Morgunblaðið - 02.03.1995, Blaðsíða 39
MORGUNBLAÐIÐ
FIMMTUDAGUR 2. MARZ 1995 39
FRÉTTIR
Fyrirlestur um lúth-
ersku og anglik-
önsku kirkjurnar
OPINBER fyrirlestur verður hald-
inn á vegum guðfræðideildar Há-
skóla íslands um Porvoosáttmálann
föstudaginn 3. mars kl. 13.15 i
stofu V í aðalbyggingunni. Þessi
sáttmáli er um aukin tengsl anglik-
önsku kirknanna á Bretlandseyjum
og lúthersku kirknanna á Norður-
löndunum og í Eystrasaltslöndun-
um.
Fyrirlesari verður prófessor Lars
Österlin frá Lundi í Svíþjóð. Hann
fjallar um forsendur og aðdraganda
sáttmálans sem nú er til umræðu
í nágrannaríkjunum.
Prófessor Lars Österlin er frá
Lundi í Svíþjóð og hefur hann auk
prófessorsembættisins gegnt stöðu
dómprófasts í sænsku þjóðkirkj-
unni. Hann hefur um árabil átt
aðild að viðræðum anglikönsku og
lúthersku kirkjudeildanna um nán-
ari samskipti og nýlega gefið út
bók um þetta efni á sænsku sem
einnig verður gefin út á ensku.
Fyrirlesturinn verður fluttur á
sænsku, en íslensk þýðing verður
til staðar.
Þriðjudaginn 7. mars heldur pró-
fessor Lars Österlin fund með prest-
um og öðru áhugafólki þar sem
fjallað verður nánar um sáttmálann
og þýðingu hans í samkirkjulegu
starfi. Sá fundur verður haldinn í
Biskupsstofu við Laugaveg 31 og
hefst kl. 20.30.
Alþjóðlegur bæna-
dagur kvenna
ALÞJÓÐLEGUR bændadagur
kvenna er haldinn víða um heim á
morgun, föstudaginn 3. mars.
Tii íslands barst þessi hreyfing
frá Noregi en þar hefur forystan
lengi verið hjá kvennadeild á vegum
norska kristniboðsins. Árið 1964
bundust konur úr ýmsum kristnum
hópum í Reykjavík samtökum um
að halda daginn sameiginlega,
prenta dagskrá og kynna þetta
einnig öðrum konum úti á landi.
Að þesu samstarfi standa konur úr
Aðventkirkjunni, Aglow, Fríkirkj-
unni í Reykjavík, Hvítasunnusöfn-
uðinum, Kaþólsku kirkjunni, Vegin-
um, Elímsöfnuðinum, Hjálpræðis-
hernum, KFUK, Kristniboðsfélagi
kvenna og Þjóðkirkjunni. Samkom-
ur eru haldnar víða um land þennan
dag.
Yfirskrift bænadagsins í ár er:
Jörðin sköpuð af Guði - bústaður
mannanna. I Reykjavík verður sam-
koman haldin í Dómkirkjunni föstu-
daginn 3. mars kl. 20.30 og þangað
eru allir velkomnir, konur sem karl-
ar. Majór Elsabet Daníelsdóttir
stjórnar samkomunni, Kór Aðvent-
ista mun syngja og Málfríður Finn-
bogadóttir, Eirný Ásgeirsdóttir og
Katrín Söebeck lesa úr ritningunni
og vitna. í ár verður tekin upp fórn
til styrktar hjálparstarfi Hjálpræð-
ishersins meðal munaðarlausra í
Rúanda, segir í fréttatilkynningu.
VIÐ björgun er nauðsynlegt að hafa snör handtök. Morgunbiaðið/Jón Svavareson
Bj örgnnaræfing Slysavarnarfélags íslands
Hrafna Flóki sökk
Slysavarnarfélag íslands hélt
björgunaræfingu á Faxaflóa á
laugardag. Sjóslys var sett á svið,
40 rúmlesta fiskibátur, Hrafna
Flóki, sökk með 7 manna áhöfn
um 2 sjómílur austur af Syðra
Hrauni uppúr klukkan 0.4.
Annar fiskibátur tilkynnti Til-
kynningaskyldunni að hann
næði ekki sambandi við Hrafna
Flóka fimm mínútum síðar.
Hrafna Flóki hafði átt í erfið-
leikum með veiðarfæri og höfðu
skipstjórarinar ákveðið að hafa
samband á tilteknum tíma.
