Morgunblaðið - 12.04.1995, Blaðsíða 10

10 MIÐVIKUDAGUR 12. APRÍL 1995
MORGUNBLAÐIÐ
FRÉTTIR
íbúar höfuðborgarsvæðis, 55-74 ára, spurðir um framtíðarhúsnæðisóskir
Helmingxir ætlar alltaf að
búa þar sem hann býr nú
SAMTÖK sveitarfélaga á höfuð-
borgarsvæðinu létu í vetur gera
könnun á hugmyndum, skoðanum
og óskum íbúa höfuðborgarsvæðis-
ins á aldrinum 55-74 ára á hús-
næðismálum aldraðra. Niðurstöður
könnunarinnar voru kynntar fyrir
skömmu.
Langalgengast er að fólk búi í
eigin húsnæði eða 96% aðspurðra.
3% búa í leiguhúsnæði og 1% í
húsnæði í eigu ættingja. 30% svar-
enda býr í einbýlishúsum, 14% í
rað- eða parhúsi, 32% í fjölbýlishús-
um og 24% í tvíbýlishúsi eða sam-
býlishúsi (3-5 íbúðir). Þeir sem búa
í einbýlis- eða raðhúsum leggja
mesta áherslu á að minnka við sig.
Rúmur helmingur svarenda sagðist
alltaf ætla að búa þar sem hann
býr nú.
Útsýni mikilvægast
Fólk var spurt hvað það teldi
mikilvægast þegar hugað væri að
breytingum á húsnæðisaðstæðum
vegna aldurs og því gefnir 13 mögu-
leikar sem það átti að meta. Að fá
útsýni fannst flestum mikilvægast.
Næst var nefnt aðgengi að al-
menningssamgöngum, þvínæst að
búa nálægt grænu svæði, búa ná-
lægt börnum sínum, búa miðsvæð-
is, vera nálægt þjónustukjömum,
viðhalds- og rekstrarkostnaður,
losna við tröppur, minnka við sig,
fjárhagslegar aðstæður, flytja í
ódýrara húsnæði, fá aukin þægindi
og stækka við sig, sem þótti síst
mikilvægt.
Konur vilja búa nálægt
börnum sínum
Með hækkandi aldri eykst
áhersla á aðgengi að almennings-
samgöngum og konur leggja mun
meiri áherslu á það en karlar. Áhugi
á að búa nálægt þjónustukjarna
fyrir aldraða eykst einnig hjá elsta
aldurshópnum og þar er lítill munur
á kynjum. Með hækkandi aldri
eykst áhersla á að lækka reksturs-
kostnað tengdan húsnæði og konur
leggja mun meiri áherslu á það en
karlar. Einnig leggja konur mun
meiri áherslu á það en karlar að
búa nálægt börnum sínum. Rúm
70% telja það ekki mikilvægt að fá
aukin þægindi.
62% hlynnt sérstökum
íbúðum fyrir aldraða
62% hópsins telja að byggja eigi
sérstakar íbúðir fyrir aldraða. Karl-
ar eru hlynntari því en konur og
áhugi á því fer minnkandi með
hækkandi aldri. Flestir telja að
frumkvæðið að byggingu slíkra
íbúða eigi að liggja hjá sveitarfélög-
unum.
79% svarenda vilja búa áfram í
eigin húsnæði. í elsta aldurshópnum
er það mikilvægast þótt hlutfallið
sé svipað í öllum aldurshópum og
milli kynja. Sá valkostur sem fylgir
í kjölfarið er að flytja í sérhannað
húsnæði fyrir aldraða þar sem
blandað er saman íbúðarhúsnæði
fyrir alla aldurshópa. Þetta er val-
kostur sem ekki er til hérlendis.
Alls töldu 68% allra aðspurðra það
vera mjög eða frekar góðan kost.
Alls telja 56% svarenda það mjög
góðan eða frekar góðan kost að
flytjá í minna eða hentugra hús-
næði sem ekki er sérstaklega skil-
greint sem húsnæði fyrir aldraða.
Hærra hlutfall yngstu en elstu ald-
urshópanna velur þennan kost.
Þriðjungur heildarhópsins telur
sérstakar íbúðir aldraðra í íbúða-
byggð þar sem aldraðir búa saman
vera mjög eða frekar góðan kost.
