Morgunblaðið - 29.03.1995, Blaðsíða 39

MORGUNBLAÐIÐ
MIÐVIKUDAGUR 29. MARZ 1995 39
FRETTIR
Kristni-
boðsdagar í
Reykjavík
KRISTNIBOÐSDAGAR í Reykjavík
síanda nú yfir og fram að 2. apríl
á vegum Sambands íslenskra kristni-
boðsfélaga en tilgangur þeirra er að
kynna starf SÍK að kristniboði í
Eþíópíu og Kenýu. Alls starfa nú
14 manns á vegum SÍK í þessum
löndum, auk þriggja manna hérlend-
is og er áætlaður kostnaður við starf-
ið á þessu ári kringum 20 milljónir
króna. Hann er að mestu leyti borinn
uppi af framlögum velunnara
kristniboðsins.
Þijár fyrstu samkomur kristni-
boðsdaganna verða haldnar í
Kristniboðssalnum á Háaleitisbraut
58-60 í Reykjavík og hófst sú
fyrsta þriðjudagskvöldið 28. apríl.
Föstudag-, laugardags- og sunnu-
dagskvöld verða samkomurnar í
húsi KFUM og KFUK við Holtaveg
og hefjast þær öll kvöldin kl. 20.30.
Yfirskrift kristniboðsdaganna er
„Opið bréf til þín“ og verður í boðun
á samkomum gengið út frá bréfi
Páls til Kólossumanna. Þá verða á
hverri samkomu sagðar fréttir af
starfi 3ÍK í Eþíópíu eða Kenýu eða
fluttir þættir um annað kristniboðs-
starf en formaður SÍK, Skúli Svav-
arsson, heimsótti nýlega íslensku
kristniboðana.
Ellefu kristniboðar frá SÍK starfa
nú á ýmsum stöðum i Eþíópíu en
þangað fóru fyrstu kristniboðarnir
frá Islandi árið 1954 og hófu störf
Námskeið um
erlent samstarf
í félagsmálum
NÁMSKEIÐ hjá_ Endurmenntunar-
stofnun Háskóla íslands verður hald-
ið dagana 30. og 31. mars um erlent
samstarf íslands á sviði félagsmála
þ.á m. velferðarmála, öldrunarþjón-
ustu, málefna fatlaðra, málefna
barna, vinnumála og almannatrygg-
inga.
Kynnt verður fyrirkomulag þessa
samstarfs, markmið þess, tækifærin
og skuldbindingar sem í því felast.
Fjallað verður um aðild Islands að
norrænum stofnunum, Evrópusamt-
arfi og alþjóðlegum stofnunum á
þessu sviði.
Fyrirlesarar eru Gunnar Sandholt
hjá Norrænu ráðherranefndinni í
Kaupmannahöfn, Anna Guðrún
INNLENDIR starfsmenn
Mekane Yesus-kirkjunnar í
Eþíópíu taka að sér sífellt
meiri ábyrgð á öllu starfinu
af kristniboðum: Boðun,
kennslu og heilsugæslu.
í Konsó. Þar eru nú yfir 20 þúsund
kristnir menn í sex söfnuðum. Á
vegum kirkjunnar starfa þar nú þrír
prestar, 11 prédikarar og 144 sjálf-
boðaliðar. Um 30 manns koma ár-
lega í sjúkraskýlið í Konsó þar sem
íslendingar hafa lengst af starfað
við lækningu og hjúkrun en auk
aðhlynningar er mikil áhersla lögð
á forvarnir og fræðslu um hollustu-
hætti og mataræði.
íslenskir kristniboðar hófu störf í
Kenýu árið 1978 og starfa meðal
Pókotmanna. Þar starfa nú ein ís-
lensk hjón auk kennara á skóla
kristniboðsins í höfuðborginni Nair-
obi. Á starfssvæði íslendinga og
Norðmanna en þessar þjóðir hafa
lengst af starfað saman að kristni-
boði, eru nú 50 söfnuðir og eru safn-
aðarmeðlimir rúmlega fjögur þús-
und. Á svæðinu eru 120 sunnudaga-
skólar, 1.500 unglingar syngja í
æskulýðskómum og sérstakt starf
er rekið meðal kvenna, 50 hópar,
þar sem kenndar eru hannyrðir,
mataræði og ýmis atriði í heilsu-
gæslu.
Björnsdóttir hjá félagsmálaráðuneyt-
inu, Kristinn Karlsson hjá Hagstofu
íslands, Þorbjörg Jónsdóttir hjá
Vinnumálaskrifstofu félagsmála-
ráðuneytisins, Ingibjörg Broddadótt-
ir hjá félagsmálaráðuneytinu, Bragi
Guðbrandsson hjá félagsmálaráðu-
neytinu, Hrafnhildur Stefánsdóttir
hjá Vinnuveitendasambandi íslands
og Dögg Pálsdóttir hjá heilbrigðis-
ráðuneytinu. Námskeiðið verður
haldið í Tæknigarði og stendur frá
9-16 báða dagana. Skráning fer
fram í síma 569 4923.
------» ♦ ♦------
■ FRÆÐSL USAMTÖK um kynlíf
og barneignir halda aðalfund á Hót-
el Óðinsvéum fimmtudaginn 30.
mars kl. 20.
■ RÓSENBERGKJALLARINN
Hljómsveitirnar Texas Jesús og
Olympia verða með tónleika í kvöld
og hefjast þeir kl. 21.30.
Úrslit í Morfís
í kvöld
ÚRSLIT í Morfís, mælsku- og rök-
ræðukeppni framhaldsskóla, fer
fram í Háskólabíói miðvikudaginn
29. mars kl. 20.
Liðin sem taka þátt að þessu
sinni eru lið Verslunarskóla íslands
og Menntaskólans við Hamrahlíð.
MH hefur titil að veija fyrir Versl-
ingum sem hafa unnið stóra sigra
undanfarin ár. Hægt er að fá miða
á nemendaskrifstofum skólanna.
Miðaverð er 300 kr.
------»♦ ♦------
Jass á Kringlu-
kránni
JASSSÖNGKONAN Edda Borg
kemur fram á miðvikudagskvöld á
Kringlukránni með tríói skipuðu
þeim; Ástvaldi Traustasyni á píanó,
Bjarna Sveinbjörnssyni á bassa og
Jóni Björgvinssyni á trommur.
Edda Borg hefur á efnisskrá
sinni margar af helstu jassperlum
síðustu áratuga. Hún hefur sungið
jass í nokkur ár með hinum ýmsu
jassleikurum íslands ásamt því að
hafa starfrækt sitt eigið jasstríó um
nokkurt skeið.
Leikurinn hefst upp úr ki. 10.
♦ ♦ ♦-----
Umræðukvöld í
Fríkirkjunni í
Hafnarfirði
UMRÆÐUKVÖLD verður haldið á
vegum Fríkirkjusafnaðarins í Hafn-
arfirði í safnaðarheimili kirkjunnar
á Austurgötu 24 fimmtudaginn 30.
mars og hefst það kl. 20.30.
Dr. Siguijón Eyjólfsson, héraðs-
prestur og kennari við guðfræði-
deild Háskólans, mun fjalla um
vanda bænalífsins í nútíma samfé-
lagi. Með hvaða hætti hefur bæna-
lífið breyst frá því sem áður var?
Leitast verður við að svara slíkum
spurningum.
Fyrirlesturinn er öllum opinn og
verður boðið upp á kaffiveitingar.

