Morgunblaðið - 05.04.1995, Blaðsíða 8

SÉRBLAÐ UM SiÁVARÚTVEG
MIÐVIKUDAGUR 5. APRÍL 1995
Mörg loðnuskip stefna að
veiðum í Síldarsmugunni
§■■■■■■■■■■■ ALLAR likur eru á því að mörg loðnuskip stundi
Vpiriar CXÍPfll ve>ðar úr norsk-íslenzka síldarstofninum innan lög-
v gcCLU. sög^ okkar og í Síldarsmugunni í vor. í þessum
hafizt í maí mánuði verður farinn leiðangur á vegum Hafrann-
sóknastofnunar á síldarslóðina fyrir Austurlandi og
er reiknað með því að nokkur loðnuskip fylgi leiðangursmönnum til að kanna
slóðina. Síldin gekk í skamman tíma inn í íslenzku lögsöguna í fyrravor. Annn-
ar leiðangur verður svo farinn í Síldarsmuguna í maí og þá meðal annars
könnuð útbreiðsla sildarinnar og prufað að veiða hana í flottroll. Jakob Jakobs-
son, forstjóri Hafrannsóknastofnunar, vonar að veiðar íslendinga á norsk-
íslenzkri vorgotssíld geti hafizt í Síldarsmugunni í maí-mánuði ofanverðum.
Útgerðir nokkurra loðnuskipa hafa
þegar lýst yfir áhuga sínum á veiðum
í Síldarsmugunni og aðrar bíða átekta.
Síldin þar verður væntanlega bæði
veidd í nót og flottroll og hafa ein-
hverjar útgerðir ákveðið að reyna troll-
ið. Búast má við allnokkrum flota
skipa á þetta svæði í sumar, en þar
er líklegt að einnig fáist makríll og
kolmunni. Börkur Nk fékk 3.000 tonn
af síld á þessum slóðum í fyrra.
Síldin innan lögsögu okkar
í lok maí í fyrra
Jakob Jakobsson segir, að fyrsti
könnunarleiðangurinn í Síldarsmug-
una á vegum Hafrannsóknastofnunar
verði farinn 10. maí en á liðnu ári
fannst sfldin við austurmörk islensku
lögsögunnar í lok þess mánaðar. Jakob
minnir hins vegar á, að síldin hafí
staldrað stutt við innan íslenzkrar
landhelgi þá og verið komin norður
undir Jan Mayen um miðjan júní.
„Maður veit hins vegar ekki hvernig
þetta verður núna.“
Rússar og Norömenn einir
um hituna til þessa
Jakob segir að Rússar séu eina þjóð-
in sem Norðmenn hafi veitt leyfi til
að stunda veiðar úr norsk-íslenzka
síldarstofninum á þessu ári. Þjóðir á
borð við íslendinga og Færeyinga, sem
eigi hlut að máli, hafi hins vegar ekki
verið hafðar með í ráðum við úthlutun
kvótans. Hann segir að þessir aðilar
verði því að bíða átekta uns síldin sé
komin út úr norskri lögsögu. „Ætli
það veiði ekki hver sem betur getur
þegar þar að kemur.“
Hrygnlngarstofnlnn stækkar
Gerð var úttekt á norsk-íslenzka
vorgotssíldarstofninum síðastliðið
haust á vegum Alþjóða hafrannsókna-
ráðsins og þá var talið að hrygningar-
stofninn væri um 2,4 milljónir tonna.
Samkvæmt úttektinni virðist árgang-
urinn frá 1992 vera nokkuð stór en
Jakob segir að hann muni koma inn
í veiðistofninn á næstu tveimur árum.
Hrygningarstofninn gæti því orðið sex
milljón tonn árið 1997 sem þýði að
aflinn gæti orðið á bilinu 600.000 -
800.000 tonn eftir tvö til þijú ár.
Samhæfa leit
Jóhann A. Jónsson, útgerðarmaður
á Þórshöfn, er einn þeirra, sem ætlar
að senda skip í síldina nú í Apríl. Það
er Júpíter ÞH. Jóhann segir að allt
útlit sé fyrir að um 10 skip fylgi leið-
angursmönnum nú í apríl og samhæfi
leitina. „Síldin kom inn í íslenzku lög-
söguna í maílok í fyrra. Það er full
ástæða til að ætla að hún verði veiðan-
leg mun fyrr sé farið á móti henni út
í Síldarsmuguna. Þama eru miklir
möguleikar, sem okkur ber að nýta,“
segir Jóhann A. Jónsson.
FÓLK
Styttist í 50 ára
afmæli ÚA
■ VEGLEG afmælisveizla er
framundan hjá Útgerðarfélagi
Akureyringa og starfsfólki
þess. Þann 26.
maí næstkom-
andi er hálf
öld liðin frá
stofnun ÚA.
