Morgunblaðið - 02.03.1995, Blaðsíða 3
MORGUNBLAÐIÐ
FIMMTUDAGUR 2. MARZ 1995 C
VIÐSKIPTI
Lífeyrissjóður verslunarmanna kaupir hlutabréf fyrir 5% af ráðstöfunarfé í ár
Hlutabréf verði keypt
fyrir 300 milljónir
LÍFEYRISSJÓÐUR verslunar-
manna áætlar að fjárfesta í hluta-
bréfum fyrir um 300 milljónir
króna á þéssu ári eða sem nemur
um 5% af ráðstöfunarfé. Þetta er
svipuð áætlun og var gerð fyrir
síðasta ár. Niðurstaðan varð hins
vegar sú í fyrra að fjárfestingar
í hlutabréfum námu einungis 74,5
milljónum eða sem nemur um 1,3%
af ráðstöfunarfé.
Keypt voru hlutabréf í 11 félög-
um sem sjóðurinn átti hlutabréf í
fyrir. Þar að auki keypti sjóðurinn
sín fyrstu hlutabréf í Síldarvinnsl-
unni fyrir 9,5 milljónir og Þormóði
ramma fyrir 4,6 milljónir.
Að sögn Þorgeirs Eyjólfssonar,
forstjóra Lífeyrissjóðs verslunar-
manna, hefur reyndin orðið sú
undanfarin ár að fjárfestingar í
hlutabréfum hafa verið minni en
fram hefur komið í markmiðssetn-
ingu.
Hámarkið 7%
í einstökum félögum
Sjóðurinn hefur í mörgum til-
vikum lítið svigrúm vegna þeirrar
stefnu að eiga að hámarki 7% hlut
í einstökum félögum, en hann á
fyrir stóran hlut í mörgum félög-
um á Verðbréfaþingi.
Rætt var um það í tengslum við
kjarasamninga á árinu 1992 að
lífeyrissjóðirnir keyptu hlutabréf
fyrir 5% af ráðstöfunarfé. Þorgeir
sagði að þeim tilmælum hefði ver-
ið beint til lífeyrissjóðanna á þess-
um tíma að þeir tækju virkari
þátt á hlutabréfamarkaði. „Það
voru engin fyrirheit um eitt eða
neitt gefin,“ sagði hann.
Arðsemi hlutafjáreignarinnar
hækkaði samhliða verðhækkun
hlutabréfa á síðasta ári, en sjóður-
inn er hluthafi í 24 félögum. Heild-
ararðsemi á síðustu 15 árum þ.e.
frá ársbyijun 1980 til ársloka
1994 sýnir 7% árlega raunávöxt-
un.
150 milljónum hærra
en bókfært verð
Bókfært verð hlutabréfaeignar
sjóðsins um síðustu áramót var
1.450,9 milljónir eða um 4,2% af
„hreinni eign til greiðslu lífeyris".
Ef verðmæti bréfanna er reiknað
miðað við markaðsverð á hluta-
bréfamarkaði um sl. áramót kem-
ur í ljós að það er u.þ.b. 1.601
milljón eða um 150 milljónum
hærra en bókfærða verðið.
lægra en í
janúar
London. Reuter.
MÁLMAR héldu áfram að lækka
verði í gær, einkum nikkel og ál.
Svo virðist að verðhækkanir þær
sem urðu á hráefnum í fyrra muni
ekki endurtaka sig í bráð að dómi
kunnugra.
Nikkel lækkaði mest í London
í gær í 6.800 dollara tonnið, en
seldist við lokun á 7.440 dollara.
Á1 lækkaði einnig mjög í verði í
gær og fór niður fyrir 1.775 doll-
ara tonnið áður en það hækkaði
aftur. Að lokum seldist tonnið á
1.788 dollara. Verðið hefur lækkað
um 20% síðan það komst hæst í
2.195 dollara í janúar.
„Álverðið er orðið nokkuð stöð-
ugra, en þarf að hækka aftur í
yfir 1.900 dollara til marks um
að það muni ekki lækka meira,“
sagði sérfræðingur í London.
