Morgunblaðið - 06.04.1995, Blaðsíða 57
MORGUNBLAÐIÐ
FIMMTUDAGUR 6. APRÍL1995 57
MINNINGAR
KRISTÍN
ÓLAFSSON
T Kristín Sigriður
* Hinriksdóttir
Ólafsson fæddist 31.
janúar 1905 í Ebor
í Manitoba í Kanada
og lést á Hjúkrunar-
heimilinu Skjóli 25.
mars sl. Hún var
jarðsungin frá Foss-
vogskirlgu 5. apríl
sl.
í DAG er ástkær amma
okkar, Kristín Ólafs-
son, borin til grafar.
Við systkinin viljum
kveðja hana ömmu
okkar sem var sérstaklega yndisleg
manneskja. Amma Kristín var
glæsileg kona sem ávallt var jákvæð
og hafði bjartsýni sér að leiðarljósi.
Það var sama hvað gekk á, alltaf
sá hún björtu hliðarnar á hlutunum
og það tók hana ekki langan tíma
að leysa vandamálin. Amma hlaut
bæði fegurð og listræna hæfileika
í vöggugjöf. Hún málaði gullfalleg
málverk og teikningarnar eftir hana
eru ekki síður glæsilegar.
Amma var ekki einungis lista-
kona, heldur var hún mjög fær á
íþróttasviðinu. Hún var sundkenn-
ari í Kanada á sínum yngri árum
og stundaði hún sundið daglega
eftir að hún kom til íslands. Sundið
var þó ekki eina íþróttin sem amma
stunöaði því hún hafði einnig lært
listdans á skautum. Til gamans má
geta þess að amma vann til verð-
launa bæði fyrir sund og skautaiðk-
un. Amma var ekki síður fær í elda-
mennskunni. Hún var sannkallaður
listakokkur og gat unað sér í eld-
húsinu tímunum saman. Við eigum
góðar minningar um frábæran
veislumat sem hún eldaði.
Amma hafði ávallt mikinn áhuga
á því sem við barnabörnin hennar
vorum að fást við. Hún sýndi tón-
list mikinn áhuga og vildi gjaman
fylgjast með okkur systkinunum í
tónlistarnáminu. Þegar hún kom í
heimsókn þótti henni afar skemmti-
legt að heyra fiðluleik og píanóleik
og við systkinin lékum ósjaldan
fyrir hana á fiðluna og píanóið.
Amma hafði líka mikinn áhuga á
að barnaböm hennar lærðu ensku.
Þar sem hún var sjálf Vestur-
Islendingur hikaði hún ekki við að
reyna að kenna okkur ensku.
Yngstu börnunum byijaði hún á að
kenna litina, en fyrir eldri börnin
var orðaforðinn eiliítið flóknari.
Ekki má svo gleyma sundinu, því
það var amma dugleg að kenna
barnabörnum sínum.
Amma Kristín var einstök kona
sem stóð sig með prýði í ömmu-
hlutverkinu. Hún gerði allt til þess
að ástvinum hennar og fólkinu í
kringum hana liði vel og hún hugs-
aði ætíð síðast um
sjálfa sig. Nú er hún
komin til afa okkar
sem hún elskaði svo
heitt og við vitum að
núna líður henni vel.
Við viljum kveðja
ömmu okkar með þess-
um orðum:
Ég fel í forsjá þína,
Guð faðir sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
M. Joch.
Ástvaldur, Ásgeir Árni, Kol-
brún Rut, Kristín Björg.
Hún amma er skilin við, voru
orðin sem mamma sagði á laugar-
dagskvöldið þegar við systumar
vorum nýkomnar frá henni. Þetta
var búið að vera nokkuð langur
aðdragandi og bjuggumst allir við
þessu, enda amma búin að ná 90
ára aldri og búin að lifa stórkost-
legu lífi. Þegar við hugsum til baka
kemur amma fyrst upp í huga okk-
ar á sundlaugarbakkanum að kenna
■okkur barnabörnunum að synda.
Það skein af henni lífsorkan og
krafturinn, öll skyldum við læra að
synda enda var það hefð í fjölskyld-
unni að um helgar færu allir í sund
eldsnemma á morgnana og svo upp
í Hörgshlíð í pönnukökur. Alltaf var
nóg af pönnukökum enda var hún
amma eins og herforingi í eldhúsinu
og framleiddi pönnukökur af mikl-
um krafti eins og allt sem hún tók
sér fyrir hendur. Hún amma var
glæsileg kona og ætíð vel klædd.
