Morgunblaðið - 23.03.1995, Blaðsíða 22

22 FIMMTUDAGUR 23. MARZ 1995
LISTIR
MORGUNBLAÐIÐ
iL.
■H-

nninaarverði!
Vib bjóbum nú þessar glæsilegu og vöndubu ryk-
sugur frá einum stærsta og virtasta framleibanda
Þýskalands á sérstöku kynningarverbi.
EIO ryksugurnar eru
tseknilega fullkomnar,
lágværar, með stillan-
legum sogkrafti og
míkrófilterkerfi, sem
hreinsar burt smæstu
rykagnir.
Soghausinn er á hjólum,
svo þab er leikandi létt
ab ryksugal*
EXCLUSIVE 1400W
meb 6 földu míkrófilterkerfí.
Kynningarverb kr. 15.700
eðo kr. 14.915 stgr.
FUTURA 1300W
með 6 földu míkrófilterkerfí.
Kynningarverb kr. 13.600
eba kr. 12.920 stgr.
PREMIER 1300W
meb 5 földu míkrófilterkerfi.
Kynningarverb kr. 9.400
eba kr. 8.930 stgr.
• EXCLUSIVE og FUTURA
EXCLUSIVE
PREMIER
Einar Farestveit & Co hff.
Borgartúni 28 562 2901 og 562 2900
Aðalfundur Olíufélagsins hf.
verður haldinn miðvikudaginn 29. mars 1995
á Hótel Loftleiðum, þingsal 1-3,
og hefst fundurinn kl. 14.00
Dagskrá
1. Venjuleg aðalfundarstörf skv. 14. gr.
samþykkta félagsins.
2. Tillaga um útgáfu jöfnunarhlutabréfa.
3. Breytingar á samþykktum til samræmis
við breytt ákvæði hlutafélagalaga nr. 2/1995.
4. Önnur mál, löglega upp borin.
Dagskrá, endanlegar tillögur og reikningar félagsins
munu liggja frammi á aðalskrifstofu félagsins,
hluthöfum til sýnis, viku fyrir aðalfund.
Aðgöngumiðar og fundargögn verða afhent §
á aðalskrifstofu félagsins Suðurlandsbraut 18, §
3. hæð, frá og með 27. mars, |
fram að hádegi fundardags. |
Stjóm Olíufélagsins hf.
Hylling ferningsins
Morgunblaðið/Þorkell
JOSEF Albers: Úr myndröðinni „Hylling fernings: Gleði.“ 1962.
MYNPLIST
Önnur hæð
MÁLVERK OG
GRAFÍKMYNDIR
JJ3SEF ALBERS
Opið miðvikudaga
kl. 14-18 út apríl.
Aðgangur ókeypis.
ÞESSI litli sýningarstaður á
Laugavegi 27 heldur áfram að
gefa gestum sínum innsýn í verk
ýmissa fremstu listamanna aldar-
innar með hógværum en athyglis-
verðum sýningum; nú um stundir
er þar að finna verk hins þýsk-
bandaríska Josefs Albers. Auk
þess að vera einn af merkari lista-
mönnum sinnar kynslóðar er Al-
bers einkum minnst fyrir störf sín
við myndlistarkennslu og kenning-
ar sínar á því sviði, sem hafa átt
sinn þátt í að umbylta listnámi í
hinum vestræna heimi, allt frá því
að markvissar og árangursríkar
kennsluaðferðir Bauhaus-skólans
í Þýskalandi tóku að mótast á
þriðja áratugnum.
Josef Albers var fæddur í smá-
þorpi í Vestfalíu í Þýskalandi
1888, og hafði m.a. stundað list-
nám í Berlín og Essen áður en
hann kom til Akademíunnar í
Múnchen, þar sem hann fylgdi í
fótspor Vassily Kandinski og Paul
Klee. Hann kom sem nemandi til
Bauhaus 1920, stuttu eftir að arki-
tektinn Walter Grophius tók þar
við stjórn og tók að umbylta
kennsluforminu og skapa einn
þekktasta listaskóla sögunnar.
Albers átti dijúgan þátt í því
starfi, því þegar hann hafði lokið
námi 1923 var honum boðin kenn-
arastaða við skólann. Hann vann
mikið mótunarstarf í Bauhaus allt
til þess að skólanum var lokað við
valdatöku nasista 1933, en þá
flutti Albers til Bandaríkjanna.
Þar átti hann mikinn þátt í að
kennsluaðferðirnar frá Bauhaus í
listnámi og hönnun breiddust út
og nutu mikilla vinsælda, en Al-
bers starfaði lengi við Black Mo-
untain háskólann í Norður-Karol-
ínu, og síðar við Yale-háskólann,
þar sem hann var deildarforseti
arkitektúr- og hönnunardeilda
skólans.
Sem kennari kom hann víða
við, og má nefna mikilvæg verk
hans á sviði steindra glugga, lita-
fræði, hönnunar húsgagna (Albers
var m.a. einn hinna fyrstu til að
láta nota sveigt límtré við fjölda-
framleiðslu stóla), textíls og fagur-
fræði, en á Iangri starfsævi lagði
hann grunninn að mikilvægum til-
raunum á ýmsum sviðum
Höfuðeinkenni Albers sem Iista-
manns og kennara var nákvæmni
og vandvirkni í öllu sem hann tók
sér fyrir hendur. Viðhorf hans til
viðfangsefnisins endurspeglast
best í þeim orðum hans að „með
því að skapa listaverk fullnægi ég
eigin listþörf og kenni öðrum að
sjá um leið“.
