Morgunblaðið - 02.03.1995, Blaðsíða 6
6 FIMMTUDAGVR 2. MARZ 1995i
FRÉTTIR
MORGÚNBLAÐIÐ 1 jr
FURÐUVERUR liðu um ganga Kringlunnar á Öskudag.
Morgnnblaðið/Árni Sæberg
• •
Oskujdags-
gleði
FJÖLDI barna gerði sér
glaðan dag í gær í tilefni
öskudags en kaupmenn við
Laugaveg hafa tekið upp
þann sið að gefa prúðbúnum
gestum sælgæti að launum
fyrir söng á þessum degi.
Í Kringlunni var boðið upp
á skemmtiatriði, andlits-
förðun og karaoke en einnig
slógust trúðar í fylgd með
vegfarendum. Að auki var
opið hús í félagsmiðstöðvum
og íþróttahúsum þar sem
hægt var að dansa og heilsa
upp á alls kyns furðuverur
í tilefni dagsins.
TRÚÐNUM til aðstoðar var lítill api sem vann hug og hjarta
Iitlu stúlkunnar á myndinni.
Sameinaðir verktakar
Arðurinn er
skattskyldur
að mestu leyti
31 MILLJÓN króna af þeim 200
milljóna króna arði sem Sameinaðir
verktakar hafa ákveðið að greiða
hluthöfum sínum getur orðið undan-
þegin skatti hjá hluthöfum og komið
til lækkunar á skattstofnum fyrir-
tækisins en af því sem umfram er
ber að greiða skatt. Hlutafélög þau
sem eru meðal eigenda Sameinaðra
verktaka eiga þó hugsanlega skatta-
legt tap sem mætt getur tekjum af
arðgreiðslunni.
Hluthafar í Sameinuðum verktök-
um eru um 210 einstakiingar og fyr-
irtæki. Eignarhlutur þeirra nemur
frá 0,2%. Landsbanki Islands er nú
stærsti hluthafinn en bankinn hefur
m.a. yfirtekið eign Regins hf, sem
áður var stærstur hluthafa í SV.
Eigandi 0,2% hlutar fær 400 þús-
und krónur í sinn hlut en fyrir hlut
þann sem bankinn hefur yfirtekið frá
Regin og nam 7,46% verða því
greiddar um 14,9 milljónir króna.
Samkvæmt upplýsingum Morgun-
blaðsins er samkvæmt hlutafélaga-
lögum heimilt að greiða allt að 15%
af eigin fé hlutafélags í arð til hlut-
hafa. Arðgreiðslan í Sameinuðum
verktökum miðaðist við að markaðs-
verð hlutabréfa væri 7,2, en það
gengi var niðurstaða á mati sem |
Verðbréfamarkaður íslandsbanka j
gerði áður en viðskipti með bréf fyrir-
tækisins hófust.
10% frádráttur
Að sögn Garðars Valdimarssonar
ríkisskattstjóra er félagi heimilt að
draga frá skattstofni, sem nemur
10% af nafnvirði hlutafjár, og arður
sem nemur allt að 10% af nafnvirði
hlutafjár er skattfijáls hjá hluthöfum
upp að um 130 þúsund krónum hjá
einstaklingi og rúmum 260 þúsund
krónum hjá hjónum. Arður umfram
þau mörk er skattlagður sem tekjur.
Bókfært hlutafé Sameinaðra verk-
taka er 310 milljónir króna og sam-
kvæmt því getur 31 milljón króna
af þeim 200 milljónum sem ákveðið
hefur verið að greiða í arð til hlut-
hafa verið skattfijálst í hendi hlut-
hafa og jafnframt til lækkunar á
skattstofni fyrirtækisins.
Með þeirri arðgreiðslu sem nú
hefur verið ákveðin hafa hluthafar í
Sameinuðum verktökum fengið rúm-
ar 2.000 milljónir króna að núvirði
frá félaginu síðastliðin átta ár, ýmist
sem arðgreiðslur eða með útgáfu
jöfnunarhlutabréfa.
