Morgunblaðið - 06.04.1995, Blaðsíða 67

MORGUNBLAÐIÐ
FIMMTUDAGUR 6. APRÍL 1995 67
FRÉTTIR
Félag sjálfstætt starfandi heimilislækna
Heppilegra að auka
vægi heimilislækninga
með markvissri þróun
Á FUNDI í Félagi sjálfstætt
starfandi heimilislækna 4. apríl
var samþykkt ályktun þar sem
félagið lýsir áhyggjum sínum
vegna þeirrar hörðu deilu sem
nú stendur yfir milli heilbrigðis-
ráðherra og sérfræðilækna
vegna tilvísanamálsins.
I ályktuninni segir: „Félagið
telur að ríkt hafi gott jafnvægi
og sátt um það kerfi sem hefur
verið við lýði-undanfarin tvö ár
þar sem verðstýring beinir sjúkl-
ingum fremur til heimilislækna
en sérfræðilækna. Félagið telur
heppilegra að auka vægi heim-
ilislækninga með markvissri þró-
un og áróðri fremur en með jafn-
róttækum breytingum og núver-
andi reglugerð um tilvísanir. Auk
þess er ljóst að slíkar breytingar
ná ekki fram að ganga ef þær
eru gerðar án samráðs við lækna
og samtök þeirra.
Félag sjálfsætt starfandi
heimilislækna harmar ummæli
um störf heimilislækna, þar sem
lítið er gert úr kunnáttu og
menntun heimilislækna og þeir
jafnvel taldir óþarfir. Telur félag-
ið að slík ummæli lýsi vanþekk-
ingu á menntun heimilislækna
sem flestir hafa margra ára
sérnám í heimilislækningum að
baki auk almennrar læknis-
menntunar. Ekki þarf að fjölyrða
um nauðsyn þess að einn aðili
varðveiti upplýsingar um heilsuf-
ar fjölskyldna og sé aðgengileg-
ur, þegar um heilsufarsvanda er
að ræða eða þörf á ráðgjöf."
Gagnrýna staðsetningu
heilsugæslustöðvar
„Félagið telur þá áætlun ráð-
herrans að láta reisa 6-8 lækna
heilsugæslustöð á lóð Ríkisút-
varpsins gagnrýnisverða. Sú
áætlun felur í sér að heimilis-
læknum á Fossvogs- og Kringlu-
svæðinu verði fjölgað úr 11 í
14-16, en á svæðinu búa um
11.400 manns.
Félagið lýsir skilningi á því
að leysa þurfi húsnæðisvanda
heilsugæslustöðvar fyrir Foss-
vogshverfi sem nú er starfrækt
í Borgarspítalanum. Hins vegar
verður fyrirhuguð staðsetning
stöðvarinnar á Útvarpslóðinni
að teljast hæpin því handan göt-
unnar starfa 8 sjálfstætt starf-
andi heimilislæknar sem ítrekað
hafa óskað eftir auknu sam-
starfi við Heilsugæsluna í
Reykjavík.
Félagið telur það í mótsögn
við stefnu núverandi ríkisstjórn-
ar, ef mismunandi rekstrarform
í heilsugæslu fá ekki notið sín.
Yfirlýsing frá Sérfræðinga-
félagi íslenskra lækna
MORGUNBLAÐINU hefur bor-
ist eftirfarandi yfirlýsing frá
Sérfræðingafélagi íslenskra
lækna:
„í þeim drögum að reglugerð
um tilvísanir, sem send voru
læknasamtökunum í janúar
1995, var öllum læknum heimilt
að vísa sjúklingum sínum á
rannsóknastofur með greiðslu-
þátttöku sjúkratrygginga án
þess að skilyrt væri tilvísun
heimilislækna, enda hafa sjúk-
lingar lækna utan samnings við
TR alla tíð átt þann trygginga-
rétt. í endanlegri gerð reglu-
gerðarinnar sem undirrituð var
9. febrúar 1995 hafði ráðherra
hins vegar afnumið þessi rétt-
indi íslendinga en greiðsla TR
fyrir rannsóknir var nú skilyrt
tilvísunarheimild frá heilsu-
gæslulækni. Þannig tók ráðu-
neytið heilbrigðismála að vel
íhuguðu máli tryggingaréttinn
af sjúklingum sérfræðinga og
eingöngu heilsugæslulæknar
gátu skv. reglugerðinni heimilað
greiðsluþátttöku sjúkratrygg-
inga í blóð-, sýkla-, vefja- eða
röntgenrannsóknum.
