Morgunblaðið - 10.03.1995, Blaðsíða 40

40 FÖSTUDAGUR 10. MARZ 1995
MORGUNBLAÐIÐ
Dýraglens
Líkar þér vel nýja tram-
pólínið' mitt?
BREF
TIL BLAÐSINS
Kringlan 1103 Reykjavík • Sími 569 1100 • Sírobréf 569 1329
A kennsla að
vera aukastarf?
Frá Önnu Vilborgu Einarsdóttur,
Auði Þórhallsdóttur, Láru Helen
Óladóttur og ÞórunniJónasdóttur:
HVERS vegna eru kennarar í
kjarabaráttu? Einn mikilvægur
þáttur þess er að gerðar hafa ver-
ið skipulagsbreytingar sem verða
til þess að kennurum bjóðast ein-
göngu hlutastörf í skólum lands-
ins. Það er krafa allra að hafa
einsetinn skóla.
En hvað er einsetinn
skóli?
Það er skóli þar sem
allir mæta að morgni og
eiga samfelldan skóladag.
Innan þessa skólatíma
rúmast allt verklegt og
bóklegt nám nemandans.
Samkvæmt nýrri
menntastefnu og vilja for-
eldra og kennara er þetta
það sem koma skal. Lang-
flestir fara að heiman á
sama tíma að morgni.
Systkini eru á sama tíma
í skólanum og gefur það
foreldrum færi á að stunda vinnu
á þeim tíma sem börnin eru í skóla.
Við skyldum ætla að þetta væri
lausn alls vanda.
En hvernig snýr þetta að
kennurum í einsetnum skóla?
Bekkjarkennari í einsetnum
skóla í dag verður að sætta sig
við hlutastarf! Kennari ber ábyrgð
á einum bekk og fær til þess
ákveðinn fjölda kennslustunda.
Kennsluskylda kennara í 100%
starfi er 29 kennslustundir. í skól-
anum okkar, Fossvogskóla, sem
hefur verið einsetinn í nokkur ár,
fær 1. bekkur (6 ára) 23 kennslu-
stundir á viku hjá bekkjarkennara
sem samsvarar 79% starfi. 5.
bekkur (10 ára) fær 20 kennslu-
stundir á viku sem er 68% starf.
Á þessum tíma er ætlast til að
fræðsluskyldu sé fullnægt og
kennari leysi öll mál sem upp
kunna að koma í hópnum. Við ein-
setninguna höfum við ekki lengur
möguleika á að fá fullt starf, svo
ekki sé talað um yfirvinnu sem
er löngu liðin tíð. Svona blasir
framtíðin við okkur kennurum. Er
hægt að bjóða heilli stétt upp á
þessi starfsskilyrði? Kallar þetta
ekki á að kennsla verði aukastarf
og er það vilji fólksins í landinu?
Viljum við það fyrir börnin okkar?
Kennarar eru orðnir langþreytt-
ir á sífelldum ásökunum um vinnu-
svik. Ágæti lesandi, heldur þú að
100% starf kennara (29 kennslu-
stundir) séu einungis 29x40 mín.
á viku. Hvað með sjónvarpsfrétta-
menn, eru þeir einungis í vinnunni
meðan þeir sjást á skjánum? Það
eru ekki kennarar sem ákveða hve
margar kennslustundir hver nem-
andi hefur á viku. Það er ákvörðun
ANNA Vilborg Einarsdóttir, Auður
Þórhallsdóttir, Lára Helen Oladóttir
og Þórunn Jónasdóttir.
stjórnvalda. Við viljum gjarnan fá
fleiri kennslustundir á dag fyrir
nemendur okkar. En við viljum
líka fá það metið sem 100% starf.
Hver eru laun kennara í
einsetnum skóla?
Kennari með þriggja ára há-
skólanám og 14 ára starfsreynslu
í 100% starfi fær um 77 þúsund
í grunnlaun og um 83 þúsund í
heildarlaun á mánuði, fyrir skatt-
lagningu. í einsetnum skóla þar
sem þessi kennari kennir 5. bekk
20 stundir á viku er sá hinn sami
með um 52 þúsund í grunnlaun
og um 56 þúsund í heildartekjur,
fyrir utan skatt.
Ert þú hissa á þvLað kennarar
séu í kjarabaráttu?
Við lýsum yfir eindregnum
stuðningi við samninganefnd
kennara og treystum henni full-
komlega til að standa vörð um
kjör okkar kennara.
Kennarar, látum engan telja
okkur trú um að menntun okkar
og störf séu einskis virði.
ANNA VILBORG EINARSDÓTTIR,
AUÐUR ÞÓRHALLSDÓTTIR,
LÁRA HELEN ÓLADÓTTIR,
ÞÓRUNN JÓNASDÓTTIR,
grunnskólakennarar við Fossvogs-
skóla í Reykjavík.
Hagstæður tekjuauki?
Frá Helga Grfmssyni:
ÁGÆTI launþegi.
Hvað myndir þú vilja fá í kaup-
hækkun fyrir að: Vinna einn laugar-
dag í mánuði. Vera bundinn 40
mínútum lengur á vinnustað dag
hvern. Missa einn kaffitíma á viku.
Setja tvo yfirvinnutíma á viku inn
í dagvinnlaun?
Þetta er það sem ríkið kallar 740
milljóna króna hækkun á launum
kennara. Þetta er ríkið tilbúið að
greiða 8.000 kr. fyrir á mánuði.
SNR er hissa á að kennarar þiggi
ekki þetta boð með þökkum. Ert
þú hissa á að kennarar hafni þess-
um „hagstæða tekjuauka"? Myndir
þú samþykkja þessa samninga ef
þú værir í forsvari fyrir þitt stéttar-
félag?
HELGI GRÍMSSON,
kennari,
Ijöngumýri 26, Garðabæ.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt tll að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.