Morgunblaðið - 07.03.1995, Blaðsíða 13

MORGUNBLAÐIÐ
ÞRIÐJUDAGUR 7. MARZ 1995 13
AKUREYRI
Flotkvínni komið fyrir norðan slippstöðvarskemmunnar
Um 155 þús.
rúmmetrar
grafnir burt
Norðlenskir dagar
HAFNARSTJÓRN Akureyrar hef-
ur ákveðið að staðsetja flotkví sem
Akureyrarhöfn hefur keypt norðan
við svokallaða slippstöðvarskemmu,
en staðsetning kvíarinnar hefur
verið til skoðunar hjá stjórninni að
undanförnu.
155 þúsund rúm-
metrar í burtu
Einar Sveinn Ólafsson formaður
Hafnarstjórnar Akureyrar sagði að
ljúka þyrfti stórum verkum áður
en hægt yrði að koma kvínni fyrir.
Búið er að bjóða út vinnu við að
grafa út fyrir mannvirkinu, en gert
er ráð fyrir að moka þurfi um 155
þúsund rúmmetrum jarðvegs í
burtu til að koma kvínni fyrir. Vinna
við gerð gijótgarðs hefur þegar
verið boðin út og mun Suðurverk
hf. sjá um þann þátt.
Þá hafa tryggingafélögum og
fyrirtækjum sem sérhæfa sig í
flutningum verið send gögn varð-
andi flutning kvíarinnar frá Litháen
þaðan sem hún er keypt og til
Akureyrar. Beðið er tilboða í það
verkefni en Einar Sveinn sagði að
í næstu eða þar næstu viku yrðu
tilboð opnuð og ákvörðun tekin.
Um tíma gældu hafnarstjórnar-
menn við þá hugmynd að staðsetja
flokkvína annars staðar á slipp-
stöðvarsvæðinu, en talið var að um
ódýrari kost yrði að ræða en því
verður ekki viðkomið að sögn for-
manns hafnarstjórnar. Um 300
metra langir og sverir vírar ganga
út til allra átta frá flotkvínni þann-
ig að hún krefst mikils rýmis og
þá þótti vegna mikilla óveðra sem
gengið hafa yfir í vetur ekki stætt
á öðru en að setja kvína niður á
upphaflega staðnum norðan
skemmunnar.
„Nú verður að vinna hratt að
málinu,“ sagði Einar Sveinn, en tveir
og hálfur mánuður er til stefnu þar
til kvíin á að vera tilbúin til notkunar.
Strandgatan kláruð
Hafnarstjóm Akureyrar hefur
einnig samþykkt að ljúka við um-
hverfí meðfram Strandgötunni, en
miklar framkvæmdir vom við göt-
una í fýrra, ný gata var lögð og
hlaðinn gijótgarður meðfram henni.
Framkvæmdir hefjast með vorinu,
en lagður verður göngustigur við
gijótgarðinn frá Hjalteyrargötu að
Torfunefsbryggju og vík við Pollinn
verður lokað. Verkinu á að vera
lokið fyrir miðjan júni. „Við gerum
þetta bara úr ísmolum ef ekki fer
að vora,“ sagði Einar Sveinn.
NORÐLENSKIR dagar verða
haldnir í matvöruverslunum Kaup-
félags Eyfirðinga á Akureyri, Dal-
vík, Ólafsfirði, Siglufírði, Grímsey,
Hrísey og Grenivik dagana 16.
mars til 2. apríl næstkomandi.
Þetta er þriðja árið í röð sem efnt
er til slíkra daga en góð þátttaka
var í „Norðlenskum dögum“ í þau
tvö skipti sem þeir hafa verið haldn-
ir og stefnir í að þeir verði fastir
liðir í lífí Norðlendinga.
Tilgangurinn með “Norðlenskum
dögum“ er að koma á framfæri því
sem er að gerast í norðlenskum
matvæla- og iðnfyrirtækjum, stuðla
að uppbyggingu þeirra og kynna sem
flestum norðlenska vöru og þjónustu.
Ýmislegt verður gert bæði til
fróðleiks og skemmtunar. Sérstakt
blað verður gefíð út og því dreift á
Eyjafjarðarsvæðinu. í matvöru-
verslunum verða kynningar og til-
boð og þar mun listafólk sjá um
menningarviðburði af ýmsu tagi.
Enn er möguleiki fyrir þá sem
áhuga hafa á að taka þátt og þeim
bent á að hafa samband við sölu-
skrifstofu KEA og leita nánari upp-
lýsinga.
Morgunblaðið/Rúnar Þór
Kennarar
ræða við
stjórnmála-
menn
KENNARAR hittast daglega og
ræða málin í verkfallsmiðstöð sinni
í Lóni við Hrísalund á Akureyri
og þar fer fram öflug starfsemi.
Þeir hafa nú skipulagt fundi
með efstu mönnum á framboðslist-
um þeirra stjórnmálaflokka sem
bjóða fram í kjördæminu en slíkir
fundir verða á dagskrá alla vik-
una. Þar verða kjaramálin til
umræðu og ætla kennarar að
heyra hvað fulltrúar flokkanna
hafa að segja um stefnu þeirra í
skólamálum og hvaða hugmyndir
menn hafa um umbætur í skóla-
starfi, að sögn Sveinbjarnar M.
Njálssonar formanns Bandalags
kennara á Norðurlandi eystra.
