Morgunblaðið - 25.02.1995, Page 1
BLAÐ ALLRA LANDSMANNA
1995
KNATTSPYRNA
Cantona
finnst
dómurinn
harður
FRAKKINN Eric Cantona sýndi
engin svipbrigði í gær þegar
greint var fráþví á fréttamanna-
fundi að aganefnd Knattspyrnu-
sambands Englands hefði ákveðið
að hann mætti ekki leika knatt-
spyrnu fyrr en 1. október í haust
auk þess sem honum var gert að
greiða 10.000 pund (liðlega millj-
ón krónur) í sekt vegna óprúð-
mannlegrar framkomu í deildar-
leik Manchester United gegn
Crystal Palace fyrir skömmu.
Fram kom að Cantona hefði beðið
aganefndina afsökunar á fram-
ferði sínu og honum þætti miður
hvernig hann hefði brugðist við
en hann lofaði að láta þetta ekki
endurtaka sig.
Alex Ferguson, yfirþjálfari
United, mætti með Cantona á
fréttamannafundinn en þagði
þunnu hljóði sem miðherjinn. Hins
vegar sagði Maurice Watkins, lög-
fræðingur félagsins að Cantona
þætti dómurinn full harður en
dómnum yrði ekki áfrýjað. Manc-
hester United setti hann í bann
út yfirstandandi tímabil og sekt-
aði hann um 20.000 pund.
„Eg held að hann hafi ekki
sloppið of vel,“ sagði Graham
Kelly, framkvæmdastjóri Knatt-
spyrnusambands Englands. „Allir
skilja að Eric Cantona á dómsmál
yfir höfði sér, Manchester United
hefur dæmt hann, hann hefur
tapað peningum og misst fyrir-
ljðastöðuna í franska landsliðinu.
Ég held að enginn geti sagt að
hann hafi ekki þjáðst fyrir það
sem hann gerði 25. janúar. Hann
hefur sagt að þetta komi ekki
fyrir aftur og hann skilur hvað
málið er alvarlegt." Kelly bætti
við að Knattspyrnusambandið
hefði áhyggjur af auknum svívirð-
ingum sem knattspyrnumenn
mættu þola. „Þetta er ekki ásætt-
anlegt og er ekki hluti af leikn-
um,“ sagði hann og tilkynnti fyr-
irhugaða herferð til að stemma
stigu við óæskilegri hegðun
áhorfenda gagnvart leikmönnum.
„En engum dylst að atvik á vellin-
um geta espað áhorfendur og við
munum nota hvert tækifæri sem
gefst til að minna leikmenn á
það.“
LAUGARDAGUR 25. FEBRÚAR
BLAÐ
SKIÐI
KNATTSPYRNA
Þorvaldur orðað-
urvið Norwich
og Leicester
ÞORVALDUR Örlygsson, landsliðsmaður í
knattspyrnu hjá Stoke City, var í gær orðaður
við úrvalsdeildarfélögin Norwich og Leicester
í blaðinu Sum Englandi. Fyrr í vetur var greint
frá áhuga Crystal Palace og Derby á að næla
í íslendinginn, en hann sagðist í gær í raun
og veru ekkert vita um þessi mál.
Leikmannamarkaðnum er lokað 20. marz,
og sagðist Þorvaldur allt eins eiga von á að
hann skipti um félag fyrir þann tíma. „Svo
getur líka vel verið að ekkert verði að því.
Meðan ég er samningsbundinn ræður félagið
þessu alveg, þannig að ég verð bara að bíða
og sjá,“ sagði hann við Morgunblaðið í gær.
Stoke hefur ekki gengið vel að undanförnu
og jjóst að félagið verður ekki í toppbaráttu
1. deildar í vetur. Þorvaldur vill leika í úrvals-
deildinni, og veit að nokkur úrvalsdeildarlið
hafa spurst fyrir um hann í vetur. „Mér líkar
vel hér og gengur vel persónulega, en það er
ekkert leyndarmál að liðið er ekki eins og ég
hefði viljað. Mér finnst félagið ekki hafa gert
nógu góð kaup — það hefði þurft að breyta
leikmannahópnum meira og öðru vísi en gert
hefur verið,“ sagði hann. Draumur landsliðs-
mannsins er að komast aftur í úrvalsdeildina,
og því nokkuð ljóst að hugurinn stefnir á að
skipta um félag fyrir næsta keppnistímabil.
Lofar bót og betrun
Reuter
ERIC Cantona varð á í messunni í síðasta mðnuði og það hefur reynst honum dýrkeypt. Knatt-
spyrnusnillingurinn velt ð sig sökina og ætlar að bæta rðð sitt.
Kristinn
fórútúr
brautinni
Skíðakappinn Kristinn Björns-
son, sem náði besta árangri
sínum í stórsvigi á alþjóða móti í
Kóreu á miðvikudag, tók þátt í
annarri stórsvigskeppni á sama stað
á fimmtudag og var með í svig-
keppni í gær. Honum gekk ekki
eins vel og fyrsta daginn því hann
skíðaði út úr brautinni í báðum
mótunum og var þar með úr leik.
Hann var með 33. besta tímann
eftir fyrri ferðina í stórsviginu en
keyrði út úr brautinni í seinni ferð-
inni. í sviginu var hann með rás-
númer 52 en aðeins 34 af 108 kepp-
endum luku keppni. „Aðstæðurnar
voru mjög erfiðar, sérstaklega efst
í brekkunni og í sviginu var þetta
þegar orðið slæmt fyrir þann sem
var 15. í röðinni," sagði Kristinn
við Morgunblaðið í gær. Hann kepp-
ir aftur í svigi í dag.
ÞOLFIMI
íslendingamir keppa á EM
Islensku keppendumir sem
héldu til Búlagíu í vikunni til
að keppa á Evrópumeistara-
mótinu í þolfimi, þau Magnús
Scheving, Anna Sigurðardóttir
og Karl Sigurðsson, munu taka
þátt í mótinu en um tíma var
útlit fyrir að ekkert yrði af þátt-
töku þeirra.
Ástæða þess að til stóð að þau
fengju ekki að keppa er að strangt
til tekið þurfa keppendur frá
hveiju landi að hafa tekið þátt í
móti í heimalandi sínu á vegum
IAF. Slíkt mót hefur ekki verið
haldið hér á landi í ár þannig að
sigurvegarar íslandsmótsins, sem
haldið var á vegum Fimleikasam-
bandins, héldu til Búlgaríu með
uppáskrift frá þarlendum móts-
höldurum að þau fengju að keppa.
íslensku keppendumir í Búlg-
aríu eru lítt hrifnir af því hvernig
komið hefur verið fram við þau
og telja að ástæður þessara vand-
ræða séu afskipti Bjöms Leifs-
sonar, umboðsmanns IAF á Is-
landi, en hann og Magnús Sche-
ving hafa að undanförnu deilt
um ýmis þolfimimál.
Bjöm sagði í samtali við Morg-
unblaðið í gærkvöldi að hann
hafí ekki haft nein afskipti af
þessu máli fyrr en hann frétti á
dögunum að þau ætluðu að keppa
á Evrópumótinu. Hann sendi síð-
an í gær, eftir að honum barst
bréf frá Fimleikasambandinu og
eftir samtal við forseta ÍSÍ, leyfi
til Búlgaríu um að íslensku kepp-
endurnir mættu keppa sem full-
trúar LAF á íslandi.
Nánar/ D4
HANDKIMATTLEIKUR: ÞORBERGUR SPÁIR í ÚRSLITAKEPPNINA / D3