Fjórum dögum fyrir alþingis-
kosningar gefur heilbrigðisráð-
herra nú í skyn að hann sé að
gæta hagsmuna almennings
með því að afnema ákvæði sem
hann kom sjálfur á með reglu-
gerð 9. febrúar 1995. Nú eiga
kjósendur að gleðjast innilega
yfir hjartagæsku og góðverkum
ráðherrans, því ráðherrann von-
ar að landsmenn átti sig ekki á
því að hann hafði sjálfur afnum-
ið þessi réttindi.
Hið rétta er, að ráðherra hef-
ur þ. 4. apríl 1995 viðurkennt
að hluti reglugerðarinnar var
beinlínis til þess að gera sjúkl-
ingum erfitt fyrir að leita beint
til sérmenntaðra lækna. Ákvæð-
ið var spellvirki. Eftir breyting-
una er öllum íslenskum læknum
að nýju heimilt að vísa sjúkling-
um sínum á rannsóknastofur
með greiðsluþátttöku almanna-
trygginga hafi rannsóknastofan
samning við TR. Þetta er kallar
ráðherrann góðverk; m.ö.o. að
hann sé að gæta hagsmuna al-
mennings.
Engin breyting hefur hins
vegar verið gerð á tilvísunar-
skyldu vegna sérfræðilæknis-
hjálpar og því eru sjúklingar
þeirra 320 sérfræðilækna sem
sagt hafa upp samningi við TR
engu betur settir eftir breyting-
ar ráðherrans 4. apríl nema hvað
varðar kostnað vegna nauðsyn-
legra rannsókna. Eftir sem áður
verður kostnaðarauki ríkisins
vegna tilvísanakerfisins a.m.k.
100 milljónir króna auk kostnað-
ar vegna skriffinnsku og tví-
verknaðar. Eftir sem áður er
aðgengi sjúklinga að sérfræð-
ingum skert með fjárhagslegum
álögurn og sviptingu trygginga-
réttar. Eftir sem áður greiða
sjúklingar eftir 1. maí allan
kostnað af viðtali, skoðun og
aðgerðum hjá sérfræðingum."
Páskabasar Hringsins
KVENFÉLAGIÐ Hringurinn
verður með páskabasar í Kringl-
unni föstudaginn 7. og laugar-
daginn 8. apríl.
Á boðstólum verður ýmiss kon-
ar páskaskraut sem Hringskonur
hafa unnið. Allur ágóði rennur
til Barnaspítala Hringsins og
stuðlar þannig að eflingu barn-
aspítalans og bættri umönnun
sjúkra barna.
Á myndinni er sýnishorn af
því á boðstólum verður hjá
Hringskonum.
Fyrirlestur
um virkni
hljóðkerfis-
reglna
ÞORSTEINN G. Indriðason cand.
mag. heldur opinberan fyrirlestur
í boði íslenska málfræðifélagsins í
stofu 423 í Árnagarði, fimmtudag-
inn 6. apríl kl. 17.15. Fyrirlesturinn
nefnist Virkni hljóðkerfisreglna í
íslensku og aðgangur þeirra að
orðmyndun.
Þorsteinn G. Indriðason lauk
kandídatsprófi í íslenskri málfræði
frá Háskóla íslands í júní sl. og
nefndist lokaritgerð hans, Reglu-
virkni í orðasafni og utan þess, og
fjallar hún um lexíkalska hljóðkerf-
isfræði í íslensku.
Hefur ritgerðin verið gefin út
af Málvísindastofnun Háskóla ís-
lands í ritröðinni Málfræðirann-
sóknir.
Fug-lalíf í Papey
og Skrúði
FUGLAVERNDARFÉLAGIÐ heldur
í dag, fimmtudaginn 6. apríl, rabb-
fund í kaffistofu Náttúrufræðistofn-
unar, 4. hæð, við Hlemm og hefst
hann kl. 20.30. Þar mun Jóhann Óli
Hilmarsson rabba um fuglalíf og
náttúrufar í Papey og Skrúði og sýna
litskyggnur frá þessum helstu eyjum
Austurlands.
