Morgunblaðið - 23.03.1995, Blaðsíða 3
MORGUNBLAÐIÐ
FIMMTUDAGUR 23. MARZ 1995 C 3
VIÐSKIPTI
íslensk trygg-
ingamiðlun fær
starfsleyfi
ÁRNI Reynisson, sem
undanfarið hefur unnið
að undirbúningi trygg-
ingamiðiunar hér á
landi, hefur fengið
staðfest starfsleyfi skv.
reglum Evrópska efna-
hagssvæðisins.
„Hér er um að ræða
fyrstu íslensku vá-
tryggingamiðlunina
sem fær starfsleyfi skv.
^essum reglum,“ sagði
Árni í samtali við Morg-
unblaðið, en fyrirtæki
hans hefur hlotið nafn-
ið Hagall.
Árni hóf starfsemi í
mars 1991 með því að
bjóða greiðsluvátryggingar frá belg-
íska félaginu Namur. Árið 1993 hóf
hann að gera markaðskannanir á
líftryggingasviði á íslandi og Bret-
landi auk þess sem samstarf hans
við bresk félög hófst það ár.
Meinatrygging
Árni er með samning við breska
líftryggingafélagið Friends Provid-
ent. Hann sagði að meðal þeirra
nýjunga sem breska félagið byði
íslendingum á sviði líftrygginga
væru ævitrygging, meinatrygging,
líftrygging með fastri iðgjalds- og
bótafjárhæð.
Ein helsta nýjungin er að sögn
Árna fólgm í meinatryggingunni.
Þar sagði Árni að væri um að ræða
líf- og örorkutryggingu, sem
greiddi einnig bætur vegna hjartaá-
falls, slags, krabbameins, hjarta-
skurðar, kransæðaaðgerðar, MS,
nýrnabilunar, líffæraflutnings,
taugasjúkdóms, blindu, heyrnar-
missis, lömunar, miss-
is útlima og bruna.
Einnig kæmi • til
greiðslu bóta vegna
banvæns sjúkdómar,
hver sem hann væri,
og algjörrar, varan-
legrar örorku.
Ábyrgð
„Tryggingamiðlari
er óháður öllum félög-
um og þannig ólíkur
bundnum trygginga-
sölum og umboðs-
mönnum einstakra fé-
laga,“ sagði Árni.
„Hann er fulltrúi kaup-
andans gagnvart
tryggingafélagi og verkefni hans er
að leita uppi hagstæðustu kjör fyrir
viðskiptavini og sinna sérþörfum
þeirra. Hann þiggur aðeins greiðslur
fyrir gerða samninga.“
Árni sagði að þessi skilgreining
á starfsemi tryggingamiðlara úti-
lokaði ekki að hann bæri uppi mark-
aðssetningu fyrir einstök félag þeg-
ar aðstæður leyfðu. Hins vegar
væri hann alltaf óbundinn að öðru
leyti og frjáls að umgangast önnur
félög.
„Þetta gerir að verkum að trygg-
ingamiðlarinn ber verulega ábyrgð
á þeim upplýsingum sem hann veit-
ir og þarf að tryggja sig sérstak-
lega gagnvart þeim mistökum sem
geta átt sér stað í fyrirtæki hans,“
sagði Árni, en hann er með starfs-
ábyrgðartryggingu hjá Lloyds upp
á 50 milljónir íslenskra króna. Árni
sagðist ennfremur bjóða ýmsar
aðrar sérhæfðar tryggingar frá
Lloyds.
Árni Reynisson
Morgunblaðið/Árni Sæberg
ROLF Rodenbeck í hópi þriggja þýskukennara við Háskólann, þeirra Oddnýjar Sverrisdóttur lekt-
ors, Katharinu Schubert og Eyglóar Eyjólfsdóttur stundakennara. Lengst til vinstri virðist svo
Johann Wolfgang Göthe líta með velþóknun yfir hópinn.
