Morgunblaðið - 29.03.1995, Blaðsíða 23

MORGUNBLAÐIÐ
LISTIR
MIÐVIKUDAGUR 29. MARZ 1995 23
EIN myndanna
á sýningunni.
Ljósmynda-
sýning í
Listhúsi39
NU stendur yfir ljósmynda-
sýning Jean-Yves Courage-
ux, en hann er Frakki sem
búsettur hefur verið hér á
landi síðastliðin 15 ár.
Myndirnar eru allar úr
ferðum til suðurhluta Alsírs
þar sem Jean-Yves ólst upp
til 12 ára aldurs og hefur
hann mörg undanfariin ár
farið þangað sem fararstjóri
með hópi ferðamanna.
Sýningin stendur yfir til
17. apríl og er opin virka
daga kl. 10-18, laugardaga
kl. 12-18 og sunnudaga kl.
14-18.
ÞORGEIR Tryggvason,
Sævar Sigurgeirsson,
Árni Friðriksson og Rún-
ar Lund í Fáfnismönnum.
Hugleikur
sýnir leik-
verkið
Fáfnismenn
ÁHU G ALEIKFÉLAGIÐ
Hugleikur hyggst frumsýna
leikverkið Fáfnismenn í
Tjarnarbíói 31. mars næst-
komandi, önnur sýning verð-
ur síðan 2. apríl. Fáfnismenn
er sjálfstætt framhald Stú-
tungasögu og eins og hún,
tilraun til nýrrar söguskýr-
ingar.
I kynningu segir: „Hvað
höfðu forvígismenn sjálf-
stæðisbaráttunnar fyrir
stafni á þrálátum kráarsetum
í fyrrum höfuðstað íslands,
Kaupmannahöfn? Hvernig og
afhveiju endurheimtu íslend-
ingar sjálfstæði sitt? Eins og
vant er geta höfundar alls
ekki haldið sig við efnið og
lenda út um holt og móa með
söguþráðinn og persónurnar
fylgja hjálparvana í kjölfar-
ið.“
Höfundar verksins eru Ár-
mann Guðmundsson, Hjördís
Hjartardóttir, Sævar Sigur-
geirsson og Þorgeir Tryggva-
son og leikstjóri er Jón Stefán
Kristjánsson.
París brennur
KVIKMYNPIR
Háskólabíö:
Ilinsegin bíódagar
PARÍS BRENNUR
(„PARIS IS BURNING")
Leikstjóri Jennie Livingstone. Hand-
rit Jennie Livingstone. Kvikmynda-
tökustjóri Paul Gibson. Klipping Jon-
athan Oppenheim. Leikendur Dorian
Corey, Paris Dupree, Willi Nii\ja,
Kim Pendavis, ofl. Bandarísk. Pre-
stige/Miramax 1991..
EIN þriggja, langra mynda sem
sýndar eru á kvikmyndahátíð
homma og lesbía Hinsegin dögum,
er heimildarmyndin París brennur,
og gæti titillinn höfðað til þeirra
hitamála sem samkynhneigðir þurfa
öðrum fremur að kljást við hvers-
dagslega. París brennur er tekin í
New York árið 1987. Grófar hreyf-
ingar tökuvélarinnar fylgja eftir
þátttakendum í búningakeppni
klæðskiptinga, „drag“- drottninga.
Sem skreyta sig með öllu frá strúts-
fjöðrum, pelli og purpura næturfiðr-
ilda Las Vegas til staffírugra ein-
kennisbúninga landgönguliða flot-
ans, ímyndar karlrembunnar. Á milli
er fléttað viðtölum við sýningarfólk-
ið, viðhorf þess til lífsins og tilver-
unnar, reynt að skyggnast bak við
andlitsfarðann, sem getur verið ansi
þykkur og litríkur í sumum tilfellum.
í sýningarskrá segir; „Með því að
klæðast fötum sem öðrum voru ætl-
uð er einfaldlega verið að leika sér
að lífinu og möguleikum þess. Að
baki liggur ólgandi húmor næt-
urdrottninganna sem njóta þess svo
um munar að gefa alvörudrottning-
um langt nef.“ Er þetta allur sann-
leikurinn? Við sjáum hóp af meira
og minna örvingluðu fólki sem er
að beijast við að vera viðurkennt,
beijast við að hasla sér völl á eins-
konar gráu svæði milli raunveru-
legra karla og kvenna. Sem alla
aðra dreymir það um betri tíð, frægð,
ríkidæmi og fegurð, en mörkin virð-
ast svo óralangt undan. En reyna
að gera sitt besta í stöðunni. Upplifa
drauminn eina kvöldstund. Bera höf-
uðið hátt þótt það sé þvingað til að
íklæðast líkama þess kyns sem það
hefur ekki kosið sér.