Fjölgun um-
sókna hjá Ný-
sköpunarsjóði
námsmanna
ALLT stefnir í að fjöldi umsókna
um styrk úr Nýsköpunarsjóði náms-
manna slái öll met þetta vorið en
umsóknarfrestur rennur út þann
31. mars nk. Sjóðurinn styrkir verk-
efni sem stuðla að nýsköpun í at-
vinnulífi eða á fræðasviði.
Stúdentaráði barst í gær bréf um
að borgarráð hefði ákveðið að
leggja 10 milljónir til sjóðsins og
er það veruleg hækkun frá fyrri
árum en Reykjavíkurborg styrki
sjóðinn um 6,8 millónir á síðasta
ári. Ljóst er að þessi styrkur mun
nýtast mjög mörgum námsmönnum
til sumarvinnu, líklega á bilinu 60
til 70 einstaklingum.
Enn er svara beðið frá öðrum
sveitarfélögum. Einstaka ráðuneyti
hafa einnig fengið beiðni um styrk
í sjóðinn. Nýsköpunarsjóði er út-
hlutað 10 milljónum á fjárlögum.
Allar nánari upplýsingar gefur
Dagur B. Eggertsson á skrifstofu
SHI.
------» ♦ ♦
Lögreglan
leitar vitna
LÖGREGLAN óskar eftir að hafa
tal af vitnum, sem sáu árekstur
Cherokee-jeppa og Volvo-fólksbíls
föstudaginn 24. febrúar, á gatna-
mótum Bústaðavegar og Flugvall-
arvegat'.
Áreksturinn varð um kl. 17.30.
Cherokee-jeppanum var ekið austur
Bústaðaveg á hægri akrein, en
Volvonum vestur Bústaðaveg, í
beygju í átt suður Flugvallarveg.
Bílarnir skullu saman á gatnamót-
unum og eru bílstjórarnir ekki á
eitt sáttir um nánari tildrög slyss-
ins. Vitni eru því beðin um að hafa
samband við slysarannsóknardeild
lögreglunnar í Reykjavík.
Páskaferðir
kynntar
á opnu húsi
FERÐAFÉLAG íslands efnir til
ferðakynningar í nýjum salarkynnum
í Mörkinni 6 í kvöld, miðvikudags-
kvöldið 29. mars, kl. 20.30-22.
Kynntar verða ferðir félagsins um
páskana. Meðal ferða eru þriggja
daga ferðir í Þórsmörk og á Snæfells-
nes (Snæfellsjökul). Nokkrar fimm
daga skíðagönguferðir eru í boði og
er aðalferðin í Landmannalaugar og
nýja skálann í Hrafntinnuskeri. Einn-
ig verður farin skíðagönguferð í
Síðumannaafrétt og um Kjöl. Brott-
för í flestar ferðanna er á skírdags-
morgun 13. apríl en í Þórsmörk er
farið á laugardagsmorgninum 15.
apríi.
Ákveðið er að efna til aukaferðar
á skíðum um leiðina milli Land-
mannalauga og Þórsmerkur.
------» ♦ »
Ráðstefna um
bleikjueldi
RÁÐSTEFNA um bleikjueldi á ís-
landi, undir heitinu íslensk bleikja
’95, verður haldin fimmtudaginn 30.
mars kl. 8.30-17. Ráðstefnan, sem
haldin er af Bændasamtökum íslands
í samvinnu við Bændaskólann á Hól-
um, Rannsóknastofnun landbúnaðar-
ins og Veiðimálastofnun, verður í
Búnaðarþingsal á annarri hæð
Bændahallarinnar.
Á ráðstefnunni munu ýmsir aðilar
halda erindi sem lagt hafa hönd á
plóginn við þróun þessarar búgrein-
ar. Vísindamenn munu kynna niður-
stöður rannsókna sinna og nokkrir
framleiðendur segja frá reynslu sinni
af bleikjueldi.
KAUPMENN - INNKAUPASTJÓRAR
Umbúöapappír
Stórkostlega fallegt og fjölbreytt úrval
í mörgum breiddum og lengdum
áfrábæru verði.
s—.