Morgunblaðið/Ámi Sæberg
Normi með
námskeið
í suðu
FYRIRTÆKIÐ Normi hf. í
Garðabæ hefur komið upp að-
stöðu í fyrirtækinu til að halda
námskeið fyrir nemendur Fjöl-
brautarskólans í Garðabæ í raf-
og logsuðu. Tilgangurinn með
þessu er að efla tengsl atvinnu-
lífs og skóla, að sögn Sævars
Svavarssonar, framkvæmda-
stjóra Norma.
Fyrsta námskeiðið stendur
nú yf ir í þessarri viku og eru
12 nemendur - sem er há-
marksfjöldi - skráðir í það.
Námið er bæði verklegt og bók-
legt og fer verklega námið fram
í sérstökum suðubásum sem
komið hefur verið upp.
Allir þátttakendur gangast
undir hæfnispróf í lok nám-
skeiðsins og fá þeir sem stand-
ast prófið hæfnisvottorð. Normi
hyggst einnig bjóða eigin starfs-
mönnum á símenntun á þessu
sviði til að mæta auknum kröf-
um markaðarins.
Aðalfundur 1995
Aðalfundur Sæplasts hf. verður haldinn í
Sæluhúsinu á Dalvík fimmtudaginn 9. mars
1995 og hefst kl. 14.00.
Dagskrá:
1. Venjuleg aðalfundarstörf skv. 16. gr.
samþykkta félagsins.
2. Breytingar á samþykktum félagsins til
samræmis við ný lög um hlutafélög.
3. Tillaga stjórnar um útgáfu
10% jöfnunarhlutabréfa.
4. Önnur mál löglega upp borin.
Reikningar félagsins ásamt dagskrá fundarins
og endanlegum tillögum, munu liggja frammi
á skrifstofu félagsins viku fyrir aðalfund.
Atkvæðaseðlar og fundargögn verða afhent á
fundarstað.
nln
I V.
Bandaríkin
Betri efnahags-
staða en talið var
Aukinn útflutningur
og neysla ástæðan
Washington. Reuter.
AUKNING efnahagsumsvifa var
heldur meiri en áður hafði verið
talið á síðustu þremur mánuðum
ársins í fyrra að sögn bandaríska
viðskiptaráðuneytisins. Ástæðan er
að sala erlendis og neyzla voru
meiri en stjórnvöld höfðu gert ráð
fyrir.
Landframleiðsla jókst því um
4,6% á ársgrundvelli frá október til
desember, en ekki 4,5% eins og
áætlað var fyrir mánuði. En þótt
efnahagsstaðan í ársbyijun 1995
sé lítið eitt betri en gert hafði verið
ráð fyrir sjást einnig merki um
draga muni úr bata síðar á árinu.
Birgðafjárfesting á ársgrundvelli
er áætluð 48,1 milljarður dollara í
stað 68 milljarða fyrir mánuði.
Áhrif dýrari lána eru farin að segja
til sín á húsnæðismarkaði og eyðsla
neytenda kann að minnka þegar
líður á árið. Sala á erlendum mörk-
uðum jókst hins vegar á fjórða árs-
fjórðungi og neyzla sömuleiðis.
Útflutningur jókst um 31,3 millj-
arða dollara á ársgrundvelli í stað
22,5 milljarða samkvæmt fyrri
áætlun. Innflutningur jókst um 23,9
milljarða dollara í stað 29,6 millj-
arða. Eyðsla jókst um 44,4 milljarða
dollara í stað 40,4 milljarða.
Hagvöxtur var 4,0% 1994, hinn
mesti í einn áratug, en Alan Green-
span seðlabankastjóri sagði í síð-
ustu viku að hann mundi líklega
minnka í 2-3% í ár, aðallega vegna
vaxtahækkana.
fjjH Hvar er skýrslan min, hvar er spjaldskréin,
TLa hvar ar stóra, gula, tveggja gata mappan min?
2
m
m
m
•
5
Eina rétta svarið við óreiðu ern góðar hirslur. Skjalaskápar eru réttu
hirslumar á skrifstofuna eða hvem þann stað þar sem röð og regla
þarf að vera á skjölum, möppum og öðrum gögnum.
Kynnið ykkur vandaða og góða skjalaskápa, bæði frá Bisley og
Nobö. Þeir fást í mörgum stærðum og bjóða upp á flölbreytta
notkunarmöguleika.
Fáið nánari upplýsingar hjá
Bedco&Mathiesenhf., $
Bæjarhrauni 10,
Hafnarfirði.
Sími 565 1000.