Að líkindum er París brennur
merkilegust fyrir þær sakir að vera
ein þeirra mynda sem sýnd er á
fyrstu umtalsverðu kvikmyndahátíð
samkynhneigðra. Merki um þá já-
kvæðu þróun sem orðið hefur í sam-
félaginu á undanförnum áratugum
hvað mál þeirra varðar. Mín kynslóð
ólst upp við að kynhverfum voru
ekki vandaðar kveðjurnar almennt
séð. Og ekki valin á þá nöfnin. Síðan
kom þessi makalausi, sjöundi ára-
tugur og allir skápar opnuðust uppá
gátt. Sumum þótt sjálfsagt fuilmik-
ill gassagangurinn. En það þurfti
að minna okkur á að öll erum við í
siglingu á sama skipi frá vöggu til
grafar og hátíðar sem þessi eru
kærkomnar til að vinna á fordómum
og almennu skilningsleysi á kjörum
annarra.
Sæbjörn Valdimarsson
Leikfélag Reykjavíkur
Síðasta sýning á Kabarett
ARI Matthíasson, Edda Heiðrún Backman
og Magnús Jónsson í Kabarett.
SÍÐASTA sýning á söngleiknum
Kabarett verður föstudaginn 31.
mars í Borgarleikhúsinu. Það var
Guðjón Pedersen sem setti sýning-
una á svið, Gretar Reynisson er
höfundur leikmyndar en Elín Edda
Árnadóttir hannaði búninga.
Hljómsveitarstjóri er Pétur Grét-
arsson og annast hann einnig út-
setningar, en sjö manna hljómsveit
annast undirleik í sýningunni.
Dansahöfundur er Katrín Hall en
hún hefur um langt skeið starfað
sem dansari í Þýskalandi. Lýsingu
annast Lárus Björnsson.
í kynningu segir: „Kabarett var
frumfluttur á Broadway í nóvem-
ber 1966 og naut þar mikillar hylli
og var verðlaunaður sem besti
söngleikur þess árs, bæði af gagn-
rýnendum og leikhúsfólki. Hefur
söngleikurinn síðan verið tíður á
sviðum smærri og stærri leikhúsa
austan hafs og vestan. Á sínum
tíma braut Kabarett með nokkrum
hætti blað í gerð söngleikja og er
talinn fyrstur svokallaðra „kons-
ept“-söngleikja þar sem frekar er
lýst samfélagslegu ástandi en bein-
línis sögupersónum og þræði. Höf-
undarnir, John Kander, tónlist,
Fred Ebb, textar, og Joe Maste-
roff, höfundur, sóttu efni söng-
leiksins í sögukafla bresks rithöf-
undar, Christophers Isherwood,
sem skrifaði lýsingar á fólki og
fyrirbærum í Berlín um það leyti
sem nasistar komust til valda í
Þýskalandi. í Kabarett eru þeir
ekki einungis að lýsa tveim von-
lausum ástarsamböndum heldur
eru þeir ekki síður að bregða spegli
á samfélag sem er hallt undir of-
stæki í stjórnmálum og kynþátta-
ofsóknir. í heimi söngleiksins
hverfist sú saga um heim kaba-
rettsins, skemmtibúllunnar þær
sem skemmtanastjórinn ræður
ríkjum og allt er falt.“
Söngleikurinn hefur áður verið
settur á svið á Islandi og er ekki
síður þekktur í kvikmyndagerð Bob
Fosse frá 1972. Að þessu sinni
hefur Karl Ágúst Úlfsson þýtt tal
og söngtexta verksins á nýjan leik.
Stór hópur leikara, söngvara og
dansara kemur fram í sýningunni.
Þau Ingvar E. Sigurðsson og Edda
Heiðrún Bachman koma nú aftur
til starfa hjá Leifélagi Reykjavíkur
eftir nokkurt hlé og fara með hlut-
verk skemmtanastjórans og Sally
Bowles. Aðrir leikarar eru: Ari
Matthíasson, Magnús Jónsson,
Hanna María Karlsdóttir, Þröstur
Guðbjartsson, Eggert Þorleifsson,
Guðlaug E. Ólafsdóttir, Harpa
Arnardóttir, Helga Braga Jóns-
dóttir, Jóna Guðrún Jónsdóttir,
Kjartan Bjargmundsson, Margrét
Helga Jóhannsdóttir og Pétur Ein-
arsson. Dansarar eru Auður
Bjamadóttir, Birgitta Heide, Guð-
munda Jóhannesdóttir, Hany
Hadaya, Lára Stefánsdóttir, Vilia
Valieva og Sigrún Guðmundsdótt-
ir. Hljómsveit: Pétur Grétarsson,
Kjartan Valdemarsson, Hilmar
Jensson, Þórður Högnason, Matt-
hías Hemstock, Eiríkur Örn Páls-
son og Eyjólfur B. Alfreðsson.
