Morgunblaðið - 10.03.1995, Blaðsíða 52

MORGVNBLADID, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
FÖSTUDAGUR 10. MARZ 1995
VERÐ í LAUSASÖLU 125 KR. MEÐ VSK
Eimskip kaupir flutningsmiðlunarfyrirtæki í Hollandi
Tímabært að endurnýja
Brúarfoss og Laxfoss
Sprenging-
um að ljúka
STEFNT er að því að Halldór
Blöndal samgönguráðherra
sprengi haft Breiðadalsganga
í lok næstu viku. Að sögn Gísla
Eiríkssonar, umdæmisverk-
fræðings Vegagerðarinnar,
eru horfur á að gangagreftri
Ijúki í lok næstu viku og er
ákveðið að ráðherra muni þá
sprengja síðustu hleðsluna sem
opnar göngin í Onundarfjörð.
Stefnt er að því að umferð
verði hleypt á göngin yfir til
Onundarfjarðar um næstu ára-
mót en frá þvi skömmu fyrir
síðustu jól hefur umferð farið
um göngin milli Tungudals og
Súgandafjarðar.
Aætlað hefur verið að heild-
arkostnaður vegna Vestfjarða-
ganga verði um 3,9 miHjarðar
kr. Heildarlengd jarðgang-
Morgunblaðið/Ámi Sæberg
anna frá munna í Tungudal
ísafjarðarmegin að ganga-
munna í Botnsdal Súganda-
fjarðarmegin og Breiðadal er
um 8.700 metrar.
Myndin er tekin i göngunum
í gær.
EIMSKIP hefur í undirbúningi um-
talsverðar breytingar á siglinga-
kerfi sínu og skipakosti félagsins.
Flutningakerfi félagsins er fullnýtt
og þykir orðið tímabært að end-
umýja Brúarfoss og Laxfoss, sem
eru stærstu skip þess.
Þetta kom fram i máli Indriða
Pálssonar, stjórnarformanns Eim-
skips, á aðalfundi félagsins í gær.
Hann sagði að breytingarnar
myndu bæta þjónustu félagsins,
einkum við landsbyggðina, og auka
hagkvæmni í rekstri. Síðast hefðu
verið gerðar verulegar breytingar á
siglingakerfi félagsins árið 1989 í
tengslum við kaup á Brúarfossi og
Laxfossi. „Ekki er gert ráð fyrir
að skipum fækki við þær breytingar
sem fyrirhugaðar eru og fremur
verður lögð áhersla á hraða og
sveigjanleika í flutningakerfinu,
m.a. til að mæta síbreytilegum þörf-
um og kröfum markaðarins.“
Skýrist á næstu mánuðum
Hörður Sigurgestsson, forstjóri
Eimskips, vildi lítið tjá sig um þessi
áform félagsins í samtali við Morg-
unblaðið. Hann sagði einungis að
þetta mál myndi skýrast á næstu
1-3 mánuðum og stefnt væri að því
að breytingamar kæmu til fram-
kvæmda næsta haust.
Dótturfyrirtæki Eimskips í Hol-
landi, Eimskip Transport BV,
keypti í gær 80% hlutafjár í flutn-
ingsmiðlunarfyrirtækinu Gelders
Spetra Shipping BV í Rotterdam.
Samkvæmt upplýsingum Eimskips
er hér um að ræða þekkt fyrirtæki
á hollenskum flutningamarkaði sem
rekur vel staðsetta vörudreifing-
armiðstöð og skrifstofu nærri höfn-
inni í Rotterdam, samtals um sex
þúsund fermetra að stærð. Velta
fyrirtækisins á síðasta ári var um
120 milljónir.
