Morgunblaðið - 16.03.1995, Blaðsíða 12
12 FIMMTUDAGUR 16. MARZ 1995
MORGU NBLAÐIÐ
FRÉTTIR
Stj órnmálamenn á morgunverðarfundi Verslunarráðs íslands
Allir þingflokkarnir hafa
tilnefnt fulltrúa í nefnd
um fj ármagnstekj uskatt
ALLIR þingflokkarnir hafa tilnefnt
fulltrúa i nefnd sem fjármálaráð-
herra skipar til að semja frumvarp
um fjármagnstekjuskatt en ríkis-
stjórnin stefnir að því að taka hann
upp um næstu áramót. Friðrik Sop-
husson fjármálaráðherra fagnaði
þessu á morgunverðarfundi Versl-
unarráðs íslands í gær og sagði að
nú mætti búast við því að breið
samstaða næðist um þennan skatt.
Á fundinum, sem er seinni af
tveimur fundum Verslunarráðsins
með stjórnmálamönnum, fluttu
Friðrik Sophusson varaformaður
Sjálfstæðisflokksins, Kristín Ást-
geirsdóttir, þingkona Samtaka um
kvennalista og Halldór Ásgrímsson,
formaður Framsóknarflokksins
stutt ávörp og svöruðu fyrirspum-
um manna úr viðskiptalífínu. Yfír-
skrift fundarins var Íslenskt at-
vinnulíf og pólitískt umhverfí -
hvert stefnum við í samkeppni þjóð-
anna?
Hlutverk ríkisins að liðka fyrir
í ávarpi sínu sagði Friðrik Soph-
usson m.a. frá því að í fjármála-
ráðuneytinu væri með þátttöku
manna úr atvinnulífinu verið að
gera skýrslu um samkeppnisstöðu
Islands í framtíðinni. Hann benti á
að margt væri sameiginlegt með
slíkum skýrslum sem gerðar hefðu
verið í öðrum löndum. Lögð væri
áhersla á frjáls viðskipti og að ríkis-
stjórnir tækju þátt í að ryðja úr
vegi ýmsum hindrunum fyrir frjáls-
um viðskiptum innanlands og ekki
síður milli landa. Að markaðslög-
málin fái að ráða, þannig að hægt
væri að beita samkeppni í opinber-
um rekstri eins og öðrum. Þá væri
allsstaðar lögð áherslu á gildi
menntunar og hve mikilvægt væri
að þjóðirnar næðu tökum á nútíma-
menntun og tækni. Friðrik sagði
að í þessum skýrslum væri einnig
bent á ýmsa þætti sem þjóðirnar
ættu að forðast. Meðal þess væri
ósveigjanleg vinnulöggjöf og við-
skiptahindranir. Varað væri við því
að fyrirtæki væru skattlögð öðru-
vísi og meira en í samkeppnislönd-
um og að hafa velferðarkerfíð þann-
ig að það drægi úr þátttöku fólks
í þjóðfélaginu. Þá verði reynt að
forðast styrki til atvinnugreina.
„Ég tel að stjórnvöld hafí hlut-
verk við að móta þessa stefnu og
ná fram sterkari samkeppnisstöðu.
Það þarf að sjá um að ríkisrekstur
sé heilbrigður, ríkisumsvif séu
minnkuð og reynt að nota almennar
aðgerðir til að ná fram þeim breyt-
ingum sem við viljum sjá í okkar
efnahags- og atvinnulífi. Við erum
hættir því að gera tilraunir með
milljarða fjárfestingar í heilum at-
vinnugreinum. í staðinn er verið
að einkavæða til að styrkja sam-
keppni og íjármagnið sem með því
fæst er að hluta til notað í rann-
sóknir og þróunarstarf. Hlutverk
ríkisins er að liðka fyrir atvinnu-
starfsemi en flækjast ekki fýrir
henni,“ sagði Friðrik.
Hvaða tregðulögmál
eru að verki?
