Morgunblaðið - 05.03.1995, Blaðsíða 20

20 SUNNUDAGUR 5. MARZ 1995
MORGUNBLAÐIÐ
I-
LISTIR
Kristinn frumsyng-
ur Mefistoteles
Franskan hans jafngóð og stef Berliozar
KRISTINN .Sigmundsson í hlutverki Mefistotelesar og bandariski
tenórinn Gory Lakes sem Fást í' Bastilluóperunni í París.
Óperan La Damnation de Faust
eða Útskúfun Fásts eftir Berlioz
var frumflutt í Bastilluóperunni í
Frakklandi 10. febrúar sl. undir
stjóm ítalska stjórnandans Luca
Ronconi og með hljómsveit og kór
Óperunnar í París undir stjórn
Huberts Soudants. Kristinn Sig-
mundsson frumsöng þar hlutverk
Mefístotelesar. Fá aðalsöngvararn-
ir góða dóma, auk Kristins þau
Beatrice Uria-Monzon, Thomas
Moser sem syngur Faust (til skipt-
is við Gary Lakes) og Francois
Harismendy.
Gagnrýnandinn Jacques Doucel-
in segir í Figaroscope að það sem
hafí komið sér þægilegast á óvart
sé hinn frábæri Mefistoteles ís-
lendingsins Kristins Sigmundsson-
ar, sem beri frönskuna jafnvel
fram og hann syngi stef Berliozar.
Jafnframt bauð Bastillluóperan
upp á tónleika, þar sem flutt var
9. sinfónía Beethovens með hljóm-
sveit og kór óperuhússins undir
stjóm Michael Boders, sem gagn-
rýnandinn Pierre Petit lofar mjög
í Le Figaro undir fyrirsögninni
„Brillant". Hann hrósar kómum
og segir svo: „Einsöngvaramir
Fransoise Pollet, Béatrice Urina-
Monzon og Gary Lakes voru frá-
bær. En ég verð að bæta því við
að ég féll fyrir hinum stórkostlega
og hljómfagra barytonsöng íslend-
ingsins Kristins Sigmundssonar,
sem gnæfði yfir.“
Söngur flóarinnar náði
áheyrendum
Gagnrýni birtist í öllum helstu
blöðum Parísar, sumstaðar löng
umfjöllun. Skrifin eru nokkuð mis-
jöfn, svo og dómarnir um hina
ýmsu þætti, sem m.a. tengist að
nokkru leyti, svo sem í Monde,
deilum sem komu upp í sambandi
við brottvikningu fyrri stjórnanda
Óperunnar. Gagnrýnin í Le Monde
fjallar líka um aðra sýningu óper-
unnar síðdegis á sunnudegi 12.
febrúar, sem Anne Ray segir að
hafi fengið mjög góðar viðtökur.
Þar segir um Kristin:
„Hið vinsamlega andrúmsloft á
2. sýningunni á sunnudagseft-
irmiðdag örvaði Kristinn Sig-
mundsson, sem minnti á Peter
Ustinov í flóarsöngnum, ofleikn-
um, en með nákvæmni og hnitmið-
un í tilsvörum náði hann einstak-
lega vel til áheyrenda."
Því má skjóta hér inn til upplýs-
inga að textinn í „Söngnum um
flóna“ sem Mefistoteles syngur,
er eftir Göthe og þýddi Magnús
Asgeirsson hann af mikilli snilld.
Musorski samdi svo lag við rúss-
neska þýðingu á ljóðinu. Og er það
til merkis um næmi Magnúsar að
ljóð hans fellur eins og flís að rassi
við lag Musorskis. Þessa flóasöngs
er á nokkrum stöðum sérstaklega
getið í umsögn frönsku blaðanna.