■ Erlend samkeppni/26
Húsnæðisaðstoð
Vanskil
jukust við
' umræðu
VANSKIL í húsnæðiskerfinu jukust
eftir umræður á Alþingi í haust um
hugsanlega aðstoð við íbúðarkaup-
endur í vanskilum, sagði Davíð Odds-
son forsætisráðherra á aðalfundi
Félags íslenskra stórkaupmanna í
gær. Astæðuna taldi Davíð vera þá
að rætt var um að forsenda aðstoðar
væri sú að hafa ekki staðið í skilum
í 3 mánuði eða lengur og þeir sem
voru í minni vanskilum óttuðust að
verða útundan ef þeir næðu ekki
þeim skilyrðum.
Forsætisráðherra sagði að vissu-
lega kæmi til greina að hjálpa fólki
í greiðsluerfiðleikum, en slík hjálp
mætti ekki vera óháð því hvort van-
skil stöfuðu af óráðsíu eða öðrum
vandamálum. Þeir sem borguðu
brúsann við aðstoð vegna vanskila
væru hinir sem stæðu í skilum og
þeir væru stundum með lægri tekjur
en vanskilafólk. Hann sagði að fólk
gerði sér grein fyrir þessu og hann
ætti því ekki von á að þessi mál
bæri hátt í kosningabaráttunni.
♦ ♦ ♦----
Hættusvæði í Hnífsdal
Ihuga máls-
höfðun
ÍBÚAR á snjóflóðahættusvæðinu í
Hnífsdal hyggjast leita til dómstóla,
reynist Ofanflóðasjóður vanbúinn
eða óviljugur til að kaupa hús á svæð-
inu, að sögn Alberts Högnasonar
íbúa þar. Enginn íbúa hyggst búa
annan vetur á svæðinu.
Fulltrúar húseigenda á hættu-
svæðinu funduðu með yfírvöldum
ísafjarðar í því skyni að kanna vilja
bæjarins til að kaupa eða hafa milli-
göngu um kaup á eigum íbúanna.
A Kristján Þór Júlíusson, bæjar-
stjóri, skýrði frá að óskað yrði eftir
mati á verðmæti húsa og lagalegar
forsendur kaupa yrðu kannaðar.
Bæjarráð hafí ennfremur samþykkt
að fresta innheimtu fasteignagjalda
og að leitað verði til Ofanflóðasjóðs
og óskað eftir að hann leysi til sín
hús á hættusvæðinu.
■ Búum í gini ljónsins/6
Morgunblaðið/Bjöm Blöndal
„Fiskur um
allan sjó“
BÁTASJÓMENN á Suðurnesjum
segja að fiskur sé um allan sjó
og hefur mikill afli borist á land
í Sandgerði í vikunni. Guðfinnur
KE 19 kom til dæmis að landi
upp úr hádegi í gær með 15 tonn
af þorski úr átta trossum. Birgir
Ólafsson vann að löndun ásamt
skipsfélögum sínum. Hafnarberg
RE 404 kom einnig að í gær, með
10 tonn. Báturinn hefur fengið
alls 90 tonn á fjórum dögum. „Ég
hef róið héðan frá Sandgerði í
áratugi og man ekki eftir svona
miklum fiski í sjónum síðan árið
1970. Það er þorskur um allt og
það vænn fiskur,“ sagði Tómas
Sæmundsson skipstjóri. Hann
vildi raunar Iíkja þorskgengdinni
við plágu því þeir væru búnir
með eigin kvóta og yrðu að forð-
ast þorskinn.
Bæjarstjórn Bolungar-
víkur á von á nýju boði
Oánægðir hluthafar í Ósvör ræða við
Bakka um myndun nýs meirihluta
NOKKRIR hluthafar í Ósvör hf. í
Bolungarvík, sem eru óánægðir með
að ekkert varð úr kaupum Bakka
hf. á hlutabréfum bæjarsjóðs Bol-
ungarvíkur í fyrirtækinu, hafa sett
sig í samband við eigendur Bakka
hf. um myndun einhvers konar nýs
meirihluta í félaginu. Boðaður hefur
verið fundur í bæjarstjórn Bolungar-
víkur í dag til að fjalla um væntan-
legt kauptilboð Bakka í hlutabréf
bæjarins. Eigandi Bakka var ekki
viss um það í gærkvöldi hvort tilboð
yrði lagt fyrir þennan fund.
