Morgunblaðið - 26.02.1995, Blaðsíða 33
MORGUNBLAÐIÐ
göngumanni Braga Freymóðsson-
ar. Því verður ekki á móti mælt að
hann er okkur samtíðarmönnunum
eða jafnöldrum fremri á flestum ef
ekki öllum sviðum. Ég þykist þó
þrátt fyrir það ekki vera neinn eftir-
bátur hans í danslistinni og geng
jafnvel svo langt að fullyrða að þar
skáki ég honum. En þetta er ef til
vill ekkert nema karlaraup í mér.
Þegar ég gekk að eiga konu, sem
var níu árum yngri en ég, ætlaði
ég bókstaflega að rifna af monti,
enda öfunduðu sumir vinir mínir
mig mikið, eins og t.d. einn lands-
kunnur listamaður sem missti, með
grátstaf i kverkunum, eftirfarandi
orð út úr sér á góðri stundu: „Ég
vil eiga unga konu eins og Hall-
dór!“ En hvað gerir Bragi svo þeg-
ar hann loks staðfesti ráð sitt? Nú,
hann gengur að eiga afmælissystur
sína, Sigríði Bíldal, sem er hvorki
meira né minna en tíu árum yngri
en hann upp á dag. Það hefur eng-
inn roð við þessum manni. Sumir
kynnu ef til vill að halda að hagsýn-
issjónarmið í sambandi við sameig-
inlegt afmælishald hafi ráðið hér
úrslitum, en svo var ekki, heldur
ástin í öllu sínu veldi. Sigríður hef-
ur alla tíð reynst manni sínum
traustur lífsförunautur og úrræða-
góður eða það væri ef til vill heppi-
legra að orða það svo að þau hafi
ávallt verið hvort öðru stoð og stytta
í lífsbaráttunni.
Að lokum aðeins örfá orð um
háskólanám Braga og starfsferil,
enda mun annar vinur hans, Hjalti
Pálsson, gera ítarlega grein fyrir
því síðarnefnda í öðru dagblaði. Að
fengnum menntamálaráðsstyrk,
sem veittur var efnilegustu náms-
mönnum landsins til fjögurra ára í
þá daga, sigldi Bragi vestur um haf
árið 1940 og sótti um skólavist í
Manitóbaháskóla í Winnipeg, þar
sem hann lagði stund á rafeinda-
verkfræði. Nokkrum skólamisser-
um síðar fluttist hann svo til Berkel-
ey, þar sem hann hélt áfram að
fullnema sig í sérgrein sinni i Kali-
forníuháskóla þaðan sem hann var
svo brautskráður með Bs-prófi. Að
lokum tók hann svo Ms-próf í raf-
eindaverkfræði frá IIT í Chicago
árið 1947.
Eftir heimkomuna til íslands
1948 starfaði hann sem forstöðu-
maður rafmagnsdeildar SÍS uns
hann sagði starfi sínu lausu 1952
og lagðist aftur í vesturvíking, ef
svo má að orði kveða. Eftir tiltölu-
lega skamman starfstíma hjá fyrir-
tæki Áma Helgasonar í Chicago,
var hann ráðinn sem starfsmaður
hjá Magnavox Research Laboraties,
sem stofnað var af bekkjarbróður
Braga og vini, Ragnari Thorarensen
og því fyrirtæki helgaði Bragi
starfskrafta sína upp frá því. Þar
vann hann aðallega að radíóvið-
skipta- og siglingakerfum fyrir
sambandsstjórnina og her Banda-
ríkjanna. Fljótt komst hann til mik-
illa metorða fyrir mannkosta sakir,
enda var starfsþreki hans við
brugðið. Loks sakar ekki að geta
þess að sem varaforseti fyrirtækis-
ins hafði Bragi mikil mannaforráð
og stjórnaði þar nokkur hundruð
ef ekki þúsund manna starfsliði og
fullvíst er að engum aukvisum eru
falin slík ábyrgðarstörf þar í landi.
Fyrir rúmum fimm árum settist
vinnuvíkingurinn ósérplægni í helg-
an stein og unir sér nú hið besta
ásamt konu sinni í sólskininu í
Santa Barbara á Kyrrahafsströnd.
Ilalldór Þorsteinsson, skóla-
stjóri Málaskóla Halldórs.
FRÉTTIR
Fyrirlestur
um Islenskar
lestrar-
kennslubækur
ÁRNI Árnason, ritstjóri hjá Náms-
gagnastofnun, flytur þriðjudaginn
28. febrúar kl. 16.15 fyrirlestur á
vegum Rannsóknarstofnunar
Kennaraháskóla íslands. Fyrirlest-
urinn nefnir hann: íslenskar lestrar-
kennslubækur frá 1908 til 1978.