Kristín Ástgeirsdóttir sagði að
ýmis bandarísk fyrirtæki væru farin
að gera sér grein fyrir því að vel-
gengni þeirra réðist ekki eingöngu
af vöxtum, verðlagi, gengi hluta-
bréfa og skatthlutfalli. Þau væru
hluti af umhverfinu, heild sem þurfi
að vinna saman. Fyrirtækin
blómstruðu ekki ef óánægja væri
innan þeirra eða starfsmennirnir
ættu stöðugt í erfiðleikum í sínu
daglega lífi. Þá sagði hún að konur
hefðu sótt mjög á innan rótgróinna
bandarískra fyrirtækja og sérstak-
lega við stofnun nýrra. Stjórnun
kvenna hefði vakið athygli og talað
væri um nýjan stjórnunarstíl.
Hún spurði sig síðan þeirrar
Tíl að taka þátt í BKI kaffileiknum þarft þú að klippa
strikamerki af tveimur BKI kaffipökkum
BKI
T^AFFE (
Senda ásamt þessum þátttökuseðli merkt: BKI
Til BYLGJUNNAR, Lynghálsi 9,110 Reykjavik
jjjpl BKI PiUCC/ |
□
BKI
1<AFFE
J->- (yxtlfS
Eldhúsvélar frá PFAFF
Nafn:
Heimili:
Póstnúmer & staður:
Sími:
Morgunblaðið/Júlíus
FULLTRÚAR þriggja stjórnmálaflokka sátu fyrir svörum hjá
Verslunarráðinu, f.v.: Friðrik Sophusson, Kristín Ástgeirsdóttir,
Halldór Ásgrímsson, Sverrir V. Bernhöft fundarstjóri og Ragn-
ar Birgisson framkvæmdastjóri Opals.
spurningar hvernig íslensk fyrir-
tæki stæðu sig út frá þessum sjón-
arhóli samfélagstengsla. „Að sumu
leyti vel og að sumu leyti miður,“
sagði hún. „íslensk fyrirtæki hafa
tekið sig á í umgengni við íslenska
náttúru, mengunarvarnir og fram-
leiðslu, þó mikið sé eftir, enda eru
menn smátt og smátt að átta sig á
því að möguleikar okkar felast í
hreinleika og gæðum, gæðum og
aftur gæðum. íslensk fyrirtæki
styðja við bakið á menningarstarfi,
íþróttastarfi og stjórnmálabaráttu,
sum rausnarlega.
En þegar kemur að stjórnun fyr-
irtækja, áhrifum í flármálalífi að
ekki sé talað um eign á fyrirtækjum
versnar málið. Það heyrir til undan-
tekninga að sjá konur í röðum fram-
kvæmdastjóra, stjórnenda eða eig-
enda fyrirtækja, eins og nýleg
skýrsla Samkeppnisstofnunar ber
með sér. íslenskt samfélag hefur
fjárfest gríðarlega mikið í menntun
kvenna á undanförnum 25 árum
en hvernig stendur á því að það
skilar sér ekki í frumkvæði út í
atvinnulífið hér eins og það gerir í
Kanada, Bandaríkjunum og á Norð-
urlöndunum? í Bandaríkjunum hafa
konur stofnað rúmlega helming
allra nýrra fyrirtækja undanfarin
fimm ár. Sagt er að frumkvæði
kvenna hafi eytt atvinnuleysinu og
náð Bandaríkjunum upp úr öldu-
dalnum. Hvaða tregðulögmál eru
að verki hér á landi. Það hlýtur að
vera umhugsunarvert hvort ekki sé
kominn tími til að nýta þá auðlind
sem felst í hugviti og sköpunar-
krafti kvenna til að efla íslenskt
atvinnulíf," sagði Kristín Ástgeirs-
dóttir.
Mánaðarlegan skattaafslátt
vegna hlutabréfakaupa
Halldór Ásgrímsson sagði að
risavaxin verkefni blöstu við.
Tvennt skipti mestu máli á næsta
kjörtímabili, atvinnuleysið og ríkis-
sjóðshallinn. Hann sagði að það
væri stórt verkefni að skapa hér
allt að tólf þúsund störf til alda-
móta og enginn gæti fullyrt að það
tækist. „En við getum sett okkur
markmið og reynt að sjá fyrir okk-
ur hvernig við getum náð þeim. Ég
trúi því að það megi skapa hér svip-
aðan hagvöxt og í löndunum í
kringum okkur en þau búa við um
það bil 3% hagvöxt." Sagði Halldór
óraunhæft að gera ráð fyrir meiri
hagvexti hér á landi þó slíkt gæti
gerst eitt og eitt ár vegna sveiflna
í íslensku efnahagslífi. Mikilvægt
væri að jafna sveiflurnar og hafa
til þess sveiflujöfnunarsjóði.