aii.
*
1 o ] \ Á
' o ^ • y
* ■ ■ WM V*1 ♦ • i * • • •1 •••.* LÖI
Æq\\\ Guttormsson-Fjölval hf.
Mörkin 1 • 108 Reykjavík • Símar: 81 27 88 og 68 86 50 • Fax: 3 58 21
Amerfsk gæda
framleidsla
White-Westinghouse
• 75 - 450 lítrar
• Stillanlegur vatnshiti
• Tveir hitastillar
• Tvö element
• Glerungshúð að innan
• Öryggisventill
• Einstefnulokar
• Frí heimsending í Rvk.
og nágrenni
VISA - EURO - RADGREIDSLUR
RAFVORUR

'CCS'
V'

SLYS Á BÖRNUM
FORVARNIR
FYRSTA HJÁLP
SNÚUM VÖRN i SÓKN
OG FORÐUM BÖRNUM OKKAR
FRÁ SLYSUM
Rauði kross íslands gengst fyrir tveggja kvölda námskeiði
um algengustu slys á börnum, hvemig bregðast á við
slysum og hvernig koma má í veg fyrir þau.
Námskeiðið fer fram í sal Ungmennahreyfingar RKÍ Þver- ö j
holti 15, Reykjavík dagana 4. og 5. apríl n.k. kl. 20 - 23.
Skráning og nánari upplýsingar eru veittar á skrifstofu RKÍ
í síma 562 6722 fyrir kl. 17 mánudaginn 3 .apríl.
FRÆÐSLUMIÐSTOÐ
RAUÐA KROSS ÍSLANDS
Rauöarárstíg 18 - Reykjavík - sími 562 6722

ÁRMÚLI 5 • 108 RVK • SÍMI 568 6411