Jóhann stóð fyrir Ieiðangri til eyj-
anna sl. sumar til að kanna hvort
sæsvölur yrpu þar og jafnframt var
annað fuglalíf skoðað.
Yitni vantar
BIFREIÐINNI PP-303 var stolið
frá Hafnarbraut 25 í Kópavogi 30.
mars sl. PP-303 er hvít sendibifreið
af gerðinni Volkswagen Polo árgerð
1990.
Þeir sem hafa orðið varir við bif-
reiðina eða vita hvar hún er nú vin-
samlegast hafi samband við lög-
reglu.
Húsmæðrafélagið gaf
MS-félaginu
HÚSMÆÐRAFÉLAG Reykjavík-
ur varð 60 ára 30. janúar sl.
Húsmæðrafélagj hefur starfað
óslitið allan þennan tíma og er
því með eldri kvenfélögum á
Reykjavíkursvæðinu. Meginstoð-
ir félagsins eru eldri konur sem
koma saman einu sinni í viku á
þriðjudögum milli kl. 13-17 og
vinna að hannyrðum og er að
sjálfsögðu heitt á könnunni og
opið hús. Að hausti er haldinn
100 þúsund
basar og afraksturinn seldur.
AUur ágóðinn fer til línarmála.
í tilefni afmælisins afhenti hús-
mæðrafélagið MS félaginu gjöf
að upphæð 100.000 kr. Á mynd-
inni sést þegar formaður hús-
mæðrafélagsins, Steinunn V.
Jónsdóttir, afhendir formanni
MS-félagsins, Gyðu Ólafsdóttur,
fjárliæðina. Einnig var Elín Þor*
kelsdóttir, gjaldkeri félagsins,
viðstödd.
Doktor í haf-
botnsjarð-
fræði
HAFLIÐI Hafliðason, jarðfræðing-
ur, varði doktorsritgerð sína í hafs-
botnsjarðfræði (fomloftslags- og
fornstraumafræði) við Háskólann í
Björgvin í Noregi
7. desember sl.
Doktorsrit-
gerðin fjallar um
hina jarðfræði-
legu þróun land-
grunnsins út af
Mið-Noregi (síð-
ustu ca. 1 milljón
árin) og norður-
hluta Norðursjáv-
ar (síðustu 30
þúsund árin) og tengsl þess við al-
heims-loftslagsbreytingar.
Varpað er nýju ljósi á umfang
og tíðni jöklamyndunar í Noregi.
Með rannsóknum á setkjörnum frá
Norðursjónum er sýnt fram á að
þær tíðu og umfangsmiklu loftslags-
sveiflur sem áttu sér stað í lok síð-
asta jökulskeiðs á norðurhveli jarðar
er að miklu leyti stjórnað af breyt-
ingum í straumakerfi sjávar.
Leiðbeinandi var dr. Hans Petter
Sejrup, prófessor við Björgvinjarhá-
skóla, og andmælendur dr. Ánders.
Elverhoi, prófessor við Háskólann í
Osló og dr. Jón Eiríksson, dósent
við Háskóla íslands.
Hafliði Hafliðason fæddist á
Siglufirði 23. september 1953, son-
ur hjónanna Jónu S. Einarsdóttur
og Hafliða Helgasonar, fyrrverandi
bankaútibússtjóra. Hann lauk stúd-
entsprófi frá Menntaskólanum á
Akureyri 1973, BS-prófi í jarðfræði
frá Háskóla Islands 1978 og M.
Phil-prófi frá Edinborgarháskóla
1984. Hafliði starfar við jarðfræði-
deild Háskólans í Björgvin og vinnur —
að rannsóknum á fornloftslagi og
setflutningi á landgrunni Noregs og
í Norsk-Grænlandshafinu. Eigin-
kona Hafliða er Edda J. Ólafsdóttir
barnalæknir og eiga þau þrjú börn.
SkoöanakQnnanir, flokkarnir, frambjóöendurnir og úrslitin. htt p://www.s ki ma. IS
Kosningar á Internet KoBnlngavaka þar aam r isYlífiA A tölurnar blrtaBt jafnóðum. jlvl IVI/V