Halldór sagði nauðsynlegt að
grípa til aðgerða til að efla eigin-
fjárstöðu fyrirtækja. í því sambandi
nefndi hann að framsóknarmenn
teldu að ekki hefði verið nógu langt
gengið í því að koma á skatt-
afslætti vegna hlutabréfakaupa.
Sagði að fólk ætti að geta keypt
hlutabréf mánaðarlega og fengið
skattafslátt jafnóðum. „Það er svo
mikið mál að örva þátt almennings
í atvinnulífinu og auka breiddina í
atvinnulífinu að við viljum fara út
á þessa braut. Við teljum einnig
lífsspursmál að fá lífeyrissjóðina
með sterkari hætti inn í atvinnu-
reksturinn og leggja þar fram
áhættufé,“ sagði hann.
Hann sagði að ríkisvaldið ætti
að hafa bein afskipti af þessum
málum, það ætti ekki að sitja hjá.
Sagði að Byggðastofnun væri orðin
úrelt og úrelt væri að láta alþingis-
menn stjórna henni. í staðinn þyrfti
að koma á fót atvinnuþróunarstofn-
un sem gæti verið samstarfsvett-
vangur atvinnulífsins, ríkisins og
sveitarstjóma. í sambandi við þátt-
töku ríkisins sagði Halldór að ís-
lendingar ættu ekki að vera heil-
agri en aðrir í því efni og benti á
að Bandaríkjamenn og Frakkar
beittu leyniþjónustu ríkjanna til
stuðnings atvinnulífínu.
Skoðanakönnun BB á Vestfjörðum
Engin breyting
á þingmannatölu
BÆJARINS besta á ísafirði hefur
gert skoðanakönnun á fylgi stjórn-
málaflokkanna í Vestfjarðakjör-
dæmi. Alls voru 260 manns spurðir
og var hlutfall þeirra sem ekki höfðu
gert upp hug sinn 44,6%. Engar
breytingar yrðu á þingmannatölu
samkvæmt þessari könnun miðað við
síðustu alþingiskosningar að öðru
leyti en því, að Jóna Valgerður Kristj-
ánsdóttir missir þingsæti sitt, enda
var hún 6. þingmaður Vestfirðinga
eða svokallaður flakkari.
Samkvæmt könnuninni fengi A-
listinn 16,7% atkvæða og einn mann
kjörinn, B-iistinn 18,8% atkvæða og
einn mann kjörinn, D-Iistinn 36% og
2 menn kjöma, G-listinn 12,5% og
einn mann kjörinn, aðrir listar koma
ekki að manni, en hlutfallstölur J-
lista, sem er listi Þjóðvaka, er 4,2%,
M-listi, Vestfjarðalistinn, sem borinn
er fram af Pétri Bjarnasyni o.fl.,
fengi 9,7% og V-listi, Kvennalisti
fengi 2,1%.
Samkvæmt könnuninni er sá
frambjóðandi, sem ekki kemst að en
hefur flest atkvæði 3. maður á D-list-
anum, Ólafur Hannibalsson, og hefur
hann að baki sér 790 atkvæði. Næst-
ur á eftir honum er Pétur Bjarnason
með 638 atkvæði. Hins vegar er
fímmti þingmaðurinn G-listamaður-
inn Kristinn H. Gunnarsson með 820
atkvæði á bak við sig. Því er nokkuð
naumt bil milli efsta manns G-listans
og 3. manns D-listans.
Blaðið spurði einnig hveijum Vest-
firðingar treystu best og var Einar
Kristinn Guðfínnssson þar í efsta
sæti með rúmlega 31%, næstur kom
Sighvatur Björgvinsson með 21,2%,
þá Pétur Bjamason með 16,5, Gunn-
laugur Sigmundsson með 11,8% og
Kristinn H. Gunnarsson með 10%.