Morgunblaðið - 16.03.1995, Blaðsíða 14
' 14 FIMMTUDAGUR 16. MARZ 1995
MORGUNBLAÐIÐ
AKUREYRI
Háskólinn á Akureyri og Rannsóknarstofnun landbúnaðarins taka upp samstarf
Áhersla á g’æðastjóniun,
vöruvöndun og vöruþróun
SAMKOMULAG milli Háskólans á
Akureyri og Rannsóknarstofnunar
landbúnaðarins, RALA, um sam-
starf til að efla rannsóknir og þróun
á afurðum frá landbúnaði var undir-
ritað í gær.
Þetta ,er fjórði samstarfssamn-
ingur Háskólans á Akureyri við
stofnanir atvinnuveganna en áður
hafa verið undirritaðir samningar
við Hafrannsóknarstofnun, Rann-
sóknarstofnun fiskiðnaðarins og
Iðntæknistofnun og kom fram í
máli Þorsteins Gunnarssonar rekt-
ors Háskólans á Akureyri að jákvæð
reynsla hefði orðið af fyrri samning-
um.
í samkomulagi Háskólans og
RALA verður áhersla lögð á gæða-
stjórnun, vöruvöndun og vöruþróun
úr búvörum. Rannsóknarstofnun
landbúnaðarins mun stuðla að því
að efla starfsemi sína á Norður-
landi, m.a. með ráðningu sérfræð-
ings á sviði matvælaiðnaðar. Jón
Áki Leifsson efnaverkfræðingur
hefur verið ráðinn til að gegna
þessu starfi.
Morgunblaðið/Rúnarl>ór
SAMKOMULAGI um samstarf Rannsóknarstofnunar landbúnaðarins og
Háskólans á Akureyri var fagnað með hófi eftir undirritunina i gær.
Matvælaframleiðsla
undirstaða atvinnulífs
Fram kom í máli háskólarektors
að undirstaða atvinnulífs á Eyja-
fjarðarsvæðinu væri matvælafram-
leiðsla sem byggðist á landbúnaði
og sjávarútvegi og fyrirtæki á þessu
sviði veltu árlega um 14 milljörðum
króna. Með öflugu rannsóknar- og
þróunarstarfi mætti auka þessa
verðmætasköpun til mikilla muna
og væri samstarf skólans og RALA
þáttur í því starfi. í kjölfarið ættu
hagsmunaaðilar í landbúnaði og
sjávarútvegi að leggja fram krafta
sína og hugvit til eflingar atvinnu-
lífs á svæðinu.
Matvælaiðjá stofnuð á
vormánuðum
Rannsóknarstofnun Háskólans á
Akureyri vinnur nú að umfangsmik-
illi könnun á með hvaða hætti unnt
sé að mæta þörf matvælaiðnaðarins
á Eyjafjarðarsvæðinu fyrir menntað
vinnuafl og bætt rannsóknarum-
hverfi. Gert er ráð fyrir að niður-
stöður muni liggja fyrir í vor og í
kjölfarið myndi matvælamiðstöð
verða stofnuð. Samvinna RALA og
Háskólans myndi án efa nýtast vel
í því starfí. Þá myndi flutningur
Háskólans á Sólborgarsvæðið auka
sóknarfæri hans. Á næstu árum
yrði hægt að byggja þar upp, í sam-
vinnu við rannsóknarstofnanir at-
vinnuveganna, fyrirtæki og fleiri,
Atvinnudeild Háskólans á Akureyri.
Burðarás í byggð
Þorsteinn Tómasson forstjóri
RALA, Halldór Blöndal landbúnað-
arráðherra og Stefán Stefánsson
fulltrúi menntamálaráðherra fögn-
uðu undirritun samkomulagsins.
Þorsteinn sagði það gefa stofnun-
inni færi á að takast á við ný og
stór verkefni. Landbúnaðarráð-
herra sagði Háskólann á Akureyri
einn helsta burðarás í byggð í hér-
aðinu og hvert skref sem stigið
væri til eflingar hans væri stórt og
Stefán nefndi að með samkomulag-
inu væri einnig stigið skref til upp-
byggingar rannsóknarstarfs utan
höfuðborgarsvæðisins.
Forskól-
inn Ham-
arsól tekur
til starfa
FORSKÓLINN Hamarsól,
Hamri við Skarðshlíð, byijar
starfsemi sína í næstu viku,
20. mars. Skólinn mun bjóða
upp á 10 vikna námsefni til
1. júní næstkomandi.
Guðný Anna Annasdóttir,
leikskólakennari með fram-
haldsnám í skapandi starfi,
er skólastjóri skólans. Einnig
starfar við skólann kennari
og talmeinafræðingur.
Viðbrögðin
mjög góð
„Viðbrögðin hafa verið
mjög góð og það er nærri
fullt á fyrsta námskeiðið,“
sagði Guðný Anna. „Það er
þegar byijað að spyijast mik-
ið fyrir um starfsemina næsta
vetur en það sýnir að mikill
áhugi og þörf er fyrir starf-
semi sem þessa.“
Námsefnið er ætlað börn-
um sem fædd eru árið 1989
og 1990.
