Morgunblaðið - 16.03.1995, Blaðsíða 9
MORGUNBLAÐIÐ
FIMMTUDAGUR 16. MARZ 1995 9
___________________FRETTIR___________________
Veiðarfæri Estai ólögleg, segir sjávarútvegsráðherra Kanada
Trollið var með klæddan
poka og of litla möskva
A
Ahöfn Estai þvertekur fyrir skipulagt smáfiskadráp
St. John’s, Nýfundnalandi. Madrid. Morgunblaðið.
ÁHÖFN spænska frystitogarans
Estai þvertekur fyrir að hafa stund-
að vísvitandi smáfiskadráp í stórum
stíl á grálúðumiðunum á Mikla
banka við kanadísku landhelgina.
Brian Tobin sjávarútvegsráð-
herra Kanada sagði á kanadíska
þinginu í gær að troll sem fannst á
miðunum, og talið er vera frá Estai,
hafi ekki aðeins verið með ólöglega
möskvastærð heldur einnig klæddan
poka.
Estai var tekið fyrir meintar ólög-
legar grálúðuveiðar á alþjóðlegu
hafsvæði rétt utan fiskveiðilögsögu
Kanada en á svæði sem Kanada-
stjórn hefur lýst yfir veiðibanni á í
samræmi við kanadísk lög.
Kanadísk stjórnvöld hafa fullyrt
að nærri 80% af afla Estai sé smá-
fiskur og því hljóti togarinn að hafa
notað troll með of smáum möskvum
við veiðarnar. Hvorki Kanada né
Norðvestur-Atlantshafsfiskveiði-
nefndin, NAFO, hafa sett reglur um
lágmarksstærð grálúðu en NAFO
hefur sett reglur um möskvastærð.
Áhöfn Estai skar trollið frá áður
en skipið var tekið í síðustu viku. í
gær fundu kandadískir varðbátar
troll á svæðinu og Brian Tobin sagði
á kanadíska þinginu í Ottawa að
trollið hefði borið samskonar fram-
leiðslumerki og veiðarfærin sem
væru um borð í Estai.
„Það var lifandi fiskur í trollinu
og því hafði það greinilega verið
skorið frá nýlega. Trollið hafði 115
millímetra möskva, sem er minna
en 130 millímetra lágmarkið sem
NAFO setti. Og að auki var klædd-
ur poki í trollinu með 80 millímetra
möskvum," sagði Tobin.
Til samanburðar má geta þess
að þetta troll er u.þ.b. 50 millímetr-
um þéttriðnara en troll sem íslensk
skip nota að jafnaði.
Áróðursstríð
En þrátt fyrir þetta segja
spænsku sjómennirnir fullyrðingar
kanadískra stjórnvalda um smá-
fiskadráp einungis þátt í áróðurs-
stríði.
„Eftirlitsmennirnir leituðu að
minnstu fiskunum á skipinu og
sýndu þá hausskoma og flakaða svo
þeir sýndust ennþá minni. Smáfisk-
urinn um borð er ekki 80% af öllum
aflanum, eins og Kanadamenn full-
yrða, heldur kannski 80% af ein-
hveijum hluta aflans. Þetta er því
aðeins áróður til að hafa áhrif á
almenningsálitið. Megnið af fiskin-
um um borð er í eðlilegri veiðistærð
en það veit almenningur í Kanada
ekki,“ sagði Jose Luis Ferreira, einn
úr áhöfn Estai.
Útgerðarmenn spænsku togar-
anna við Mikla banka hafa komið
með svipaðar ásakanir á hendur
Kanadastjórn og segja að Kanada-
menn vilji reka aðrar þjóðir burt af
svæðinu til að geta nytjað fiskimið-
in sjálfir. Því stjórni efnahagslegir
hagsmunir en ekki umhverfishags-
munir gerðum þeirra.
Engar reglur
um möskvastærð
Talsmaður spænska sjávarút-
vegsráðuneytisins segir Kanada-
menn reyna í örvæntingu að rétt-
læta ólöglegar aðgerðir gagnvart
galíska togaranum Estai með ásök-
unum um smáan fisk og of litla
möskva.
„í fyrsta lagi hafa Kanadamenn
staðið ólöglega að verki. í öðru lagi
eru þessi skip skoðuð á 15 daga
fresti og aldrei hefur neitt ólöglegt
fundist. í þriðja lagi er ekki hægt
að veiða grálúðu ólöglega vegna
þess, að engar reglur eru um hver
stærðin skuli vera. Það er því út í
hött að tala um ólöglegar grálúðu-
veiðar," sagði talsmaðurinn.
Stöðugt eftirlit
Spænsku sjómönnunum var mikið
niðri fyrir þegar Morgunblaðið
ræddi við þá með aðstoð túlks í gær
í St. John’s. Þeir fullyrtu að á fimmt-
án daga fresti kæmu eftirlitsmenn
á vegum NAFO um borð í togarana
á miðunum. „Þeir skoða netin og
stærð möskvanna og opna fiskiöskj-
urnar um borð. Það hafa engar at-
hugasemdir verið gerðar við Estai
og það skip hefur ekki framið nein
brot; það hefur gott orð á sér,“ sagði
Manuel Nogueria.