í blaðinu Le Figaro 13. febrúar
segir Pierre-Petit um Útskúfun
Fausts m.a. að næstsíðasta senan,
þar sem Faust færir Mefistótelesi
sálu sína, sé stórkostleg nútíma
opinberun, með ringulreið bygg-
inga og því snjallræði að láta engl-
ana með svörtu vængina, sendi-
boða Lucifers, svífa yfir. Víðar má
sjá að sýningin hefur verið íburðar-
mikil. Faust birtist t.d. fyrst í lausu
lofti, sem menn kunna misvel við.
Um söngvarana segir í Le Figaro
að þeir hafi allir verið í hæsta
gæðaflokki. Og um Kristin Sig-
mundsson sérstaklega segir hann:
„Það er íslendingurinn Kristinn
Sigmundsson sem frumsyngur
hlutverk Mefistotelesar. Hann beit-
ir í senn mikilli skynsemi við túlk-
un hlutverksins og áhrifamætti
bariton-bassa, sem er bæði fagur
og hljómmikill.“
Radio Notre Dame fjallar í tón-
listarþætti 11. febrúar um sýning-
una. Segir Claude Olivier þar að
Útskúfun Fausts eftir Berlioz sé
vafalaust eitt hið erfiðasta verk
að setja á svið. En hann játar að
í samaburði við Faust eftir Go-
unod, þá finnist sér engin af aðal-
persónunum, Faust, Mefistoteles
eða Margarite sérstaklega spenn-
andi. í kosertformi sé betur túlkuð
músiksnilli Berliozar og Útskúfun
hans. Þrátt fyrir öfgafulla sviðs-
setningu komi söngvararnir vel út,
svo sem Thomas Moser í erfiðu
hlutverki Fausts, þrátt fyrir svolít-
inn yeikleika á hæstu tónunum,
og íslendingurinn Kristinn Sig-
mundsson, sem á sviðinu sé áhrifa-
mikill Mefistoteles með hljómfagra
baritonbassarödd og sterka eins
og maður geti frekast óskað.
Blaðið Le Croix fjallar 22. febr-
úar í músikgagnrýni um „Helvíti
og Útskúfunina". Philippe Ventur-
ini er ekki ánægður með aðal-
söngvarana og gagnrýnir þá. Þeg-
ar hann kemur að Kristni segir
hann þó: „Kristinn Sigmundsson
syngur frönskuna með kórréttum
framburði, en Mefistoteles hans
skortir mjög blæbrigði.“
Loks komum við að Le Canard
enchainé, sem jafnan fer sínar eig-
in leiðir í spotti og munnsöfnuði.
Luc Décygnes er ekkert hrifin af
þessari óperu, sem hún viðurkenn-
ir þó að sé vel gerð, af smekk og
illsku; meira að segja hrífandi. Hún
er heldur ekkert hrifin af að fá til
að setja hana upp ítala frá Turin,
þar sem hann hafi áður sett þetta
verk á svið. Óhjákvæmilega sé á
sínum stað Söngur Mefistotelesar
um flóna, sem henni virðist aldrei
hafa líkað, segist lengi hafa langað
til að strá á hann lúsardufti. Samt
finnst henni Mefisto Kristins Sig-
mundssonar hreint ágætur og karl-
mennskan uppmáluð. Hann virðist
semsagt sleppa furðu vel frá þess-
um gagnrýnanda sem hefur allt á
hornum sér og notar gróft orðalag.
(Samantekt E.Pá.)
Fermingar
Sunnudagsblaði Morgunblaðsins, 12. mars nk., fylgir blaðauki sem
heitir Fermingar. í þessum blaðauka verður fjallað um ferminguna
frá ýmsum sjónarhornum, rætt við fermingarböm fyrr og nú, foreldrar
teknir tali, uppskriftir á fermingarborðið, gjafir, hárgreiðsla, fatnaður
og margt fleira.
Þeim sem áhuga hafa á að auglýsa í þessum blaðauka er bent á að
tekið er við auglýsingapöntunum til ki. 17.00 mánudaginn 6. mars.
