Morgunblaðið - 13.04.1995, Síða 2

2 B FIMMTUDAGUR 13. APRÍL 1995
MORGUNBLAÐIÐ
Kaupfélag
Suðurnesja
Söluaukning
og 10 millj.
hagnaður
HAGNAÐUR varð af rekstri Kaup-
félags Suðurnesja í fyrra sem nam
10,3 milljónum króna, en árið 1993
nam hagnaðurinn 14,9 milljónum.
Tekjur af sölu námu fyrir virðis-
aukaskatt 2.054 milljónum í fyrra,
sem er um 12% aukning frá árinu
áður, þegar salan nam 1.838 millj-
ónum. Að teknu tilliti til lækkunar
virðisaukaskatts var raunaukning í
sölu ívið meiri, eða 17%.
Sjóðir og eigið fé Kaupfélagsins
nam í árslok 1994 um 159 milljón-
um króna og hafði aukist um 14
milljónir á árinu. Skuldir jukust
samtals úr 530 milljónum í 560
milljónir í fyrra. Afskriftir námu
rúmum 23 milljónum og einnig voru
afskrifaðir eignarhlutar í öðrum
félögum samtals að upphæð rúmar
5 milljónir króna.
Helstu fjárfestingar Kaupfélags-
ins á árinu 1994 voru kaup á inn-
réttingum og búnaði verslunarinnar
Staðarkjörs í Grindavík og kaup á
innréttingum og búnaði fyrir nýja
verslun að Iðavöllum 14 í Keflavík.
Á þessu ári er fyrirhugað að lag-
færa og endumýja búnað og að-
stöðu verslunarinnar Samkaup, en
að öðru leyti eru ekki fyrirhugaðar
meiri háttar breytingar á rekstri
félagsins á þessu ári, að því að seg-
ir í ársskýrslu félagsins.
Félagssvæði Kaupfélags Suður-
nesja, sem er 50 ára á þessu ári,
er Suðurnes, Hafnarfjörður, Garða-
bær og Bessastaðarhreppur og fé-
lagsmenn í árslok voru 3.518 í 8
deildum. Starfsmenn voru 176 í
árslok í 149 stöðugildum.
VIÐSKIPn ÆVINNULÍF
Ef þú smellir á
VlDSKIPn/AIVlNNULtF
færðu allt sem
skxifað er um
viðskipti í
Morgunblaðinu
í dag.
Prófaðu!
http://www.strengur.is
Sjábu
hlutina
í víbara
samhengi!
- kjarni málsins!
VIÐSKIPTI
Seðlabankinn spáði verðhækkunum í stað hjöðnunar
Einsdæmi að verðlag
lækki eftir kauphækkun
SEÐLABANKI íslands hafði spáð 0,5% hækkun vísitölu neyslu-
verðs milli mars og apríl, en í raun varð 0,1% lækkun. Umreikn-
að á ársgrundvelli þýddi spáin um 6% verðbólguhraða, en raun-
breytingin um 1,4% verðhjöðnun.
LÆKKUN neysluvísitölu milli mars
og apríl kemur á óvart vegna þess
að sögulega hefur reynslan verið sú
að kauphækkanir í kjarasamningum
byiji að skila sér fljótt út í verðlag-
ið. Már Guðmundsson, aðalhagfræð-
ingur Seðlabankans, segir að þessi
þróun veki upp spumingar um hvort
grundvaliarbreyting sé að eiga sér
stað á verðlagssviðinu og að menn
ættu ef til vill að lækka sínar verð-
bólguvæntingar í kjölfarið.
Seðlabankinn hafði spáð 0,5%
hækkun vísitölu neysluverðs á milli
mánaða, en í raun varð 0,1% lækk-
un. Umreiknað á ársgrundvelli
þýddi spáin um 6% verðbólguhraða,
en raunbreytingin um 1,4% verð-
hjöðnun.
Már sagði að auðvitað væri alltaf
mikil óvissa í spám, sérstaklega frá
mánuði til mánaðar. Seðlabankinn
hefði reyndar spáð mun lægri verð-
bólgu í framhaldi af kjarasamning-
um en aðrir aðilar sem birt hefðu
spár sínar opinberlega.
„Það sem er hins vegar athyglis-
vert í þessu er að það voru undirrit-
aðir kjarasamningar í lok febrúar,
með nær 4% hækkun launakostnað-
ar í upphafi samningstímabilsins
og í framhaldi af því lækkar vísi-
tala neysluverðs í tvo mánuði,"
sagði Már. „Þetta hefur aldrei gerst
svo lengi sem elstu menn muna.
