Morgunblaðið - 29.03.1995, Blaðsíða 15

m
MORGUNBLAÐIÐ
MIÐVIKUDAGUR 29. MARZ 1995 15
LANDIÐ
Landgræðsluráðstefna í Aratungu
Landið er í framför
Fegurðarsamkeppni Vestfjarða
Morgunblaðið/Siguijón J. Sigurðsson
Laugarvatni - „Bændur ættu að
vera hinir eiginlegu gæslumenn
landsins," sagði Sveinn Runólfsson
landgræðslustjóri í erindi sínu á
ráðstefnu um landgræðslu og land-
not sem fram fór í Aratungu á
föstudaginn var. „Afrétturinn er
auðlind á ábyrgð bænda,“ sagði
Sveinn enn fremur og skoraði á
bændur að hætta upprekstri úr
grössugum sveitum á auðnir há-
lendisins.
Landgræðsla ríkisins og Land-
græðslufélag Biskupstungna stóðu
í sameiningu fyrir fjölsóttri ráð-
stefnu í Aratungu um landgræðslu
og landnot. Ráðstefnan hófst með
söng bamakórs Biskupstungna, síð-
an setti Þorfínnur Þórarinsson for-
maður landgræðslufélagsins ráð-
stefnuna og erindi voru flutt.
Arnór Karlsson frá Amarholti
fræddi menn um Biskupstungnaaf-
rétt, dr. Sturla Friðriksson um gróð-
urframvindu í Hvítámesi og dr. Sig-
urður Greipsson um Haukadalsheiði.
Kortlagning
jarðvegseyðingar
Dr. Ólafur Arnalds frá Rala flutti
fróðlegt erindi um kortlagningu
jarðvegseyðingar og mat á gróður-
eyðingu. A kortunum frá Rala, sem
unnin em eftir gervitunglamyndum,
má glöggt sjá stærðarhlutföll gróð-
urs á stómm svæðum. T.d. mátti
sjá að Biskupstungnaafréttur væri
illa gróið landsvæði.
Stækkun Hagavatns
Helgi Bjarnason tæknifræðingur
hjá Landsvirkjun lýsti hugmyndum
manna um stækkun Hagavatns út
frá nauðsyn þess að stöðva sandfok
og hækka gmnnvatnsstöðu svæðis-
en gróðurhulan er
þunn og veik
ins. Hugmyndirnar ganga út á að
hækka yfírborð vatnsins um 22
metra frá því sem það er í dag.
Með því verður staða vatnsins svip-
uð og 1929. Til að þetta megi verða
þarf að gera 65 til 70 þúsund rúm-
metra stífluvirki sem unnið yrði á
tveimur árum. Kostnaður vuð það
er áætlaður um 28-30 milljónir kr.
Bændur græða landið
Guðrún L. Pálsdóttir frá Land-
græðslu ríkisins lýsti samstarfí við
bændur um uppgræðslu landsins.
Hún sagði einnig frá því að Land-
græðslan legði síaukna áherslu á
að vinna með áhugahópum til að
ná í sem mest vinnuafl, þannig
fengist einnig aukin nýting á fjár-
magni. Landgræðslan er nú í sam-
starfí við 370 bændur.
Ávinningur af þessu starfi hefur
orðið margþættur; Landgræðslan
fær mótframlag frá bændunum í
formi áburðar en leggur til fræ og
girðingarefni. Áhugi hefur aukist á
uppgræðslu með lífrænum áburði.
Heimahagar hafa batnað og þar
með dregið úr þörfinni á afréttar-
löndum. Einnig er það hagur Land-
græðslunnar að þekking safnast
fyrir í sveitunum. Hagur landbún-
aðarins hefur komið fram í vist-
vænni framleiðslu í sátt við um-
hverfið og sjálfbærri landnýtingu.
Siðfræðilegan ávinning sagði Guð-
rún vera þann, að nú væri tækni-
lega hægt að skila landinu til kom-
andi kynslóða í betra ástandi. Hún
óskaði þess að lokum að sjálfbær
landnýting yrði meginregla í land-
búnaði fyrir árið 2000.
Ragnheiður B. Guðmundsdóttir
frá Olís og Ingibjörg Hrund Þráins-
dóttir frá íslandsbanka lýstu sam-
starfí sinna fyrirtækja við land-
græðsluna og hvernig unnið væri
innan þeirra að þessum málum á
markvissan hátt.
Horft til framtíðar
Erindi Sveins Runólfssonar fjall-
aði um framtíðarhorfur í land-
græðslunni. Hann sagði ásýnd
landsins ekki í nokkru samræmi við
legu þess eða veðurfar og því miður
væri enn víða sauðfjárbeit á illa
fömum afréttum. „En landið er í
framför ... gróðurhulan er að taka
við sér en hún er bara svo lítil og
þunn og má ekki við neinum áföllum
og er því óviðunandi," sagði Sveinn.
Ennfremur kom fram hjá Sveini að
hrossabeit er nú víða mikil og á
mörgum stöðum má sjá hnignun
lands af völdum ofbeitar hrossa.