Páll Magnússon hættur
á Morgunpóstinum
PÁLL Magnússon hefur látið af
störfum sem ritstjóri Morgunpósts-
ins. Gunnar Smári Egilsson verður
áfram ritstjóri og ábyrgðarmaður
Morgunpóstsins í stað Páls.
Páll segist hafa fallist á að taka
að sér ritstjórastarfið um mánaða-
mótin september-október til þriggja
mánaða. Þegar sá tími var liðinn um
áramótin hafí hann fallist á að vera
.í tvo mánuði til viðbótar og sá tími
sé einfaldlega liðinn nú.
Páll segir að ekki hafi verið frá
þessu greint í upphafí vegna þess
að starf ritstjóra sé þess eðlis að
menn taki ekki slíkt að sér með yfir-
lýsingar um að þeir ætli að hætta
eftir þijá eða fimm mánuði.
Aðspurður um hvað taki við sagði
Páll að ótímabært væri að ræða
það. Hann tæki fljótlega að sér tíma-
bundið verkefni sem hann gæti ekki
greint frá í hveiju fælist.
Fæstir ná að frysta jafnmikið af loðnu o g fyrirhugað var áður en vertíðin hófst
Líkleg verðlækkun á
frystri loðnu um 15%
Fryst hafa verið
hátt í 18 þúsund tonn
af loðnu á þessari vertíð
en styttast fer í fryst-
ingunni að sinni
SÖLUMIÐSTÖÐ hraðfrysti-
húsanna hf., SH, hefur
framleiýt nálægt 8.000
tonn, íslenskar sjávaraf-
urðir hf., ÍS, svipað magn, Nes hf.
um 650 tonn og aðrir smærri fram-
leiðendur minna. Útlit er fyrir að
verð sem Japanir greiða fyrir af-
urðina lækki um 15% frá fyrra ári
en SH gerði í fyrsta sinn svokallað-
an þrepasamning þar sem verð
tekur mið af framleiðslumagni.
Þessi samningur gildir einnig fyrir
aðra framleiðendur. Líklegt er að
meðalverð á kg af frystri loðnu
verði nálægt 80-90 krónur.
Fjórir vinnsluaðilar skera sig úr
hvað varðar frystingu á þessari
vertíð en það eru Grandi hf. sem
hefur fryst 1.300 tonn, ísfélagið í
Vestmannaeyjum sem hefur fryst
um 1.500 tonn, Vinnslustöðin í
Vestmannaeyjum sem hefur fryst
2.040 tonn og Borgey í Homafirði
sem hefur fryst um 2.000 tonn.
Þetta er mun minna en þessi fyrir-
tæki ráðgerðu að frysta í upphafi
vertíðar. Grandi ráðgerði að frysta
2.500 tonn og ísfélagið einnig.
Afbrigðileg vertíð í fyrra
Sigurður Einarsson fram-
kvæmdastjóri ísfélagsins kvaðst
sæmilega sáttur við frystinguna
en vonir stóðu til þess að fyrst
yrðu 2.000 tonn á þessari vertíð
en ísfélagið frysti 2.300 tonn í
fyrra. ísfélagið lagði ekki út í stór-
ar fjárfestingar vegna frystingar-
innar en þó var frystikerfi hússins
breytt. Sigurður sagði að það hefði
ekki áhrif á reksturinn þótt ekki
yrði meira fryst jafnvel þótt ráðist
hefði verið í fjárfestinguna. „Við
erum að frysta smáloðnu núna en
ég held að það sé farið að sjá fyr-
ir endann á þessu,“ sagði Sigurður.
Viðar Elíasson, framleiðslustjóri
hjá Vinnslustöðinni, sagði að
sæmilega hefði gengið í frysting-
unni. Þar hafa verið fryst um 2.040
tonn en í upphafi stóð til að frysta
nálægt 3.000 tonnum en Viðar
sagði að vertíðin hefði ekki boðið
upp á það. Viðar sagði að fjárfest-
ingar hefðu verið alveg í lágmarki
fyrir vertíðina en verðmæti fram-
leiðslunnar, þ.e. frystrar loðnu, er
komið upp í nálægt 200 milljónir
kr.