Ferreira sagði að ef veiðarfærin
væru nálægt botninum gæti smá-
fiskur komið í nótina því stærri fisk-
urinn settist í möskvana og hindraði
útgönguleiðir. Og ekki þýddi að
skila smáfiskinum aftur í sjóinn því
hann dræpist. Því væri smáfiskurinn
hirtur einnig.
Áhöfn Estai vísaði einnig á bug
fullyrðingum Brians Tobins sjáv-
arútvegsráðherra Kanada um að
haldið hefði verið tvöfalt bókhald
yfir aflann um borð til að blekkja
eftirlitsmenn NAFO. Hins vegar
væri fært sérstakt bókhald yfir afl-
ann annars vegar og aflaverðmætið
hins vegar.
Tobin upplýsti einnig í gær, að
fundist hefði leynileg frystigeymsla
um borð í Estai þar sem hefðu ver-
ið um 25 tonn af friðuðum flat-
fiski, sem væntanlega hefði komið
sem meðafli við grálúðuveiðarnar.
Aflinn ekki minni
Ferreira sagðist hafa stundað
grálúðuveiðar við kanadísku lögsög-
una í þijú ár og teldi hvorki að afla-
brögð né fiskurinn sjálfur hefðu
minnkað ár frá ári. Hann sagði að-
spurður að tiltölulega gott væri að
hafa upp úr veiðunum og í hans
huga kæmi ekki til greina að loka
svæðinu fyrir veiðum.
„Samkvæmt alþjóðalögum eru
úthöfin alþjóðleg svæði. Það verður
auðvitað að vernda þessi svæði en
allir hafa samt rétt til að veiða þar.
Og það verður að nýta gjöful fiskim-
ið úthafanna með eðlilegum hætti.
Þau eru svipuð og akur. Ef hann
er ekki ræktaður og grisjaður þá
vex hann úr sér og eins er með
fiskimiðin ef þau eru ekki nýtt,“
sagði Ferreira.
Frjálst að fara
Útgerð Estai setti í gær 500 þús-
und Kanadadala, eða um 20 milljón
króna tryggingu fyrir skipinu og var
því þá fijálst að fara. Brian Tobin
sagði á kanadíska þinginu að 130
tonn af afla skipsins hefðu verið
gerð upptæk og þau geymd sem
sönnunargögn þar til réttarhald
verður í Kanada eftir mánuð.
Jean Chrétien forsætisráðherra
Kanada fól í gær kanadískum emb-
ættismönnum í Brussel að hefja
samningaviðræður við Evrópusam-
bandið um pólitíska lausn málsins.
Tobin sagði í gær, að þar sem nær
engar frekari veiðar hefðu verið á
Mikla banka frá því Estai var tekið,
og þar sem trygging hefði nú verið
sett vegna Estai, þá hefði skapast
jarðvegur fyrir samninga.
Fréttir bárust af því á þriðjudags-
kvöld að spænskir togarar hefðu
hafíð veiðar á ný á umdeilda svæð-
inu en í gær sögðu kanadísk stjórn-
völd að aðeins einn bátur hefði reynt
að veiða á svokölluðu Nefi á Mikla
banka en hætt því aftur.
Andre Quellet utanríkisráðherra
Kanada sagði við fréttamenn í
Ottawa í gær að Kanadastjórn væri
tilbúin að ræða breytta skiptingu á
grálúðukvótanum sem NAFO setti,
til að koma til móts við kröfur Evr-
ópusambandsins. NAFO setti 27
þúsund tonna heildarkvóta á Norð-
vestur-Atlantshafi og þar af komu
16.300 tonn í hlut Kanadamanna
en 3.400 tonn í hlut Evrópusam-
bandsins. ESB mótmælti þessari
úthlutun og gerði kröfu um nærri
19 þúsund tonn.
Fiill búð afiiýjm glæsilegm mrn
Frábær verð
SPES-TILBOÐF!!
Föstudag og laugardag
10% afsláttur af öllum vörum
Kringlunni
Utankjörstaðaskrifstofa
S j álfstæðisflokksins
Valhöll, Háaleitisbraut 1, 3. hæð
Símar: 588-3322, 588-3323, 588-3327
Skrifstofan gefur upplýsingar um kjörskrá og allt sem lýtur aö
kosningunum 8. apríl. Utankjörfundaratkvæðagreiðsla fer fram hjá
sýslumanninum í Reykjavík, Engjateigi 5,
alla daga kl. 10.00-12.00,14.00-18.00 og 20.00-22.00.
Sjálfstæðisfólk!
Hafið samband ef þið verðið ekki heima á kjördag.
Hljómsveitin STJORNIN
Grétar Örvars & Sigga Beinteins
Gulli Helga skemmtir
Miðaverð aðeins kr. 800
Nýjung fyrir gesti Hútel íslands!
Borðapantanir á dansleikinn
ísima 687111 eftirkl. 2000
f - 'w hHBB
m, JSÍIS
r
v.
Við eigum afmæli!!
06 BJÓÐUM Af ÞVÍ TILEFNl
VIDSKIPTAVINIIM 0KKAK
15%
afslátt af öllum vörum í versluninni og
30% afslátt af skartgripum fráVSL
16. mars til 18. mars.
Nýju V5L vor- og sumarlitirnir kynntir í afmælinu af
Grétu Boða förðunarmeistara