Morgunblaðið - 24.03.1995, Side 1
1995
FOSTUDAGUR24. MARZ
FOLX
■ NORSKI knattspymumaðurinn,
Jan Aage Fjörtoft var í gær seldur
frá Swindon til Middlesbrough á 1,3
milljónir punda (um 130 millj. kr.),
en þá voru síðustu forvöð til að skipta
um félag á þessu keppnistímabili.
Þetta er hæsta upphæð sem Midd-
lesbrough hefur greitt fyrir leik-
mann. Swindon borgaði 500.000
pund fyrir Fjörtoft árið 1993.
■ FJÖRTOFT sem er 28 ára og
markahæstur í 1. deild með 26 mörk,
gerði þriggja ára samning en vegna
landsleiks Noregs og Lúxemborgar
á miðvikudag veittu Norðmenn hon-
um ekki leyfí tii að leika gegn Port
Vale á sunnudag.
■ ÍRSKI landsliðsmaðurinn Ray
Houghton fór frá Aston Villa til
QPR fyrir rúmar 30 milljónir króna.
■ BLACKBURN styrkti sig líka
fyrir komandi átök og gerði leigu-
samning við Hollendinginn Richard
Witschge sem leikur með Bordeaux
í Frakklandi.
■ JOHN Toshack tekur við sem
þjálfari Deportivo Coruna á Spáni
fyrir næsta tímabil. Arsenio Igles-
ias, þjálfari liðsins undanfarin fimm
ár, ætlar að hætta í vor.
■ TOSHACK var látinn fara frá
Real Sociedad fyrr í vetur en for-
maður Deportivo sagði að enginn
annar hefði komið til greina.
■ STUTTGART ákvað í gær að
kaupa búlgarska miðvallarleik-
manninn Krassimir Balakov frá
Sporting í Portúgal. Kaupverðið er
um um 160 millj. kr. og er honum
er ætlað að taka stöðu brasilíska
landsliðsfyrirliðans Carlos Dunga
sem ætlar heim í vor.
■ ALAN Shearer sóknarmaður
Blackburn getur ekki tekið þátt i
vináttulandsleik Englands og Ur-
uguay í næstu viku vegna meiðsla
og í hans stað var Andy Cole frá
Manchester United valinn.
Cantona í fang-
elsi en sleppt
gegn tryggingu
ERIC Cantona, franski landsliðsmaðurinn sem
leikur með Manchester United á Englandi, var
í gær dæmdur í tveggja vikna fangelsi fyrir
að hafa sparkað í áhorfanda á leik United
gegn Crystal Palace 25. janúar. Beiðni um að
hann yrði laus gegn tryggingu var hafnað og
hóf hann þegar að afplána refsinguna en úr-
skurðinum var áfrýjað og fjórum stundum síð-
ar var hann látinn Iaus gegn 500 punda trygg-
ingu (um 51 þús. kr.).
Málið verður aftur á dagskrá 31. mars. Can-
tona baðst afsökunar á framkomu sinni og
sagðist hafa brugðist rangt við en hann hefði
verið reittur til reiði og ekki haft hemil á sér.
Almennt var úrskurðinum illa tekið og m.a.
mótmælti Samband franskra atvinnuknatt-
spyrnumanna fangelsisdómnum en umboðs-
maður Cantona sagði í viðtali við franska út-
varpsstöð að allir væru á eftir honum „og ég
get sagt ykkur það að hann verður ekki mikið
lengur í þessu landi.“
Paul Ince, sem einnig leikur með United,
réðst á áhorfanda í sama leik og var málið líka
tekið fyrir í gær en hann slapp með skrekkinn
og var ekki ákærður.
Meistarataktar
Morgunblaðið/Bjarni
STJÖRNUSTÚLKUR tryggðu sér í gærkvöldi íslandsmeistaratitilinn í handknattleik kvenna er þær unnu Fram
í þriðja úrslitaleik liðanna, 16:8. Þetta var langþráður sigur hjá stúlkunum í Garðabæ því þær hafa lengi verið
nærri því að sigra og tókst það árið 1991. Stjarnan hafði nokkra yfirburði í úrslitaleikjunum við Fram, en þessi
lið áttust einnig við í úrslitum bikarkeppninnar og þar hafði Fram betur. Hér má sjá Herdísi Sigurbergsdóttur
leikstjórnanda Stjörnunnar reyna að bijótast í gegnum vörn Fram en Safamýrarstúlkur verjast af krafti.
