Morgunblaðið - 26.02.1995, Blaðsíða 50
50 SUNNUDAGUR 26. FEBRÚAR 1995
MORGUNBLAÐIÐ
ÍÞRÓTTIR
AFLRAUNIR
Hver er sterkasta kona íslands?
Þekktar íþróttakon-
ur keppa um titilinn
KEPPNIIM Sterkasta kona íslands verður haldin íþriðja skipti á
þessu ári og átta konur nunu berjast um titilinn, sem Unnur Sigurð-
ardóttir hefur unnið til þessa. Mótið verður í Laugardalshöll um
næstu helgi, sunnudaginn 5. mars og verður keppt í sex greinum.
Margar sprækar og þekktar
konur úr íþróttaheiminum
keppa að þessu sinni. Bryndís Ólafs-
dóttir er betur þekkt sem sund-
drottning en aflraunakona, en hún
hefur þó snúið sér að kraftlyfting-
um, þannig að kraftar hennar gætu
nýst vel í aflraunakeppni kvenna.
Þar mun hún ásamt öðrum kepp-
endum fást við það að draga tröll-
vaxinn 2,4 tonna Nissan Patrol
jeppa með höndum og fótum, labba
með Nissan Micra í höndunum,
bera 45 kg þunga rafgeyma eins
langt og hún kemst, framkvæma
svokallaða krossfestulyftu með
þyngd, bera 40 kg sekk og draga
160 kg sekk í hleðslugrein.
Allar þessar keppnisgreinar
verða í Laugardalshöll, en ein
hleðslugrein verður í Kringlunni 4.
mars til kynningar á keppninni.
Mótsstjóri verður Andrés Guð-
mundsson, aflraunamaður og ný-
sleginn hnefaleikamaður.
Unnur
Fjölhæfur
keppandi
„ÉG byrjaði að keppa í aflraun-
um af því ég vildi prófa eitthvað
nýtt og spennandi, eftir að hafa
keppt í frjálsum og blaki lengi.
A meðan ég held kvenleikanum
og þarf ekki að vera eins og
karlkyns kraftatröll í vexti, þá
keppi ég áfram“, sagði Unnur
Sigurðardóttir, handhafi titilsins
Sterkasta kona íslands, í samtali
við Morgunblaðið um þátttöku
sína í keppninni síðustu ár.
Hún hefur stundað frjálsar
íþróttir í sjö ár, en aflraunir í
tvö ár. Auk þess æfir hún blak
með Víkingi og varð nýlega
meistari í greininni. Hún stundar
einnig þolfimi annað slagið. Unn-
ur er 29 ára gömul og sér um
bókhald í heildverslun G.Á. Pét-
ursson. Auk þess að vinna titilinn
Sterkasta kona Islands í tvígang
hefur Unnur tvívegis verið kosin
íþróttamaður Suðurnesja.
„Það fleytir mér áfram að búa
yfir náttúrulegum styrk, þrjósku
og keppnisskapi. Þá hjálpar mér
mikið að hafa æft blak og frjáls-
ar, þaðan sem ég hef snerpu og
stökkkraft. Ég ætla að keppa i
frjálsum íþróttum í sumar, í
spjóti, kúlu og kringlukasti. Því
er ég í góðu formi líkamlega að
öllu jöfnu. í aflraunamótinu
verður mikilvægt að hafa tækn-
ina á hreinu og að vera búinn
að úthugsa þrautirnar. Það verð-
ur gaman að kljást við sérútbú-
inn 2,8 tonna Patrol jeppann,
sem við eigum að draga með
höndum og fótum. Það verður
erfitt að bera tvo 45 kílóa þunga
rafgeymanna, þar mun sú
þrjóskasta getað labbað lengst.
Eg hef vel af þrjóskunni..." sagði
Unnur.
Bryndís
Sundkonan
sem fór í
aflraunir
BRYNDÍS Ólafsdóttir hefur sett
73 met í sundi, en keppir nú í
kraftlyftingum og í aflraunum í
fyrsta skipti. Hún er 25 ára göm-
ul og stundar nám í íþrótta-
kennaraskólanum að Laugar-
vatni og markmið hennar er að
verða sundþjálfari.
„Ég hef lengi stefnt á að
keppa í Sterkustu konu íslands,
en komst ekki með í fyrra. Ég
tel mig eiga ágæta möguleika á
góðum árangri, væri annars ekki
með“, sagði Bryndís, sem á
marga meistaratitla í sundi og
keppti í sundi á Olympíuleikum.
Hún ætti því að geta nýtt keppn-
isreynsluna vel, en í fyrra hóf
hún að keppa í kraftlyftingum.
Þar á hún 102 kg í hnébeygju
og 112 kg í réttstöðulyftu. „Ég
finn mig mjög vel í kraftlyfting-
um og á eftir að bæta mig mik-
ið. Ég bý að því að hafa æft
sund, bæði hvað líkamlegan
styrk og keppnisreynslu varðar.
