna- og tækniþróunar-
samstarfs á vegum ESB. Það má glöggt sjá
í 4. rammaáætlunininni (1994- 98) sem er
mun víðtækari en forverar hennar. 4.
rammaáætluninni eru sett eftirfarandi mark-
mið:
Að styrkja samkeppnishæfni evrópsks iðn-
aðar.
Að stuðla að bættum lífsgæðum í Evrópu.
Að auðvelda Evrópusambandinu að koma
öðrum stefnumálum sínum í framkvæmd.
Til 4. rammáætlunarinnar verður varið sem
svarar 12.3 milljörðum ecu til loka ársins
1998.
Að sögn Orra er skipt upp í fjögur áherslu-
svið þar sem það fyrsta er viðamest og tekur
til sín nær 90% af heildarfjármagninu. Innan
þess svið er að finna sjálfar rannsóknaáætlan-
imar sem eru 15 að tölu og tekur hver þeirra
fyrir ákveðið fræðasvið.
Þau þijú áherslusvið sem eftir eru taka
fyrir eftirfarandi þætti: Samvinnu við lönd
og stofnanir utan ESB, dreifingu og nýtingu
á rannsóknaniðurstöðum og styrki til vísinda-
og fræðimanna.
Líkt og forverar hennar tekur 4. rammaá-
ætlunin fyrir þau rannsóknasvið þar sem
þörfín er talin mest á hveijum tíma. Þannig
er í dag aukin áhersla á sviði upplýsinga-
tækni, umhverfisrannsókna, iðnaðar- og efn-
istækni, heilbrigðisrannsókna, líftækni, sam-
göngurannsókna.og félags- og
hagvísinda svo dæmi séu tekin.
Að sögn Orra er einnig í 4.
rammáæatluninni lögð áhersla
á að auka þáttöku fyrirtækja í
rannsóknaáætlunum ESB, sér-
staklega lítilla og meðalstórra
fyrirtækja sem e.t.v. hafa ein
og óstudd ekki getu til að leggja
stund á rannsóknir og tækni-
þróun. Auglýst verður eftir
umsóknum fjórum sinnum á ári
(15. mars, 15. júní, 15. sept.
og 15. des.) og rennur um-
sóknafrestur út í fyrsta sinn
þann 15. mars næstkomandi.
Þátttaka íslendinga
Með samningnum um evr-
ópska efnahagssvæðið (EES)
öðluðust íslendingar rétt til að
taka þátt í rammaáætlunum
ESB og njóta þeir þar sömu
réttinda og sambandsríkin 12
ef undan er skilin þátttaka í
kjamorkurannsóknum sam-
bandsins. „Með þátttöku í 4.
rammaáætluninni opnast okkur
leiðir sem hingað til hafa verið
að mestu lokaðar. íslenskt at-
vinnulíf og rannsóknarsamfélag
hefur nú aðgang að fjármagni,
samstarfi, rannsóknaniðurstöð-
um og vinnuaðstöðu eins og hún
gerist best,“ sagði Orri.