Morgunblaðið - 23.03.1995, Page 4
KNATTSPYRNA
IBor^wtiWaíitt*
KORFUKNATTLEIKUR
Dennis Scott í
ham er Orlando
vann Phoenix
Orlando, New York, Utah og Phoenix
hafa tryggt sér sæti í úrslitakeppninni
ORLANDO MAGIC sigraði
Phoenix Suns 126:102 í stór-
leik NBA-deildarinnar í fyrri-
nótt og er nú aftur með besta
árangur allra liða í deildinni,
hefur unnið 49 leiki og tapað
17. Orlando, New York, Utah
og Phoenix hafa öll tryggt sér
öruggt sæti í úrslitakeppninni.
Dennis Scott, sem var ekki í
byijunarliði Orlando, gerði
23 stig eftir að hann kom af bekkn-
um og átti stórleik. Shaquille
O’Neal og Hardaway voru dijúgir
að vanda, gerðu 26 stig hvor. „Ef
við ætlum okkur að vera bestir,
þurfum við að vinna bestu liðin,“
sagði Brian Hill, þjálfari Orlando.
Charles Barkley var með 23 stig
fyrir Phoenix og tók auk þess 11
fráköst.
Allan Houston setti niður 28
stig og Grant Hill 25 er Detroit
Piston vann New Jersey Nets
102:95. Táningurinn Hill náði að
komast yfír 1.000 stiga múrinn og
er fyrsti nýliðinn sem nær því hjá
Pistons síðan Isiah Thomas og
Kelly Tripucka gerðu það 1982.
Glen Rice var með 28 stig og
þar af sigurkörfuna, 97:95, fyrir
Miami gegn Indiana er 1,8 sekúnd-
ur voru eftir. „Ég horfði á klukk-
una og sá að það voru fjórar sek-
úndur eftir og lét því vaða,“ sagði
Rice. Kevin Willis gerði 19 stig og
tók 15 fráköst fyrir Miami.
Charlotte Honrest var í heim-
sókn í New York og fór með óvænt-
an sigur af hólmi, 69:78. Larry
Johnson gerði 21 stig og Alonzo
Mourning 18 og tók 15 fráköst
fyrir Charlotte. Patrick Ewing
gerði rúmlega helming stiga
heimamanna, eða 35 stig og tók
auk þess 18 fráköst. „Það er erfitt
að vinna lið eins og New York
þrisvar í röð, en þetta sýnir okkur
að við höfum viljan til að sigra,“
sagði Alonzo Mourning, leikmaður
Charlotte.
Seattle gerði góða ferð til Hous-
ton og lagði meistarana að velli
102:104 í jöfnum leik. Sam Perkins
skoraði mikilvæg stig á lokakaflan-
um fyrir Seattle og Nate McMillan
stal boltanum tvívegis með stuttu
millibili á lokamínútunum. Vernon
Mazwell átti möguleika á að jafna
fyrir Houston í lokin en hitti ekki.
Todd Day gerði 33 stig og þar
af 13 í röð í fjórða leikhluta er
Milwaukee sigraði Golden State
115:109. „Todd Day hélt okkur á
floti í fjórða leikhluta, hann hitti
mjög vel,“ sagði Mike Dunleavy,
þjálfari Milwaukee.
Clifford Robinson var með 30
stig og Rod Strickland 26 fyrir
Portland sem vann Washington
109:106. Þetta var fjórði sigur
Portlands í síðustu fímm leikjum.
neuiers
A.C. Green nær hér frákastl af Anthony Avent í lelk Phoenix
og Orlando þar sem Orlando hafði betur og er llðið nú með
bestan árangur allra llða í NBA.
SAMNINGAR
Hekla styrkir KSÍ fram yfir EM U-18 ára liða sem fram ferá íslandi 1997
KSÍ fær fimm
Volkswagen
KNATTSPYRNU SAMBAND ís-
lands og Hekla hf. hafa gert með
sér samstarfssamning næstu þijú
árin, eða fram yfir úrslitakeppni
Evrópumóts landsliða U-18 ára sem
fram fer hér á landi sumarið 1997.
KSÍ fær fimm Volkswagen POLO
bíla frá Heklu á samningstímanum;
tvo á þessu ári, tvo á því næsta og
einn 1997 og verða bílamir allir
merktir KSI og Heklu. Auk þess
skuldbindir Hekla sig til að útvega
KSÍ 40 bíla í tvær vikur í tengslum
við úrslitakeppni EM U-18 ára.
Hekla verður sérstakur styrktar-
aðili Meistarakeppni KSÍ í karla og
kvennaflokki og nefnist sú keppni
Meistarakeppni KSI og Heklu. Á
öllum heimalandsleikjum íslands
verður Heklu heimilt að hafa bíla-
sýningu þar sem bifreiðar fyrirtæk-
isins verða kynntar.