Fyrirlesturinn byggist á rann-
sóknarverkefni sem Árni fékkst við
á tímabilinu 1993-1994. Helstu
íslensku lestrarkennslubækurnar á
þessari öld verða kynntar, fjallað
um uppbyggingu þeirra og greint
frá því hvernig útgáfa þessara bóka
hefur þróast. Einnig er fjallað um
ólíkar kennsluaðferðir sem bækurn-
ar byggjast á og þá „námskrá" sem
felst í kennslubókunum. Vikið er
að þörfum nemenda, vaxandi kröf-
um um fjölbreytni og hvernig mæta
megi þeim kröfum.
Ámi Árnason er kennari að
mennt og jafnframt höfundur og
þýðandi bóka sem gefnar hafa ver-
ið út fyrir börn. Frá 1985 hefur
Árni verið ritstjóri hjá Námsgagna-
stofnun.
Fyrirlesturinn verður í stofu M-
301 í Kennaraháskóla íslands og
er öllum opinn.
-----» ♦ ♦-----
Fræðslufundur
um Heklu
FRÆÐSLUFUNDUR á vegum
Hins íslenska náttúrufræðifélags
verður haldinn mánudaginn 27.
febrúar. Fundurinn verður haldinn
í stofu 101 í Odda, Hugvísindahúsi
Háskólans.
Á fundinum flytur Árni Hjartar-
son, jarðfræðingur á Orkustofnun,
erindi sem hann nefnir: Á Heklu-
slóðum.
Árni hefur nýlega lokið við að
skrifa Árbók Ferðafélags íslands
sem kemur út með vorinu og verður
um Heklu. í erindinu mun hann
einkum fjalla um rannsóknarsögu
Heklu og hugmyndir manna að
fornu og nýju um orsakir eldvirkn-
innar þar.
SUNNUDAGUR 26. FEBRÚAR 1995 B 33
Sunnudagsblaði Morgunblaðsins, 12. mars nk., fylgir blaðauki sem
heitir Fermingar. I þessum blaðauka verður fjallað um ferminguna
frá ýmsum sjónarhomum, rætt við fermingarböm fyrr og nú, foreldrar
teknir tali, uppskriftir á fermingarborðið, gjafir, hárgreiðsla, fatnaður
og margt fleira.
Þeim sem áhuga hafa á að auglýsa í þessum blaðauka er bent á að
tekið er við auglýsingapöntunum til kl. 17.00 mánudaginn 6. mars.
Nánari upplýsingar veita Rakel Sveinsdóttir og Dóra Guðný
Sigurðardóttir, sölufulltrúar í auglýsingadeild, í síma 569 11 71
eða með símbréfi 569 1110.
Útgefandi: Alþýðusamband íslands. Dreifing: MFA - Menningar- og fræðslusamband alþýðu. Sími 814233:
■ s
Málefni stéttarfélaga og vinnudeilur ber hátt í þjóðlífsumræðunni. Stofnun og tilvist
stéttarfélaga og réttindi og skyldur félagsmanna eru mál sem oft ber á góma.
Gerð kjarasamninga snertir alla og skiptir miklu að rétt sé að hlutum staðið.
Ágreiningur á vinnumarkaði leiðir oft til átaka í formi vinnustöðvana eða dómsmála.
Mikið reynir á réttarreglur og oft er deilt um lögmæti þeirra aðgerða sem gripið er til
við slíkar aðstæður.
Bókin Stéttarfélög og vinnudeilur fjallar um þetta efni, og leitast við að skýra gildandi
rétt og vísar til laga og dóma. Um er að ræða seinna bindið í ritröð um íslenskan
sem Lára V. Júlíusdóttir lögfræðingur, fyrrverandi framkvæmdastjóri ASÍ,
hefur samið að beiðni Alþýðusambandsins. Fyrra bindið kom út fyrir rétt um ári
síðan undir heitinu Réttindi og skyldur á vinnumarkaði.
^ókin skiptist í þrjá hluta, skipulag vinnumarkaðarins, kjarasamninga og kjara-
deilur og kaflamir eru nítján. Við uppsetningu bókarinnar var haft að leiðarljósi að
hún nýttist sem uppflettirit og væri sem aðgengilegust fyrir lesendur hvor sem um væri
að ræða áhugamenn um verkalýðsmál eða sérfræðinga á því sviði. Til þess að auðvelda
notkun hennar er ítarleg atriðisorðaskrá og skrá yfír tilvitnaða dóma í bókinni.