Sigbjörn Gunnarsson og Anna
Karolína Vilhjálmsdóttir, Alþýðu-
flokki, mættu í verkfallsmiðstöð-
ina í gær en í dag verða fulltrúar
Kvennalistans þar á ferð. Fulltrú-
ar Sjálfstæðisflokks mæta á mið-
vikudag og á fimmtudag fulltrúar
Alþýðubandalags. Á föstudag
verða tveir fundir, annar með full-
trúum Framsóknarflokks og hinn
með fulltrúum Þjóðvaka.
Á myndinni eru þeir Gunnar
Halldórsson kennari í Síðuskóla
og Sigbjörn Gunnarsson þingmað-
ur Alþýðuflokksins að ræða málin.
Bj örgunar s veitar-
menn aðstoða lög-
reglu um helgar
Unglingum
ekið heim á
nóttunni
UM TUTTUGU unglingum á aldr-
inum 13 til 16 ára var ekið til síns
heima um helgina, en nú stendur
yfir sérstakt átak í útivistarmálum
unglinga.
Lögreglu til aðstoðar eru tveir
félagar í Hjálparsveit skáta og
tveir úr Flugbjörgunarsveitinni á
Akureyri sem ásamt lögreglu-
mönnum eru á tveimur bílum- til
að sinna þessu verkefni.
Bæjarstjórn Akureyrar sam-
þykkti á dögunum að lengja úti-
vistartíma unglinga 13 til 16 ára
en þau mega nú vera úti til mið-
nættis um helgar, á föstudags- og
laugardagskvöldum. Akureyrar-
bær ber kostnað vegna átaksins,
en bærinn hefur gert samning við
björgunarsveitarmenn um aðstoð
við lögreglu til að framfylgja regl-
unum.
Matthías Einarsson lögreglu-
varðstjóri sagði að þær þijár helg-
ar sem átakið hefði staðið hefði
gengið vel en á bilinu fjórtán til
tuttugu unglingum hefur verið
ekið heim um hveija helgi.
Hert eftirlit
„Við höfum hert eftirlitið í kjöl-
far þessara nýju reglna, það verð-
ur gengið eftir því að reglumar
séu virtar,“ sagði Matthías, en
gerist unglingar brotlegir þannig
að þeir hafa verið keyrðir heim
oftar en tvisvar eru foreldrar kall-
aðir til viðtals. „Þetta hefur haft
góð áhrif,“ sagði Matthías, „þann-
ig að þessu átaki verður haldið
áfram fram á vorið.“
Fræðsludagur hjúkrunarfræðinga
Siðfræði, samskipti
og ákvarðanataka
FRÆÐSLUDAGUR Norðaustur-
landsdeildar Félags íslenskra
hjúkrunarfræðinga verður haldinn
næstkomandi laugardag, 11. mars,
frá kl. 11.00 til 15.00 á Hótel KEA
á Akureyri og er ætlaður hjúkr-
unarfræðingum og öðru heil-
brigðisstarfsfólki.
Yfírskrift dagsins er siðfræði -
samskipti - ákvarðanataka og
verða fimm erindi flutt. Valgerður
Valgarðsdóttir hjúkrunarfræðingur
og djákni flytur erindi um sál-
gæslu, dr. Gyða Halldórsdóttir sál-
fræðingur talar um samskipti við
aðstandendur fatlaðra, Heiða
Hringsdóttir hjúkrunarforstjóri og
Lilja Vilhjálmsdóttir hjúkrunar-
deildarstjóri Dalbæ, Dalvík, ræða
um siðfræðilega umfjöllun tengda
öldruðum, Ólafur Oddsson héraðs-
læknir Norðurlands eystra ræðir
um heimilislækninn og sjúklinginn
og dr. Vilhjálmur Árnason dósent
í heimspeki við Háskóla íslands
flytur erindi um höfuðþætti sið-
ferðilegra ákvarðana.
Á eftir erindunum verða pall-
borðsumræður. Aðgangseyrir er
500 krónur fyrir félagsmenn og
1.000 krónur fyrir aðra, innifalið
er kaffi og matur. Þátttöku ber að
tilkynna eigi síðar en 9. mars til
Álfheiðar Atladóttur, Heiðu
Hringsdóttur eða Álfrúnar Sigurð-
ardóttur.
Morgunblaðið/Rúnar Þór
Fegurðardrottning krýnd
ÞAÐ var mikið um dýrðir í Sjal-
lanum á Akureyri þegar Fegurð-
ardrottning Norðurlands 1995
var valin úr hópi átta stúlkna.
Það var Sigríður Ósk Kristins-
dóttir, 19 ára nemi í Verk-
menntaskólanum á Akureyri,
sem fór með sigur af hólmi í
keppninni og hlaut að launum
vegleg verðlaun.
Jóhanna Erla Jóhannesdóttir,
19 ára menntaskólanemi, hlaut
titilinn sportstúlkan, og einnig
var hún valin besta ljósmynda-
fyrirsætan úr hópi stúlknanna.
Ántonía María Gestsdóttir, 19
ára nemi í VMA, var valin vinsæl-
asta stúlkan, en það voru þátttak-
endur í keppninni sem völdu
hana úr sínum hópi.
Margir
skoðuðu
byssurnar
GÓÐ aðsókn var að
sýningu Skotveiðifé-
lags Akureyrar og
verslana með veiðivör-
ur sem efnt var til í
anddyri Iþróttahall-
arinnar um helgina.
Skotveiðifélagið kynnti
starfsemi sína og þá
gafst gestum kostur á
að skoða byssusýningu
sem félagsmenn settu
upp en þar voru ótal
byssur af ýmsu tagi.
Verslanir kynntu það
sem þær hafa upp á að
bjóða og tengist skot-
veiði.
Morgunblaðið/Rúnar Þór