Stóra spurningin er hvort kjara-
samningamir munu skila sér í mun
minna mæli inn í verðlag heldur en
söguleg fordæmi em fyrir eða hvort
það kemur bara seinna fram.“
Verðbólga undir 2%?
Már sagði að hugsanlega hafi
fyrirtækin tekið á sig launahækk-
anir í mun meira mæli en áður
vegna þess að þau hafi talið sig
eiga innistæðu fyrir því, en einnig
bæri að líta á atriði eins og að nú
ríkir meiri samkeppni á milli fyrir-
tækja en áður.
Spá Seðlabankans byggði á
grundvelli sögulegra gagna, en það
væri spennandi að sjá hvort kerfið
væri hreinlega að breytast. „Ég
held að það sé alveg ljóst að það
ættu allir aðilar að lækka sínar
verðbólguvæntingar,“ sagði Már.
„Það er að minnsta kosti ekki
hægt að miða við þessar spár sem
eru hærri en spá Seðlabankans.
Við erum ekki búnir að gera nýja
spá, en okkur sýnist svona gróft
að verðbólguhraðinn mældur með
þriggja mánaða hækkunum muni
þegar hann verður mestur ekki
fara yfir 3% á þessu ári og að verð-
bólga á árinu verði 1,5-2%.“
Hagnaður Islenskrar end-
urtryggingar 78 milljónir
HAGNAÐUR íslenskrar endur-
tryggingar hf. var 78,3 milljónir
króna eftir skatta á síðasta ári. Það
er sambærileg niðurstaða og árið
1993.
Iðgjöld ársins hjá íslenskri end-
urtryggingu voru 1.138 milljónir
samanborið við 1.088 milljónir árið
1993. Tjón félagsins í fyrra námu
742 milljónum, en voru 782 milljóh-
ir í árslok 1993.
Eigin iðgjöld, þ.e. iðgjöld að frá-
dregnum iðgjöldum til endurtryggj-
enda félagsins, voru 334 milljónir
sem er sama upphæð og árið áður.
Eigin tjón voru 277 milljónir, sam-
anborið við 290 milljónir 1993.
Tryggingasjóðir 1.759
milljónir
Hagnaður ársins hjá íslenskri
endurtryggingu var 108 milljónir,
en reiknaðir tekju- og eignarskatt-
ar voru 30 milljónir. Hagnaður eft-
ir skatta var því 78 milljónir. Árið
1993 var hagnaður ársins 100
milljónir, en að frádregnum reikn-
uðum tekju- og eignarskatti upp á
um 22 milljónir var hagnaðurinn
um 78 milljónir.
Tryggingasjóðir íslenskrar end-
urtryggingar námu í árslok 1.759
milljónum og eigið fé 613 milljónum
þegar greiddur hefur verið 10% arð-
ur eins og ákveðið var á aðalfundi
félagsins 6. apríl sl. Hlutafé í árslok
1994 var 336 millj. og samþykkti
aðalfundurinn að auka það um 20%
með útgáfu jöfnunarhlutabréfa.
í stjórn voru kosnir Axel Gísla-
son, formaður, Gunnar Felixson,
varaformaður, Ágúst Karlsson,
Einar Sveinsson, og Gunnar Haf-
steinsson. Framkvæmdastjóri er
Bjarni Þórðarson.
Fiskeldi
Eyjafjarðar
stórhuga
Hraðfrystihús Eskifjarðar
Hagnaður nam
148 milljónum
ÁÆTLAÐ er að framleiðsla á lúðu
hjá Fiskeldi Eyjaíjarðar í eldisstöð
fyrirtækisins í grennd við Þorláks-
höfn geti orðið um 180 tonn árið
1998. Hægt er að auka framleiðslu-
getu stöðvarinnar í 500 tonn með
frekari framkvæmdum, segir í árs-
skýrslu Byggðastofnunar.
Stjórn Fiskeldis Eyjafjarðar hf.
hefur heimild til að auka hlutafé
um 130 milljónir króna í 235 millj-
ónir. Þessu hlutafé á að veija í
kaup á fiskeldisstöðinni ísþóri í
Þorlákshöfn.
Fram kemur í skýrslunni um 200
milljónum króna hefur verið varið
til tilraunaeldis á lúðu. Heildar-
kostnaður við fimm ára tilrauna-
rekstur eldisstöðvarinnar í Þorláks-
höfn sé áætlaður yfir 300 milljónir.
Eskiflrði - Hagnaður varð á síð-
asta ári af starfsemi Hraðfrystihúss
Eskffjarðar hf. sem nam 148 millj-
ónum króna. í fyrra var hagnaður-
inn 54 milljónir, þannig að afkomu-
bati fyrirtækisins á milli ára er 94
milljónir.