Það hjálpar vonandi í aflrauna-
móti okkar kvennana“, sagði
Bryndís.
Debbie
Martröð að
draga sekki
DEBORAH Dagbjört Blyden er
33 ára. Hún fæddist á Kúbu, en
varð íslenskur ríkisborgari fyrir
fjórum árum síðan, eftir að hafa
alist upp í Bandaríkjunum. Hún
hefur æft fijálsar íþróttir, á
m.a. 11,2 sekúndur í 100 metra
hlaupi, sem er betri tími en gild-
andi íslandsmet. Þá hefur De-
borah keppt í vaxtarrækt og
keppti í fyrstu Miss Fitness
keppninni fyrir skömmu.
„Það verður martröð að draga
þrefalda eigin þyngd í sekkja-
drættinum, afturábak og ég
hefði viljað hafa fleiri greinar
sem henta líkamsbyggingu
minni, reyna á efri hluta líkam-
ans. En ég berst samt af krafti",
sagði Deborah, eða Debbie eins
og hún er kölluð dags daglega.
Deborah er þjálfari bæði í
Aerobic Sport og Hress og er
einnig vaktstjóri í Hard Rock.
Hún hefur vakið athygli fyrir
að vera í frábæru líkamlegu
formi, þrátt fyrir að hafa eign-
ast þijú börn um ævina og þakk-
ar það góðu mataræði og líkmas-
æfingum frá unga aldri.
„Þó ég sé komin með fjöl-
skyldu, þá hugsa ég um sjálfa
mig og það ætti að vera sjálfsagt
mál hjá hverri konu, þó hún eign-
ENSKA ER OKKAR MÁL
SÉRMENNTAÐIR ENSKIR KENNARAR - LIFANDI NÁMSKEIÐ
FJÖLBREYTT NÁMSKEIÐ FYRIR BÖRN, UNGLINGA OG FULLORÐNA
V.R. OG FLEIRI VERKALÝÐSFÉLÖG TAKA ÞÁTT í NÁMSKEIÐSKOSTNAÐI
■ Áhersla á talmál
■ 10 kunnáttu stig
■ Hámark 10 nem. í bekk
Enskuskólinn
TÚNGATA 5 - SÍMI 25330
Julia Lorcan
Julie Samuel Victoria
Morgunblaðið/Gunnlaugur Rögnvaldsson
Kraftalegar íþróttakonur
Margrét Slgurðardóttlr íslandsmeistari í vaxtarrækt, Debbie
Blyden þolfimikennarl, Bryndís Ólafsdóttlr sund- og kraftakona
og Unnur Slgurðardóttir, handhafl tltilslns Sterkasta kona ís-
lands, munu taka á í kraftakeppnl um nœstu helgl.
ist börn“, sagði Debbie. „Ég hef
þurft að borða mikið undanfarið
til að þyngjast eitthvað fyrir
kraftakeppnina, sem er ólík vaxt-
arræktinni, þar sem málið er að
létta sig. Ég er samt í léttara
lagi í samanburði við jeppatröllið,
sem við eigum að draga og hlut-
ina, sem á að bera...“
Margrét
Æfir tvöfalt
á við karla
MARGRÉT Sigurðardóttir er 28
ára einkaþjálfari í Gym 80 og
er sexfaldur íslandsmeistari í
vaxtarrækt. Hún æfði áður fót-
bolta, en sneri sér síðan alfarið
að vaxtarrækt með góðum ár-
angri. Hún hyggst keppa á Norð-
urlandameistaramóti í vaxt-
arrækt í sumar.
„Ég æfi mikið, sjö daga vik-
unnar, enda verða konur í vaxt-
arrækt að æfa tvöfalt á við karl-
menn til að ná sama árangri,"
sagði Margrét. „Þó ég æfi mikið,
þá þýðir það ekki að ég sé sigur-
strangleg í aflraunakeppni. Ég
held að Bryndís og Unnur sláist
um sigurinn því þær æfa grein-
ar, sem passa betur fyrir það
sem skiptir máli í aflraunum.
Ég hef hugann meira við vaxtar-
ræktina, en finnst gaman að taka
þátt í kvennakeppni, þar sem
kraftur skiptir máli. Það verður
gaman að bera Micra fólksbílinn
í höndunum og dauðagangan
með rafgeymana verður geysi-
lega erfið.“
Nýjar vörur
Tvískiptir kjólar9 blússur?
pils, síðbuxur og peysur.
Glugginn, Laugavegi 40.
María Marteinsdóttir
löggiltur fótaaðgerðarfræðingur
Hef flutt starfsemi mína frá Hraunbergi 4 á
Langholtsveg 17 (í fótaaðgerðarstofu Eyglóar).
Tímapantanir frá kl. 9 til 18
í símum 36191 og 684590.
Sérgrein: Hlífðarmeðferð á fótameinum
með silikonefnum.