Öll björgunarskip og bátar
Slysavarnarfélagsins frá
Grindavík og upp á Akranes
voru kölluð út, samtals átta skip,
og um 30 björgunarsveitar-
menn. Um borð í flaggskipi fé-
lagsins, Hannesi Þ. Hafstein, var
vettvangsstjórn leitarinnar sam-
kvæmt skipun frá stjórnstöð
SVFÍ og var leitað eftir svoköll-
uðu SAR (Search and rescue)
skipulagi. Aðeins tók um
klukkustund að finna báða
björgunarbátana og bjarga
áhöfninni.
Annað útkall
Um það leyti sem skipin voru
að leggja af stað til lands kom
annað útkall. Loftskeytastöðin í
Reykjavík hafði heyrt neyðarkall
frá trillu sem var á leið til
Reykjavíkur með þriggja manna
áhöfn og átti hún skamma sigl-
ingu eftir að 7 baujunni. Öllum
björgunarbátum var stefnt á
svæðið og var vettvangsstj ór n
um borð í björgunarskipinu
Henry A. Hálfdanssyni. Leitað
var frá Gróttu að Engey og fund-
ust tveir menn í Akurey og einn
í Engey.
Eftir æfinguna var haldinn
fundur með björgunarsveitar-
mönnum og farið yfir æfinguna
og það sem betur hefði mátt fara.
Foreldrasamtök
fatlaðra
Þegar verði sam-
ið við kennara
MORGUNBLAÐINU hefur borist
ályktun frá Foreldrasamtökum fatl-
aðra þar sem skorað er á stjórnvöld
að semja nú þegar við kennara.
„Foreldrasamtökin beina þeim
eindregnu tilmælum til verkfalls-
stjórnar kennarasamtakanna að
veita frekari undanþágur vegna
kennslu og þjálfunar fatlaðra nem-
enda á meðan á verkfalli stendur.
Foreldrasamtök fatlaðra telja að
slíkar undanþágur muni ekki hafa
áhrif á framgang samninga, heldur
bera vott um skilning á sérstöðu
þessara nemenda innan skólakerfis-
ins,“ segir í áskoruninni.
Morgunblaðið/Sigurður Sigurðarson
MYNDIN er tekin við Vestari Svínahnúk á Grímsfjalli í Vatna-
jökli. Vinstra megin eru Grímsvötn og hrynur jökullinn þar niður.
Fundur í Valhöll um
umbætur í skattamálum
OPINN fundur undir heitinu: Um-
bætur í lífeyrismálum verður hald-
inn í Valhöll föstudaginn 3. mars
nk. kl. 15.30-18.
Tvær af málefnanefndum Sjálf-
stæðisflokksins og Landsmálafé-
lagið Vörður standa fyrir fundinum
í framhaldi af samþykkt ríkis-
stjórnarinnar um skattalækkun
vegna lífeyrissparnaðar. Sam-
þykktin var gerð í tengslum við
nýgerða kjarasamninga á almenna
vinnumarkaðinum og kemur fyrsti
áfangi hennar til framkvæmda 1.
apríl nk. þegar helmingur af 4%
lífeyrisiðgjaldi launþega verður
frádráttarbær.
Fundurinn mun hefjast með
ávarpi Friðriks Sophussonar fjár-
málaráðherra en þar á eftir verða
flutt fimm erindi. Ásta Þórarins-
dóttir hagfræðingur: Hver er staða
og framtíð íslenskra iífeyrissjóða?
Pétur H. Blöndal stærðfræðingur:
Hvernig tryggjum við öldruðum
betri afkomu án þess að auka
skattheimtuna? Steingrímur A.
Arason, aðstoðarmaður fjármála-
ráðherra: Hvernig má auka séreign
og draga úr sameign í lífeyriskerf-
inu? Benedikt Jóhannesson sagn-
fræðingur: Hvers vegna þarfnast
réttindakerfi opinberra starfs-
manna úrbóta? Tryggvi Jónsson,
löggiltur endurskoðandi: Stenst ís-
lenska lífeyriskerfið erlendan sam-
anburð?
Fundinum lýkur síðan með pall-
borðsumræðum frummælenda.
Fundarstjóri og stjórnandi pall-
borðs verður Ólafur Örn Klemens-
son, formaður Varðar.
