Morgunblaðið - 05.03.1995, Blaðsíða 4
4 C SUNNUDAGUR 5. MARZ 1995
MORGUNBLAÐIÐ
Álbfllinn Audi A8 er
kraftmikill og þægi-
legur glæsivagn
ÁLBÍLL frá Audi er væntanlegur
til íslands bráðlega og er það
flaggskip Audi-flotans sem geng-
ið hefur í gegnum mikla endurnýj-
un á síðustu misserum. Audi A4,
A6 og A8 eru nöfnin í nýju lín-
unni, A8 sá stærsti og þar er ál-
bíllinn en fjallað verður um allar
þessar gerðir hér á næstunni.
Happdrætti Háskóla íslands hefur
fest kaup á A8 álbílnum og verð-
ur hann aukavinningur eða plú-
svinningur í árslok. Happdrættið
vill með þessu taka þátt í að benda
á möguleika áls í bílaframleiðslu
og velur Audi A8 þar sem telja
má hann með fullkomnari bílum
sem sjást hérlendis og ekki vantar
þægindin. íslenskir blaðamenn
fengu að skoða gripinn í Svíþjóð
nýlega þegar Hekla hf., kynnti
nýju línuna sem væntanleg er
hingað til lands á næstunni. En í
dag verður staldrað við álbflinn.
Audi A8 er stór og glæsilegur
og stórglæsilegur vagn. Hann er
rúmlega fimm metra langur og
nærri tveggja metra breiður, lág-
ur, rennilegur, ávalur, með stór
hjól og rísandi línu frá lágum
framenda og aftur að skotti, með
samlitum stuðurum og hliðarlista
og mjög hallandi fram- og aftur-
rúðum. Audi A8 er jafnframt lát-
laus bfll og hefur yfír sér virðu-
leikablæ og það sést strax að A8
er bfll frá Audi verksmiðjunum.
Um 40% léttara burðarvirki
Aðalsmerkið í hönnun og bygg-
ingu bflsins er þó kannski það sem
ekki sést, að ál er aðalbyggingar-
efnið. Burðarvirki bílsins er um
40% léttara en þær hefðbundnu
stál- og málmblöndur sem notaðar
hafa verið af bflaframleiðendum
og staðhæfa framleiðendur að
með þessu sé A8 bfllinn í flokki
bfla af millistærð hvað þyngd
varðar þótt í stærð og búnaði telj-
ist hann til stórra lúxusbíla. Þá
staðhæfa þeir einnig að vegna
þess hve léttur hann er sé eyðslan
svipuð og í bíl af meðalstærð eða
Audi A8 Quattro
álbíll í hnotskurn
Vél: 4,2 Iftrar, 8 strokkar
Sítengt aldrif.
Sjálfskipting - með
handskiptimöguleika.
Hemlalæsivörn.
Vökvastýri - veltistýri -
hægt að hreyfa að og
frá.
Samlæsingar.
Rafdrrfnar rúðuvindur.
Rafdrifnir hliðarspeglar.
Rafdrifnar stillingar á
framsætum.
Útvarp, geislaspilari.
Lengd: 5,03 m.
Breldd: 1,97 m.
Hæð: 1,43 m.
Hjólhaf: 2,88 m.
Beygjuhringur: 12,3m.
Stærð farangursrýmis:
5251.
Þyngd: 1.750 kg.
Hjólbarðar: 225/60WR 16
- varahjól í fullri stærð.
Stœrð bensfntanks: 901.
Eyðsla: 16,5lfbæja
rakstri, 8,2 á 90 km
hraða, 10,2 á 120 km
hraða.
Umboð: Hekla hf.,
Reykjavík.
Verð: Kringum 8 milljónir.
tæpir 13 lítrar og uppí 16,5
í bæjarakstri eftir vélarstærð.
Þegar inn í bílinn er komið
verður glæsileikinn jafnvel
enn meira áberandi en að
utan. Strax og sest er inn,
hvort sem er í fram- eða aft-
ursætin, verða menn þess
áskynja að rúmt er til allra
átta, þægilega bólstruð leð-
ursætin umlykja farþega og
ökumann og styður sæti öku-
manns sérstaklega vel við á
alla kanta. Það er líka búið
rafstillingum með minni
þannig að þegar einn öku-
maður hefur komið sér fyrir
með sínar sérstöku stillingar
getur næsti lagað sætið að
sínum þörfum án þess að
rugla fyrri stillingunni. Út-
sýni er gott til allra átta.