Næsta haust mun skólinn
bjóða upp á 9 mánaða náms-
efni fyrir börn fædd 1990 og
1991. í skólanum verða 16
börn í einu og tveir starfs-
menn og verður hann opin frá
kl. 8.00 til 17.00 alla virka
daga. Boðið verður upp á
kennslu í myndlist, tónlist,
hreyfingu, lestri og skrift auk
þess sem sögustund verður í
hádeginu.
Boðið verður upp á kennslu
sem getur verið frá einni og
upp í níu klukkustundir á
dag, en verð á hvern tíma er
110 krónur.
Kynningarfundur fyrir for-
eldra barna sem skráð hafa
sig í skólann verður föstudag-
inn 17. mars kl. 17.00 í
Hamri.
Langvarandi
ófærð og vand-
ræði til sveita
Eyjafjarðarsveit. Morgunblaðið.
ÞRÁTT fyrir langvarandi ótíð og
mikil snjóalög í Eyjafjarðarsveit
hefur mannlíf verið þar mjög mik-
ið og litríkt. Hins vegar eru bænd-
ur, einkum kúabændur, komnir í
vandræði vegna snjóanna.
Mannlíf er mikið í sveitinni og
ófærð hefur ekki sett teljandi svip
á það þótt nær stöðug ótíð hafi
staðið um nærfeilt tveggja mánaða
skeið. Ekki hefur verið teljandi ill-
viðri, heldur linnulítil ofankoma
og renningur. Svo heppilegt er að
litli Eyjaljarðarhringurinn er skaf-
inn fimm daga vikunnar, svo oft-
ast er fært þar um slóðir þótt sí-
fellt bæti á snjó eða skafi í slóðir.
Meðal þess sem á seyði er í
Eyjafjarðarsveit er að hinn nýi
gamanleikur Böðvars Guðmunds-
sonar, Kvennaskólaævintýrið, er
sýndur í Freyvangi við góða að-
sókn og frábærar undirtektir.
Einnig er verið að æfa blandaðan
’kór og tvöfaldan kvartett, sem
syngja munu á tónleikum á svo-
kölluðum Menningardögum um
sumarmál. Er þá aðeins fátt talið
af því sem fólk tekur sér fyrir
hendur í vetrarríkinu
Vandræði hjá kúabændum
Snjóþyngslin eru farin að valda
bændum vandræðum í Eyjafjarð-
arsveit eins og víðar á Norður-
landi. Mjólkurbílar hafa að vísu
komist allflesta daga um sveitina
þótt snjórinn tefji för þeirra þegar
snjóruðningstæki hafa ekki undan
að hreinsa vegi og slóðir.
Nú er hins vegar komið upp
mikið vandamál hjá kúabændum.
Haughúsin eru að verða kúffull
og stefnir í stóran vanda ef ekki
hlánar fljótlega. Jafnfallinn snjór
er á annan metra á dýpt og alger-
lega ófært fyrir traktora með
dreifara að fara um túnin, jafnvel
þótt um sé að ræða 100 hestafla
vélar með drifi á öllum hjólum.
Ekki er unnt að dæla mykjunni
í hauga við fjósin, slíkt er bannað
með lögum og gætu bændur átt
von á umhverfisráðherra í öllu sínu
veldi ef slíkt yrði reynt. Því má
sjá að úr vöndu er að ráða hjá
bændum og trúlegt að veðurbreyt-
ingar einar geti komið þeim til
hjálpar áður en komið er í alvar-
legt hættuástand.
Orð dagsins hefur gefið út bílabæn í 23 ár
Margir aka hægar
„ÞAÐ hafa margir haft á orði við
mig að tími væri til kominn að
gefa út nýja bílabæn með öðrum
texta,“ sagði Jón Oddgeir Guð-
mundsson, en hann hefur um 23
ára skeið gefið út bílabæn. Nú er
komin út ný bæn með öðrum
texta. „Bílabænin er í þúsundum
bíla um land allt,“ sagði Jón Odd-
geir. „Ég veit til þess að margir
bílstjórar fara ekki að aka nýjum
bílum fyrr en þeir hafa límt bíla-
bænina í bílinn sinn.“
Orð dagsins á Akureyri, sem
Jón Oddgeir er í forsvari fyrir,
gefur út bílabænina og er meðal
annars hægt að nálgast hana i
Kirkjuhúsinu í Reykjavík. „Það
hefur verið virkilega gaman að
standa í þessari útgáfu, ég finn
að fólk kanna að meta þetta og
margir bílstjórar aka mun hægar
þegar þeir vita af bæninni í bíln-
um. Ég hef líka fengið upphring-
ingar frá fólki víða um land sem
segir mér frá því að það fari með
bæn í upphafi hverrar ferðar,“
sagði Jón Oddgeir.
Heil á húfi á leiðarenda
Bæn bílstjórans er yfirskrift
nýju bílabænarinnar og í texta er
Drottinn m.a. beðinn um að gefa
ökumanni styrka hönd og vakandi
auga svo hann skaði engan sem
á vegi hans verður. „Haltu vernd-
arhendi yfir mér og farþegum
mínum, svo við komumst heil á
húfi á leiðarenda," segir ennfrem-
ur í texta bænarinnar.