Landgræðslustjóri sagði umræðu
um jarðvegseyðingu vera mikla í
hinum vestræna heimi og við ís-
lendingar hefðum yfir að ráða þekk-
ingu og reynslu til að snúa dæminu
við; við gætum á komandi árum
farið að flytja út þessa þekkingu
okkar til annarra landa. Hann lagði
þunga áherslu á að breyta þyrfti
búskaparháttum, bændur ættu að
geta fengið greitt út framlag frá
ríkinu til að breyta úr sauðfjárbú-
skap. „Bændur ættu að vera hinir
sönnu gæslumenn landsins og af-
rétturinn auðlind á ábyrgð þeirra,“
sagði Svejnn og nefndi ferðaþjón-
ustu sem mjög jákvæða stefnu í
landnýtingu eins og nú er í auknum
mæli í Biskupstungnaafrétti.
Fimm stúlkur
keppa um
titilinn
ísafirði - Keppnin um fegurstu
stúlku Vestfjarða 1995 fer fram
í veitingahúsinu Krúsinni á
Isafirði laugardaginn 1. apríl
nk. Fimm stúlkur taka þátt í
keppninni að þessu sinni og
koma þijár þeirra frá Bolung-
arvík, ein frá Isafirði og ein frá
Flateyri.
Stúlkurnar sem taka þátt í
keppninni að þessu sinni eru
Helena Halldórsdóttir, 18 ára,
ísfirðingur, Ása Brynja Reynis-
dóttir, 21 árs, Flateyringur, og
Bolvíkingarnir Helga Svandís
Helgadóttir, 22 ára, Helga
Salome Ingimarsdóttir, 19 ára,
og Una Guðrún Einarsdóttir,
18 ára.
Dagskrá krýningarkvöldsins
verður vegleg að vanda. Boðið
verður upp á þrírétta máltíð
ásamt fordrykk en matreiðslu-
meistari kvöldsins verður Sig-
urður Einarsson sem starfar á
vegum Frímúrarafélaganna í
Reykjavík.
Kirkjukór
Grafarvogs-
sóknar í
heimsókn
Stykkishólmi - Kirkjukór
Grafarvogssóknar í Reykja-
vík kom nýlega í heimsókn
til kirkjukórsins á Stykkis-
hólmi.
Sr. Vigfús Þór Ámason,
sóknarprestur þeirra, mess-
aði í Stykkishólmskirkju, og
með honum þjónuðu sr.
Gunnar Eiríkur Hauksson,
sóknarprestur í Stykkishólmi.
Organleik annaðist Bjarni
Þór Jónatansson og einsöng
söng Soffía Halldórsdóttir.
í upphafi messunnar
ávarpaði sr. Gunnar Eiríkur
komumenn og bauð þá vel-
komna. Kirkjukóramir sungu
saman í messunni og á eftir
buðu heimamenn til kaffis-
amsætis í kirkjunni.
Tilnefningar .
vegna um-
hverfisviður-
kenningar
HEILBRIGÐISEFTIRLIT
Suðurlands hefur tilnefnt
fimm fyrirtæki og stofnanir
vegna umhverfisviðurkenn-
ingar til fyrirtækja sem um-
hverfisráðuneytið stendur
fyrir.
Fyrirtækin eru:
Sláturfélag Suðurlands,
kjötvinnslustöð á Hvolsvelli.
Sérleyfisbifreiðar Selfoss.
Fagradalsbúið (Fagradals-
bleikja) í Mýrdal.
Sólheimar í Grímsnesi.
Hvolhreppur.
Bílasala Suðurlands
opnuð á Selfossi
Selfossi - Bílasala Suðurlands, tók
nýlega til starfa að Hrísmýri 5,
Selfossi. Jafnframt því að selja
notaða bíla mun Bílasala Suður-
lands vera með umboð fyrir bíla
frá Jöfri hf., Cherokee, Chrysler,
Dodge, Peugot og Skoda. Eigandi
Bílasölu Suðurlands er Baldur
Róbertsson bílasali.
Fyrsta bílasýning Bílasölu
Suðurlands var haldin helgina 18.
og 19. mars og var að sögn Bald-
urs mikill áhugi á þeim nýju bílum
sem sýndir voru. Með tilkomu Bíla-
sölu Suðurlands má segja að nær
öll bílaumboð séu með umboðsað-
ila á Selfossi. Hjá þessum aðilum
er unnt að fá allar þær upplýs-
ingar sem fáanlegar eru hjá aðal-
umboðunum á höfuðborgarsvæð-
inu og unnt að gera alla þá samn-
inga sem þar standa til boða.
Auk Bílasölu Suðurlands eru
nú starfandi tvær aðrar bílasölur
við sömu götuna, Hrísmýri á Sel-
fossi.
Morgunblaðið/Sig. Jóns.
FYRSTI nýi bíllinn afhentur hjá Bílasölu Suðurlands. Það er
Baldur Róbertsson bílasali, til hægri á myndinni, sem afhend-
ir Grími Jónssyni lykla að Peugeot 405. Með þeim á mynd-
inni er Eiríkur Óli Árnason frá Jöfri hf.
I kvold kl. 20:30 verður haldinn opinn framboðsfundur
um málefni kjördæmisins. Framsögumenn verða
Ólafur G. Einarsson menntamálaráðherra ásamt
frambjóðendunum Kristjáni Pálssyni og Viktori B.
Kjartanssyni.
Ávarp: Árni M. Mathiesen alþingismaður.
Frambjóðendur heimsækja fyrirtæki
í Garði og Sandgerði í dag og ræða
málefnin við kjósendur.
Fundurinn verður haldinn
í Samkomuhúsinu, Sandgerði.
Komdu og kynntu þér stefnu
Sjálfstæðisflokksins og hvernig
möguleikar íbúa svæðisins
verða best nýttir.
BETRA
ÍSLAND