Þessara tíma-
móta verður
minnzt með
hátíðlegri at-
höfn í höfuðstöðvum félagsins
á afmælisdaginn. Einnig er ráð-
gert að saga ÚA komi út þann
dag, en Jón Hjaltason, sagn-
fræðingur, er nú að ljúka rit-
un hennar. Hin eiginlega af-
mælisveizla verður haldin í
íþróttahöllinni hálfum mán-
uði síðar, það er föstudaginn
9. júní. Sá dagur er valinn til
þess að sjómenn ÚA geti tek-
ið þátt í hátíðahöldunum, en
allur flotinn verður i landi
þá helgi vegna sjómanna-
dagsins 11. júní. Gert er ráð
fyrir að 1.200 manns sitji
veizluna. Útgerðarfélag Ak-
ureyringa hefur um langt
árabil verið ein tryggasta
stoðin í atvinnulífi Akur-
eyringa og veitt miklum
fjölda fólks vinnu.
Nýir skipstjórar
á 3 skipum ÚA
■ Á ÞESSU ári hafa orðið
nokkrar breytingar í brúnni
á nokkrum togara Útgerð-
arfélags Ak-
ureyriiiga.
Bragi Olafs-
son, sem ver-
ið hefur skip-
stjóri á Sól-
baki EA 307
Árni á þriðja ár,
Ingóifsson lét af störfum
hjá félaginu og flutti sig yrir
á Granda-togarann Snorra
Sturluson. Við_ Sólbaki tók
frá sama tíma Árni Ingólfs-
son, en hann hefur lengi
starfað innan vébanda ÚA,
síðast sem skipstjóri á Ár-
baki EA 308. Ásgeir Jóns-
son, sem var fyrsti sjtýrimað-
ur á Árbaki, fylgdi Árna yfir
á Sólbak sem fyrsti stýrimað-
ur. Við Árbaki tók Stefán
Aspar, sem hefur verið skip-
stjóri á Hrímbak EA 306 um
árabil. Þá var ráðinn nýr
maður, Haukur Hauksson,
sem fyrsti stýrimaður á Ár-
bak, en hann starfaði síðast
hjá félaginu fyrir allnokkrum
árum. Stefán Sigurðsson
var ráðinn skipstjóri á Hrím-
bak, en hann var áður fyrsti
stýrimaður skipsins. Loks var
Víðir Benediktsson ráðinn
fyrsti stýrimaður á Hrímbak.
Jón Hjaltason
Smjörsteiktur silummr
með ristuðum möndlum
SILUNGUR er vinsæll matur, en hér er bæði hægt að
fá urriða, bleikju og sjóbirting auk regnbogasilungg úr
I "fff Bleikja nýtur til dæmis vaxandi
■■MááUir MWl vinsælda í bandaríkjunum og þó
bieikjueldi sé smátt í sniðum hérlendis, eru íslendingar
engu að síður stærustu útflytjendur á bleikju í heimin-
um. Nemendur Hótel- og veitingaskóla íslands kenna
lesendum Versins hér eina aðferð við matseld á þessu
gómsæta fiski. í réttinn fer:
800 g silungur
2 dl möndluspænir
1 dl sltrónusafi
150 g snvjör
1 dl olia
200 g kartöflur
200 g gulrætur
100 g gult súkkini
100 g grænt súkkini
100 g blaðlaukur
50 g steinselja
sitróna
Siiungurinn er steiktur í olíu og smjöri á vel heitri pönnu.
Hann er tekinn af pönnunni og möndluspæninum stráð
yfir hana. Þegar möndlurnar hafa tekið í sig hita er
bætt í smjöri. Svo er sítrónusafanum hellt yfir silung-
inn, hann settur á disk og möndlusmjöri hellt yfir. Blað-
laukurinn er skorinn í u.þ.b. 10 cm bianseraðar Íengjur,
gulrætur og súkkíní er skorið í 6 cm julienne og blanser-
að og er biaðlaukurinn settur utanum grænmetið. Rétt-
urinn er borinn fram með soðnum kartöflu og saxaðri
steinselju stráð yfir diskinn og sitróna gefin með.
YKKAR MAÐUR HJA SAMSKIPUM
Hafðu samband við
Pjetur Má næst
þegar þú þarft
að landa úr frystiskipi
Samskip, í samstarfi við Löndun hf., bjóða upp á
löndunarþjónustu við Vogabakka en hann iiggur
við hliðina á Holtabakka. Löndunaraðstaðan er hin
ákjósanlegasta og meðhöndlun á vörunni er ætíð
í lágmarki þar sem innanlands- og millilandaskip
Samskipa leggja við Holtabakka. Samskip bjóða
heildarlausn í löndun frystiskipa við Vogabakka,
þ.á m. löndun, flutninga innanlands eða utan og
frystigeymslur innanlands eða erlendis. Meðal
þeirra sem notfæra sér þessa þjónustu Samskipa
og Löndunar hf. við Vogabakka eru Samherji,
Royal Greenland og Polar Seafood. Hafðu
samband við Pjetur Má, næst þegar þú þarft
á löndunarþjónustu að halda.
SAMSKIP
Holtabakka við Holtaveg, 104 Reykjavík
Sími 569 8300 - Fax 569 8327