Hún var mikil framúrstefnukona
og var bíllinn hennar í samræmi
við það, dökkgræn sporttýpa af
Saab-gerð með topplúgu. Þetta
fannst okkur systrunum sko flott
enda var gaman að fara með ömmu
í bíltúr þar sem hún átti það til að
stíga fast á bensínið. Já, það er
mikil eftirsjá að henni ömmu okk-
ar. Hennar munum við alltaf minn-
ast með bros á vör, full af lífi og
fjöri. Megi Guðs englar nú njóta
þess að hafa svo yndislega konu í
sínum heimi. __
Kristín Ýr og Lára Sif
Hrafnkelsdætur.
Það er okkur minnisstætt þegar
við ferðuðumst með ömmu á heima-
slóðum hennar um Kanada. Við
keyrðum um og heimsóttum marga
ættingja okkar, fólkið hennar
ömmu. Þar sem um skemmtiferð
var að ræða tók ferðin oft þannig
á okkur strákana að við vorum ör-
magna í lok dagsins. Þá kom amma
alltaf til okkar full af lífskrafti og
átti næga orku til að gefa okkur
„ungu mönnunum" eins og hún
kallaði okkur ævinlega. Þá var jafn-
an stutt í hláturinn og návist henn-
ar fylgdi kærleiki og góðvild. Þann-
ig liðu dagamir með ömmu í þess-
ari ferð þar sem hvert kvöld var
sem upphaf nýrrar ferðar.
Þannig var amma alla tíð. Með
heilbrigðu lífsviðhorfi sá amma
ávallt góðu hliðarnar á öllum málum
og hið besta í fari hverrar mann-
eskju. Alltaf sá hún það sem gott
var og vel var gert hvar sem hún
fór og að öllu dáðist hún. Amma
hafði sérstaklega gaman af því að
vera innan um fólk, vera í „sel-
skap“ eins og við sögðum gjarnan
og hlógum; þá naut hún sín vel.
Hófsemi og stilling ásamt því
umburðarlyndi sem einkenndi
ömmu gerði það að verkum að hvar
sem hún fór var gott að vera og
fólki leið alltaf vel í kringum hana.
Við minnumst hennar með virðingu
og þakklæti fyrir það sem hún hef-
ur kennt okkur.
Lárus Páll Ólafsson, Ragnar
Ólafsson og Ólafur Bjöm Olafsson.
Þegar fjallavötn lukust saman
fyrir Kristínu H. Ólafsson og hún
átti að baki mikilvægustu reynslu
lífsins, sjálfan dauðann, eins og
höfundur Sólarljóða trúir okkur fyr-
ir, leitaði hugurinn hana upp í göml-
um minningum. Ég sá hana fyrir
mér eins og blóm sem brosir við
sumri og sól. Hvar i heiminum sem
maður hefði mætt henni, hefði
maður verið viss um _að þar færi
suðræn hefðarkona. Ég get ekki
lýst henni nema að grípa til suð-
ræns tungumáls „la belle Espagn-
ole“. Samt var hún íslensk kona,
að henni stóðu sterkir stofnar, ís-
lenskar bjarkir, þótt hún væri borin
og barnfædd í Vesturheimi. Þegar
ég sá hana síðast entust kraftamir
henni varla til að ganga, en sama
ljúfa brosið lék um hið æðrulausa
andlit. Og nú er hún búin að kveðja
þetta hvunndagslega leiksvið okkar.
Samt er eins og okkur gmni ein-
hvern leyndardóm sem við þekkjum
ekki nema af afspum: Við hinum
látna blasir vera svo björt sem sólin
og fylgir inn í ókunna veröld mik-
illa ævintýra, ef marka má höfund
Sólarljóða.
Á hejmili foreldra Kristínar var
barist í bökkum með efnahaginn.
Hún var ein af ellefu systkinum.
Áherslan var lögð á, að ala sem
best barnahópinn, standa vel í skil-
um við alla og gera hvers manns
bón sem að garði bar ef þess var
kostur. Kristín fékk í foreldrabú-
garði hið besta uppeldi og síðan þá
bestu skólagöngu sem völ var á.
Hún lauk verslunarskólaprófi og
prófi frá íþróttaskóla í Winnipeg
þar sem hún sérhæfði sig í list-
dansi og sundkennslu og kenndi
þessar greinar í einhver ár. Hún tók
þátt í hinum ýmsu keppnum. Hún
var sigurvegari í báðum þessum
greinum. Kristín starfaði á heims-
sýningunni í New York árið 1939
við íslensku deildina þegar hún
kynntist frænda sínum, Ragnari
Ólafssyni, sem að lokinni námsdvöl
við Columbia-háskólann fór til að
heimsækja ættingja sína íKanada.
