Morgunblaðið - 24.03.1995, Blaðsíða 4
4 FÖSTUPAGUR 24. MARZ 1995
FRETTIR
MORGUNBLAÐIÐ
MYND Jóns Stefánssonar sem slegin var á 60 þúsund danskar krónur.
Fjögur íslensk málverk
á dönsku uppboði
Kaupmannahöfn. Morgunblaðið.
FJÓGUR íslensk málverk voru boðin
upp á málverkauppboði hjá uppboðs-
fyrirtæki Bruun Rasmussens á mið-
vikudag.
Um var að ræða tvær myndir eft-
ir Svavar Guðnason, eina eftir Krist-
ínu Jónsdóttur og eina eftir Jón Stef-
ánsson. Önnur mynd Svavars, vatns-
litamynd, seldist ekki. Samkvæmt
upplýsingum uppboðshaldara keypti
Listasafn íslands málverk Svavars
og hin tvö íslensku verkin, auk þess
sem safnið keypti málverk eftir fær-
eyska málarann Mikines.
Listasafnið keypti
einnig færeyska mynd
Verð þessara verka var samtals
166 þúsund danskar krónur eða rúm-
ar,l,8 milljónir íslenskra króna.
íslensku myndimar, sem til sölu
voru, komu allar úr danskri eigu að
sögn uppboðshaldara. Vatnslitamynd
Svavars Guðnasonar er máluð á
sjötta áratugnum. Hún var metin á
tólf þúsund danskar krónur, en seld-
ist ekki. Olíumálverk Svavars er
málað 1963. Það var metið á 20-25
þúsund danskar krónur og slegið
Listasafni íslands á þrjátíu þúsund.
Listasafnið keypti einnig stórt mál-
verk eftir Færeyinginn Samuel Jo-
ensen-Mikines frá 1956. Það var
metið á 75 þúsund, en var slegið á
65 þúsund.
Landslagsmynd frá Glerárfossi
eftir Kristínu Jónsdóttur var metin
á 12-15 þúsund danskar krónur og
seld Listasafni íslands fyrir ellefu
þúsund danskar krónur. Uppstilling
Jóns Stefánssonar með könnu, eplum
og blómapotti frá 1919 var metin á
40-50 þúsund og slegin Listasafninu
á sextíu þúsund krónur.
OLÍUMYND Svavars Guðna-
sonar var slegin á 30 þúsund
danskar krónur.
Málverk Jóns hefur víða verið sýnt
og var áður í eigu Christians Claus-
ens listaverkasala og síðan í eigu
Olufs Thomsens læknis. Samtals
keypti Listasafnið því verk fyrir 166
þúsund danskar krónur. Ofan á ofan-
MYND Kristínar Jónsdóttur
var slegin á 11 þúsund
danskar krónur.
greint verð bætist síðan þóknun til
uppboðshaldarans, sem nemur í flest-
um tilfellum fjórðungi verðsins. Verð
myndanna fjögurra losar því tvær
milljónir íslenskra króna.
ítarleg umfjöllun um 20 ára afmæli Sam-Film í hinu víðlesna VARIETY
Utsendingar kapal-
sjónvarps geta
hafist í október
SAMBÍÓIN fagna um þessar
mundir 20 ára starfsafmæli inn-
flutningsfyrirtækis síns, Stun-
Film. Af þvi tilefni birti VARI-
ETY, helsta vikurit afþreyingar-
iðnaðarins, umfjöllun um Sam-
Film og heillaóskir frá mörgum
helstu fyrirtækjum kvikmy'nda-
iðnaðarins á tólf síðum í nýjasta
hefti sínu.
Gerð er grein fyrir sögu fyrir-
tækisins, stofnanda þess Ama
Samúelssyni og samstarfsfólki
hans, starfseminni í dag og fram-
tíðaráformum í alls sjö frétta-
greinum. Þar kemur meðal annars
fram að í október hyggjast Sam-
bíóin hefja sjónvarpsútsendingar
á fjórum rásum kapalkerfis í ljós-
leiðarakerfi Pósts og síma í sam-
vinnu við Japis, Texta hf. og Saga
Film. Boðið verður upp á blöndu
af fréttum, íþróttaefni, tónlistar-
efni og almennu afþreyingarefni.
Ekki er ráðgert að reka innlenda
fréttastofu.
Sagt er að þessi starfsemi geti
mögulega náð til 10 þúsund heim-
ila í byrjun og allt að 80 þúsund
heimili bæst við síðar. Reiknað er
með því að stofnkostnaður náist á
18 mánuðum. Björn Árnason,
framkvæmdasljóri Sam-Film, seg-
ir I viðtáli við VARIETY að
áskriftargjald verði lægra en hjá
Stöð 2.
Þá kemur fram að á næsta ári
sé ætlunin að opna nýtt þriggja
mm
SAMWm
20th Anniversarv
LE ADING THE PACK
Icelandic exhib-distrib dominates Arctic Circle !
