Morgunblaðið - 19.04.1995, Blaðsíða 3
MORGUNBLAÐIÐ
MIÐVIKUDAGUR19. APRÍL1995 C 3
FRÉTTIR
STYÐJA KANADA í GRÁLÚÐUSTRÍÐINU
BREZKIR sjómenn hafa verið einhuga
í stuðningi sínum við Kanada í grá-
lúðudeilunni við Evrópusambandið,
einkum Spánvetja. Spánveijar njóta
afar takmarkaðra vinsælda á Bret-
landseyjum og írlandi. I»ar eru þeir
þekktir fyrir tíð brot á fiskveiðilög-
gjöfinni, en auk þess gremst Bretum
það mikið, að þeir hafa stofnað eða
keypt upp útgerðir í Bretlandi og
gera þaðan út undir brezku fiaggi,
veiða úr brezkum kvóta en landa öll-
um aflanum á Spáni. Eitt slíkra skipa,
Blenheim, var tekið fyrir nokkru fyr-
ir margendurtekin brot á fiskveiði-
löggjðfinni og hlaut mestu sekt sem
dæmd hefur verið I slíkum málum á
Bretlandi, 33 milljónir króna. Sjómenn
notuðu skipið síðan til að koma sjón-
armiðum sinum á framfæri eins og
sjá má.
Kynna troll
úr ofurtógi
ÍRSKA netagerðin Swan Net kynnti
þróun nýrra botntrolla gerðra úr
ofurtógi á nýafstaðinni sjávarút-
vegssýningu í Aberdeen í Skot-
landi. Ofurtógið, Dyneema, er afar
sterkt og þolir mikið átak. Það hef-
ur hins vegar verið vandamál að
hnútar vilja renna til við átak og
möskvar því riðlast. Það dregur
töluvert úr fiskni trollsins og veldur
ýmsum öðrum erfiðleikum, svo sem
við möskvamælingar.
Hnútarnlr haldast betur
Swan Net hefur þróað upp að-
ferð, sem leysir þennan vanda og
gerir það að verkum að hnútamir
haldast allt að því að slitþoli tógs-
ins. „Ofurtógið er dýrt, segir Sea-
mus Hayden, framkvæmdastjóri
Swan Net i samtali við brezka blað-
ið Fishing News, en við höfum náð
þeim árangri að hægt er að nýta
sér kosti þess til fullnustu. Vegna
þess hve miklu sterkara það er en
polyethylene-tóg, getum við notað
grennra tóg en ella og því verður
trollið léttara í drætti."
Léttara troll
Léttara troll degur úr olíueyðslu,
en auk þess sýna tilraunir með troll-
ið, sem verður komið á markað inn-
an tveggja mánaða, að meiri opnun
næst með ofurtóginu og einnig er
hægt að nota þyngri steinastiklur,
“rockhoppera" með því. Trollið hef-
ur verið notað til reynslu af írskum
bátum að undanfömu, en gerð þess
og notkun verður kynnt opinberlega
síðar.
Rækjuverð
í Noregi
hækkandi
VERÐ á rækju upp úr sjó hækkaði
um 15 krónur á kíló í Noregi í byrj-
un apríl. Lágmarksverð fyrir hráa
rækju til pillunar, 231 til 250 stykki
í kílói er nú um 130 krónur. Fyrir
minnstu rækjuna til pillunar fást
nú tæpar 100 krónur á kílóið en
154 fyrir þá stærstu. Fyrir allra
stærstu rækjuna, sem soðin er um
borð fást 350 krónur, en aðeins um
82 fyrir þá smæstu.
Verð á rœkju tll
neytenda hefur hækkað
Verð á rækju til neytenda hefur
hækkað mikið síðan á síðasta ári
og er að nálgast topinn sem náðist
fyrir nokkmm árum, en þá fór verð
á kaldsjávarrækju svo hátt, eð illa
gekk að selja hana og kaupendur
tóku hlýsjávarrækjuna fram yfir.
Verð lækkað þá mikið og þá tókst
að örva söluna á ný og verðið fylgdi
á eftir. Ekker lágmarksverð er á
rækju til pillunar hér á landi, hvorki
ferska né frysta en fyrir rækju sem
unnin er um borð í fiskiskipum til
útflutnings, er greitt í samræmi við
markaðsverð.
*
_l
O
Fullkomin löndunaraðstaða
við hliðina á
flutningaskipum Samskipa
Samskip og Löndun hf. bjóða heildarlausn í löndun
og annarri þjónustu við frystiskip. Þessi heildarlausn
eykur hagkvæmni og einfaldar alla meðhöndlun
vöru. Samherji, Royal Greenland og Polar Seafood
eru meðal fyrirtækja sem hafa notfært sér þessa
þjónustu undanfarin ár með því að landa fiski á Vogabakka. Þaðan
er leiðin stutt yfír í millilanda- og innanlandsskip Samskipa, því þau
liggja við Holtabakka sem er í aðeins nokkurra metra ijarlægð.
Samskip bjóða auk þess upp á frystigeymslur innanlands og erlendis.
Hafðu samband við Samskip næst
þegar þú þarft á löndunarþjónustu
að halda, það skilar sér fljótt.
SAMSKIP
Holtabakka við Holtaveg, 104 Reykjavík
Sími 569 8300 - Fax 569 8327