Þar er hlutfallið svipað í öllum ald-
urshópum en munur er milli kynja
þar eð karlar telja það mun væn-
legri kost en konur.
Minnstan hljómgrunn hlaut val-
kosturinn að flytja á vist- eða dval-
arheimili. Þó telja 28% hópsins það
frekar eða mjög góðan kost.
Yngra fólkið vill
stærra húsnæði
Aðspurt um hvort fólk vildi eiga
eða leigja sérstakt húsnæði fyrir
aldraða í íbúðabyggð þar sem aldr-
aðir búa saman, væri það í þeim
hugleiðingum, sögðust 56% vilja
eiga slíkt húsnæði ef til þess kæmi.
Fólk var spurt hvaða húsagerð
það teldi raunhæfa í sérhönnuðu
húsnæði. 7% nefndu einbýlishús,
39% raðhús/parhús, 2% tvíbýlishús,
10% sambýlishús (3-5 íbúðir), 21%
lítið fjölbýlishús (6-12 íbúðir) og
20% stórt fjölbýlishús (13 íbúðir).
Yngra fólkið er mun spenntara fyr-
ir valkostinum parhús/raðhús en
eldra fólkið og þeir sem eru í hjú-
skap/sambúð í mun ríkari mæli en
þeir sem búa einir.
Um 60% hópsins telja heppilega
íbúðarstærð vera 60-90 fermetra.
Svipað hlutfall svarenda, eða 16%
vilja hafa íbúðarstærð yfir 100 fer-
metrum og undir 60 fermetrum.
Óskir um íbúðarstærð haldast bæði
hendur við aldur og hjúskaparstétt.
Yngra fólkið sér fyrir sér eldri og
rúmbetri íbúðir en eldra fólkið.
Helmingur ógiftra sér fyrir sér íbúð
undir 60 fermetrum en tæp 20%
giftra sjá fyrir sér íbúð sem er ekki
undir 100 fermetrum.
Svalir og sturta
mikilvægastar
í síðasta hluta könnunarinnar var
fólk beðið að tilgreina hvaða þætti
það teldi mikilvæga til að það gæti
látið sér líða vel í sérhönnuðu hús-
næði fyrir aldraða. Þeir tveir þættir
sem heildarhópurinn telur mikil-
vægasta er annars vegar að hafa
sturtu og hins vegar að hafa svalir.
í kjölfarið fylgir síðan nálægð
við stoppistöðvar strætisvagna og
nálægð við verslanir. Þegar heildar-
svörin eru skoðuð leggja svarendur
mesta áherslu á þætti sem tengjast
íbúðinni sjálfri. Lestina reka þættir
sem tengjast þjónustu og þar eru
flestir sem leggja áherslu á að vakt-
kerfi sé til staðar allan sólarhring-
inn í sérstökum íbúðabyggingum
aldraðra og á tengsl við þjónustu-
miðstöð aldraðra.
Hærra hlutfall yngra en eldra
fólksins telur þessa tvo þætti mikil-
væga og er þar um töluverðan mun
að ræða.
Könnunin var gerð frá september
til nóvember á síðasta ári. í upphaf-
legu úrtaki voru 2.000 íbúar sveit-
arfélaganna á höfuðborgarsvæðinu
á aldrinum 55 til 74 ára. Að frá-
dregnum þeim sem voru látnir,
veikir, fluttir af svæðinu eða dvöldu
langdvölum erlendis er 1.901 ein-
staklingur í endanlegu úrtaki. 1.356
svöruðu eða 71,3% úrtaksins. Dr.
Elías Héðinsson sá um framkvæmd
könnunarinnar og Sigríður Jóns-
dóttir var sérstakur faglegur ráð-
gjafi undirbúningsnefndar.
'Æ.
/V/ .
Morgunblaðið/Sverrir
ÍBÚÐABYGGING aldraðra við Skúlagötu, sem reist var á vegum Reykjavíkurborgar.
Kópavogsbraut11
Tvær íbúðir til sölu.
Falleg sérhæð með 37 fm bílskúr. Verð 7,1 millj. í risi
er sjarmerandi 2ja herb. íb. til sölu. Verð 4,9 millj.
Húsið er mikið endurnýjað, ný klætt að utan með Steni-
klæðningu, nýjir gluggar og nýtt gler. Nýl. þak.
Ársalir, fasteignasala,
Sigtúni 9, sfmi 562 4333.
