Morgunblaðið - 01.04.1995, Blaðsíða 53

MORGUNBLAÐIÐ
MINNINGAR
á Steindórsstöðum. Sérhver þessara
bænda var í góðum efnum. Áttu
þeir margar jarðir og fóru vel með.
Einar tók tvær jarðir og eitt kot í
arf eftir föður sinn, Magnús Jónsson
bónda á Vilmundarstöðum. Þau Ein-
ar og Ástríður áttu átta jarðir und-
ir lokin, en enga afkomendur.
Ástriður, þá orðin ekkja, ánafnaði
Reykholtsdals- og Hálsahreppum
sjö þeirra með ítarlegu gjafabréfi í
febrúar 1917, en Einari þá áttundu,
Steindórsstaði. Hann var tæpra 7
ára þegar Ástríður lést í september
1922. Páll faðir hans hafði verið
henni hjálplegur um margt eftir að
hún missti mann sinn. Páll stóð fyr-
ir búi á Steindórsstöðum fram til
1960. Húsakostur var allgóður í
upphafi á þess tíma mælikvarða, en
allt var þó byggt upp á ný. íbúðar-
húsið brann vorið 1938 og með því
veglegt bókasafn. Var það mikill
skaði. Byggt var nýtt steinhús og
vegleg gripahús sem enn í dag eru
með reisulegri byggingum í hérað-
inu. Páll var framfarasinnaður og
hugvitssamur. Hann vann meðal
annars að ýmsum nýjungum varð-
andi heyskapartækni. Ragnhildur
móðir Einars var dóttir Sigurðar
Magnússonar á Vilmundarstöðum
og Ragnhildar Jónsdóttur, stúdents
á Leirá. Jón var giftur Ragnhildi
Ólafsdóttur frá Lundum í Staf-
holtstungum.
Þegar Einar tók við búinu lét
hann ekki staðar numið, heldur vann
að ræktun og frekari uppbyggingu
jarðarinnar með hjálp systkina
sinna. Þau voru ófá handtökin sem
Þorsteinn bróðir hans lagði til um
tíðina. Á tímabili var byggð ein
bygging á ári. Nú síðast réðst Einar
í lagningu hitaveitu frá Hægindum
og var nýlega búinn að lúka því að
koma hita í skemmur sínar þegar
kallið kom.
Einar var hættur búrekstri fyrir
nokkrum árum, yngra fólkið tekið
við. Hann undi sér gjarna við smíð-
ar í seinni tíð, kom sér upp renni-
bekk í einni skemmunni, og gerði
þar ágæta smíðisgripi, skálar,
krukkur og nálhús úr tré. Einnig
gerði hann ágæta tóbaksbauka úr
horni. Hann var bókhneigður í betra
lagi, fróður og minnugur. Hann las
Islendingasögurnar sér til ánægju
fram á síðasta dag og hafði þjóðleg-
an fróðleik hvers konar á takteinum.
Enn á ný er orðið veglegt bókasafn
á Steindórsstöðum, ekki síst vegna
hins góða safns sem Þorsteinn bróð-
ir hans lét eftir sig. Einar átti gott
með að rekja ættartengsl og spyrða
saman ólíkustu ættarþætti. Hann
var líka ágætur sögumaður. Það var
oft kátt í bekknum í eldhúsinu á
Steindórsstöðum. Þangað dreif að
ólíkasta fólk, oft langt að. Gesta-
komur voru jafnan miklar og vel
tekið á móti gestum. Áttu systur
hans, Ástríður og Ingibjörg, ómæld-
an jþátt í því.
Eg heimsótti Einar oft, er hann
var fyrir sunnan sér til heilsubótar.
Áttum við margar ánægjustundir
saman við spjall um heima oggeima.
Þegar ég kom í sveitina í seinni tíð
fékk ég hann gjarna með mér í ferð-
ir um héraðið, okkur báðum til
ánægju. Hann gaf slíkum ferðum
aðra vídd með því að miðla af þekk-
ingu sinni af héraðinu að fomu og
nýju. Gjarna heimsóttum við Pál
málara á Húsafelli, en hann hélt
upp á Einar og málaði af honum
myndir.
Fyrir tveimur ámm fórum við á
íslandsmót í dorgveiði upp á Amar-
vatnsheiði og síðasta haust fómm
við í lokaferð með Kristleifi á Húsa-
felli upp í Langjökul.
Víst hefði ég kosið að fá að njóta
samvista við Einar enn um stund.
Atvikin banna þó lengri fund.
Snorri Tómasson.
BORGARLJÓS
* K E O J A N
Olivererfrábær
fermingagjöf

ý\ v.
4 •!
Oliver borðlampi
KÆ^i»jg
Oliver gólflampi
Halogen vírasett
m. öllu tilheyrandi
6.990,-
Verslanir Borgarljóskeðjunar:
Borgarljós Ármúli 15 Reykjavík, Húsgagnahöllin Bíldshöfði 20 Reykjavík,
Rafbúðin Álfaskeiði Hafnafjörður, Arvirkinn Selfoss, Lónið Höfn,
Sveinn Guðmundsson Egilsstaðir, Siemens búðun og Radíóvinnustofan Akureyri,
Straumur ísafjörður, Rafþj. Sigurdórs Akranes, Rafbúð RÓ Keflavík,
LAUGARDAGUR 1. APRÍL1995 53
fyrsti vinningur á laugardag!
MERKISMENN