It, MAiri.KXKFimt.'XJK
Sam-Film 20 ára
GERÐ er grein fyrir sögu og starfsemi innflutningsfyrirtækis Sam-
bíóanna í nýjasta hefti vikuritsins VARIETY. Þar birtast og heillaósk-
ir frá mörgum helstu fyrirtækjum alþjóðlegs kvikmyndaiðnaðar.
sala kvikmyndahús og að í fram-
tiðinni komi til greina að bjóða
fjarvirka myndbandaþjónustu
(Video Dial Tone), það er að fólk
geti fengið sendar kvikmyndir
heim um símalínu.
Gengið frá 256 kílóbita
Internet - tengingu
Ekki þörf á
gjaldskrár-
hækkun í bili
EKKI þurfti að hækka gjaldskrá fyr-
ir Intemet notkun í tengslum við
nýja 256 kílóbita tengingu um sæ-
streng fyrrihluta marsmánaðar.
Heimir Sigurðsson, gjaldkeri Suns,
alþjóðlegs tengiliðár Internets á ís-
landi, segir þörf á enn öflugri teng-
ingu. Með henni myndist væntanlega
þrýstingur á endurskoðun gjald-
skrárinnar.
Heimir sagði að aðalfundur, síðari
hluta aprílmánaðar, myndi taka af-
stöðu til tillögu um að breyta fyrir-
tækinu í hlutafélag. Ný stjóm tæki
væntanlega á gjaldskrármálum og
hugsanlega yrðu tillögur að nýrri
gjaldskrá kynntar með haustinu.
Gjaldskrá verði tengd notkun
Hins vegar sagði hann að sífellt
væri verið að skoða gjaldskrármálin.
„Nú er helst verið að skoða að tengja
gjaldskrána meira en í dag beinni
notkun einstakra aðila á útlandasam-
bandinu. Að taka inn í gjaldskrána
svokallaða bandvíddarnotkun, þ.e.
hversu mikinn hluta af línunni hver
og einn er að nota. “
♦ ♦ »-----
Kaupmáttur
jókst um 1,7%
GREITT tímakaup í dagvinnu hjá
landverkafólki innan ASI hækkaði
um 1,9% frá 4. ársfjórðungi 1993 til
4. ársfjórðungs 1994, að því er fram
kemur í frétt frá Kjararannsókna-
nefnd.
Framfærsluvísitala, sem nú heitir
vísitala neysluverðs, hækkaði um
0,2% á sama tímabili og jókst því
kaupmáttur greidds tímakaups í dag-
vinnu um 1,7% á fyrrgreindu tímabili.
Kauptaxtar breyttust ekki á tíma-
bilinu. Parað úrtak sem samanstend-
ur af einstaklingum sem voru í úrtök-
unum á báðum tímabilunum gefur
til kynna heldur minni hækkun á
greiddu tímakaupi fastra starfs-
manna eða um 1,6%.
Lengri vinnutími
Mánaðartekjur landverkafólks
innan ASÍ hækkuðu um 3,7% á þessu
tímabili og hækkaði því kaupmáttur
mánaðartekna um 3,5% að meðal-
tali. Tekjumar hækkuðu hjá öllum
hópunum en þó mest hjá verkakörl-
um, iðnaðarmönnum og skrifstofu-
konum. Breytinguna má að mestu
rekja til lengri vinnutíma, en hann
lengdist hjá öllum stéttum land-
verkafólks innan ASÍ. Vinnutíminn
lengdist mest hjá iðnaðarmönnum
um 1,2 stundir á viku og hjá verkak-
örlum um 0,9 stundir.
Kaupmáttur mánaðartekna skrif-
stofukvenna jókst mest á fyrrgreindu
tímabili um 4,9%, því næst komu
iðnaðarmenn með 4,3%, verkakarlár
með 4,2% og verkakonur með 2,3%.
Aðrir hækkuðu minna.
------» ♦ <----
Evrópumót í brids
íslenskt par
í undanúrslit
EITT íslenskt bridspar komst í und-
anúrslit Evrópumótsins í tvímenningi
sem hófust í Róm á Ítalíu í gærkvöldi.
•Björn Eysteinsson og Helgi Jó-
hannsson enduðu í 34. sæti af 292
í undankeppni sem lauk á miðviku-
dagskvöld í Róm. 180 pör komust
áfram í undanúrslitin sem lýkur i
kvöld. , ... .
Tvö önnur íslensk pör taka þátt
mótinu. Gylfi Baldursson og Sigurð-
ur B. Þorsteinsson enduðu í 237.
sæti í undankeppninni og feðginin
Anna Guðlaug Nielsen og Guðlaugur
Nielsen enduðu í 285. sæti en Anna
Guðlaug er aðeins 13 ára gömul og
yngsti þátttakandinn á mótinu.