21150-21370
LARUS P. VALDIMARSSON, framkvæmdastjori
KRISTJAN KRISTJANSSON, loggiltur fasteignasali
Til sýnis og sölu meðal annarra eigna:
í gamla góða vesturbænum
Rúmg. og sólrík 2ja herb. íb. 64,4 fm á 1. hæð í þríbýli, byggðu 1976.
Sérhiti, sérþvottah., sérbílast. Eldhúsinnr. þarf að endurn. Tilboð óskast.
Vesturborgin - austurborgin - skipti
Meðal annars góðar 5 og 6 herb. sérhæðir með innb. bílskúrum við
Holtsgötu og Sogaveg. Eignaskipti mögul. Vinsamlega leitið nánari uppl.
Lítil sérhæð - tvíbýli - vesturborgin
3ja herb. efri hæð um 60 fm í gamla góða vesturbænum. Allt sér.
Vinsæll staður. Laus strax. Tilboð óskast.
Þurfum að útvega m.a.:
3ja-4ra herb. íbúð helst við Álfheima eða nágr. Skipti mögul. á 5 herb.
sérneðri hæð í hvefinu. Nánari uppl. aðeins á skrifst.
I vesturborginni nágr. 2ja-5 herb. íbúðir, sérhæðir og einbýlishús.
Margir bjóða góðar greiðslur og nokkrir mjög hagstæð skipti.
• • •
Auglýsum nk. fimmtudag.
Opið á fimmtudaginn
og iaugardaginn
kl. 10.00 tilkl. 14.00.
AIMENNA
FASIEIGHASALAN
lÁÚgÁvÉgM8S(MAR2ÍÍ57^Í37Ö
Könnun meðal þeirra sem þegar búa í íbúðum aldraðra
67% myndu ráðleggj a
öðrum að flytj a í sérstakt
húsnæði fyrir aldraða
SÉRSTÖK könnun var gerð á
meðal íbúa sem búa í sérstökum
íbúðum fyrir aldraða á höfuð-
borgarsvæðinu og var henni
ætlað að veita viðbótarupplýs-
ingar við könnun sem Samtök
sveitarfélaga á höfuðborgar-
svæðinu létu framkvæma um
hugmyndir, skoðanir og óskir
íbúa höfuðborgarsvæðisins á
aldrinum 55-74 ára á húsnæðis-
málum aldraðra. Markmið
könnunarinnar var að afla upp-
lýsinga um aðstæður, skoðanir
og óskir fólks sem er flutt inn
í sérstakar íbúðir fyrir aldraða.
Algengustu ástæður sem fólk
tilgreindi fyrir flutningi í sér-
stakt húsnæði fyrir aldraða
voru í mikilvægisröð: undirbún-
ingur undir efri ár, húsnæði
orðið of stórt, viðhald orðið of
erfitt, húsnæði óhentugt og hús-
næði of dýrt í rekstri.
40% vildu frekar leigja
Alls segjast 85% hópsins
myndu flytja aftur í sérstaka
íbúð fyrir aldraða stæðu þau í
þeim sporum í dag að taka
ákvörðun um það en 67% segj-
ast myndu ráðleggja öðrum að
gera það og margir bentu á
mikilvægi þess að vera ekki
orðihn of gamall þegar flutt er
í sérstakar íbúðir fyrir aldraða
til þess að geta notið þess sem
er í boði.
Af svarendum sem búa í
sjálfseignaríbúðum myndu rúm
40% frekar vilja leigja en kaupa
slíka íbúð. Langflestir vilja
flylja í samskonar húsagerð og
þeir búa í nú, þ.e. í fjölbýlishús.
Stærsti hópurinn sem tekur
afstöðu er fylgjandi því að sveit-
arfélagið eigi að bera ábyrgð á
að byggja upp sérstakar íbúðir
fyrir aldraða.
Upplýsingamiðstöð
Nokkuð margar ábendingar
komu fram um mikilvægi þess
að sett væri á laggirnar upplýs-
ingamiðstöð um húsnæðismál
aldraðra.
Könnunin náði til 42 ibúa í 6
sveitarfélögum sem búa í sér-
stökum íbúðum fyrir aldraða.
Við val þátttakenda var þess
gætt að þeir byggju í öllum
gerðum íbúða og við mismun-
andi þjónustustig. Svarendur
voru heimsóttir og fyrir þá
lagður ítarlegur spurningalisti.