Rækjuverksmiðjan Bakki hf. í
Hnífsdal gerði í síðustu viku tilboð
í hlutabréf bæjarins í Ósvör hf. en
bærinn átti þá meirihluta hlutafjár.
Ætlaði Bakki hf. jafnframt að auka
umsvif í atvinnurekstri í Bolungar-
vík og kaupa eignir fiskvinnslunnar
Þuríðar hf. Gert var ráð fyrir að út
á sameiningu fyrirtækja fengist að-
stoð samkvæmt Vestfjarðaáætlun,
allt að 80 milljónum kr., auk þeirra
peninga sem fjárfestar á vegum
Bakka hf. ætluðu að leggja í fyrir-
tækið. Áður en bæjarstjórn gat tek-
ið afstöðu til tilboðsins brustu for-
sendur þess vegna þess að nokkrir
heimaaðilar keyptu óseld hlutabréf
í Ósvör í nafni fyrirtækisins Heima-
afls hf. og lenti bærinn þar með í
minnihluta.
„Málið aftur í skoðun“
Undanfarna daga hefur málið
verið að þróast í bænum og bæjar-
stjórnarfundurinn í dag er boðaður
til að komast að niðurstöðu því frest-
ir þeir sem starfshópur um Vest-
fjarðaáætlun hefur veitt eru að
renna út. Ágúst Oddsson, forseti
bæjarstjórnar, segir að Bakki hf.
hafí boðað að nýtt kauptilboð væri
á leiðinni. Segist Ágúst hafa orðið
var við að hluthafar í Ósvör hefðu
verið að horfa til Bakka og segist
telja víst að þeir hafi náð saman
nægilega stórum hlut til að komast
í meirihluta með kaupum á eignar-
hlut bæjarins. Ágúst segir að hluta-
bréf bæjarins séu til sölu með sömu
skilmálum og áður.
„Við hér hjá Bakka erum að líta
aftur á þetta Ósvararmál. Hvort það
sé hægt að mynda þarna nýjan
meirihluta eður ei,“ segir Aðalbjörn
Jóakimsson, aðaleigandi Bakka hf.
Hann vill sem minnst segja um
málið þar sem ekkert hafi verið
ákveðið. í gærkvöldi taldi hann ólík-
legt að tilboð yrði lagt fyrir bæjar-
stjórnarfundinn í dajg.
Þeir hluthafar í Osvör sem vitað
er að hafa verið að vinna í málinu
voru í gær ófáanlegir til að tjá sig
um það við fréttaritara Morgun-
blaðsins.
Talið var að rúmur meirihluti
væri fyrir því í bæjarstjórn að taka
fyrra tilboði Bakka hf. Ágúst Odds-
son segist ekki vita hug manna,
bæjarfulltrúar Sjálfstæðisflokksins
gangi óbundnir til þessarar af-
greiðslu.
Ræðir við forsætisráðherra
Samkvæmt heimildum Morgun-
blaðsins hafa forystumenn í bæjar-
málum reynt að fá Heimaaftsmenn
til að falla frá kaupum hlutabréf-
anna. Stjórnendur Ósvarar eru með
áform um að breyta öðrum togara
sínum, Dagrúnu, í frystiskip og sam-
kvæmt heimildum Morgunblaðsins
hafa þeir lýst áhuga á að kaupa eign-
ir Þuríðar með sama hætti og Bakki
hf. og fá að njóta Vestfjarðaaðstoð-
ar. Björgvin Bjarnason, fram-
kvæmdastjóri Ósvarar og forystu-
maður Heimaafls hf., er í höfuðborg-
inni. Fór hann í Byggðastofnun í
gær og ræddi einnig við Davíð Odds-
son forsætisráðherra. Hann vildi
ekki upplýsa erindi sitt í samtali við
Morgunblaðið. í dag mun hann, sam-
kvæmt heimildum blaðsins, fara á
fund formanns starfshóps um Vest-
fjarðaáætlun.