Morgunblaðið - 01.04.1995, Blaðsíða 27
MORGUNBLAÐIÐ
ERLEIMT
LAUGARDAGUR 1. APRÍL 1995 27
Klaus Kinkel
Nauðsyn
á nánara
samstarfi
Bonn. Reuter.
EVRÓPA og Bandaríkin eiga að
vinna betur saman að því að leysa
alþjóðleg vandamál en það er
óþarfi að koma nýrri skipan á Atl-
antshafssamstarfið. Kemur þetta
fram í grein eftir Klaus Kinkel,
utanríkisráðherra Þýskalands, og
birtist í dagblaðinu International
Herald Tribune í fyrradag.
Kinkel er á öðru máli en flestir
kunnustu stjórnmálamenn í Þýska-
landi, Frakklandi og Bretlandi en
þeir vilja nýjan Atlantshafssamn-
ing, sem gangi lengra en samstarf-
ið innan Atlantshafsbandalagsins,
NATO, og vinni að stöðugleika um
allan heim.
„Það skiptir ekki mestu að
breyta Atlantshafssamstarfinu,
heldur að finna lausnir á þeim
vandamálum, sem Evrópa og
Bandaríkin geta aðeins un,nið að
sameigintega," segir Kinkel og
leggur áherslu á, að NATO verði
áfram burðarásinn en taka verði
meira tiilit til pólitískra, umhverfis-
legra og efnahagslegra þátta.
---------♦ ♦ ♦----
Lettar og
Rússar
deila um
flóttafólk
Rijja. Reuter.
HÓRÐ deila hefur blossað upp milli
Rússa og Letta um örlög 105 flótta-
manna frá Miðausturlöndum og
Asíu, sem hafa verið sendir fram
og aftur milli Rússlands og Eystra-
saltsríkja með lestum í rúma viku.
Lettneska utanríkisráðuneytið
gagnrýndi Rússa fyrir að taka
ekki við flóttamönnunum, sem
segjast flestir koma frá írak. Lett-
ar segja að fólkið sé að reyna að
komast til Svíþjóðar með ólögleg-
um hætti og að það hafí komið
beint frá Rússlandi. Rússar líti hins
vegar á þetta sem lettneskt vanda-
mál.
Lettar hafa meinað fólkinu að
fara úr lest í Riga þrátt fyrir að
það hafí hvað eftir annað verið
sent þangað aftur frá Rússlandi.
„Okkur er sama hversu lengi þetta
gengur - við sendum þau alltaf
til baka,“ sagði talsmaður lögregl-
unnar.
59 farast er þota
hrapar í Rúmeníu
íkarest. Reuter.
59 MANNS biðu bana þegar far-
þegaþota af gerðinni Airbus A310
hrapaði skömmu eftir flugtak á
leið frá Búkarest til Brussel. Sjón-
arvottur sagði að sprenging hefði
orðið í afturhluta þotunnar áður
en hún hrapaði.
„Vélin gjöreyðilagðist og enginn
komst af,“ sagði í yfirlýsingu frá
eiganda þotunnar, rúmenska ríkís-
fiugfélaginu Tarom. Þotan hrapaði
á túni nálægt þorpinu Balotesti,
norðan við Búkarest, þrem mínút-
um eftir flugtak frá alþjóðaflugvell-
inum Otopeni.
Útiloka mistök
flugmanna
Nicolae Brutaru, forstjóri flugfé-
lagsins, vísaði því algjörlega á bug
að flugmönnunum hefðu orðið á
mistök. Hann vildi þó ekki gefa
neinar skýringar á atburðinum,
hinum alvarlegasta í sögu flugfé-
lagsins. Hann sagði að sérfræðing-
ar á vegum Airbus hefðu verið
sendir til að rannsaka málið.
Brutaru sagði að veðrið hefði
ekki verið slæmt, þrátt fyrir snjó-
komu.
Tíu manna áhöfn var í þotunni
og 49 farþegar — 32 Belgar, níu
Rúmenar, þrír Bandaríkjamenn,
tveir Spánverjar, Frakki, Hollend-
ingur og Tælendingur.
„Ég varð mjög hræddur þegar
ég sá fyrst sprengingu og vélina
fljúga of lágt með eld í afturhlutan-
um,“ sagði sjónarvottur. „Síðan
varð önnur sprenging þegar vélin
kom til jarðar, það var gífurleg
sprenging.“
Hræðileg aðkoma
Sprengjuhótun hafði borist á
sömu flugleið 15. mars en engin
sprengja fannst eftir að þotunni
var lent í Timisoara. Skömmu eftir
að Airbus-þotan hrapaði í gær var
innanlandsflugvellinum í Búkarest
lokað eftir að óþekktur maður hafði
hringt og sagt að sprengju hefði
verið komið þar fyrir.