Aukinn áhugi á þýsku-
námi í viðskiptum
ÁHUGI á þýskunámi hefur vaxið
nyög meðal viðskiptafræðinema
í Svíþjóð og Finnlandi í kjölfar
inngöngu þjóðanna tveggja í
Evrópusambandið, að sögn Rolfs
Rodenbecks, sem kennt hefur
viðskiptaþýsku i Iöndunum
tveimur. Þýska er nú kennd við-
skiptafræðinemum í Háskóla ís-
lands annað árið í röð og í vetur
hefur þar í fyrsta sinn verið
boðið upp á svonefnt tungumála-
tengt viðskiptafræðinám.
Oddný Sverrisdóttir lektor í
þýsku sagði að í tungumála-
tengdu viðskiptafræðinámi
þyrftu menn að taka 30 einingar
í ensku, frönsku ogþýsku, en
þetta nám væri nýtt og enn í
mótun. Það hefði því komið sér
vel að fá Rodenbeck hingað til
lands til að miðla af reynslu
sinni, en hann hélt fyrirlestur í
Háskólanum fyrir tilstilli þýsku
stofnunarinnar DAAD, sem sér
um samskipti Þjóðveija við út-
lönd á háskólastigi.
Rodenbeck starfaði með
vinnuhóp um hvernig best er að
kenna viðskiptaþýsku, en þar
kom meðal annars fram að
áherslur okkar íslendinga væru
aðrar en í Svíþjóð og Finnlandi,
þar sem við keyptum frekar vör-
ur en seldum á námstefnum.
Oddný sagði að Svíar og Finnar
teldu að gott vald á þýskri tungu
auðveldaði þeim mjög aðgang
að stærsta markaðinum innan
ESB, með 80 miiyón íbúum.
Hún sagði að viðskiptatengd
tungumálakennsla væri
skemmtileg ögrun við tungu-
málakennara, sem þyrftu að
afla sér fagvitneskju um við-
skipti. Mikilvægt væri að kenna
auk tungumálsins sjálfs menn-
ingu og viðskiptavenjur viðkom-
andi þjóða, til dætnis legðu Þjóð-
verjar mikið upp úr smáatriðum
eins og að þéra viðskiptavini
sína og mæta til fundar á gljá-
burstuðum skóm, svo dæmi séu
nefnd.
Hydro-Texaco bindur miklar vonir við íslandsumsvifin
Olís betur borgið með
tveim stórum hluthöfum
lakShmi
MADF. WITH JOY
Snyrtivörulínan frá Italíu sem er meðal
hreinustu náttúruvara — meira en
100 vörutegundir— m.a. húð- og hár-
snyrtivörur, förðunarlína, sólarvörn, ilm-
vötn og ilmolíur, svo og náttúrulegt
megrunarprógramm. Allt unnið eftir uppskriftum úr þúsund ára gömlum
veda-bókum, ekki prófað á dýrum. Lakshmi verður núna markaðssett í
Danmörku, Finnlandi og á Islandi, og leitar í hverju landi um sig eftir:
Umboðsmanni - innflytjanda
Kaupmannahöfn. Morgunblaöið.
KARSTEN M. Olesen aðstoðar-
framkvæmdastjóri Hydro-Texaco í
Kaupmannahöfn segir ánægju inn-
aff' fyrirtækisins með nýleg hluta-
bréfakaup í Olís. Hann segir einnig
að fyrirtækið bindi miklar vonir við
umsvifin á íslandi. Miðað við
danska reynslu af samstarfssamn-
ingum um birgðahald og dreifingu,
þó keppt sé um sölu líti hann vel
út. Hydro-Texaco er í eigu tveggja
fyrirtækja, norska fyrirtækisins
Hydro og Texaco í Danmörku.
í samtali við Morgunblaðið sagði
Karsten M. Olsen að þar sem fyrir-
tækið hefði átt fjórðungshlut í Olís
fyrir, hefði Hydro-Texaco nú slegið
til og keypt önnur tíu prósent í við-
bót, þegar ljóst var að einn hluthaf-
inn hefði viljað selja. Innan fyrir-
tækisins væru menn trúaðir á að
meðan ekki væri neinn einn stór
hluthafi færi betur á að þar væru
tveir stórir. Því hefðu þeir bætt við
sinn eignarhluta, þegar 45 prósenta
hlutur var til sölu og bætt tíu þró-
sentum við fyrri hluta sinn í Olís.