Eftir að hann kom til Yale 1950
hóf Albers að vinna hinar þekktu
myndraðir sínar af málverkum og
litógrafíum, sem hafa hlotið hið
almenna heiti „Hylling femings-
ins“. Með þessum verkum var
listamaðurinn að sumu leyti fyrir-
boði þeirrar strangflatarlistar, sem
mest kvað að á sjöunda áratugn-
um, og um leið var vinna hans
með litina á ýmsan hátt fyrirboði
op-listarinnar, þar sem andstæður
og samstæður breytast á víxl eftir
samhengi litanna. Um hlutverk lit-
anna sagði Albers m.a.;
„Litum tefli ég saman til að fá
fram margskonar og breytileg
sjónræn áhrif. Þeim er ætlað að
bjóða hver öðrum byrginn eða
enduróma hver annan, að styðja
hver við annan eða vera í and-
stöðu. Tengsl litanna, það er
snertifletir þeirra, geta verið ýmist
mjúklátir eða skarpdregnir; sem
hefur í för með sér gagnkvæman
þrýsting þeirra, alveg burtséð frá
andstæðunum sem búa í litunum,
en þeir standast einnig á, skerast
og samsamast.“ (Úr sýningarskrá
Nútímalistasafnsins í New York í
tilefni sýningar Josef Albers
1964.)
Þetta geta sýningargestir kynnt
sér af eigin raun í þeim verkum,
sem hér getur að líta. Á sýning-
unni er eitt málverk í dökkum jarð-
litum, og níu af tíu myndum úr
röð grafíkverka frá 1962, þar sem
samspil lita og andstæður fylgja
vel eftir þeirri myndhugsun sem
listamaðurinn hafði sett svo skil-
merkilega fram. í þessum mynd-
um má finna gleði og duld, fín-
leika og þíðu, allt eftir því á hvern
hátt augun nema tengsl litanna í
fletinum.
Josef Albers lést árið 1976 og
var óumdeilanlega eitt af stóru
nöfnunumJ myndlist þessarar ald-
ar, þó sjaldnast berist það hátt.
Hann var heiðraður með margvís-
legum hætti fyrir listrænt framlag
sitt bæði í Þýskalandi og Banda-
ríkjunum; í fæðingarbæ hans var
1983 opnað safn helgað honum,
og verk hans er að finna á söfnum
„í öllum heimsálfum. Því er vissu-
lega mikill fengur að því að fá
verk hans hingað til lands, og er
vonandi að sem flestir noti sér
tækifærið til að skoða þau með
eigin augum, um leið og þessa
mikla listamanns og kennara nútí-
malistarinnar er minnst.
Eiríkur Þorláksson
Kisi getur allt
LEIKLIST
Lcikfclag Kcflavíkur
STÍGVÉLAÐl
KÖTTURINN
Leikstjóm og leikgerð: Hulda
Ólafsdóttir. Aðalleikendur: Jón
Lyjólfsson, Davíð Guðbrandsson,
Hafsteinn Gíslason, Bjöm Björnsson,
Aron Magnússon, Kamilla Ingibergs-
dóttir, Linda Guðmundsdóttir, Marta
Hermannsdóttir, Oddur Þórsson,
Ema Hallgrímsdóttir. Tónlist:
Nemar í Tónlistarskóla Keflavíkur.
Félagsbíói, Keflavik, 19. mars.
HULDA Ólafsdóttir hefur starf-
að mikið með Leikfélagi Keflavíkur
og nú hefur hún skrifað ævintýrið
um stígvélaða köttinn fyrir svið
og blandað því saman við
hvunndag yngri kynslóðarinnar.
Húrra fyrir henni! Þetta er ágæt-
asta blanda fyrir smábörn á öllum
aldri. Ég skemmti mér ágætlega,
táningsstúlkurnar sem fylgdu mér
sem línudómarar ekki síður, og
börnin létu ekki augnablik fram
hjá sér fara ef marka má hressileg
viðbrögðin í salnum meðan á sýn-
ingu stóð.
Þetta er ekki síst að þakka Jóni
Páli Eyjólfssyni sem er aldeilis
prýðilegur köttur. Hreyfingar hans
eru sparar, snöggar, agaðar og
viðmótið allt kankvíslegt og mátu-
lega ögrandi. Jón Páll er að vonum
ekki lengi að vinna salinn á sitt
band og heldur hylli hans út í gegn.
Þá er Hafsteinn Gíslason alveg
skelfilegur galdrakall, þróttmikill,
kjaftfor, hávær, illmenni hið
mesta. Það var eins gott að kisi
skyldi koma honum fyrir kattamef.
Börn og unglingar fara með fjöl-
mörg önnur hlutverk í þessari sýn-
ingu og standa sig með ágætum.
Ánægjan yfir að taka þátt í svo
skemmtilegu verki geislar af þeim.
Ungu tónlistarmennirnir spiluðu
veL Þarna eru framtíðar blásarar.
Ég hvet fólk úr öllum syðri vík-
um, gerðum og vogum, já alla
Keilara til að vera góða við ung-
viði sitt og leiða á þessa sýningu
því samfara góðri skemmtun sýnir
hún yngstu borgurunum þá virð-
ingu að tala ekki niður til þeirra
og opnar þeim þann yndislega
möguleika að mitt í hversdagsleik-
anum leynist töfrar.
Olíufélagiðhf
Guðbrandur Gíslason