Allt til þæginda
Mælaborðið er ekki síður
mikilfenglegt. Efri brúnin er
bogadregin, mælarnir beint fram
af ökumanni stórir og góðir og
margs konar upplýsinga- og að-
vörunarljós. Á miðjubrettinu eru
rofar fyrir hita í sætum, þokuljós,
hita á afturrúðu og fleira, stæði
fyrir útvarpið og neðst miðstöðv-
arstillingar með tvöföldum
skammti þannig að ökumaður
getur stillt fyrir sinn helming og
farþegi í framsæti sérstaklega
fyrir sig. Þá eru þar armpúðar
og sæti fyrir farsíma og í aftur-
sæti er einnig armpúði. Höfuð-
rými er yfrið nóg og sömuleiðis
fyrir fætur enda tekur farþega-
rýmið 40% af allri lengd bflsins.
Farangursrými er samt sem áður
umfangsmikið og tekur 525 lítra.
Vélin í A8 er engin smásmíði
en hún er léttbyggð 4,2 lítra og
8 strokka og heil 300 hestöfl enda
skilar hún bílnum úr kyrrstöðu í
100 km hraða á 7,3 sekúndum.
Hámarkshraðinn er 250 km á
klukkustund og því á það við
þennan bfl eins og aðra af svipuð-
um toga að best væri að geyma
þá í útlandinu þar sem ekki er
gerlegt að fara um íslenska vegi
á þeim hraða sem bíllinn getur
boðið uppá. Bíllinn er búinn sjálf-
skiptingu með þeim eiginleika að
hægt er að setja gírstöngina í eins
konar hliðarrás og taka þar með
Kraftur
Lipurð
Þægindi
FRAMSÆTIN eru með
rafstillingum með minni.
upp nokkurs konar handskipt-
ingu. Stönginni er ýtt framá við
með iéttri snertingu til að skipta
upp og síðan ýtt örlítið aftur til
að skipta niður. Þetta er mjög
skemmtilegur eiginleiki fyrir þá
sem vilja ekki eingöngu njóta
þæginda sjálfskiptingar.
Engin fyrlrhöfn
Ekki þarf að fara mörgum orð-
um um akstur á Audi A8 Qu-
attro. Hafi ökumaður sest inní
hann og búist við þunglamalegum
bfl og stirðum hverfur sú tilfínning
um leið og búið er að setja í gang
og ekið er af stað. í viðbragðinu
rýkur bíllinn bókstaflega af stað
og það án þess að vart verði há-
vaða frá vél eða skiptinga milli
gíra - allt gerist þetta fyrirhafnar-
laust og hljóðlaust. Ökumanni
fínnst hann líka strax hafa góð
tök á öllu og hann kann vel að
meta þægindin, armpúðann
hægra megin, sjálfvirka stillingu
á hita, útvarp eða geislaspilara
og þannig mætti lengi telja.
Áldrifíð, sjálfstæð, stöðug og
mjúk gormafjöðrunin gera Audi
A8 að sérlega rásföstum og þægi-
legum ferðabíl. í snjó og hálku á
hraðbrautum sem sveitavegum í
nágrenni Arlanda og í þéttbýli í
Uppsala í Svíþjóð fannst hvort
tveggja veggrip aldrifsins og
þægindi og lipurðin í snúningum
í þéttbýlinu. Það sem helst vant-
aði á var að geta reynt fjöðrunina
á grófari vegum en nokkuð ljóst
ALLT til alls er í mælaborðinu og þar fer
viðarliturinn vel í smekklegri hönnun.
VÉLIN er 4,2 lítrar, með 8 strokkum og er heil 300 hestöfl.
SVERRIR Sigfússon framkvæindastjóri hjá Heklu lætur fara
vel um sig undir stýri í þessum glæsivagni Audi.
er þó að slíkt yfirborð veldur ekki
óþægindum um borð í A8. En það
má endurtaka að það sem kemur
á óvart í þessum bíl sem virðist
stór og mikill er lipurðin og létt-
leikinn.
íbúðarfjðrfesting
Verðið á Audi A8 álbílnum með
aldrifi er frá um 9 milljónir króna
eftir búnaði. Þetta er að sjálfsögðu
slík fjárfesting að venjulegir bíla-
kaupendur munu hverfa í aðrar
áttir og reyna að minnka við sig
þægindin og um leið fjárfesting-
una. Hins vegar hefur Happ-
drætti Háskóla íslands ákveðið
að hafa þennan bíl sem svonefnd-
an plús-vinning sem dreginn verð-
ur út á gamlársdag. Ragnar Ingi-
marsson forstjóri HHÍ sagði að
happdrættið væri jöfnum höndum
að kynna tækninýjung og mögu-
leika áls í bflaframleiðslu um leið
og bíllinn verður notaður til að
kynna happdrættið og sýndur hjá
umboðsmönnum þess um landið
allt í samvinnu við Heklu. Bíllinn
er væntanlegur til landsins um
miðjan mars og verður fljótlega
farið að sýna hann. ■
Jóhannes Tómasson
Morgunblaðið/jt
AUDI A8 álbíllinn er glæsilegur og virðulegur.
Hér er hann með merki Happdrættis Háskóla
íslands enda verður hann aukavinningur hjá
HHÍ í árslok.