Eggert Magnússon, formaður
KSÍ, sagði að verðgildi samningsins
á bilinu átta til níu milljónir. „Við
munum nota bílana fyrst og fremst
fyrir starfsemi KSÍ og þeir koma
sér afar vel. Ég lýsi ánægju minni
með samstarfið við Heklu,“ sagði
Eggert. Sigfús Sigfússon, forstjóri
Heklu, sagði á fréttamannafundi í
gær að lengi hafi staðið til að fyrir-
tækið styrkti íþróttahreyfinguna.
„Við völdum að styrkja knattspym-
una vegna þess að þar er unnið
mjög gott starf að okkar mati. KSÍ
er vel rekið sérsamband og er fyrir-
mynd annarra," sagði Sigfús.
Morgunblaðið/Kristinn
I Laugardalinn, takk fyrir!
EGGERT Magnússon, formaður KSÍ og Sigfús Sigfússon,
forstjórl Heklu, mátuðu sætin í Volkswagen POLO-bilnum
sem KSÍ fékk afhentan í gær. Ekki kom þó til þess að Sigfús
þyrfti að skutla formannl KSÍ í Laugardallnn.
United enn
íöðrusæti
Manchester United hleypti virð-
ist ekkert ætla að gefa eftir
í toppbaráttunni í Englandi. Liðið
vann Arsenal 3:0 og nú munar að-
eins þremur stigum á United og
Blackburn, en það síðarnefnda á
enn einn leik til góða. Það voru
þeir Mark Hughes, Lee Sharpe og
Andrei Kanchelskis sem gerðu
mörkin á Old Traford.
Southampton gerði vel með því
að gera þijú mörk síðustu fjórar
mínúturnar gegn Newcastle og
sigra 3:1 og nú er liðið aðeins fjór-
um stigum á eftir Arsenal og á tvo
leiki til góða. Staða Arsenal er alls
ekki góð og liðið er ekki langt frá
því að vera í bullandi fallbaráttu.
Neil Heaney gerði tvö mörk fyrir
heimamenn og Grobbelaar stóð sig
vel í markinu, en hann lék nú með
að nýju eftir að hafa misst af tveim-
ur leikjum.
West Ham, Everton og Aston
Villa eru öll á viðkvæmum stað í
deildinni, geta hæglega fallið, og
Chelsea tapaði fyrir nágrönnum sín-
um í Lundúnum, QPR. Kevin Gallen
tryggði sigurinn.
Notthingham Forest átti ekki í
erfiðleikum með Leeds og skaust í
fjórða sætið með 3:0 sigri. Hollend-
ingurinn Bryan Roy skoraði tvíveg-
is fyrir Forest.
^Forest skaust upp fyrir Liverpool
sem gerði markalaust jafntefli við
Tottenham. Tottenham fékk víta-
spyrnu í síðari hálflelik en David
James, markvörður Liverpool, varði
spyrnu Jurgen Klinsmanns.
QPR vann Wolves 3:1 í bikar-
keppninni og er komið í undanúr-
sl.it og mætir Manchester United.
í 1. deildinni gerði Bolton 1:1
jafntefli við Sheffíeld United, Derby
vann Swindon 3:1 og West
Bromwich vann Millwall 3:0.
Mikið skorað í Frakklandi
Nantes heldur höfði í frönsku
deildinni og í gær sigraði liðið Le
Havre 2:3 eftir að hafa verið 2:0
undir. Þetta var þrítugasti leikur
Nantes í deildinni og hefur liðið
ekki enn tapað. Partice Loko gerði
sigurmarkið og var þetta 19. mark
hans í deildinni í vetur en ungur
nýliði, Franck Renou, gerði fyrri tvö
mörk Nantes. Monaco vann Borde-
aux 6:3 og þar gerði Sonny Ander-
son fjögur mörk. Lyon vann Montp-
ellier 2:1 og Lille vann PSG 1:0.
Stórsigur Ajax
Ajax vann Spörtu 8:0 í hollensku
deildinni og komst þar með skrefi
nær meistaratitlinum. Frank de
Boer gerði tvö mörk og Finninn
Jari Litmanen einnig og nú hefur
Ajax íjögurra stiga forystu á Roda.
í kvöld
Handknattleikur
Úrslitakeppni 1. deildar
karla, þriðji leikur:
Hlíðarendi: Valur - KA.20
Úrslitakeppni 1. deildar
karla, þriðji leikur:
Ásgarður: Stjaman - Fram20
Körfuknattleikur.......
Undanúrslit úrvalsdeildar,
fjórði leikur:
Keflavík: Keflavík - UMFG20
—U
HLAUP t
Flóahlaup Samhygðar
Flóahlaup Samhygðar fer fram við Félags-
lund í Gaulveijabæjarhreppi laugardaginn
25. mars og hefst kl. 14.00. Keppt verður
í 10 km hlaupi karla í flokkum 15 ára og
eldri. í kvennaflokki verður keppt ( 5 km
hlaupi og einnig í opnum flokki I 10 km
hlaupi. Körlum gefst einnig kostur á að
keppa ( opnum flokki I 5 km hlaupi. 14 ára
og yngri hlaupa 3 km. Skráning á staðnum.
VIKINGALOTTO; 9 2325 35 40 44 + 14 27 34