Litið var eftir af þotunni og brak-
ið var á víð og dreif. „Við börð-
umst við eldana í einn og hálfan
tíma,“ sagði einn slökkviliðsmann-
anna. „Aðkoman var hræðileg, höf-
uð, fætur og hendur út um allt
innan um brak þotunnar."
Tarom hefur verið að endurnýja
flugvélaflota sinn smám saman frá
hruni kommúnismans árið 1989,
með kaupum á Boeing 737 og Air-
bus þotum. Fyrir átti flugfélagið
aðallega sovéskar þotur.
Ennfremur hefur verið reynt að
bæta alþjóðaflugvöllinn i Búkarest
í samvinnu við þýskt fyrirtæki, en
stundum hafði komið fyrir að villt-
ir hundar hlypu á flugbrautunum.
Þetta er í þriðja sinn sem þota
af gerðinni A310 Airbus hrapar,
en hún var tekin í notkun árið
1983.
Reuter
Enginn komst
lífs af
LÖGREGLU- og slökkviliðs-
menn skoða brak Airbus-þot-
unnar sem fórst nálægt Búk-
arest í gær með 59 manns
innanborðs. Enginn komst lífs
af. Þotan á minni myndinni
er sömu tegundar og sú sem
fórst. Þetta er í þriðja sinn
sem þota af gerðinni A310
Airbus hrapar, en hún var
tekin í notkun árið 1983.
Kcutcr
Búast ekki við
að loforðin
verði efnd
JACQUES Chirac, fyrrverandi
forsætisráðherra Frakklands,
lagði í gær leið sína í sundlaug
í borginni Epinal í þeirri von
að afla sér þar f ylgismanna
vegna forsetakosninganna eftir
þrjár vikur. Þar voru aðallega
börn fyrir en hann gaf sig engu
að síður á tal við þau. Sam-
kvæmt nýlegri skoðanakönnun
hefur Chirac tapað fylgi en er
þó enn talinn nokkuð öruggur
um sigur. Önnur könnun bendir
hins vegar til þess að kjósendur
hafi litla trú á að Chirac muni
breyta miklu sem forseti. Ein-
ungis 42% kjósenda sögðust
telja að hann myndi ráðast í
þær umfangsmiklu umbætur á
frönsku þjóðfélagi sem haim
hefur lofað, nái hann kjöri.
Gera
framsal
Serba
mögulegt
EFRI deild þýska þingsins
samþykkti í gær lög sem gera
fyrstu stríðsréttarhöldin frá
því í lok heimsstytjaldarinnar
síðari möguleg. Verður Serb-
inn Dusan Tadic framseldur
og leiddur fyrir stríðsglæpa-
dómstólinn í Haag en hann
er ákærður fyrir morð, bar-
smíðar, pyntingar og nauðg-
anir á Króötum og múslimum
í fangabúðum Serba.
Dregur
framboð sitt
til baka
JEAN-Francois Hory, fram-
bjóðandi Róttæka flokksins í
Frakklandi dró í gær framboð
sitt í forsetakosningunum til
baka. Sagðist hann gera það
til að vinstrimenn gætu samein-
ast um einn frambjóðanda, sós-
íalistann Lionel Jospin. Fylgi
Hoiys var innan við 1% sam-
kvæmt skoðanakönnunum.
Friðarvið-
ræður í hnút
BRESKIR embættismenn áttu
í gær óvæntar viðræður við
fulltrúa Sinn Fein, stjórnmála-
arms írska lýðveldishersins,
til að reyna að leysa þann
hnút sem friðarviðræðumar á
Norður-írlandi eru komnar í.
Verður reynt að greiða fyrir
viðræðum írskra og breskra
ráðherra um málið.
Dæmt í
Korsíkumáli
DÓMSTÓLL í Frakklandi
dæmdi í gær sex manns í
fangelsi vegna slyss á Korsíku
árið 1992 en þá fórust sautján
manns þegar áhorfendapallar
hrundu á knattspymuleik.
Háttsettur fulltrúi frönsku
stjómarinnar, sem talinn var
tengjast slysinu, var hins veg-
ar sýknaður og vakti sá úr-
skurður mikla reiði ættingja
þeirra er létust. Tveir hlutu
tveggja ára dóma fyrir mann-
dráp og sviksamleg vinnu-
brögð en hinir fjórir hlutu
vægari dóma.
Barist í
S-Líbanon
ÍSRAELSKUR hermaður og
leiðtogi Hizbollah-skæmliða-
samtakanna, létu í gær Iífíð í
átökum í suðurhluta Lfbanons
á milli ísraelskra hersveita og
múslimskra skæruliða. Fjórir
til viðbótar særðusL Átökin
brutust út á sama tíma og
heimsókn Andrej Kozyrev,
utanríkisráðherra Rússlands,
til Beirút hófst en ætlun hans
er að blása lífí í friðarviðræð-
urnar í Mið-Austurlöndum.
Bílsprengja
í Alsír
EINN maður lét lífíð og tveir
slösuðust í bílsprengju í borg-
inni Tizi Ouzou í Alsír í gær.