Þrepasamningur
skilar ágóða
Magnús Bjarnason, framleiðslu-
stjóri hjá Hraðfrystihúsi Eskifjarð-
ar, sagði að enn stæði yfir frysting
en það væri smáloðna. Hraðfrysti-
húsið hefur fryst um 850 tonn á
vertíðinni og vonir stóðu til í upp-
hafi að þau yrðu um 1.000. Magn-
ús sagði að lagt hefði verið í tölu-
verðar fjárfestingar fyrir vertíðina
en enginn hefði gert ráð fyrir því
að sú fjárfesting skilaði sér á einni
vertíð. „Það mátti svo sem ekki
búast við meiru núna því vertíðin
í fyrra var að mörgu leyti afbrigði-
leg; stór loðna og góð, engin áta,
gott tíðarfar og verðið himinhátt,"
sagði Magnús.
Halldór Eyjólfsson hjá Sölumið-
stöð hraðfrystihúsanna sagði að
enn væri verið að frysta hjá Granda
og frysting væri í fullum gangi á
Eskifirði, Neskaupstað og Vest-
mannaeyjum. „Vonandi geta menn
fryst alveg fram að helgi en það
er útséð um að við náum að frysta
upp í samninga, nema það komi
vestanganga," sagði Halldór.
Fryst hafa verið 8.000 tonn fyr-
ir Sölumiðstöðina en hún hafði
gert samninga upp á 17.000 tonn.
Verðmæti frystingarinnar hjá SH
núna er tæpar 800 milljónir króna.
Hefði tekist að framleiða upp í
samninga hefði verðmæti þeirra
verið nálægt 1,6 milljarðar króna.
Halldór sagði að samningarnir
sem gerðir voru hljóðuðu í fyrsta
sinn upp á framleiðslumagn og
hækkar verðið eftir því sem minna
er framleitt. Hæst verður verðið
ef framleiðslumagnið er á bilinu
0-6 þúsund tonn, 6-12 þúsund
og 12 þúsund tonn og yfir.
„Ef Sölumiðstöðin framleiðir
ekki yfir 12 þúsund tonn hækkar
verðið miðað við það sem var út-
gefið í byijun. Það sýnir að þrepa-
samningurinn skilar framleiðend-
um miklum ágóða núna,“ segir
Halldór. í upphafi vertíðar var
gert ráð fyrir 25% lægra verði^ á
frystri loðnu til Japans en á vertíð-
inni í fyrra. Halldór sagði að
stærsta loðnan myndi þannig ekki
lækka um nema 10% miðað við í
fyrra en smærri loðnan líklega um
20%.
Halldór kvaðst telja að fjárfest-
ing sumra vegna loðnufrystingar-
innar gæti reynst þeim erfið í
skauti. Mörg fiskvinnsluhús á
Austurlandi hefðu fjárfest mikið
fyrir loðnufrystinguna, einkum litl-
ir framleiðendur sem hefðu nánast >
ekkert fryst af loðnu í fyrra.
Teitur Gylfason hjá Islenskum
sjávarafurðum sagði að ef allt hefði
gengið upp hefði ÍS framleitt
15.000 tonn. Hann sagði að bæði
stærð loðnunnar og áta í henni
hefði gert mönnum lífið leitt á
þessari vertíð. „Mér heyrist að það
geti orðið 15% verðfall á frystri
loðnu frá því í fyrra,“ sagði Teit-
ur. ÍS selur frysta loðnu fyrir hátt
í 30 aðila. Aðspurður um hvort
staða framleiðenda sem mest hefðu
fjárfest fyrir vertíðina væri slæm
sagði Teitur að slík fjárfesting
nýttist síðar í síldárvinnslu og ekki
væri hægt að einblína á loðnu-
vinnslu í þessu sambandi.