Þegar Kristín giftist, var hún
þroskuð kona, þó að hún væri líka
ung kona, eins og hún hélt áfram
að vera, í hug og hjarta. Hún var
sjálfstæð kona, sem hafði lært að
starfa og sjá sér farborða og aflað
sér ágætrar menntunar. Hún heyrði
til kynslóð, sem hefur lifað hinar
stórfelldustu breytingar í aðstæðum
og hugsunarhætti og eins og líkum
lætur fært sér þær í nyt og staðist
þær misjafnlega. En hún átti þann
opna hug og skapfestukjama, sem
gerði henni auðvelt að taka við
hveiju nýju, sem að höndum bar
og kostur var á, án þessa að glata
því sem verðmætt var í erfðum
hennar frá góðu upplagi og góðu
uppeldi.
Með hjónabandi Kristínar og
Ragnars tengdust foreldrar mínir
þeim sterkum vináttuböndum. Faðir
minn, Ingvar Vilhjálmsson, og
Ragnar höfðu verið vinir frá bam-
æsku, en móðir mín, Áslaug Jóns-
dóttir, var systkinabarn við Ragn-
ar. Auk þess sem þær Kristín voru
systradætur urðu þær fljótlega góð-
ar vinkonur. Þótt faðir minn væri
ekki ævinlega sammála Ragnari í
stjórnmálum, skyggðu ólík sjónar-
mið aldrei á trausta vináttu. Komur
þeirra Kristínar og Ragnars á
æskuheimili mitt vom alltaf sól-
skinsstundir. Frá því að ég man
eftir Kristínu var eins og hún ætti
í mér hvert bein og marga glaða
stund átti ég yfir leikgullunum sem
hún færði mér þegar ég lá rúmliggj-
andi sex ára gömul.
Ég hika ekki við að kalla Kristínu
mikla gæfukonu og það fyrir fleira
en sagt verður í fáum orðum. En
fyrst og síðast á ég við heimilisgæf-
una. Heimilið var sá staður sem hún
hafði helgað hjarta, hug og hendur
eftir að hún fluttist til Islands. Hún
eignaðist afbragðsförunaut í lífinu
Ragnar Ólafsson, sem var einn af
virtustu lögfræðingum þjóðarinnar.
Hann hafði allt til að bera, sem
góðan mann prýðir, hvort heldur
var í sjón eða raun. Saman eignuð-
ust þau eitthvert indælasta heimili
sem ég hef kynnst. Fá hjón hef ég
þekkt jafn samrýnd og elsk af hvort
öðru og samvistanna nutu þau ríku-
lega með börnum og barnabömum.
Ragnar lést árið 1982 og ég veit
að lát hans var Kristínu þungt högg
þó að lítt væri talað.
Það var eins og alltaf væri bjart
í kringum hana Kristínu. Hún var
mikil fríðleikskona, höfðingleg á
svip og gervileg í fasi blátt áfram,
og tilgerðar- og hispurslaus í allri
framgöngu. Og það sem meira var.
Hún var yndisleg manneskja, mild,
blíð og fín eins og fjólublóm.
Á kveðjustund er mér efst í huga
sú órofatryggð og hlýja sem Kristín
sýndi mér. Eg þakka kynni mín af
Kristínu H. Olafsson og mun ævin-
lega minnast vinfestu hennar og
ræktarsemi.
Sigríður Ingvarsdóttir.
Handrit afmælis- og minningargreina
skulu vera vel frá gengin, vélrituð eða
tölvusett. Sé handrit tölvusett er æski-
legt, að disklingur fylgi útprentuninni.
Auðveldust er móttaka svokallaðra
ASCIl-skráa, öðru nafni DOS-texta- -
skrár. Ritvinnslukerfin Word og Word-
perfect eru einnig auðveld i úrvinnslu.
Senda má greinar til blaðsins á netfang
þess Mbl@centrum.is en nánari upplýs-
ingar þar um má lesa á heimasíðum.
Það eru vinsamleg tilmæli að lengd
greina fari ekki yfir eina og hálfa örk
A-4 miðað við meðallinubil og hæfilega
ltnulengd — eða 3600-4000 slög. Höf-
undar eru beðnir að hafa skírnarnöfn
sín en ekki stuttnefni undir greinunum.
ríSLENSfCÍ LÍFEYRISSfÓÐURINNI
Hæsta raunávöxtun
séreignasjóða verðbréfafyrirtækja J 7991,1992,1993 og 1994 l§ , LANDSBRÉF HF. fn ~ ^ I Löggilt verðbréfafyrirtæki. Apili að Verðbréfaþingi íslands.
SUÐURLANDSBRAUT 24, 1 08 REYKJAVIK.SIMI 588 9200, BRÉFASÍMI 588 8598
losewarne rúm
ermingartilboö meö dýnu kr. 40.160
Fermingartilboð:
Litil karfa kr. 5.200
Stór karfa kr. 6.000
Pacino sófar
Köflóttir. 4 iitir. Fermingartiiboð kr. 44.910
Boundry rúm
Fermingarti1boð með dýnu kr. 47.760
habitat
Laugavegi 13 - Sími 562-5870