Nýjar bækur
• BÓKA VARÐAN hefur sent frá
sér fjórar nýjar útgáfubækur, endur-
prentanir af eldri ritum, einkum
fræðiritum af ýmsu tagi.
Grasalækningakver, höfundur
Guðmundur Jónsson, grasalæknir í
Reykjavík. í kveri þessu eru til-
greindar allar helztu lækningajurtir
íslenzkar, verkanir þeirra og blöndun
og leiðbeiningar um neyzlu og notk-
un seyða af jurtum og blómuip. Bók-
arkver þetta kom fyrst út árið 1928
og hefur lengi verið ófáanlegt.
Eitt róttækasta rit, sem út hefur
komið á íslandi á sínum tíma var
Olnbogabamið, um frelsi, menntun
og réttindi kvenna eftir séra Ólaf
Ólafsson, síðar prest í Amarbæli í
Ölfusi. Þetta rit þótti óhóflega frjáls-
lynt og öfgafengið fyrir 103 árum,
þegar það kom út og það geymir
merka sögu um viðhorf til kvenna
fyrr á árum.
Handbók hjóna eftir Madama
Tobba kom fyrst út árið 1993. Höf-
undurinn mun hafa verið Guðjón Ó.
Guðjónsson prentsmiðjueigandi og
bókaútgefandi. Ritið hefur inni að
halda margvísleg hagnýt og skyn-
samleg ráð til beggja kynja um hegð-
un og atferli, einkum fjallar ritið þó
um þær leiðir, sem eiginkonunni ber
að fara til að þóknast bónda sínum.
Ritið Leiðarvísir í ástamálum.
1. hefti, Karlmenn, er eftir Ingimund
gamla, óþekktur höfundur, útgefíð
1922. Ritið er leiðbeiningar fyrir
karlmenn, sem era í giftingarhug-
leiðingum, en skv. nýjum rannsókn-
um verður það sífellt flóknara fyrir
karlkynið að koma sér á framfæri
við hið fagra kyn. Því er þetta kver
kærkomið til aðstoðar til lausnar
þessara vandamála, því hér er að
finna algild sannindi um eðli kvenna
og þær leiðir, sem bezt hafa reynzt
fyrr og síðar á ástarbrautum kynj-
anna, segir í fréttatilkynningu frá
útgefanda.
Nýtt listasetur á Akranesi
KIRKJUHVOLL er nýtt listasetur
á Akranesi. Þar fer fram ný starf-
semi á gömlum grunni. Minning-
arsjóður um séra Jón M. Guðjóns-
son keypti þennan gamla prests-
bústað á síðasta ári. Þar er nú
fullgerð aðstaða til listsýninga og
annarra listviðburða.
Húsið var opnað formlega 28.
janúar síðastliðinn með yfirlits-
sýningu á verkum í eigu Akranes-
kaupstaðar og stofnana hans. í
tengslum við sýninguna hafa svo
verið upplestrar, ljóðavökur og
tónlistarflutningur. Fram á sum-
arið verða þijár einkasýningar í
húsinu og síðan „sumarsýning11
sem verður meðal annars ætluð
erlendum ferðamönnum.
Kirkjuhvoll var byggður árið
1923. Þetta er reisulegt hús, tvær
hæðir og kjallari, alls um 360 fer-
metrar. Húsið hefur verið endur-
byggt í upphaflegum stíl. Sýning-
arsalir eru á aðalhæðinni en á
efri hæð eru setustofa, kaffistofa
og tvö herbergi og íbúð fyrir
gestalistamenn.
Unga fólkiö á sér framtíð!
Ný 486/80 mhz tölva
á fermingartilboði!
Hyundai 480G tölva (Í486DX2 - 80 MHz)
Staðgreiðsluverð m/vsk kr.
1129.900

Listaverö kr. 144.333
42 YliND Jtl
Tæknilegar upptýsingar
• 486 DX21 80 MHz (megarið)
■ 4 MB vinnsluminni
• Móðurborð stækkanlegt
• Skjákort 1 MB Vesa Local-Bus
•3,5’1.44 MB disklingadrif
• 540 MB harðurdiskur
• 14” Full-screan S-VGA litaskjár
• 1 samsiða- og 2 raðtengi
• 2 Local-Bus + 5ISA raufar lausar
• Lyklaborð (ísl.stafir innbrenndir)
• MS-DOS 6.2 • Windows for
Workgroups 3.11 • Mús
Hátækni til framfara
M Tæknival
Skeifunni 17 • Sími 568-1665 • Fax 568-0664