Nú væri eignarhald Olís reyndar
þrískipt, því auk tveggja 35 pró-
senta hluthafa væri þriðji hlutinn í
eigu íslensks hluthafahóps.
Frá sjónarmiði Hydro-Texaco
sagði Karsten M. Olesen að mikil-
vægt væri að náðst hefði samvinna
um birgðahald og dreifingu, því
þannig lækkaði rekstrarkostnaður-
inn. Sömuleiðis væri mikilvægt að
halda uppi samkeppni í sölunni og
hann vildi því undirstrika að sam-
vinnan næði aðeins til birgðahalds
og dreifingar, ekki sölu. Þetta gæti
kannski vakið upp spurningar um
hvort í raun væri hægt að keppa á
einu sviði, en starfa saman á öðru,
en fyrirtækið hefði þegar góða
reynslu af slíku fyrirkomulagi í
Danmörku, þar sem það skilaði
góðum árangri. Fyrirtækin gætu
náð aukinni hagkvæmni á sviði
birgðahalds og dreifingar og ein-
beitt sér betur að sölunni.
Um framtíðina sagðist Karsten
M. Olesen ekki getað sagt neitt
frekar. Fyrirtækið væri ánægt með
gerðan hlut og óskaði eftir að Olís
héldi áfram eins og áður. Um hugs-
anlega samkeppni frá Irving Oil
sagði Karsten M. Olesen að þeir
yrðu bara samkeppnisaðilar eins og
hveijir aðrir og Hydro-Texaco
hræddist ekki frekari samkeppni.
Hins vegar sagðist hann myndu
frekar undrast ef fyrirtækið færi
inn á íslenska markaðinn, sem væri
ekki stór, þar sem það fylgdi því
alltaf mikill kostnaður að koma sér
fyrir á nýjum markaði.
Hydro-Texaco er í eigu íjár-
magnsfélags, sem er að hálfu í eigu
Hydro og að hálfu í eigu Texaco.
Velta félagsins að frádregnum
sköttum og skyldum var á síðasta
ári rúmir fjórir milljarðar danskra
króna eða um 45 milljarðar íslenskra
króna, en heildarveltan er átta millj-
arðar danskra króna eða tæplega
níutíu milljarðar íslenskra króna.
Markaðshlutur Hydro-Texaco í
bensínsölu í Danmörku er sautján
prósent, í sölu gasolíu 24 prósent og
í smumingsolíu átján prósent.
Til leigu skrifstofuhúsnæði
Um er að ræða tvö herbergi (43 fm og 23 fm) í
Lágmúla 5 á efstu hæð.
t Góö móttaka, kaffistofa og glæsilegt útsýni.
Upplýsingar í símum 32636 eða
689981 næstu daga.
Umboðsmaður okkar þarf að hafa gott viðskiptavit, vera hagsýnn, hafa
góða framkomu og hæfileika til að hvetja aðra og vera leiðandi á þessu
sviði, sem gefur mestan hagnað miðað við fjárfestingu.
Sendu stutta umsókn með upplýsingum um sjálfan þig og þínar áætlanir.
Natur
HUSET
(NO 967663220)
PÓSTBOKS 6. 5071 LODDEFjORD (BERGEN) NOREGI
SÍMl 47 55 26 46 62 - SÍMBRÉF 47 55 26 76 73
AÐALFUNDUR
SÍLDARVINNSLUNNAR HF.
Aöalfundur Síldarvinnslunnar hf. veröur haldinn laugardag-
inn 1. apríl 1995 kl. 15.00 í Hótel Egilsbúð í Neskaupstað.
Dagskrá:
1) Venjuleg aðalfundarstörf.
2) Breytingar á samþykktum félagsins til samræmis
við lög nr. 2/1995 um hlutafélög.
3) Aukning hlutafjár.
4) Önnur mál.
Dagskrá, endanlegar tillögur og reikningar félagsins liggja
frammi á skrifstofu félagsins, hluthöfum til sýnis, viku fyrir
aðalfund.
Stjórn Síldarvinnslunnar hf.