Mestu munar um góða afkomu
í frystingu loðnu og loðnuhrogna á
veiiíðinni 1994, ásamt hækkandi
verði á rækjuafurðum seinni hluta
ársins, en veruleg aukning varð á
vinnslu á rækju hjá félaginu. Þá
lækkaði fjármagnskostnaður um 46
milljónir á milli ára.
Heildarvelta Hraðfrystihússins
var 2.415 milljónir og jókst um 5%
á milli ára. Launagreiðslur í fyrra
námu 460 milljónum og meðal
starfsmannafjöldi var 260.
Fjárfestingar námu 281 milljón.
Langstærsti hluti þeirra var vegna
fiskimjölsverksmiðju félagsins, en
keyptir voru og settir upp nýir heit-
loftsþurrkarar frá Noregi og ýmsar
fleiri endurbætur unnar í verksmiðj-
unni þannig að hún getur nú fram-
leitt hágæðamjöl. Einnig var aukið
við frystigetu í frystihúsinu.
Aðalfundur Hraðfrystihúss Eski-
fjarðar verður haldinn 26. maí
næstkomandi.
Tracinda
vill kaupa
Chrysler
Las Vegas. Reuter.
TRACINDA-fyrirtæki Kirks
Kerkorians, hins kunna fjár-
festis, vill kaupa Chrysler-bíla-
fyrirtækið eins og það leggur
sig. Tracinda á fyrir 10% hlut
í Chrysler og fréttin hefur
valdið fjaðrafoki í Detroit og
Wall Street.
Að sögn Tracinda mun Lee
Iacocca, hinn kunni fyrrver-
andi stjórnarformaður Chrysl-
ers, koma til liðs við fyrirtæk-
ið og leggja í það talsvert fé,
en ekki gegna stjórnunarstörf-
um.
Tracinda er reiðubúið að
kaupa þau hlutabréf í Chrysl-
er, sem það á ekki, á 55 doll-
ara hvert, sem er 40% hærra
verð en fékkst fyrir þau við
lokun á þriðjudag. Þá var verð-
ið 39,25 dollarar í kauphöllinni
í New York, en í gærmorgun
hækkaði það í 49,50 dollara.
Tilboðið jafngildir því að
Chrysler-fyrirtækið sé talið
22,8 milljarða dollara virði.
ESB rann-
sakar Crédit
Lyonnais
Brussel. Reuter.
FRAMKVÆMDASTJÓRN
Evrópusambandsins hefur haf-
ið rannsókn á umdeildri áætlun
frönsku stjórnarinnar um að
bjarga Crédit Lyonnais, einum
helzta banka Evrópu.
Könnunin beinist að 4,9
milljarða franka viðbótarfjár-
magni ríkisstjórnarinnar til
bankans 1994 og nýlegri til-
kynningu hennar þess efnis að
hún muni ábyrgjast hugsanlegt
tap upp á 50 milljarða franka
samkvæmt 20 ára áætlun um
endurskipulagningu.
Franska stjórnin hefur mán-
aðarfrest til að svara beiðni
framkvæmdastjórnarinnar um
upplýsingar.
Verð á olíu
hækkar enn
London. Reutcr.
HEIMSMARKAÐSVERÐ á
olíu hækkaði enn í gær vegna
frétta um að birgðir af hráolíu
úr Norðursjó verði minni en
búizt hefur verið við í maí.
Framreiknað verð í New
York fór yfir 20 dollara tunnan
í fyrsta sinn síðan í ágúst.
Viðmiðunarverð á Norður-
sjávarolíu til afhendingar í maí
hækkaði um 32 sent í 18,95
dollara í London.
Pylsustríð til
kasta WTO
Washington. Reuter.
EITT fyrsta viðfangsefni Al-
þjóðaviðskiptastofnunarinnar
(WTO) verður ef til vill gömul
deila Bandaríkjanna og Suður-
Kóreu, sem hófst út af pylsum
upp á nokkur hundruð milljóna
dollara.
Ef Suður-Kórea tilkynnir
ekki fyrir 30. apríl að reglum
verði breytt þannig að hægt
verði að senda þangað fleiri
bandarískar pylsur og kjötvör-
ur munu bandarísk stjórnvöld
bera málið upp á vettvangi
WTO 3. maí.
„Þetta mál snýst ekki aðeins
um pylsur upp á sex milljónir
dollara," sagði fulltrúi kjötiðn-
aðarins. „Þetta er mikilvægur
markaður, sem reynt er að loka
með viðskiptahindrunum."