Mynda-
kvöld Úti-
vistar
MYNDAKVÖLD Útivistar verð-
ur haldið í kvöld, fimmtudags-
kvöld, í Fóstbræðraheimilinu,
Langholtsvegi 109-111, norður-
enda, og hefst kl. 20.30.
Myndasýningin skiptist í þrjá
kafla. Fyrst verða sýndar sumar
og vetrarmyndir frá Aðalvík. Þá
verða sýndar myndir úr göngu-
ferð yfir Vatnajökul. I lokin
verða sýndar nokkrar myndir úr
skíðagönguferð Sigurðar Sig-
urðarsonar og fimm annarra yfir
Fimmvörðuháls fyrir um hálfum
mánuði. Það bar helst til tíðinda
í ferðinni að tveir menn týndust
úr sex manná hópi og var kallað
út fjölmennt lið leitarmanna til
hjálpar.
Fræðsludagar um
umhverfissiðfræði
UMHVERFISRÁÐUNEYTIÐ, Þjóð-
málanefnd kirkjunnar og Siðfræði-
stofnun Háskólans gangast í sam-
einingu fyrir opnum fræðsiudegi
laugardaginn 4. mars nk. um um-
hverfissiðfræði undir yfírskriftinni:
Hver ber ábyrgð á landinu?
Fræðsludagurinn er fyrsta sam-
starfsverkefni þessara þriggja aðila
á sviði umhverfismála, en samstarf-
ið mun einkum taka til fræðslu um
umhverfis- og náttúruvernd. Helsta
markmið fræðsludagsins er að vekja
fólk til vitundar um nauðsyn skipu-
legrar siðfræðilegrar umræðu og
fræðslu um umhverfismál.
Dagskráin hefst með ávarpi bisk-
ups, herra Ólafs Skúlasonar, en að
því loknu verða flutt fjögur erindi.
Páll Skúlason, prófessor í heim-
speki, tekur fyrstur til máls í erindi
sem hann nefnir: Hvað er umhverf-
issiðfræði? Því næst flytur Björn
Björnsson, prófessor í guðfræði,
erindið Umhverfissiðfræði og kristin
trú. Þá flytur Jón Gunnar Ottósson,
forstjóri Náttúrufræðistofnunar ís-
lands, erindi sem nefnist: Þarfnast
náttúran vemdar? Ingimar Sigurðs-
son, skrifstofustjóri í umhverfis-
ráðuneytinu, flytur síðasta erindið;
Ábyrgð og skyldur samkvæmt lög-
um og reglumþ
Að því loknu verða sameiginlegar
umræður undir stjórn Kristínar Ein-
arsdóttur, formanns Umhverfismála-
nefndar Alþingis. Össur Skarphéð-
insson, umhverfisráðherra, flytur
lokaorð. Dagskrá fræðsludagsins fer
fram í Odda, stofu 101, hún stendur
frá kl. 10 til kl. 17 og er öllum heim-
ill aðgangur meðan húsrým leyfir.
Námskynning þrátt
fyrir verkfall
NAMSKYNNING ’95 verður haldin
sunnudaginn 12. mars þrátt fýrir
verkfall kennara. Ásta Kr. Ragn-
arsdóttir, forstöðumaður námsráð-
gjafar Háskóla íslands, segir þó
hugsanlegt að ekki verði hægt að
manna öll kynningarborð ef verk-
fallið verður ekki leyst.
Leitið og þér munuð finna er
yfirskrift Námskynningarinnar að
þessu sinni og fer hún fram í bygg-
ingum Háskóla íslands, húsnæði
listaskólanna í Laugarnesi og vænt-
anlega einnig í Iðnskólanum í
Reykjavík. Kynnt er nám að loknu
skyldunámi, meðal annars náms-
greinar í Háskóla íslands, verk- og
listnám og nám í ýmsum sérskólum.
Kynningin fer fram í kjörnum þar
sem skyldar námsgreinar eru
kynntar saman, sama á hvaða
skólastigi þær eru kenndar.
Á milli átta og tíu þúsund manns
sóttu Námskynningu á síðasta ári.
Nemendur skólanna hafa annast
kynninguna, oft ásamt námsráð-
gjöfum og kennurum. Vegna verk-
fallsins mun kynningin á námi
þeirra skóla sem eru lokaðir hvíla
á herðum nemenda og segir Ásta
hugsanlegt að ekki verði hægt að
manna öll kynningarborð.