Mæta Tyrkir til
leiks gegn Kýpur?
TYRKLAND og Kýpur eiga að mætast í forkeppni Evrópumóts lands-
liða í handknattleik og er gert ráð fyrir að leikimir, fyrst á Kýpur og
síðan í Tyrklandi, fari fram á tímabilinu 81. mars til 6. apríl. Tyrkland
viðurkennir ekki Kýpur sem ríki og engin viðbrögð frá Týrkjum hafa
borist til Handknattleikssambands Evrópu en talsmaður þess segir að
Kýpur hefði staðfest að hvað Kýpur varðaði yrði leikið samkvæmt
settri áætlun. Talsmaðurinn sagði ennfremur að í raun þyrfti enga
staðfestingu því viðkomandi samböndum hefði verið tilkynnt um leik-
daga og gert væri ráð fyrir að þau fylgdu ákvörðunum EHF.
Tottenham fékk 6,6
millj. kr. fyrir Guðna
GUÐNI Bergsson, landsliðsfyrirliði í knatt-
spyrnu, sem gekk til liðs við 1. deildarlið Bolton
í vikunni frá Tottenham, var seldur á 65.000
pund, skv. fréttum enskra blaða. Það er and-
virði rúmra 6,6 milljóna króna. Blöð í Englandi
höfðu velt vöngum yfir því í talsverðan tíma
hve mikið Tottenham vildi fá fyrir íslendinginn
og einnig hve mikið Bolton væri tilbúið að borga.
100 til 200 þúsund pundum sáust á prenti.
Kennaraverkfallið
Undankeppni „Litlu heimsmeist-
arakeppninnar" í handknatt-
leik átti að fara fram í dag en verk-
fallsstjórn kennarafélaganna sagði
það innan verksviðs íþróttakennara
og féllst ekki á að þeir störfuðu við
mótið. „Einnig lítum við svo á að
engum öðrum sé heimilt að ganga
inn í þeirra störf. Verkfallsstjórn
skorar því á stjórn HSÍ að fresta
mótinu fram yfir verkfall kennara,"
segir m.a. í bréfi verkfallsstjómar
til HSÍ í gær. Ólafur B. Schram,
formaður HSÍ, sagði að þetta þýddi
að ekkert yrði af mótinu því ekki
kæmi til greina að HSÍ gengi á hlut
kennarastéttarinnar.
HSÍ í samvinnu við Póst og síma
hefur undirbúið fyrrnefnt skólamót
í handknattleik að fyrirmynd HM á
íslandi. Leika átti í riðlum eins og
á HM og áttu skólar að leika undir
nafni þátttökuþjóða. Þar sem fleiri
en 24 skólar höfðu tilkynnt þátttöku
var ákveðið að hafa forkeppni í
Fram-húsinu í dag en af fyrr-
greindri ástæðu verður ekki af því.
„Þetta er ótrúleg skammsýni,"
sagði Ólafur við Morgunblaðið.
„Keppnin átti að fara fram í húsi
Fram á tímum sem Fram á undir
stjórn starfsmanna úr hreyfingunni.
Það er verið að tala um að krakkar
séu í reiðileysi en loksins þegar kem-
ur afþreying og skemmtun fyrir þá
er dyrunum lokað. Þetta kemur
skólastarfí ekkert við heldur var
mótið hugsað sem skemmtun fyrir
krakkana og þjálfun starfsfólks okk-
ar fyrir mestu landkynninguna sem
fer fram í maí til að tryggja að allt
gangi þá snurðulaust fyrir sig. Þetta
eru mikil vonbrigði fyrir okkur og
ekki síst þessa 11 ára krakka sem
ætluðu að vera með.“
HANDKNATTUEIKUR: STJÖRNUSTÚLKUR ÍSLANDSMEISTARAR / C2