Nánari upplýsingar veita Rakel Sveinsdóttir og Dóra Guðný
Sigurðardóttir, sölufulitrúar í auglýsingadeild, í síma 569 11 71
eða með símbréfi 569 11 10.
fÍttrgmmMnfoilj*
- kjarni málsins!
Einsöngvarapróf
í Langholtskirkju
TÓNLEIKAR hljóm-
sveitar Tónlistarskól-
ans í Reykjavík verða
haldnir í Langholts-
kirkju í dag, sunnu-
daginn 5. mars, kl.
17. Tónleikarnir eru
fyrri hluti einsöngv-
araprófs Erlu Berg-
lindar Einarsdóttur,
sópransöngkonu, frá
skólanum.
Á efnisskránni er
St. Edmundsbury
lúðrakall eftir Benj-
amin Britten, „Miseri
no, misera patria",
Hob. XXVIa:7, kant-
ata fyrir sópran og hljómsveit Aðgangur að tónleikunum er
eftir Haydn, Brot úr Þorlákstíð- ókeypis.
Erla Berglind
Einarsdóttir
um eftir Einar Jóns-
son, Söngvar úr
Ljóðaljóðum fyrir
sópran og hljóm-
sveit eftir Pál ísólfs-
son, í hljómsveitar-
útsetningu Atla
Heimis Sveinsson-
ar, Nehmt meinen
Dank, ihr holden
Gönner Kv. 383,
konsertaría fyrir
sópran og hljóm-
sveit eftir Mozart
og Sinfónía nr. 1 í
B-dúr op. 38
Schumann (Vor-
hljómkviðan).
Fulltrúar Alandseyja
á menningarhátíð
ÁLANDSEYJAR eiga sína fulltrúa
á Menningarhátíðinni Sólstöfum
sem nú stendur yfir í Reykjavík, á
Akureyri og á ísafirði.
Tónlistarmennirnir Björn
Blomqvist bassasöngvari og Marc-
us Boman píanóleikari halda tón-
léika í næstu viku á Akureyri, í
Norræna húsinu í Reykjavík og á
ísafirði.
Fyrstu tónleikarnir verða í Safn-
aðarheimili Akureyrarkirkju á
mánudag 6. mars kl. 20.30. Þann
dag heldur Björn einnig námskeið
á vegum Tónlistarskólans á Akur-
eyri.
Þriðjudaginn 7. mars kl. 20.30
verða tónleikar í Norræna húsinu
og fimmtudaginn 9. mars kl. 20.30
koma þeir félagar fram í Sal frí-
múrara á ísafirði.
Á efnisskránni eru verk eftir
Carl Loewe, Hugo Wolf, Lars
Karlsson, Marcus Boman og Emil
Sjogren.
Bjöm Blomqvist bassasöngvari
stundaði söngnám við Sibeliusar-
akademíuna frá 1988 og hefur auk
þess stundað nám hjá Heinz Reeh,
Herbert Brauer og Gloriu Davy.
Frá 1994 hefur hann unnið með
óperusmiðju Finnsku óperunnar.
Björn hefur oft komið fram opin-
berlega á undanförnum árum,
haldið einsöngstónleika og sungið
einsöng með kórum. Hann hefur
einnig sungið ýmis hlutverk í óper-
um.
Marcus Boman píanóleikari er
einnig tónskáld og hefur verið
skólastjóri Tónlistarstofnunarinn-
ar á Álandseyjum frá 1989. Hann
lagði stund á píanóleik hjá José
Ribera í Stokkhólmi og síðar við
Sibeliusarakademíuna undir leið-
sögn Inkeri Siukonen. Marcus Bo-
man kemur reglulega fram sem
einleikari og tekur virkan þátt í
flutningi kammertónlistar í heima-
landi sínu.
Miðar á alla tónleikana verða
seldir við innganginn.
\
I
\
í
;
\
>
\
í
\
f
í
i
f
í
i
f
i
i
y